WMO ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ

wmo ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ -                                                                       4                                               1 1 - WMO ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ
wmo ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ - Untitled design - WMO ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ

ພາຍຸທີ່ເກີດຂຶ້ນຢູ່ໃນ ມະຫາສະໝຸດ ອາກລັງຕິກ ມີຊື່ເອີ້ນຕາມການລຽງຕົວອັກສອນອັງກິດ, ແຕ່ຊື່ເອີ້ນໃຫ້ພາຍຸໃນປີນີ້ໃກ້ຈະໝົດແລ້ວ.

ອົງການອຸຕຸນິຍົມ ຫຼື ອົງການພະຍາກອນອາກາດໂລກ (WMO) ທີ່ຂຶ້ນກັບອົງການສະຫະປະຊາຊາດ, ເມື່ອວັນທີ 15 ກັນຍາ ໃຫ້ຮູ້ວ່າ: ຈຳນວນຫົວພາຍຸທີ່ເກີດຂຶ້ນຢູ່ໃນມະຫາສະໝຸດອາກລັງຕິກໃນປີນີ້ເກີດຂືຶ້ນຫຼາຍຜິດປົກກະຕິ, ອັນໄດ້ເຮັດໃຫ້ໂລກພວກເຮົາບໍ່ມີຊື່ເອີ້ນໃຫ້ພາຍຸທີ່ຈະເກີດຂຶ້ນອີກແລ້ວ.

ພາຍຸທີ່ເກີດຂຶ້ນ ມັກຈະມີຊື່ເອີ້ນຕາມການລຽງຕົວອັກສອນອັງກິດ, ແຕ່ວ່າ ໃນປີນີ້ ຊື່ເອີ້ນໃຫ້ພາຍຸໃກ້ຈະໝົດແລ້ວ.

Clare Nullis ໂຄສົກຂອງອົງການພະຍາກອາອາກາດໂລກ ກ່າວວ່າ: “ພາຍຸມະຫາສະໝຸດອາກລັງຕິກໃນປີ 2020 ນີ້ ກຳລັງເກີດຂຶ້ນຫຼາຍ ຈົນເຖິງຂັ້ນວ່າຊື່ເອີ້ນໃຫ້ມັນກໍໃກ້ຈະໝົດແລ້ວ. ຖ້າຫາກວ່າໝົດຊື່ເອີ້ນແທ້ໆ, ຈະຖືກສ້າງຊື່ຂຶ້ນມາໃໝ່ຕາມການລຽງຕົວອັກສອນຂອງ ເກຣັກແລະ ຈະເປັນເທື່ອທີສອງໃນປະຫວັດສາດ”

ພາຍຸມັກຈະເກີດຂຶ້ນແຕ່ຕົ້ນເດືອນມີຖຸນາຫາເດືອນ ພະຈິກໃນແຕ່ລະປີ ແລະ ພາຍຸແຕ່ລະຫົວຈະຖືກຕັ້ງຊື່ຜູ້ຍິງ, ຜູ້ຊາຍ ສະຫຼັບກັນໄປ. ໃນປີນີ້ ພາຍຸ 2 ຫົວທຳອິດມີຊື່ເອີ້ນວ່າ: Arthur ແລະ Bertha.

ການທີ່ຕັ້ງຊື່ໃຫ້ພາຍຸນັ້ນຈະຊ່ວຍໃຫ້ທຸກຄົນຮັບຮູ້ ແລະ ຈຳມັນໄດ້ງ່າຍຂຶ້ນ ໃນເມື່ອມີຂ່າວຄາວກ່ຽວກັບພາຍຸເກີດຂຶ້ນ.

ຊື່ຂອງພາຍຸຈະຖືກອົງການ WMO ຕິດຕາມຢ່າງໃກ້ສິດ ແລະ ຈະຖືກຕັ້ງຊື່ຄືນໃໝ່ໃນ 6 ປີໃດເທື່ອໜຶ່ງ. ຖ້າຫາກແມ່ນເປັນພາຍຸຫົວໃດຫາກມີຄວາມເປັນອັນຕະລາຍຮ້າຍແຮງພິເສດ, ຊື່ຂອງພວກມັນຈະຖືກ ງົດໄວ້ ແລະ ຈະຖືກຕັ້ງຊື່ອື່ນແທນ.

wmo ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ - Wave100S AD to Website 2020 0 - WMO ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ

21 ຊື່ໃນຈຳນວນ 26 ຊື່ທີ່ຖືກລຽງຕາມລຳດັບໃນອັກສອນພາສາອັງກິດນັ້ນ ຈະມີຄວາມຫຍຸ້ງຍາກໃນການຊອກຫາຊື່ຂອງພວກມັນເຊິ່ງເລີ່ມຕົ້ນຈາກ  ຕົວພະຍັນຊະນະ Q, U, X, Y ແລະ Z ໃນພາສາອັງກິດ, ສະເປນ, ຝຣັ່ງ, ເນເທີແລນ. ນີ້ຄືຄຳສັບທີ່ມັກໃຊ້ຫຼາຍໃຫ້ພາຍຸທີ່ເກີດຂຶ້ນຢູ່ໃນມະຫາສະໝຸດອາກລັງຕິກ ແລະ ເຂດ Caribbean.

ສຳລັບປີນີ້ຍັງເຫຼືອພຽງຊື່ Wilfred ຊື່ດຽວທີ່ບໍ່ທັນໄດ້ນຳໃຊ້. ດັ່ງນັ້ນ ຈຶ່ງມີຄວາມເປັນໄປໄດ້ທີ່ຈະໄດ້ນຳໃຊ້ອັກສອນໃນພາສາ ເກຣັກ ຕັ້ງຊື່ໃຫ້ພາຍຸທີ່ຈະເກີດຂຶ້ນໃນຕໍ່ໜ້າໃນປີນີ້.

ຕົວອັກສອນໃນພາສາ ເຄລັກ ຫາກໍໄດ້ນຳໃຊ້ພຽງຄັ້ງດຽວກ່ອນໜ້ານີ້ໃນປີ 2005.

ຂ່າວ: ລູກເມືອງພວນ(ແຫຼ່ງຂ່າວ zingnews, 17/9/20)

 

wmo ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ - WhatsApp Image 2020 05 27 at 5 - WMO ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ
wmo ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ - WhatsApp Image 2020 05 27 at 5 - WMO ຈະໝົດຊື່ເອີ້ນໃຫ້ພາຍຸໃນປີ 2020 ແລ້ວ
error: Alert: ເນື້ອຫາຂ່າວມີລິຂະສິດ !!