Yang Huiyan ແມ່ຍິງລວຍທີ່ສຸດໃນອາຊີ

yang huiyan ແມ່ຍິງລວຍທີ່ສຸດໃນອາຊີ - Yang Huiyan                                                                 - Yang Huiyan ແມ່ຍິງລວຍທີ່ສຸດໃນອາຊີ
yang huiyan ແມ່ຍິງລວຍທີ່ສຸດໃນອາຊີ - 174233 - Yang Huiyan ແມ່ຍິງລວຍທີ່ສຸດໃນອາຊີ

Yang Huiyan ​ເປັນ​​ແມ່ຍິງລວຍ​ທີ່​ສຸດ​ຢູ່​ຈີນ ນັບ​ແຕ່​ນາງ​ອາຍຸ​ພຽງ 25 ປີ ​ເຖິງ​ວ່າ​ສ່ວນ​ໜຶ່ງ​ຂອງ​ຄວາມ​ໝັ້ນຄົງ​ນີ້​ຈະ​ເປັນ​ມໍລະດົກ​ທີ່​ນາງ​ໄດ້​ຮັບ​ຈາກ​ພໍ່, ​ແຕ່​ຮູ້ຫລື​ບໍ່​ວ່າ ຊັບ​ສິນ​ຂອງ​ນາງ​ເພີ່ມ​ຂຶ້ນ​ເປັນ 2​ ​ເທົ່າ​ໃນ​ໄລຍະ​ປີ 2018 ຈາກ 280.000 ລ້ານກວ່າ​ບາດ (ສະກຸນ​ເງິນ​ໄທ) ​ເປັນ 680.000 ລ້ານ​ກວ່າ​ບາດ ຈຶ່ງອາດ​ຈະ​ເອີ້ນ​ໄດ້​ວ່າ Yang ​ເປັນ​ແມ່ຍິງ​ທີ່​ມີ​ຄວາມ​ສາມາດ​ຄົນ​ໜຶ່ງ.

​ເລື່ອງ​ລາວ​ຂອງ Yang Huiyan ໜ້າ​ສົນ​ໃຈ​ແນວ​ໃດ ? ລາວ​ພັດທະນາ ຈະ​​ເລົ່າ​ໃຫ້​ຟັງ.

ນາງ Yang ​ເກີດ​ຢູ່​ມົນທົນ​ຫວາງ​ຕຸ້ງ ສປ ຈີນ, ຕອນ​ນາງ​ອາຍຸ 5 ປີ Yang Guoqiang ພໍ່​ຂອງ​ນາງ​ ​ເຮັດ​ວຽກ​ເປັນ​ຜູ້​ຈັດການ​ທົ່ວ​ໄປ​ໃນ​ບໍລິສັດ​ຮັບ​ເໝົາ​ກໍ່ສ້າງ​ທ້ອງ​ຖິ່ນ ​ເຊິ່ງຄວາມ​ຈິງ​ແລ້ວ ພໍ່​ຂອງ Yang ຖື​ວ່າ​ເປັນ​ເສດຖີ​ທີ່​ລວຍ​ດ້ວຍ​ຕົນ​ເອງ, ລາວ​ເຄີຍ​ບໍ່​ມີ​ເງິນ​ຈ່າຍ​ຄ່າ​ຮຽນ ​ແລະ ຖືກ​ບັງຄັບ​ໃຫ້​ກັບ​ໄປ​ເຮັດ​ໄຮ່​ເຮັດ​ນາ. ​ເຖິງ​ຢ່າງ​ໃດ​ກໍ​ຕາມ, ລາວ​ໄດ້​ພະຍາຍາມ ​ແລະ ສາມາດ​ຫາ​ທຶນ​ການ​ສຶກສາ​ໄດ້​ໃນ​ທີ່​ສຸດ.

​ໂດຍ​ຫລັງ​ຈາກ​ເຮັດ​ວຽກ​ໃນ​ວົງ​ການ​ທຸລະ​ກິດ​ການ​ກໍ່ສ້າງ, ພໍ່​ຂອງ Yang ຈຶ່ງ​ເຫັນ​ໂອກາດ ​ແລະ ສ້າງຕັ້ງບໍລິສັດ Country Garden ຂຶ້ນມາ​ໃນ​ປີ 1992 ​ເຮັດ​ທຸລະ​ກິດ​ກ່ຽວ​ກັບ​ພັດທະນາ ​ແລະ ບໍລິຫານ​ອະສັງຫາລິມະ​ຊັບ​ໃນ​ປະ​ເທດ​ຈີນ.

​ໂດຍ Yang ​ເອີ້ນ​ໄດ້​ວ່າ​ເຕີບ​ໃຫຍ່​ໄປ​ພ້ອມໆ​ກັບ​ບໍລິສັດ, ນາງ​ເລີ່​ມ​ເຂົ້າຮ່ວມ​ກອງ​ປະຊຸມ​ຄະນະ​ກຳມະການ​ບໍລິສັດ​ນັບ​ແຕ່ຕອນ​ເປັນ​ໄວ​ໜຸ່ມ.

ສ່ວນ​ດ້ານ​ການ​ສຶກສາ, ນາງ Yang ​ຈົບ​ການ​ສຶກສາ​ຈາກ​ມະຫາວິທະຍາ​ໄລ​ໂອ​ໄຮ​ໂອສ​ເຕດ ສະຫະລັດ​ອາ​ເມ​ລິ​ກາ ​ໃນ​ວິຊາ​ເອກ​ການ​ຕະຫລາດ ​ແລະ ​ໂລ​ຈິ​ສຕິກ. ຫລັງ​ຈາກ​ນັ້ນ ​ເມື່ອອາຍຸ​ພຽງ 23 ປີ ນາງ Yang ​ເລີ່​ມ​ເຮັດ​ວຽກ​ໃນ​ບໍລິສັດ Country Garden ຢ່າງ​ເຕັມຕົວ ​ໂດຍ​ຕຳ​ແໜ່​ງທຳ​ອິດ​ຂອງ​ນາງ ຄື​ຜູ້​ຈັດການ​ຝ່າຍ​ຈັດ​ຫາ​ສິນຄ້າ ​ແລະ ບໍລິການ​ ​ແລະ ຂຶ້ນ​ເປັນ​ກຳມະການ​ບໍລິຫານ ​ໃນ​ປີ​ຕໍ່​ມາ ​ເຮັດ​ໜ້າ​ທີ່​ກ່ຽວ​ກັບການວາງ​ແຜນ​ກົນລະຍຸດ ​ແລະ ​ແຜນການ​ລົງທຶນ.

ນາງ Yang ຖືກ​ລ້ຽງ​ດູ​ເພື່ອ​ຈະ​ເປັນ​ຜູ້​ສືບ​ທອດ​ບໍລິສັດ ​ແລະ ​ໃນ​ປີ 2015 ນາງ​ໄດ້​ຮັບ​ໂອນ​ຫຸ້ນ​ຈາກ​ພໍ່ ​ເຮັດ​ໃຫ້​ໃນ​ປີ 2007 ທີ່ Country Garden ​ເຂົ້າຈົດ​ທະບຽນ​ໃນ​ຕະຫລາດ​ຫລັກ​ຊັບ​ຮົງ​ກົງ ​ແລະ ສາມາດ​ລະດົມ​ເງິນ​ທຶນ​ໄດ້​ຫລາຍ​ກວ່າ 50.000 ລ້ານ​ບາດ. ນາງ Yang ຕອນ​ອາຍຸ 25 ປີ ຈຶ່ງ​ກາຍ​ເປັນ​ແມ່ຍິງ​ທີ່​ລວຍ​ສຸດ​ໃນ​ປະ​ເທດ​ຈີນ.

yang huiyan ແມ່ຍິງລວຍທີ່ສຸດໃນອາຊີ - Wave100S AD to Website 2020 0 - Yang Huiyan ແມ່ຍິງລວຍທີ່ສຸດໃນອາຊີ

ນາງ​ໄດ້​ຮັບ​ອຳນາດ ​ແລະ ຄວາມ​ຮັບຜິດຊອບ​ໃນ​ບໍລິສັດ​ເພີ່ມ​ຂຶ້ນ​ເລື້ອຍໆ ​ໂດຍ​ໃນ​ປີ 2012 ນາງ​ໄດ້ຂຶ້ນ​ເປັນ​ຮອງ​ປະທານ​ບໍລິສັດ ​ແລະ ​ໃນ​ປີ 2018 ນາງ​ໄດ້​ຂຶ້ນ​ເປັນ​ປະທານ​ບໍລິສັດ ຮ່ວມ​ກັບ​ພໍ່​ຂອງ​ນາງ.

Country Garden ​ໃນ​ຄວາມ​ຮັບຜິດຊອບ​ຂອງ​ນາງ Yang ​ແລະ ພໍ່ ກາຍ​ເປັນ​ບໍລິສັດອະສັງຫາລິມະ​ຊັບ​ໃຫຍ່​ອັນ​ດັບ​ຕົ້ນໆ​ໃນ​ປະ​ເທດ​ຈີນ ​ໂດຍ​ສະ​ເພາະ​ໃນ​ແງ່​ຂອງ​ລາຍ​ໄດ້ ​ເຊິ່ງ Country Garden ຖື​ເປັນ​ບໍລິສັດ​ອະສັງຫາລິມະ​ຊັບ​ທີ່​ມີ​ຍອດ​ຂາຍ​ສູງ​ສຸດ​ຢູ່​ຈີນ ​ໃນ​ປີ 2018 ສາມາດ​ຂະຫຍາຍ​ຂອບ​ເຂດ​ອະສັງຫາລິມະ​ຊັບ​ທີ່​ບໍລິຫານ​ໄປ​ໄກ​ເຖິງ​ມາ​ເລ​ເຊຍ ​ແລະ ອົດ​ສະຕຣາລີ.

ນອກຈາກ​ນັ້ນ, ນາງ Yang ຍັງ​ເປັນ​ປະທານ​ບໍລິສັດ Bright Scholar Education Holdings ​ເຊິ່ງ​ເປັນ​ຜູ້​ບໍລິ​ຫານ​ໂຮງຮຽນ​ນາໆ​ຊາດ ​ແລະ ​ໂຮງຮຽນ​ສອງ​ພາສາ​ຢູ່​ຈີນ ລາຍ​ໃຫຍ່​ຂອງ​ປະ​ເທດ. ຈົດ​ທະບຽນ​ຢູ່​ໃນ​ຕະຫລາດ​ຫລັກ​ຊັບ​ນິວຢ໋ອກ.

ທັງ​ໝົດ​ນີ້​ເຮັດ​ໃຫ້​ປັດຈຸບັນ ນາງ Yang ອາຍຸ 39 ປີ ມີ​ຊັບ​ສິນ​ມູນ​ຄ່າ​ຫລາຍ​ກວ່າ 866.000 ລ້ານກວ່າ​ບາດ ຖື​ເປັນ​ແມ່ຍິງ​ລວຍ​ທີ່​ສຸດ​ໃນ​ອາຊີ ຈາກ​ການຈັດ​ອັນ​ດັບ​ຂອງ Forbes.

​ເລື່ອງ​ຂອງ​ນາງ Yang ສ່ວນ​ໜຶ່ງ​ອາດ​ຈະ​ຕ້ອງ​ຂອບ​ໃຈ​ໂຊກ​ຊະ​ຕາ​ທີ່​ເຮັດ​ໃຫ້​ນາງ​ເກີດ​ມາ​ໃນ​ຄອບຄົວ​ທີ່​ມີ​ຖານະ, ​ແຕ່​ອີກ​ສ່ວນ​ໜຶ່ງ ຕ້ອງ​ຍອມຮັບ​ວ່າ​ນາງ​ເປັນ​ຄົນ​ທີ່​ມີ​ຄວາມ​ສາມາດ ​ເພາະ​ນາງ Yang ​ເອງ ບໍ່​ໄດ້​ພຽງ​ແຕ່​ມີ​ຄວາມສຸກ​ກັບ​ຄວາມ​ຮັ່ງມີ ​ແຕ່​ນາງ​ຍັງ​ມີ​ສ່ວນ​ໃນ​ການ​ເຮັດ​ໃຫ້​ບໍລິສັດ​ເຕີບ​ໃຫຍ່ ຈົນ​ກາຍ​ເປັນ​ທີ່​ມາ​ຂອງ​ຊັບ​ສິນ​ທີ່​ເພີ່ມ​ຂຶ້ນຫລາຍ​ກວ່າ​ 2 ​ເທົ່າ.

yang huiyan ແມ່ຍິງລວຍທີ່ສຸດໃນອາຊີ - WhatsApp Image 2020 05 27 at 5 - Yang Huiyan ແມ່ຍິງລວຍທີ່ສຸດໃນອາຊີ
error: Alert: Content is protected !!