ອາເມລິກາ ມອບປຶ້ມນິທານໃຫ້ໂຮງຮຽນ 850 ແຫ່ງໃນລາວເພື່ອສົ່ງເສີມການອ່ານ

ອົງການພັດທະນາສາກົນ ສະຫະລັດອາເມລິກາ ​ໄດ້​ມອບ​ປຶ້ມ​ນິທານ 80.000 ກວ່າຫົວ ໃຫ້ໂຮງຮຽນປະຖົມສົມບູນ 850 ແຫ່ງ ຢູ່ແຂວງວຽງຈັນ, ອັດຕະປື, ຈຳປາສັກ ແລະ ​ແຂວງຊຽງຂວາງ ເພື່ອສົ່ງ​ເສີມ​ການ​ອ່ານ​ຂອງ​ນັກຮຽນ. ພິທີມອບ​-ຮັບປຶ້ມດັ່ງກ່າວໄດ້ຈັດຂຶ້ນໃນວັນທີ 15 ກັນຍາ 2020 ຢູ່ໂຮງຮຽນປະຖົມສົມບູນສະກ້າ ເມືອງໂພນໂຮງ ແຂວງວຽງຈັນ ​ເນື່ອງ​ໃນ​ໂອກ​າດສະຫລອງ​ວັນ​ສາກົນ​ແຫ່ງ​ການ​ລຶບລ້າງ​ຄວາມ​ບໍ່​ຮູ້​ໜັງສື ຄົບຮອບ 55 ປີ.

ທ່ານ ປີເຕີ ເຮມ໋ອນ ເອກອັກຄະລັດຖະທູດ ສະຫະລັດອາເມລິກາ ປະຈຳລາວ ກ່າວວ່າ: ການຊ່ວຍ​ເຫລືອ​ດັ່ງກ່າວເປັນຈຸດມຸ່ງໝັ້ນ ແລະ ເປົ້າໝາຍຮ່ວມກັນ​ໃນ​ການພົວພັນຮ່ວມມື ລະຫວ່າງສະຫະລັດອາເມລິກາ ແລະ ສປປ ລາວ ແນໃສ່ຊຸກຍູ້ການອ່ານ ແລະ ການສຶກສາຂັ້ນພື້ນຖານສຳລັບເດັກນ້ອຍທຸກຄົນໃນ ສປປ ລາວ. ປັດຈຸບັນ ສະຫະລັດອາເມລິກາ ໄດ້ລົງທຶນຫລາຍກວ່າ 120 ລ້ານໂດລາ ໃນການປັບປຸງການສຶກສາຂັ້ນພື້ນຖານໃນລາວ ໂດຍຜ່ານການຈັດຕັ້ງປະຕິບັດໃນດ້ານຕ່າງໆຢ່າງກວ້າງຂວາງ ​ເປັນຕົ້ນໂຄງການຮຽນ-ອ່ານ ເປັນໂຄງການທີ່ເນັ້ນໃສ່ການປັບປຸງທັກສະການອ່ານຂອງເດັກນ້ອຍໃນຊັ້ນປະຖົມ ປ.1 ແລະ ປ.2 ໃນລາວ ໂດຍສະເພາະເດັກນ້ອຍທີ່ບໍ່ສາມາດເວົ້າພາສາຕັ້ງແຕ່ກຳເນີດ ແລະ ເດັກພິການ ​ແລະ ອື່ນໆ.

No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!