ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ

ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ -                                                                                                              - ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ
ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ - Untitled design - ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ

ຣັດ​ເຊຍ ກຽມ​ສົ່ງ​ວັກ​ຊີ​ນຕ້ານ​ໂຄ​ວິດ-19 ຊ່ວຍ ​ອິນ​ເດຍ ມີ​ຜູ້​ຕິດ​ເຊື້ອ​ໄວ​ຣັສ​ເຖິງ 5 ລ້ານ​ຄົນ ​ແລະ ​ເສຍ​ຊີວິດ​ເພີ່ມ​ເກືອບ 8,5 ໝື່ນ​ຄົນ.

ກອງ​ທຶນ​ຄວາມ​ໝັ້ນຄົງ​ແຫ່ງ​ຊາດ​ຂອງຣັດ​ເຊຍ (RDIF) ​ເປີດ​ເຜີຍ​ຂໍ້​ຕົກລົງ​ທີ່​ເຮັດຮ່ວມ​ກັບບໍລິສັດ ດ໊ອກ​ເຕີ ​ເຣດດີ ​ແລບ​ບໍຣາທໍ​ຣີ ຈຳກັດ ​ເພື່ອ​ສົ່ງ​ມອບ Sputnik V ວັກ​ຊີ​ນປ້ອງ​ກັນ​ໂຄ​ວິດ-19 ຝີ​ມືຣັດ​ເຊຍ​ໃຫ້​ບໍລິສັດ​ຢາ​ຂອງ​ອິນ​ເດຍຈຳນວນ 100 ລ້ານ​ໂດ​ສ.

ຖະ​ແຫລ​ງການ​ຂອງ RDIF ລະບຸ​ວ່າ: ການ​ສົ່ງ​ມອບ​ວັກ​ຊີ​ນອາດ​ເລີ່​ມຂຶ້ນທ້າຍ​ປີ​ນີ້ ຂຶ້ນກັບ​ຄວາມ​ສົມບູນ ​ແລະ ຜົນສຳ​ເລັດ​ຂອງ​ການ​ທົດ​ລອງ ​ແລະ ການ​ຂຶ້ນທະບຽນ​ວັກ​ຊີ​ນ​ໂດຍ​ໜ່ວຍ​ງານ​ເບິ່ງ​ແຍງ​ຢູ່​ອິນ​ເດຍ.

ມີ​ລາຍ​ງານ​ຈາກ​ກະຊວງ​ສາທາລະນະ​ສຸກ​ອິນ​ເດຍ​ເປີດ​ເຜີຍ​ວ່າ: ​ໃນ​ຮອບ 24 ຊົ່ວ​ໂມງ​ຜ່ານ​ມາ ອິນ​ເດຍພົບ​ຜູ້​ຕິດ​ເຊື້ອ​ໂຄ​ວິດ-19 ​ເພີ່​ມອີກ 96.424 ຄົນ ​ເຮັດ​ໃຫ້​ຈຳນວນ​ລວມຜູ້​ຕິດ​ເຊື້ອສະ​ສົມ​ໃນ​ປະ​ເທດ​ເພີ່ມ​ຂຶ້ນຢູ່​ລະດັບ 5.214.677 ຄົນ. ຂະນະ​ດຽວ​ກັນ ພົບ​ຜູ້​ເສຍ​ຊີວິດ​ເພີ່ມ​ອີກ 1.174 ຄົນ ສົ່ງ​ຜົນ​ໃຫ້​ຈຳນວນ​ລວມຜູ້​ເສຍ​ຊີວິດ​ເພີ່ມ​ຂຶ້ນ​ເປັນ 84.372 ຄົນ.

ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ - Wave100S AD to Website 2020 0 - ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ

ສຳລັບ​ຜູ້​ທີ່​ໄດ້​ຮັບ​ອະນຸຍາດ​ໃຫ້​ອອກ​​ໂຮງໝໍ​ຫລັງ​ໄດ້​ຮັບ​ການ​ປິ່ນປົວ​ຫາຍ​ດີ​ແລ້ວ​ມີ 4.112.551 ຄົນ, ສ່ວນ​ຜູ້​ທີ່​ຍັງ​ປິ່ນປົວ​ຢູ່​ໂຮງໝໍ​ມີ 1.017.754 ຄົນ.

ສຳນັກ​ຂ່າວ​ຊິນ​ຮົວລາຍ​ງານ​ວ່າ: ຂໍ້​ມູນ​ຈາກ​ສະພາ​ວິ​ໄຈ​ທາງ​ການ​ແພດ​ແຫ່ງ​ອິນ​ເດຍ (ICMR) ລະບຸ​ວ່າ: ຮອດ​ວັນ​ທີ 17 ກັນຍາ ອິນ​ເດຍ​ໄດ້​ກວດ​ຫາ​ເຊື້ອ​ໂຄ​ວິດ-19 ​ໃຫ້​ປະຊາຊົນ​ທົ່ວ​ປະ​ເທດ​ແລ້ວ 61.572.343 ຄົນ ​ແລະ ສະ​ເພາະ​ວັນ​ທີ 17 ກັນຍາ ພຽງ​ມື້ດຽວ ມີ​ຜູ້​ເຂົ້າຮັບ​ການກວດ​ຫາ​ເຊື້ອສູງ​ເຖິງ 1.006.615 ຄົນ. ​ເຖິງ​ຢ່າງ​​ໃດ​ກໍ​ຕາມ, ອິນ​ເດຍ​ເປັນ​ປະ​ເ​ທດທີ່​ມີ​ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ຫລາຍ​ເປັນອັນ​ດັບ 2 ຂອງ​ໂລກ​ຮອງ​ຈາກ​ອາ​ເມ​ລິ​ກາ.

ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ - WhatsApp Image 2020 05 27 at 5 - ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ
ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ - WhatsApp Image 2020 05 27 at 5 - ຣັດເຊຍ ປະກາດສົ່ງວັກຊີນໂຄວິດຊ່ວຍ ອິນເດຍ
error: Alert: ເນື້ອຫາຂ່າວມີລິຂະສິດ !!