ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່

ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່ -                                                                                                        - ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່
ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່ - Untitled design - ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່

ໃນວັນທີ 16 ກັນຍານີ້, ທີ່ຫ້ອງປະຊຸມກະຊວງແຮງງານ ແລະ ສະ ຫວັດດີການສັງຄົມ, ຄະນະຜູ້ແທນ ສປປ ລາວ ນໍາໂດຍ ທ່ານ ປະເດີມພອນ ສົນທະນີ ຮອງລັດຖະມົນຕີກະຊວງດັ່ງກ່າວ ພ້ອມຄະນະ ໄດ້ເຂົ້າຮ່ວມກອງປະຊຸມ ປຶກສາຫາລືທາງໄກຂັ້ນສູງກ່ຽວກັບການພັດທະນາຊັບ ພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່ ພາຍໃຕ້ການເປັນປະ ທານຂອງ ທ່ານ ດາວ ງ໋ອກຢຸງ (Dao Ngoc Dung) ລັດຖະມົນຕີ ກະຊວງແຮງງານ, ເສຍອົງຄະ ແລະ ສັງຄົມແຫ່ງ ສສ ຫວຽດນາມ, ມີບັນດາລັດຖະມົນຕີແຮງງານອາຊຽນ, ລັດຖະມົນຕີສຶກສາທິການອາຊຽນ ຂອງບັນດາປະເທດສະມາຊິກເຂົ້າຮ່ວມ.

ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່ - 20784   3610607   KETH9132 300x200 - ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່

ກອງປະຊຸມໄດ້ພ້ອມກັນປຶກສາຫາລືແລກປ່ຽນຄຳຄິດເຫັນ ແຜນບູລິມະສິດການຮ່ວມມື ເພື່ອສົ່ງເສີມການກະກຽມຄວາມພ້ອມ ໃນການພັດທະນາຊັບພະຍາກອນມະນຸດ ຮອງຮັບການປ່ຽນແປງອາຊີບທີ່ເກີດຂຶ້ນໃໝ່ ແລກປ່ຽນຂໍ້ມູນກ່ຽວກັບນະໂຍບາຍແຜນການ ໃນການພັດທະນາຊັບພະຍາກອນມະນຸດຂອງອາຊຽນ ແລະ ບັນດາໂຄງການຕ່າງໆ ພາຍຫລັງການແຜ່ລະບາດຂອງພະຍາດໂຄວິດ-19. ພ້ອມທັງໄດ້ປຶກສາຫາລື ເພື່ອສ້າງສະພາບແວດລ້ອມທີ່ເອື້ອອໍານວຍ ໃນການສົ່ງເສີມພາກທຸລະກິດໃຫ້ມີສ່ວນຮ່ວມ ແລະ ເປັນເຈົ້າການໃນການພັດທະນາຊັບພະຍາກອນມະນຸດ. ກອງປະຊຸມໄດ້ຮັບຮອງເອົາແຜນກໍານົດແນວທາງປະຕິບັດງານ ເພື່ອຈັດຕັ້ງປະຕິບັດຖະແຫລງການອາຊຽນ ວ່າດ້ວຍການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດໃໝ່ຢູ່ໃນໂລກ.

ໃນກອງປະຊຸມ, ທ່ານ ປະເດີມພອນ ສົນທະນີ ໄດ້ມີຄໍາເຫັນແລກປ່ຽນກ່ຽວກັບການຈັດຕັ້ງປະຕິບັດທີ່ດີ ໃນການຮ່ວມມືກັບພາກເອກະຊົນ ໂດຍເນັ້ນໃສ່ຂົງເຂດການຮ່ວມມື ດ້ານການພັດທະນາສີມືແຮງງານ ແລະ ການຈັດຫາງານ ເພື່ອໃຫ້ສອດຄ່ອງກັບມາດຖານຂອງຫົວໜ່ວຍແຮງງານ ແລະ ການຝຶກອົບຮົມໄລຍະສັ້ນໃຫ້ນັກຝຶກອົບຮົມ ກ່ອນເຂົ້າສູ່ຕໍາແໜ່ງງານ, ເຊິ່ງກິດຈະກໍາດັ່ງກ່າວໄດ້ເລີ່ມຈັດຕັ້ງປະຕິບັດມາແຕ່ປີ 2016 ເຮັດໃຫ້ແຮງງານຫລາຍກວ່າ 600 ຄົນໄດ້ເຂົ້າສູ່ຕໍາແໜງງານທີ່ ເໝາະສົມໃນພາກເອກະຊົນ. ນອກຈາກນັ້ນ, ຍັງມີການຮ່ວມມືກັບບໍລິສັດໄຟຟ້າແລະ ບໍລິສັດຜະລິດລົດ ໃນການສະໜອງອຸປະກອນການຝຶກອົບ ແລະ ຍົກລະດັບຫ້ອງຝຶກອົບຮົມ ເຊິ່ງມາາຮອດປີ 2020 ຂະແໜງແຮງງານ ແລະ ສະຫວັດດີການສັງຄົມ ໄດ້ຮ່ວມກັບພາກສ່ວນກ່ຽວຂ້ອງ ໃນການສ້າງມາດຕະ ຖານສີມືແຮງງານໄດ້ 32 ສາຂາອາຊີບ ແນໃສ່ສົ່ງເສີມຄວາມສາມາດໃນການພັດທະນາຊັບພະຍາກອນມະນຸດ ເພື່ອກ້າວໄປສູ່ການມີວຽກເຮັດງານທໍາ ນັບມື້ຫລາຍຂຶ້ນ ໄປຄຽງຄູ່ກັບການສ້າງ ຜະລິດຕະພາບຂອງແຮງງານລາວໃຫ້ມີສີມືດີຂຶ້ນ.

ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່ - Wave100S AD to Website 2020 0 - ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່

ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່ - 20784   3764736   KETH9136 300x200 - ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່

ກອງປະຊຸມຍັງໄດ້ນຳສະເໜີແຜນກໍານົດແນວທາງແຜນປະຕິບັດງານ ເພື່ອຈັດຕັ້ງປະຕິບັດຖະແຫລງການອາຊຽນ ວ່າດ້ວຍການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດໃໝ່ຢູ່ໃນໂລກ ແລະ ນຳສະເໜີສະພາອາຊີວະສຶກສາ ແລະ ການຝຶກອົບຮົມວິຊາຊີບອາຊຽນ (ASEAN TVET Council), ເຊິ່ງຈະເປັນໂອກາດອັນດີໃຫ້ແກ່ອາຊຽນ ໂດຍສະເພາະ ການພັດທະນາຊັບພະຍາກອນມະນຸດຂອງ ສປປ ລາວ ໃຫ້ແທດເໝາະກັບການພັດທະນາຊັບພະຍາກອນມະນຸດ ຕິດພັນກັບເປົ້າໝາຍການພັດທະນາແບບຢືນຍົງ ຕາມທີ່ໄດ້ກໍານົດໃນເປົ້າໝາຍ SDG ທີ 3,4,5,8,10 ແລະ 16 , ວິໄສທັດປີ 2030 ແລະ ຍຸດທະສາດການພັດທະນາແຮງງານ ແລະ ສະຫວັດດີການສັງຄົມໄລຍະ 10 ປີ (2016-2025) ໂດຍສະເພາະທິດທາງລວມ ໃນການເພີ່ມທະວີການພັດທະນາກໍາລັງແຮງງານໃຫ້ມີຄວາມຮູ້, ຄວາມສາມາດ, ສີມື ແລະ ສອດຄ່ອງກັບຄວາມຕ້ອງການຂອງຕະຫລາດແຮງງານ.

ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່ - WhatsApp Image 2020 05 27 at 5 - ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່
ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່ - WhatsApp Image 2020 05 27 at 5 - ອາຊຽນ ຫາລືການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່
error: Alert: ເນື້ອຫາຂ່າວມີລິຂະສິດ !!