ນະຄອນຫລວງວຽງຈັນ ປັບລາຄາຊີ້ນໝູຂຶ້ນ ຈາກລາຄາກຳນົດເດີມ 3-4 ພັນກີບ ຕໍ່ກິໂລ

ນະຄອນຫລວງວຽງຈັນ ປັບລາຄາຊີ້ນໝູຂຶ້ນ ຈາກລາຄາກຳນົດເດີມ 3-4 ພັນກີບ ຕໍ່ກິໂລ -                                                                                                  - ນະຄອນຫລວງວຽງຈັນ ປັບລາຄາຊີ້ນໝູຂຶ້ນ ຈາກລາຄາກຳນົດເດີມ 3-4 ພັນກີບ ຕໍ່ກິໂລ
ນະຄອນຫລວງວຽງຈັນ ປັບລາຄາຊີ້ນໝູຂຶ້ນ ຈາກລາຄາກຳນົດເດີມ 3-4 ພັນກີບ ຕໍ່ກິໂລ - 174233 - ນະຄອນຫລວງວຽງຈັນ ປັບລາຄາຊີ້ນໝູຂຶ້ນ ຈາກລາຄາກຳນົດເດີມ 3-4 ພັນກີບ ຕໍ່ກິໂລ

ພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ (ອຄ.ນວ) ໄດ້ອອກແຈ້ງການ ເລກທີ 1482/ອຄ.ນວ.ຄພນ, ລົງວັນທີ 14 ກັນຍາ 2020 ເຖິງຫົວໜ້າຫ້ອງການອຸດສາຫະກຳ ແລະ ການຄ້າ 9 ຕົວເມືອງ, ຫົວໜ່ວຍທຸລະກິດຕະຫລາດ, ບັນດາຟາມລ້ຽງໝູ (ຜູ້ຜະລິດໝູ); ຜູ້ປະກອບການທຸລະກິດຊື້ສັດ-ຂາຍຊີ້ນ(ນາຍຮ້ອຍ), ຜູ້ຈຳໜ່າຍຊີ້ນໝູ(ລູກຂຽງ) ຕາມຮ້ານຄ້າແຜງລອຍໃນຕະຫລາດ ແຈ້ງປັບລາຄາຂາຍຍົກ-ຂາຍຍ່ອຍຊີ້ນໝູ ຢູ່ນະຄອນຫລວງວຽງຈັນຄື: ລາຄາຢືນໜ້າຟາມ ຊື້-ຂາຍ ລາຄາສູງສຸດບໍ່ໃຫ້ເກີນ 26.000 ກີບ/ກິໂລ, ລາຄາຂາຍຍົກໝູໝົດໂຕ ທີ່ໄດ້ຂ້າ-ຄົວເປັນຊີ້ນລວມ ນາຍຮ້ອຍສົ່ງເຖິງລູກຂຽງຮອດຕະຫລາດ ລາຄາສູງສູດບໍ່ໃຫ້ເກີນ 31.000 ກີບ/ກິໂລ. ລາຄາຂາຍຍ່ອຍຂອງລູກຂຽງ: ຊີ້ນໝູປະເພດ 1 ລາຄາສູງສູດ ບໍ່ໃຫ້ເກີນ 44.000 ກີບ/ກິໂລ; ຊີ້ນໝູປະເພດ 2 ລາຄາສູງສຸດ ບໍ່ໃຫ້ເກີນ 41.000 ກີບ/ກິໂລ.

ຈາກການແຈ້ງກຳນົດລາຄາໃໝ່ໃນຄັ້ງນີ້ ແມ່ນໄດ້ເຮັດໃຫ້ລາຄາໝູເພີ່ມຂຶ້ນເຊັ່ນ: ລາຄາຂາຍຍ່ອຍຂອງລູກຂຽງ: ຊີ້ນໝູປະເພດ 1 ລາຄາສູງສູດ ບໍ່ໃຫ້ເກີນ 40.000 ກີບ/ກິໂລ ແຈ້ງການ 30 ມັງກອນ 2020 ມາຂຶ້ນເປັນ 44.000 ກີບ; ຊີ້ນໝູປະເພດ 2 ຈາກກຳນົດ ລາຄາສູງສຸດ ບໍ່ໃຫ້ເກີນ 38.000 ກີບ/ກິໂລ ມາຂຶ້ນເປັນ 41.000 ກີບ ເຊິ່ງການປັບໃນຄັ້ງນີ້ ເຮັດໃຫ້ລາຄາຊີ້ນໝູປະເພດ 1 ຂາຍຍ່ອຍ ເພີ່ມຂຶ້ນ 4.000 ກີບ ແລະ ຊີ້ນໝູປະເພດ 2 ເພີ່ມຂຶ້ນ 3.000 ກີບຕໍ່ກິໂລ. ລາຄາກຳນົດໃໝ່ນີ້ ເລີ່ມຈັດຕັ້ງປະຕິບັດແຕ່ວັນທີ 15 ກັນ 2020 ເປັນຕົ້ນໄປ ຈົນກວ່າຈະມີແຈ້ງການໃຫມ່ ແລະ ປ່ຽນແທນແຈ້ງການ ສະບັບເລກທີ 0224/ອຄ.ນວ.ຄພນ, ລົງວັນທີ 30 ມັງກອນ 2020.

ນະຄອນຫລວງວຽງຈັນ ປັບລາຄາຊີ້ນໝູຂຶ້ນ ຈາກລາຄາກຳນົດເດີມ 3-4 ພັນກີບ ຕໍ່ກິໂລ - Wave100S AD to Website 2020 0 - ນະຄອນຫລວງວຽງຈັນ ປັບລາຄາຊີ້ນໝູຂຶ້ນ ຈາກລາຄາກຳນົດເດີມ 3-4 ພັນກີບ ຕໍ່ກິໂລ
ນະຄອນຫລວງວຽງຈັນ ປັບລາຄາຊີ້ນໝູຂຶ້ນ ຈາກລາຄາກຳນົດເດີມ 3-4 ພັນກີບ ຕໍ່ກິໂລ - WhatsApp Image 2020 05 27 at 5 - ນະຄອນຫລວງວຽງຈັນ ປັບລາຄາຊີ້ນໝູຂຶ້ນ ຈາກລາຄາກຳນົດເດີມ 3-4 ພັນກີບ ຕໍ່ກິໂລ
error: Alert: Content is protected !!