ສູນເລືອດແຫ່ງຊາດຈັດກິດຈະກຳບໍລິຈາກເລືອດ

ສູນເລືອດແຫ່ງຊາດຈັດກິດຈະກຳບໍລິຈາກເລືອດ -                                                                                                                 - ສູນເລືອດແຫ່ງຊາດຈັດກິດຈະກຳບໍລິຈາກເລືອດ
ສູນເລືອດແຫ່ງຊາດຈັດກິດຈະກຳບໍລິຈາກເລືອດ - Untitled design - ສູນເລືອດແຫ່ງຊາດຈັດກິດຈະກຳບໍລິຈາກເລືອດ

ໃນ​ວັນ​ທີ 18 ກັນຍາ​ນີ້, ສູນເລືອດແຫ່ງຊາດ ຮ່ວມກັບ ອົງການກາແດງລາວ, ບໍລິສັດ​ເບຍ​ລາວ ຈຳກັດ ​​ໄດ້ຈັດກິດຈະກໍາບໍລິຈາກເລືອດຊ່ວຍເຫລືອສັງຄົມ​​ແບບເປີດ​ກວ້າງຂຶ້ນ ທີ່​ນະຄອນຫລວງ​ວຽງ​ຈັນ ​ໂດຍ​ໄດ້​ຮັບ​ຄວາມ​ສົນ​​ໃຈຈາກ​ນັກຮຽນຊັ້ນມັດ​ທະ​ຍົມ ​ແລະ ສັງຄົມ​ເປັນຈຳນວນຫລາຍ ຄາດ​ວ່າຈະ​ໄດ້​ຮັບ​ເລືອດ​ຢ່າງໜ້ອຍ 500 ຖົງ.

ທ່ານ ຈັນທະລາ ສຸກສາຄອນ ຫົວໜ້າສູນເລືອດແຫ່ງຊາດ ກ່າວວ່າ: ປັດຈຸບັນ​ຄວາມ​ຕ້ອງການ​ເລືອດ​ນັບ​ມື້​​ເພີ່ມ​ຂຶ້ນ ຄືສະ​ເພາະ​ນະຄອນຫລວງ​ວຽງຈັນ​ມີ​ໜຶ່ງ​ມີ​ຄວາມຕ້ອງການ​ເລື​ອດບໍ່​ຕໍ່າ​ກວ່າ 150 ຖົງ​​​ແຕ່​ການຕອບສະໜອງ​ເລື​ອດຍັງ​ບໍ່​ຫລາຍ​​ເທົ່າ​ຄວນ ​ຄື​ໃນ​ໄລຍະ 8 ​ເດືອນຜ່ານມານີ້ ທົ່ວ​ປະ​ເທດ​ສາມາດຮັບ​ບໍລິຈາກ​ເລືອດ​ໄດ້​ພຽງ 37.000 ​ກວ່າຖົງ ​ໄດ້​ພຽງ 61,24% ຂອງ​ແຜນການ​ປີ​ເທົ່າ​ນັ້ນ. ທັງ​ນີ້ ​ກໍ​ຍ້ອນ​ຜົນ​ກະທົບ​ຈາກ​ການ​ແຜ່​ລະບາດ​ຂອງພະຍາດ​ໂຄ​ວິດ-19 ​ແລະ ການລະບາດ​ຂອງ​ພະຍາດ​ໄຂ້ຍຸງ​ລາຍ ​ເຮັດ​ໃຫ້​ບໍ່​ສາມາດ​ປຸກ​ລະດົມ ​ແລະ ຮັບ​ບໍລິຈາກ​ເລືອດ​ໄດ້​ຕາມ​ແຜນ​ທີ່​ວາງ​ໄວ. ​ແຕ່​​ແນວ​ໃດ​ກໍ​ຕາມ ສູນ​ເລືອດ​​ແຫ່ງ​ຊາດຈະ​ສືບ​ຕໍ່​ຮ່ວມ​ກັບຫລາຍ​ພາກ​ສ່ວນຈັດ​ກິດຈະກຳ​ບໍລິຈາກ​ເລືອດໃນຂອບ​ເຂດ​ທົ່ວ​ປະ​ເທດ ​ເພື່ອ​​ບຸກບືນໃຫ້​ບັນລຸ​ຕາມ​ແຜນ​ທີ່​ວາງ​ໄວ້​ໃຫ້​ໄດ້​ເລືອດ 60.700 ຖົງ​ໃນ​ປີ 2020 ນີ້.

ສູນເລືອດແຫ່ງຊາດຈັດກິດຈະກຳບໍລິຈາກເລືອດ - Wave100S AD to Website 2020 0 - ສູນເລືອດແຫ່ງຊາດຈັດກິດຈະກຳບໍລິຈາກເລືອດ

​      ໃນ​ໂອກາດ​ນີ້, ທ່ານ ຄຳ​ຮຸ່ງ ​ເຮືອງ​ວົງ​ສີ ປະທານ​ອົງການ​ກາ​ແດງ​ລາວ ​ໄດ້ມີ​ຄຳ​ເຫັນ​ຝາກ​ເຖິງຜູ້​ທີ່​​ມີ​ເງື່ອນ​ໄຂນັບ​ແຕ່ອາຍຸ 17 ປີ​ຂຶ້ນໄປ, ນໍ້າໜັກ 45 ​ກິ​ໂລຂຶ້ນ​ໄປ ​ແລະ ມີ​ສຸ​ຂະພາບ​ແຂງ​ແຮງ ຈົ່ງປະກອບສ່ວນບໍລິຈາກ​ເລືອດຊ່ວຍ​ເຫລືອ​ສັງຄົມ ກໍ​ຄື​ຊີວິດ​ຂອງ​ຜູ້​ຕ້ອງການ​​ເລືອດທີ່​ຍັງ​ລໍຖ້າ​ຢູ່.

ສູນເລືອດແຫ່ງຊາດຈັດກິດຈະກຳບໍລິຈາກເລືອດ - WhatsApp Image 2020 05 27 at 5 - ສູນເລືອດແຫ່ງຊາດຈັດກິດຈະກຳບໍລິຈາກເລືອດ
ສູນເລືອດແຫ່ງຊາດຈັດກິດຈະກຳບໍລິຈາກເລືອດ - WhatsApp Image 2020 05 27 at 5 - ສູນເລືອດແຫ່ງຊາດຈັດກິດຈະກຳບໍລິຈາກເລືອດ
error: Alert: ເນື້ອຫາຂ່າວມີລິຂະສິດ !!