ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ

ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ - Time fo an Adventure 2020 09 19T093700 - ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ
ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ - Untitled design - ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ

ຊາຍໜຸ່ມຄົນໜຶ່ງພົບເຫັນນາຍຄູເກົ່າຂອງຕົນໃນສະໄໝຮຽນຢູ່ຊັ້ນຖົມໂດຍບາງເອີນຢູ່ໃນງານດອງດອງໜຶ່ງ. ເຂົາຟ້າວຍ່າງເຂົ້າໄປຫານາຍຄູແລ້ວທັກທາຍດ້ວຍຄວາມເຄົາລົບວ່າ:
– ນັກຮຽນ: ສະບາຍດີນາຍຄູ, ນາຍຄູຍັງຈຳນ້ອງໄດ້ຢູ່ບໍ?
– ນາຍຄູ: ໂອ, ນາຍຄູບໍ່ຈື່ນ້ອງແລ້ວ. ນ້ອງລອງເວົ້າກ່ຽວກັບຕົນເອງໃຫ້ນາຍຄູຟັງຕີ.
– ນັກຮຽນ: ນ້ອງແມ່ນນັກຮຽນຢູ່ຫ້ອງ ປ3 ຊຶ່ງອາຈານເປັນຄູປະຈຳຫ້ອງຂອງພວກນ້ອງໃນເວລານັ້ນ. ນ້ອງເປັນຜູ້ທີ່ລັກເອົາໂມງຂອງເພື່ອນຮ່ວມຫ້ອງຄົນໜຶ່ງ. ນ້ອງເວົ້າແນວນີ້ນາຍຄູຄົງຈະຈື່ນ້ອງໄດ້ແລ້ວເນາະ?
ນັກຮຽນເລີ່ມເລົ່າຊ້າໆໃຫ້ນາຍຄູຟັງວ່າ: ເວລານັ້ນມີເພື່ອນຮ່ວມຫ້ອງຄົນໜຶ່ງມີໂມງງາມໆ, ໜ່ວຍໜຶ່ງ, ນ້ອງໄດ້ລັກເອົາຂອງເຂົາ. ເມື່ອເສຍໂມງ, ເພື່ອນຄົນນັ້ນກໍຮ້ອງໃຫ້ຂຶ້ນ ແລ້ວລາຍງານໃຫ້ນາຍຄູຮັບຊາບເລື່ອງລາວ. ເມື່ອນາຍຄູຮັບຊາບເລື່ອງລາວ ກໍອອກຄຳສັ່ງໃຫ້ນັກຮຽນໃນຫ້ອງທັງໝົດລຸກຂຶ້ນ, ແລ້ວບອກໃຫ້ຫຼັບຕາຢືນຢູ່ກັບທີ່. ຫຼັງຈາກນັ້ນນາຍຄູກໍເລີ່ມໄປກວດເບິ່ງໃນຖົງໂສ້ງຖົງເສື້ອຂອງນັກຮຽນແຕ່ລະຄົນ. ນ້ອງຄິດຢູ່ໃນໃຈວ່າ ແນວໃດນາຍຄູກໍຕ້ອງປະຈານໜ້ານ້ອງຕໍ່ທຸກຄົນໃນຫ້ອງຄັກໆ, ໃຫ້ທຸກຄົນຮູ້ວ່ານ້ອງເອງເປັນຄົນລັກເອົາໂມງຂອງເພື່ອນ ແລະ ພວກເພື່ອນກໍຈະຕ້ອງນິນທານ້ອງຕະຫຼອດໄປວ່າ: ” ບັກຂີ້ລັກ” . ເວລານີ້ນ້ອງຮູ້ສຶກຜິດຫວັງໃນການກະທຳຂອງຕົນ, ນ້ອງມີຄວາມຜິດຫວັງຕໍ່ອະນາຄົດທີ່ສວຍສົດງົດງາມຂອງຕົນ, ເສຍດາຍ ແລະ ກິນແໜງແຄງໃຈຕໍ່ການກະທຳຂອງຕົນເອງ ແລະ ຄິດວ່າມາຮອດນີ້ຊີວິດຄົງຈົບລົງພຽງເທົ່ານີ້.
ເມື່ອນາຍຄູກວດເຫັນໂມງແລ້ວ, ນາຍຄູບອກໃຫ້ນັກຮຽນທຸກຄົນມືນຕາແລ້ວນັ່ງລົງ. ນາຍຄູຍິບເອົາໂມງຍົກຂຶ້ນໃຫ້ທຸກຄົນໃນຫ້ອງເບິ່ວ ແຕ່ນາຍຄູບໍ່ໄດ້ບອກວ່າແມ່ນໃຜເປັນຄົນລັກ.
ຕະຫຼອດໄລຍະເວລາທີ່ຮຽນຢູ່ຊັ້ນປະຖົມນັ້ນ, ນາຍຄູບໍ່ໄດ້ເອົາເລື່ອງນີ້ເລົ່າສູ່ໃຜຟັງແມ່ນແຕ່ຄົນດຽວ, ບໍ່ມີຄູຄົນໃດ ແລະ ນັກຮຽນຄົນໃດໃນໂຮງຮຽນຮູ້ເລື່ອງລາວ ແລະ ນາຍຄູກໍບໍ່ໄດ້ກ່າວເຖິງເລື່ອງນັ້ນອີກເລີຍ ແລະ ກໍບໍ່ມີໃຜເວົ້າໃຫ້ນ້ອງວ່າ: ” ບັກຂີ້ລັກ” ອີກ.
ເມື່ອເລົ່າມາຮອດນີ້, ນັກຮຽນຖາມນາຍຄູວ່າ: ນາຍຄູຄົງຈື່ນ້ອງໄດ້ແລ້ວເນາະ?
– ນາຍຄູ: ໂອ, ເມື່ອນ້ອງເລົ່າແນວນີ້ນາຍຄູກະຈື່ໄດ້ແລ້ວ, ແຕ່ນາຍຄູກໍບໍ່ຮູ້ວ່າແມ່ນໃຜເປັນຄົນລັກໃນເວລານັ້ນ ເພາະເວລາກວດຖົງໂສ້ງຖົງເສື້ອຂອງພວກນ້ອງນັ້ນ ນາຍຄູກໍຫຼັບຕາຄືກັນ. ເພາະນາຍຄູບໍ່ຢາກໃຫ້ມັນມີແປ້ວມີແມງໃນຊີວິດໄວເດັກທີ່ສົດໃສຂອງພວກນ້ອງ, ຊຶ່ງມັນເປັນການເຄົາລົບກຽດສັກສີຂອງມະນຸດຄົນໜຶ່ງ. ພວກນ້ອງຍັງມີອາຍຸທີ່ສົດໃສ, ເປັນໜໍ່ແໜງໃນອະນາຄົດຂອງປະເທດຊາດ. ຈະເປັນຜູ້ປົກປັກຮັກສາ ແລະ ພັດທະນາປະເທດຊາດ. ນາຍຄູຄິດວ່າການປະຈານໜ້າກັນເປັນເລື່ອງທີ່ບໍ່ດີ, ບໍ່ມີມະນຸດຄົນໃດທີ່ບໍ່ມີກຽດສັກສີຂອງຄວາມເປັນຄົນ.
ການສຶກສາແມ່ນການເຮັດໃຫ້ຄົນຮູ້ສິ່ງທີ່ດີທີ່ຊອບ. ການສຶກສາບໍ່ແມ່ນການລົງໂທດ, ບໍ່ແມ່ນການທຳລາຍຄວາມເປັນມະນຸດຂອງຄົນ.
ເລື່ອງລາວທີ່ກ່າວມານີ້ ຂໍສະຫຼຸບຄວາມດ້ວຍບົດຮຽນມະນຸດສະທຳທີ່ວ່າ: ” ການສຶກສາຄືການແນະນຳ ແລະ ຖະນຸບຳລຸງ ຫາກບໍ່ແມ່ນການທຳລາຍຄວາມເປັນມະນຸດຂອງຄົນ ” .

ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ - Wave100S AD to Website 2020 0 - ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ
ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ - WhatsApp Image 2020 05 27 at 5 - ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ
ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ - WhatsApp Image 2020 05 27 at 5 - ການສຶກສາຄືການຖະນຸບຳລຸງຫາກບໍ່ແມ່ນການທຳລາຍກຽດສັກສີຄວາມເປັນມະນຸດ
error: Alert: ເນື້ອຫາຂ່າວມີລິຂະສິດ !!