ໄຟອຳນາດໃນນະຄອນຫລວງຍັງແກ້ໄຂຍາກ

ໄຟອຳນາດໃນນະຄອນຫລວງຍັງແກ້ໄຂຍາກ -                                                                                         - ໄຟອຳນາດໃນນະຄອນຫລວງຍັງແກ້ໄຂຍາກ
ໄຟອຳນາດໃນນະຄອນຫລວງຍັງແກ້ໄຂຍາກ - Untitled design - ໄຟອຳນາດໃນນະຄອນຫລວງຍັງແກ້ໄຂຍາກ

ດັ່ງ​ພວກ​ເຮົາ​ຮັບ​ຮູ້ນຳ​ກັນ​ແລ້ວ​ວ່າ: ​ໄຟ​ອຳນາດ​ເປັນ​ສິ່ງ​ສຳຄັນ​ຍິ່ງ​ໃນ​ການ​ຊ່ວຍ​ຄວບ​ຄຸມ​ລະບຽບ​ການ​ສັນຈອນ​ໃນ​ຈຸດ 3 ​ແຍກ, 4 ​ແຍກ​ຕ່າງໆ. ​ແດງ​ແມ່ນ​ຄວບ​ຄຸມ​ໃຫ້​ຜູ້​ໃຊ້​ລົດ​ໃຊ້​ຖະໜົນ​ຕ້ອງ​ຢຸດ, ຂຽວ​ແມ່ນ​ສິດ​ປ່ອຍ​ໃຫ້​ໄປ ​ແລະ ​ເຫລືອງ​ແມ່ນ​ເຕືອນ​ສະຕິ​ໃຫ້​ຜູ້​ຈະລາຈອນ​ເຫລົ່ານັ້ນຕ້ອງ​ກະກຽມ​ເພື່ອ​ຢຸດ ຫລື ​ເລີ່​ມອອກ​ໄປ​ໄດ້. ​ແຕ່​ແລ້ວ​ໃນ​ປັດຈຸບັນ ​ໄຟ​ອຳນາດ​ສຳຄັນ​ເຫລົ່ານັ້ນ​ໃນ​ນະຄອນຫລວງ​ເຮົາ​ຫລາຍ​ບ່ອນ​​ເປັນ​ອຳມະພາດ ຕ້ອງ​ໄດ້​ປັບປຸງ​ແກ້​ໄຂ ​ເພາະ​ບາງ​ຈຸດ​ກໍ​ຢູ່​ໃນ​ສະພາບ​​ເກົ່າ​ແກ່​ຊຸດ​ໂຊມ, ບາງ​ຈຸດ​ກໍ​ຕິດ​ຂັດ​ເລື່ອງ​ເຕັກນິກ​ການ​ຄວບ​ຄຸມ ​ແລະ ບາງ​ຈຸດ​ກໍ​ຍ້ອນ​ຜູ້​ຮັບ​ເໝົາ​ກໍ່ສ້າງ​ເສັ້ນທາງ​ຕິດຕັ້ງບໍ່​ທັນ​ໄດ້​ມາດຕະຖານ ​ແລະ ອື່ນໆ.

ດັ່ງ​ທ່ານ ສີວ​ອນ ຊັບ​ທະວີ ຮອງ​ຫົວໜ້າ​ພະ​ແນ​ກ​ໂຍທາ​ທິການ ​ແລະ ຂົນ​ສົ່ງ ນະຄອນຫລວງ ​ໄດ້​ໃຫ້​ສຳພາດຕໍ່​ນັກ​ຂ່າວ​ໜັງສືພິມ ລາວ​ພັດທະນາ​ພວກ​ເຮົາ ​ໃນ​ວັນ​ທີ 16 ກັນຍາ​ນີ້​ວ່າ: ທົ່ວ​ນະຄອນຫລວງ​ລວມມີ​ລະບົບ​ໄຟ​ອຳນາດ​ທັງ​ໝົດ 61 ຈຸດ, ​ໃນ​ນັ້ນ 38 ຈຸດ​ແມ່ນ​ໃຊ້​ໄຟຟ້າ​ທົ່ວ​ໄປ, ສ່ວນ​ອີກ 23 ຈຸດ​ແມ່ນ​ໃຊ້​ໄຟ​ແສງຕາ​ເວັນ ​ແລະ ມີ​ຫລາຍ​ຈຸດ​ໃຊ້​ງານ​ມາ​ເກືອບ 30 ປີ​ແລ້ວ ສົ່ງ​ຜົນ​ໃຫ້​ລະບົບ​ຄວບ​ຄຸມ​ມັກ​ຈະ​ເປ່​ເພ ກຳລັງ​ສະ​ເໜີ​ງົບປະມານ​​ເພື່ອ​ການ​ສ້ອມ​ແປງ​ແກ້​ໄຂ, ສ່ວນ​ຈຸດ​ທີ່​ໃຊ້​ໄຟ​ລະບົບ​ແສງຕາ​ເວັນ​ກໍ​ມີ​ອາຍຸ 5 ປີ​ແລ້ວ. ດັ່ງນັ້ນ ມີ​ຫລາຍ​ຈຸດ​ໝໍ້​ເກັບ​ໄຟ​ຂອງ​ມັນ​ເລີ່​ມໝົດ​ອາຍຸ​ນຳ​ໃຊ້​ແລ້ວ ​ເຊິ່ງຈະ​ຕ້ອງ​ໄດ້​ຂຶ້ນງົບ​ເພື່ອ​ປັບປຸງ​ປ່ຽນ​ຖ່າຍ. ສຳລັບ​ຈຸດ​ໄຟ​ອຳນາດ​ຢູ່​ຈຸດ​ເສັ້ນທາງ​ບ້ານ​ດົງ​ຄຳ​ຊ້າງ​, ບ້ານ​ຄຳ​ສະຫວາດ​ນັ້ນ ​ແມ່ນ​ບໍ່​ສາມາດ​ນຳ​ໃຊ້​ໄດ້ ​ເພາະ​ການ​ຕິດຕັ້ງ​ໄຟ​ອຳນາດ​ໃນ​ຈຸດ​ນີ້​ແມ່ນ​ເປັນ​ມາ​ນຳ​ບໍລິສັດ​ຜູ້​ຮັບ​ເໝົາ​ກໍ​ສ້າງ​ທາງ​ເປັນ​ຜູ້​ຕິດຕັ້ງ​ເອງ ​ເຊິ່ງຜ່ານ​ການ​ກວດກາ​ເຫັນ​ວ່າ​ບໍ່​ຖືກຕ້ອງ​ຕາມ​ຫລັກການວິຊາ​ການ. ສຳລັບ​ໄຟ​ອຳນາດ​ໃນ​ຈຸ​ດ​ໂພນ​ທັນ​ເບື້ອງທາງ​ເຂດ​ເສດຖະກິດ​ບຶງ​ທາດຫລວງ​ແມ່ນ​ຍັງ​ລໍຖ້າ​ຜູ້​ລົງທຶນ​ກໍ່ສ້າງ​ເຂດ​ເສດຖະກິດ​ນີ້​ຈະ​ຊ່ວຍ​ຕິດຕັ້ງ​ໃຫ້ ​ແລະ ​ໄຟ​ອຳນາດ​ໃນ​ຈຸດ 4 ​ແຍກ​ສະຫວ່າງ (​ໂຮງ​ກາ​ຍະ​ສິນ​ນັ້ນ) ​ແມ່ນ​ໄວ້​ສະ​ເພາະ​ເຈົ້າໜ້າ​ທີ່​ຄວບ​ຄຸມ​ປິດ​ເປີດ​ໃນ​ເວລາ​ເລັ່ງດ່ວນ. ດັ່ງນັ້ນ ບາງ​ຄັ້ງຄາວ​ບໍ່​ມີ​ເຈົ້າໜ້າ​ທີ່​ຄວບ​ຄຸມ​ກໍ​ຈະ​ເປັນ​ໄຟ​ເຫລືອງ​ໄວ້. ດັ່ງນັ້ນ ຈຶ່ງ​ຂໍ​ເຕືອນ​ໃຫ້​ຜູ້​ໃຊ້​ລົດ​ໃຊ້​ຖະໜົນ​ຕ້ອງ​ມີ​ຄວາມ​ລະມັດລະວັງ​ໃນ​ການ​ສັນຈອນ​ຕື່ມ​ອີກ.

ໄຟອຳນາດໃນນະຄອນຫລວງຍັງແກ້ໄຂຍາກ - Wave100S AD to Website 2020 0 - ໄຟອຳນາດໃນນະຄອນຫລວງຍັງແກ້ໄຂຍາກ
ໄຟອຳນາດໃນນະຄອນຫລວງຍັງແກ້ໄຂຍາກ - WhatsApp Image 2020 05 27 at 5 - ໄຟອຳນາດໃນນະຄອນຫລວງຍັງແກ້ໄຂຍາກ
ໄຟອຳນາດໃນນະຄອນຫລວງຍັງແກ້ໄຂຍາກ - WhatsApp Image 2020 05 27 at 5 - ໄຟອຳນາດໃນນະຄອນຫລວງຍັງແກ້ໄຂຍາກ
error: Alert: ເນື້ອຫາຂ່າວມີລິຂະສິດ !!