ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ

ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ -                                                                         - ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ
ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ - Untitled design - ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ

ໃນວັນທີ 16 ກັນຍານີ້, ທ່ານ ກິແກ້ວ ໄຂຄຳພິທູນ ລັດຖະມົນຕີກະຊວງຖະແຫລງຂ່າວ, ວັດ ທະນະທໍາ ແລະ ທ່ອງທ່ຽວ ແຫ່ງ ສປປ ລາວ ໄດ້ພົບປະກັບທ່ານ ອິດທິພົນ ຄຸນປື້ມລັດຖະມົນຕີກະ ຊວງວັດທະນະທຳ ແຫ່ງ ຣາຊະອານາຈັກໄທ ຜ່ານລະບົບວີດີໂອ ເພື່ອພ້ອມກັນຕີລາຄາຄືນການຮ່ວມມືສອງຝ່າຍໃນໄລຍະຜ່ານມາ ແລະ ປຶກສາຫາລືແຜນການຮ່ວມມືໃນຕໍ່ໜ້າ ເພື່ອປະກອບສ່ວນເຂົ້າໃນການກະກຽມສະເຫລີມສະຫລອງວັນສ້າງຕັ້ງສາຍພົວພັນການທູດ ລາວ-ໄທ ຄົບຮອບ 70 ປີໃນປີ 2020 ນີ້,ໃຫ້ເປັນຂະບວນການຟົດຟື້ນ.

ທ່ານ ກິແກ້ວ ໄຂຄໍາພິທູນ ໄດ້ມີຄໍາເຫັນວ່າ: ສປປ ລາວ ແລະ ຣາຊະອານາຈັກໄທ ເປັນປະເທດບ້ານໄກ້ເຮືອນຄຽງທີ່ມີພູຜາປ່າໄມ້, ແມ່ນ້ຳລຳເຊ ແລະ ຊາຍແດນຕິດຈອດກັນ ມີວັດທະນະທຳ ແລະ ປະເພນີທີ່ຄ້າຍຄືກັນ ຊຶ່ງປະຊາຊົນສອງຊາດເຄີຍມີມູນເຊື້ອແລກປ່ຽນການຢ້ຽມຢາມໄປມາຫາສູ່ຊຶ່ງກັນ ແລະ ກັນຕະຫລອດມາ. ພິເສດໃນປີ 2020 ນີ້ ສອງປະເທດພວກເຮົາມີແຜນຈະຈັດຕັ້ງການສະເຫລີມສະ ຫລອງວັນສ້າງຕັ້ງສາຍພົວພັນການທູດນໍາກັນ ຄົບຮອບ 70 ປີ ຊຶ່ງຈະມີຫລາຍກິດຈະກໍາປິ່ນອ້ອມການສະຫລອງວັນສໍາຄັນດັ່ງກ່າວ, ແຕ່ເນື່ອງຈາກວ່າການລະບາດຂອງພະຍາດໂຄວິດ-19 ຈຶ່ງເຮັດໃຫ້ຫລາຍກິດຈະກໍາບໍ່ສາມາດຈັດຕັ້ງປະຕິບັດໄດ້.

ແຕ່ເຖິງຢ່າງໃດ, ໃນປີຜ່ານມາ ສອງປະເທດໄດ້ປະຕິບັດການຮ່ວມມືໃນຂົງເຂດວັດທະນະທຳດ້ວຍຫລາຍຮູບແບບທັງໃນຂອບສອງຝ່າຍ ແລະ ຫລາຍຝ່າຍ, ທັງໃນພາກພື້ນ ແລະ ສາກົນຢ່າງຟົດຟື້ນ; ໃນນັ້ນ, ລວມມີກິດຈະກໍາສາຍຮູບເງົາແອນິແມຊັນເລື່ອງ “ພະລັກ-ພະລາມ ຫລື ບົດກະວີ ຣາມາຍານະ”, ການແລກປ່ຽນສິລະປະການສະແດງຈັດສຳມະນາດ້ານວິຊາການ,ການວາງສະແດງຮູບພາບ,ການພົບປະແລກປ່ຽນຄຳຄິດຄຳເຫັນ ເພື່ອເຮັດໃຫ້ການຮ່ວມມືທາງດ້ານວັດທະນະທຳຂອງສອງປະເທດໄດ້ມີບາດກ້າວອັນໃໝ່, ເຮັດໃຫ້ປະຊາຊົນສອງຊາດມີຄວາມເຂົ້າອົກເຂົ້າໃຈກັນ ແລະ ຮັບຮູ້ຢ່າງກວ້າງຂວາງ ກ່ຽວກັບໄມຕຣີຈິດມິດຕະພາບ ແລະ ສາຍພົວພັນອັນດີງາມລະຫວ່າງລາວ-ໄທ, ທີ່ມີມາແຕ່ ດົນນານແລ້ວນັ້ນຍິ່ງນັບມື້ໄດ້ເສີມຂະຫຍາຍ; ນອກນີ້ ສອງປະເທດຍັງໄດ້ຮ່ວມມືກັນໃນຂອບຫລາຍຝ່າຍ, ພ້ອມທັງສະໜັບສະໜູນ ຊຶ່ງກັນ ແລະ ກັນ ໃນເວທີສາກົນ ເຊັ່ນ: ໃນຂົງເຂດພາກພື້ນແມ່ນ້ຳຂອງ ອາຊຽນ ແລະ ເວທີສາກົນຕ່າງໆ.

ໃນໂອກາດນີ້, ທ່ານ ກິແກ້ວ ໄຂຄໍາພິທູນ ໄດ້ສະແດງຄວາມເຫັນດີເປັນເອກະພາບແລະ ຂອບອົກຂອບໃຈເປັນຢ່າງຍິ່ງມາຍັງ ທ່ານ ລັດຖະມົນຕີວັດທະນະທໍາແຫ່ງ ຣາຊະອານາຈັກໄທ ທີ່ໄດ້ມີຂໍ້ລິເລີ່ມຈັດຕັ້ງການສະແດງດົນຕີ ແລະ ສິລະປະວັດທະນະທໍາພື້ນບ້ານ ເຊິ່ງຈະຈັດຂຶ້ນໃນວັນທີ 28ກັນຍານີ້ ທີ່ໂຮງລະຄອນແຫ່ງຊາດ, ທີ່ບາງກອກ .  ການສະແດງດັ່ງກ່າວ, ຖືເປັນກິດຈະກຳທີ່ສຳຄັນປະກອບສ່ວນສະເຫລີມສະຫລອງ ວັນສ້າງຕັ້ງສາຍພົວພັນການທູດລະຫວ່າງ ສປປ ລາວ ແລະ ຣາຊະອານາຈັກໄທ ຄົບຮອບ 70 ປີ ໃຫ້ມີບັນຍາກາດຟົດຟື້ນ.

ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ - Wave100S AD to Website 2020 0 - ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ

ສໍາລັບທິດທາງການຮ່ວມມືໃນຕໍ່ໜ້ານີ້, ສອງຝ່າຍໄດ້ເຫັນດີສືບຕໍ່ຈັດຕັ້ງປະຕິບັດວຽກງານທີ່ໄດ້ຕົກລົງຮ່ວມກັນໃຫ້ເປັນຮູບປະທໍາ ແລະ ມີປະສິດທິຜົນ, ພ້ອມທັງເອົາໃຈໃສ່ຈໍາກັດ, ແກ້ໄຂຂໍ້ຫຍຸ້ງຍາກທີ່ເປັນຜົນມາຈາກພະຍາດ COVID-19 ໃນດ້ານການບໍລິການ, ທ່ອງທ່ຽວ ແລະ ສືບຕໍ່ຮ່ວມມືປະຕິບັດແຜນການຟື້ນຟູຫລັງການລະບາດຂອງພະຍາດ ເພື່ອຫລຸດຜ່ອນຜົນກະທົບຂອງ Covid-19  ທີ່ມີຕໍ່ຊີວິດການເປັນຢູ່ຂອງ ປະຊາຊົນ ແລະ ເສດຖະກິດຂອງສອງປະເທດ.

ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ - WhatsApp Image 2020 05 27 at 5 - ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ
ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ - WhatsApp Image 2020 05 27 at 5 - ລາວ-ໄທ ເພີ່ມທະວີການຮ່ວມມືວຽກງານວັດທະນະທໍາ
error: Alert: ເນື້ອຫາຂ່າວມີລິຂະສິດ !!