ສະຫລຸບບັນຫາໜ້າສົນໃຈທົ່ວໂລກ ວັນທີ 16 ກັນຍາ 2020

-                                                                                                 16                 2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 16 ກັນຍາ 2020
- 174233 - ສະຫລຸບບັນຫາໜ້າສົນໃຈທົ່ວໂລກ ວັນທີ 16 ກັນຍາ 2020
  1. ທ່ານ ​ໂດ​ນັລ ທຣຳ ຂູ່​ວ່າ​ຈະ “​ເຮັດ​ບາງ​ຢ່າງ” ກ່ຽວ​ກັບ​ອົງການ​ການ​ຄ້າ​ໂລກ (WTO) ຫລັງ​ຈາກ​ພວກ​ເຂົາ​ປະກາດ​ວ່າການ​ເກັບ​ພາສີ​ທີ່​ອາ​ເມ​ລິ​ກາ​ກຳນົດ​ໄວ້​ຕໍ່​ຈີນ​ໃນ​ປີ 2018 ນັ້ນ​ເປັນ​ການລະ​ເມີດ​ກົດໝາຍ​ສາກົນ.

WTO ​ໄດ້​ປະຕິ​ເສດ​ຂໍ້​ຂັດ​ແຍ່ງ​ຂອງ​ອາ​ເມ​ລິ​ກາ​ທີ່​ວ່າ ມາດ​ຕະການ​ດັ່ງກ່າວ​ໄດ້​ຮັບ​ຄວາມ​ຍຸຕິ​ທຳ​ຈາກ​​ແນວທາງ​ປະຕິບັດ​ຂອງ​ຈີນ​ທີ່​ມັກ​ຈະ​ທຳຮ້າຍ​ຜົນ​ປະ​ໂຫຍ​ດຂອງ​ຊາວ​ອາ​ເມ​ລິ​ກາ ລວມທັງ​ການ​ລັກ​ເອົາ​ຊັບ​ສິນ​ທາງ​ປັນຍາ. ຂະນະ​ທີ່​ມາດ​ຕະການ​ຂອງ​ອາ​ເມ​ລິ​ກາ ຄື​ການ​​ເກັບ​ພາສີຕໍ່​ສິນຄ້າ​ທີ່​ມີ​ມູນ​ຄ່າ​ຫລາຍ​ກວ່າ 2 ​ແສນ​ລ້ານ​ໂດ​ລາ/ປີ.

  1. Bahrain ​ແລະ ສະຫະລັດ​ອາຣັບ​ເອມິ​ເຣດ (UAE) ​ໄດ້​ລົງ​ນາມ​ໃນ​ຂໍ້​ຕົກລົງ ​ເພື່ອ​ເຊື່ອມ​ການ​ພົວພັນ​ກັບ​ອິດສະ​ລາ​ແອນ​ແລ້ວ ​ໂດຍ​ລະ​ຫວ່າ​ການ​ເຮັດ​ພິທີ ປະທານາທິບໍດີ ​ໂດ​ນັລ ທຣຳ ກ່າວ​ວ່າ ປະ​ເທດ​ອາຣັບອື່ນໆ​ອີກ 5 ຫລື 6 ປະ​ເທດ ​ເຊິ່ງທ່ານ​ຍັງ​ບໍ່​ໄດ້​ລະບຸ​ຊື່​ກຳລັງ​ຢູ່​ໃກ້​ຄຽງ​ກັບ​ການ​ເຮັດ​ຂໍ້​ຕົກລົງ​ດັ່ງກ່າວ​ຮ່ວມ​ກັນ ​ເຖິງ​ວ່າ​ຜູ້ນຳ​ຊາວ​ປາ​ແລັສຕິນ ​ເຊິ່ງ​ເປັນ​ປະ​ເທດ​ທີ່​ຍັງ​ຢູ່​ພາຍ​ໃຕ້​ການ​ຍຶດຄອງ​ຂອງ​ອິດສະ​ລາ​ແອນ​ເບິ່ງ​ຄື​ວ່າ​ຈະ​ບໍ່​ຍອມ​ເຂົ້າຮ່ວມ​ກັບ​ຂໍ້​ຕົກລົງ​ນີ້.
  2. ByteDance ກຳລັງຍື່ນ​ຂໍ້​ສະ​ເໜີ​ທີ່​ຈະ​ຮັກສາ​ອັດຕາ​ສ່ວນ​ການ​ເປັນ​ຜູ້​ຖື​ຫຸ້ນ​ລາຍ​ໃຫຍ່​ໃນ TikTok ​ເຖິງ​ວ່າ​ໃກ້​ຈະ​ເຖິງ​ເສັ້ນຕາຍ​ທີ່​ທຳນຽບຂາວ​ກຳນົດ​ໃຫ້​ພວກ​ເຂົາ​ຖອນ​ຕົວ​ອອກ​ຈາກ​ການ​ເຮັດ​ທຸລະ​ກິດ​ຢູ່​ອາ​ເມ​ລິ​ກາ.

ByteDance ກຳລັງ​ຕ້ອງການ​ທີ່​ຈະຕັ້ງບໍລິສັດ​ໃໝ່​ທີ່​ມີ​ສຳນັກງານ​ໃຫຍ່​ຢູ່​ອາ​ເມ​ລິ​ກາ ​ເພື່ອ​ຮອງ​ຮັບ​ບໍລິການ​ພາຍ​ໃຕ້​ແຜນການ​ໃໝ່ ​ແລະ ​ເພື່ອ​ຫລຸດ​ຄວາມ​ກັງວົນ​ທີ່​ວ່າ ບໍລິສັດ​ຈະ​ມີ​ການ​ສົ່ງ​ອອກ​ຂໍ້​ມູນ​ຜູ້​ໃຊ້​ໃຫ້​ແກ່​ກອງທັບ​ຂອງ​ຈີນ. ຂະນະ​ທີ່ Oracle ​ເຊິ່ງ​ເປັນ​ຍັກ​ໃຫຍ່​ດ້ານ​ຊອບ​ແວ​ສັນຊາດ​ອາ​ເມ​ລິ​ກາ​ຈະ​ເຂົ້າ​ຖື​ຫຸ້ນ​ສ່ວນ​ໜ້ອຍ​ຂອງ TikTok.

  1. Suga Yoshihide ​ໄດ້​ຮັບ​ເລືອກ​ຈາກ​ລັດຖະສະພາ​ຂອງ​ຍີ່ປຸ່ນ​ໃຫ້​ເປັນ​ນາຍົກລັດຖະມົນຕີຄົນຕໍ່​ໄປ​ຢ່າງ​ເປັນ​ທາງ​ການ​ແລ້ວ ​ໂດຍ​ທ່ານ​ເຂົ້າມາ​ແທນ​ທ່ານ Abe Shinzo.

ຂະນະ​ດຽວ​ກັນ, ທ່ານ Abe ກ້າວ​ລົງ​ຈາກ​ຕຳ​ແໜ່​ງດ້ວຍ​ສຸຂະພາບ​ບໍ່​ຄ່ອຍ​ດີ ​ແລະ ​ໄດ້​ກາຍ​ເປັນ​ນາຍົກລັດຖະມົນຕີທີ່ດຳລົງ​ຕຳ​ແໜ່​ງຍາວ​ນານ​ທີ່​ສຸດ​ຂອງ​ປະ​ເທດ. ຂະນະ​ທີ່​ທ່ານ Suga ​ເຊິ່ງມີ​ຊື່​ສຽງ​ໃນ​​ເລື່ອງ​ຄວາມ​ຂະຫຍັນ​ໝັ່ນ​ພຽນ​ກຳລັງ​ຈະ​ດຳລົງ​ຕຳ​ແໜ່​ງຫົວໜ້າ​ເລຂາທິການ​ຄະນະ​ລັດຖະບານ ​ໃນ​ປີ​ສຸດ​ທ້າຍ​ຂອງ​ວາລະ​ການ​ເລືອກ​ຕັ້ງ​ໃຫ້​ແກ່ Abe.

  1. ຕຳຫລວດ​ຂອງ​ປະ​ເທດ​ເກຣັກ​ໄດ້​ຈັບ​ກຸມຜູ້​ຊາຍ 5 ຄົນ​ທີ່​ຖືກ​ກ່າວ​ຫາ​ວ່າ​ຈູດ​ໄຟ​ເຜົາ​ຄ້າຍ​ຜູ້​ອົບ​ພະຍົບ ຢູ່​ເກາະ Lesbos ​ເຊິ່ງ​ໃຫຍ່​ທີ່​ສຸດ​ໃນ​ເອີຣົບ ຂະນະ​ທີ່​ຜູ້​ອົບ​ພະຍົບ 800 ຄົນ​ຈາກ 12.000 ຄົນ​ຖືກ​ຍ້າຍ​ໄປ​ຄ້າຍ​ແຫ່ງ​ໃໝ່ ​ເຊິ່ງ​ໃນ​ອະດີດ​ຢູ່​ພາຍ​ໃຕ້​ໄລຍະ​ຍິງ​ຂອງ​ກຳລັງ​ທະຫານ​ທີ່​ປັກ​ຫລັກ​ຢູ່​ໃກ້ໆ, ສ່ວນ​ຜູ້​ອົບ​ພະຍົບທີ່​ເຫລືອ​ອີກ​ຈຳນວນ​ຫລາຍ​ຍັງ​ຫາ​ບ່ອນ​ນອນ​ບໍ່​ໄດ້​ເປັນ​ຫລັກ​ແຫ​ລ່ງ. ຂະນະ​ທີ່​ເຢຍລະ​ມັນ​ຕົກລົງ​ຈະ​ຮັບ​ຜູ້​ອົບ​ພະຍົບຈຳນວນ 1.500 ຄົນ.
  2. Carmine Di Sibio ປະທານ​ລະດັບ​​ໂລກ​ຂອງ EY ຍອມຮັບ​ວ່າ: “​ເສຍ​ໃຈ” ທີ່​ມີ​ການ​ສໍ້​ໂກງ​ເກີດ​ຂຶ້ນກັບ​ບໍລິສັດ Wirecard ​ເຊິ່ງ​ເປັນ​ກຸ່ມ Fintech ຂອງ​ເຢຍລະ​ມັນ​ທີ່​ໄດ້​ຈ້າງ​ພວກ​ເຂົາ​ເປັນ​ຜູ້​ກວດ​ສອບ​ບັນຊີ​ຂອງ​ບໍລິສັດ ​ເຖິງ​ວ່າ​ຄວາມ​ຜິດ​ເຫລົ່ານັ້ນຈະ​ຍັງ​ບໍ່​ຖືກ​ເປີດ​ເຜີຍ​ໃນ​ມໍ່ໆ​ນີ້.

Sibio ຍັງ​ກ່າວ​ອີກ​ວ່າ ບໍລິສັດ​ບັນຊີ​ຍັກ​ໃຫຍ່​ຂອງ​ລາວ​ຈະ​ຍົກ​ລະດັບ​​ເລື່ອງ​ຄວາມ​ປອດ​ໄພ​ຕໍ່​ຈາກ​ນີ້. ຂະນະ​ທີ່ Wirecard ​ໄດ້​ຍື່ນ​ລົ້ມລະລາຍ​ຕໍ່​ສານ​ໃນ​ເດືອນ​ມິຖຸນາ​ຜ່ານ​ມາ ຫລັງ​ຈາກ​ຍອມຮັບ​ວ່າ​ເງິນ​ເກືອບ 2 ພັນ​ລ້ານ​ເອີ​ໂຣ (2,3 ພັນ​ລ້ານ​ໂດ​ລາ) ​ໃນ​ງົບ​ດຸນ​ຂອງ​ບໍລິສັດ​ນັ້ນບໍ່​ມີ​ຢູ່​ຈິງ.

  1. Andres Manuel Lopez Obrador ປະທານາທິບໍດີ​ຂອງ​ເມັກ​ຊິ​ໂກ ​ໄດ້​ຮ້ອງ​ຂໍ​ໃຫ້​ວຸດ​ທິສະພາ​ຂອງ​ປະ​ເທດ​ກຳນົດ​ເວລາ​ການ​ລົງ​ປະຊາ​ມະຕິ​ໃນ​ເດືອນ​ມິຖຸນາ 2021 ​ໂດຍ​ທ່ານ​ຕ້ອງການ​ຖາມ​ປະຊາຊົນ​ວ່າ​ຈະ​ສາມາດ​ດຳ​ເນີນ​ຄະດີ​ຕໍ່​ປະທານາທິບໍດີ 5 ຄົນ​ຫລ້າ​ສຸດ​ກ່ອນ​ໜ້າ​ການ​ຮັບ​ຕຳ​ແໜ່​ງຂອງ​ທ່ານ​ໄດ້ ຫລື ບໍ່ ​ໂດຍ​ມີ​ການ​ສັນນິຖານ​ວ່າ​ວຸດ​ທິສະພາ​ຈະ​ອະນຸຍາດ​ໃຫ້​ມີ​ການ​ສອບ​ສວນ​ທີ່​ນຳ​ໂດຍ​ລັດຖະບານ​ກ່ຽວ​ກັບ​ການ​ທຸ​ຈະລິດ​ທີ່​ພວກ​ເຂົາ​ທັງ 5 ຄົນ​ຖືກ​ກ່າວ​ວ່າ. ນອກຈາກ​ນີ້ ຍັງ​ມີ​ການ​ກະ​ຕຸ້ນ​ໃຫ້​ເກີດ​ການ​ເລືອກ​ຕັ້ງລັດຖະສະພາ​ຂອງ​ເມັກ​ຊິ​ໂກ​ຂຶ້ນອີກ ​ເຊິ່ງຈະ​ມີ​ຂຶ້ນ​ໃນ​ມື້ດຽວ​ກັນນັ້ນ.
  2. ທຳນຽບຂາວ ​ໄດ້​ປະກາດ​ຂໍ້​ຈຳກັດ​ການ​ນຳ​ເຂົ້າສິນຄ້າ​ທີ່​ສົງ​ໄສ​ວ່າ​ຜະລິດ​ໂດຍ​ການ​ບັງຄັບ​ໃຊ້​ແຮງ​ງານ​ໃນ​ເຂດ​ຊິນ​ຈຽງ​ຂອງ​ຈີນ. ການ​ສັ່ງ​ຫ້າມ​ດັ່ງກ່າວ​ປະກອບ​ມີຜ້າ​ຝ້າຍ ​ແລະ ​ເສື້ອຜ້າ ​ເຊິ່ງຊິນ​ຈຽງ​ເປັນ​ແຫ​ລ່ງຜະລິດ​ຝ້າຍ​ສ່ວນ​​ໃຫຍ່​ຂອງ​ປະ​ເທດ.

ບັນຫາ​ນີ້ ກ່ຽວຂ້ອງ​ກັບ​ການ​ທີ່​ຈີນ​ຖືກ​ກ່າວ​ຫາ​ວ່າ​ລະ​ເມີດ​ສິດທິ​ມະນຸດ​ຂອງ​ຊົນ​ກຸ່ມ​ນ້ອຍ​ພາຍ​ໃນ​ປະ​ເທດ ​ເຊັ່ນ​ການ​ກັກ​ຂັງ​ຊາວ​ມຸດ​ສະ​ລິ​ມອຸຍ​ກູ​ປະມານ 1 ລ້ານ​ຄົນ​ໃນ gulags ​ເຊິ່ງພວກ​ເຂົາ​ເອີ້ນ​ວ່າ: “ສູນ​ການ​ສຶກສາ​ໃໝ່”.

- Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 16 ກັນຍາ 2020
  1. ຄະນະ​ກຳມາ​ທິການ​ແຫ່ງ​ສະຫະພາບ​ເອີຣົບ ​ໄດ້​ຍື່ນ​ຂໍ້​ສະ​ເໜີ​ຕໍ່​ລັດຖະບານ​ຂອງ​ປະ​ເທດ​ສະມາຊິກ ວ່າ​ທະນາຄານ​ຂອງ​ກຸ່ມ​ຄວນ​ຈະ​ມີ​ການ​ເຂົ້າ​ເຖິງ​ສຳນັກ​ຫັກ​ບັນຊີ​ຂອງ​ລອນ​ດອນ (London clearing-houses) ຕໍ່​ໄປ​ຈົນ​ຮອດ​ກາງ​ປີ 2022.

ການ​ແນະນຳ​ໃຫ້​ພວກ​ເຂົາ​ຂະຫຍາຍ​ໄລຍະ​ເວລາ​ໄປ​ອີກ 18 ​ເດືອນ ມີ​ຈຸດປະສົງ​ເພື່ອ​ຫລຸດ​ຄວາມ​ປັ່ນ​ປ່ວນ​ຂອງ​ຕະຫລາດ ຖ້າ​ບໍ່​ມີ​ການ​ບັນລຸ​ຂໍ້​ຕົກລົງ​ທາງ​ການ​ຄ້າ​ທີ່​ກວ້າງຂຶ້ນ ພາຍ​​ໃນ​ປີ​ນີ້​ເມື່ອ​ໄລຍະ​ເວລາ​ປ່ຽນ​ຜ່ານ​ລະຫວ່າງ Brexit ສິ້ນສຸດ​ລົງ ​ໂດຍ​ຄາດ​ວ່າ​ຈະ​ມີ​ການ​ຕັດສິນ​ໃຈ​ກ່ຽວ​ກັບ​ການ​ຂະຫຍາຍ​ເວລາ​ພາຍ​ໃນ​ເດືອນ​ຕຸລາ​ນີ້.

  1. ຕົວ​ເລກ​ໃໝ່​ຫລ້າ​ສຸດສະ​ແດງ​ໃຫ້​ເຫັນ​ວ່າ​ຕະຫລາດ​ແຮງ​ງານ​ຂອງ​ອັງກິດ​ໄດ້​ສູນ​ເສຍ​ຕຳ​ແໜ່​ງງານ​ເກືອບ 700.000 ຕຳ​ແໜ່​ງ ນັບ​ແຕ່​ເດືອນ​ມີນາ​ຈົນ​ຮອດ​ເດືອນ​ສິງຫາ ​ເຊິ່ງ​ເປັນ​ໄລຍະ​ທີ່​ມີ​ການ Lockdown ​ເກີດ​ຂຶ້ນ.

ນັກ​ພະຍາກອນ​ຄາດ​ການ​ວ່າການ​ວ່າງ​ງານ​ອາດ​ສູງ​ເຖິງ 3 ລ້ານ​ຄົນ ຫລັງ​ຈາກ​ພວກ​ເຂົາ​ຄາດ​ວ່າ​ຈະ​ເກີດ​ເຫດການ​ລະບາດ​ຊ້ຳຊ້ອນ​ຢ່າງ​ຮຸນ​ແຮງ​ໃນ​ລະດູ​ໃບ​ໄມ້​ຫລົ່ນ​ນີ້ ​ເມື່ອ​ໂຄງການ​ຫລາຍ​ຢ່າງ​ທີ່​ວຸ້ນວາຍ​ຂອງ​ປະ​ເທດ​ໝົດ​ອາຍຸ​ລົງ ​ເຖິງ​ວ່າ​ຈະ​ມີ​ການ​ເປີດ​ຂະ​ແໜງ​ທຸລະ​ກິດ ​ແລະ ຂະ​ແໜງ​ບໍລິການ​ອີກ​ໃນ​ເດືອນ​ກໍລະກົດ ​ແຕ່​ພະນັກງານ​ເກືອບ 5 ລ້ານ​ຄົນ​ຍັງ​ບໍ່​ກັບ​ໄປ​ເຮັດ​ວຽກ.

  1. ປະທານາທິບໍດີ ​ໂດ​ນັລ ທຣຳ ປິດ​ປາກ​ງຽບ​ເມື່ອ​ຖືກ​ຖາມ​ເຖິງ​ເຫດ​ໄຟ​ໄໝ້​ປ່າ​ທີ່​ກຳລັງ​ລຸກ​ໄໝ້​ຢູ່​ອາ​ເມ​ລິ​ກາ ລະຫວ່າງ​ການ​ໄປ​ຢ້ຽມຢາມ​ລັດ California ​ແລະ ທ່ານ​ໄດ້​ດູ​ຖູ​ກນັກວິທະຍາສາດ ​ໂດຍ​ກ່າວ​ວ່າ​ເຫດການ​ຄັ້ງນີ້​ອາດ​ມາ​ຈາກ​ການ​​ເບິ່ງ​ແຍງ​ປ່າ​ໄມ້​ທີ່​ບໍ່​ດີ ​ແຕ່​ບໍ່​ກ່ຽວ​ກັບ​ການ​ປ່ຽນ​ແປງ​ສະພາບ​ອາກາດ​ທາງ​ທຳ​ມະ​ຊາດ.

ຈາກ​ນັ້ນທ່ານ​ຄາດ​ການ​ເຖິງ​ໜ້າ​ໜາວ​ທີ່​ໃກ້​ເຂົ້າມາ ​ເຊິ່ງຈະ​ເຮັດ​ໃຫ້​ເກີດ​ອາກາດ​ເຢັນ​ຂຶ້ນທົ່ວ​ໂລກ ຂະນະ​ທີ່​ຜູ້​ຄົນ​ທີ່​ອາ​ໄສ​ຢູ່​ບໍລິ​ເວນ​ຕາ​ເວັນ​ຕົກ​ຂອງ​ປະ​ເທດ​ຫລາຍ​ແສນ​ຄົນ​ກຳລັງ​ຖືກ​​ເປ​ວ​ໄຟ​ບັງຄັບ​ໃຫ້​ຕ້ອງ​ອົບ​ພະຍົບອອກ​ຈາກ​ເຮືອນ.

- WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 16 ກັນຍາ 2020
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!