ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ

ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ -                                                                       4                                               6 1 - ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ
ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ - 174233 - ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ

ໃນວັນທີ 17 ກັນຍານີ້, ຄະນະຜູ້ແທນ ສປປ ລາວ ໄດ້ເຂົ້າຮ່ວມກອງປະຊຸມທາງໄກລັດຖະມົນຕີຕ່າງປະເທດ ຂອງກຸ່ມປະເທດດ້ອຍພັດທະນາ ປະຈຳປີ 2020 (The Annual 2020 High-Level Meeting of the Ministers of Foreign Affairs of the Least Developed Countries), ນຳໂດຍ ທ່ານ ທອງຜ່ານ ສະຫວັນເພັດ, ຮອງລັດຖະມົນຕີ ກະຊວງການຕ່າງປະເທດ ພ້ອມດ້ວຍຄະນະໄດ້ຕາງໜ້າໃຫ້ລັດຖະບານ ນຳພາຄະນະເຂົ້າຮ່ວມກອງປະຊຸມ ໂດຍມີປະເທດຕ່າງໆເຂົ້າຮ່ວມທັງໝົດ 47 ປະເທດ.

ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ - 2020 - ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ

ກອງປະຊຸມດັ່ງກ່າວ ແມ່ນໄດ້ຈັດຂຶ້ນເປັນປະຈຳທຸກປີ ໃນໄລຍະກອງປະຊຸມສະມັດຊາໃຫຍ່ ອົງການ ສປຊ ຊຶ່ງເປັນເວທີໃຫ້ແກ່ ບັນດາລັດຖະມົນຕີຕ່າງປະເທດ ຂອງ ກຸ່ມປະເທດດ້ອຍພັດທະນາ (LDCs) ລວມທັງຜູ້ຕາງໜ້າຈາກ ບັນດາປະເທດຄູ່ຮ່ວມພັດທະນາ, ອົງການເຄືອຂ່າຍ ສປຊ ແລະ ອົງການຈັດຕັ້ງສາກົນອື່ນໆທີ່ກ່ຽວຂ້ອງ ເພື່ອມາຮ່ວມກັນປຶກສາຫາລື ແລະ ແລກປ່ຽນຄຳຄິດຄຳເຫັນກ່ຽວກັບ ບັນຫາທີ່ພົ້ນເດັ່ນຕ່າງໆ ແລະ ຮ່ວມກັນກຳນົດແນວທາງ ໃນການຈັດຕັ້ງປະຕິບັດແຜນດຳເນີນງານ ອິສຕັນບູລ (Istanbul Programme of Action – IPoA) ສໍາລັບປະເທດດ້ອຍພັດທະນາ ຂອງອົງການ ສປຊ.

ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ - 2020 - ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ

ທ່ານຮອງລັດຖະມົນຕີ ໄດ້ສະແດງໃຫ້ເຫັນເຖິງຄວາມຕັ້ງໜ້າຂອງ ສປປ ລາວ ໃນການຕັ້ງປະຕິບັດແຜນດຳເນີນງານ IPoA ລວມທັງຍົກໃຫ້ເຫັນບັນດາຜົນສຳເລັດ ແລະ ສິ່ງທ້າທາຍຕ່າງໆ ໃນໄລຍະຜ່ານມາ. ພ້ອມຍົກໃຫ້ເຫັນເຖິງ ຜົນກະທົບທີ່ມາຈາກການລະບາດຂອງພະຍາດໂຄວິດ-19 ໂດຍສະເພາະທີ່ຕິດພັນກັບຂົງເຂດເສດຖະກິດ-ສັງຄົມ ເປັນຕົ້ນແມ່ນ ດ້ານການທ່ອງທ່ຽວ, ການລົງທຶນ ແລະ ການຄ້າ ຊຶ່ງນຳໄປສູ່ການສູນເສຍລາຍຮັບຢ່າງຫຼວງຫຼາຍສຳລັບປະເທດ ລວມໄປເຖິງຜົນກະທົບໄລຍະຍາວຕໍ່ກັບຊີວິດການເປັນຢູ່ຂອງປະຊາຊົນໃນຫຼາຍມິຕິ. ສະນັ້ນ, ໃນທ່າມກາງສະພາບການດັ່ງກ່າວ ສປປ ລາວ ຈຶ່ງໄດ້ຮຽກຮ້ອງໃຫ້ບັນດາປະເທດຄູ່ຮ່ວມພັດທະນາ, ອົງການເຄືອຂ່າຍ ສປຊ ແລະ ສະຖາບັນການເງິນສາກົນຕ່າງໆ ສືບຕໍ່ສະໜັບສະໜູນຊ່ວຍເຫຼືອບັນດາປະເທດດ້ອຍພັດທະນາເປັນຕົ້ນແມ່ນໃນຮູບແບບຂອງ ການຊ່ວຍເຫຼືອທາງການເພື່ອການພັດທະນາ (ODA) ຊຶ່ງມີຄວາມສຳຄັນຢ່າງຍິ່ງ ປະກອບສ່ວນເຂົ້າໃນການສ້າງນະໂຍບາຍໄລຍະສັ້ນ-ກາງ-ຍາວ ເພື່ອຮັບປະກັນວ່າ ປະຊາຊົນ, ຄົວເຮືອນ ແລະ ບັນດາທຸລະກິດທີ່ໄດ້ຮັບຜົນກະທົບອັນໜັກໜ່ວງ ສາມາດໄດ້ຮັບການສະໜັບສະໜູນທີ່ຈຳເປັນ.

ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ - Wave100S AD to Website 2020 0 - ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ

ນອກນັ້ນ, ຄະນະຜູ້ແທນ ສປປ ລາວ ກໍໄດ້ແຈ້ງໃຫ້ຊາບກ່ຽວກັບຄວາມຄືບໜ້າໃນຂະບວນການຫຼຸດພົ້ນອອກຈາກ ສະຖານະພາບປະເທດດ້ອຍພັດທະນາຂອງປະເທດ ຊຶ່ງອົງການ ສປຊ ຈະມີການປະເມີນ ສປປ ລາວ ເປັນຮອບທີສອງ ໃນຕົ້ນປີ 2021 ໂດຍຄາດວ່າ ສປປ ລາວ ຈະສາມາດຜ່ານເກີນການປະເມີນ ເພື່ອຫຼຸດພົ້ນອອກຈາກສະຖານະພາບປະເທດດ້ອຍພັດທະນາ ໄດ້ຢ່າງໜ້ອຍ 2 ໃນ 3 ເກນ ຫຼື ອາດຈະຜ່ານທັງໝົດ 3 ເກນ ແລະ ຈະກ້າວເຂົ້າສູ່ໄລຍະຂ້າມຜ່ານໃນຕໍ່ໜ້າ. ເຖິງແນວໃດກໍ່ຕາມ, ອີງໃສ່ສະພາບການລະບາດຂອງ ພະຍາດໂຄວິດ-19 ໃນປັດຈຸບັນ ສປປ ລາວ ອາດມີການພິຈາລະນາຂັ້ນຕອນໃນການຫຼຸດພົ້ນຄືນໃໝ່ ເພື່ອຮັບປະກັນໃຫ້ແກ່ການຫຼຸດພົ້ນດັ່ງກ່າວ ມີຄຸນະພາບ ແລະ ມີລັກສະນະຍືນຍົງ.

 

ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ - WhatsApp Image 2020 05 27 at 5 - ຄະນະຜູ້ແທນລາວ ຮຽກຮ້ອງໃຫ້ປະເທດຄູ່ຮ່ວມພັດທະນາສືບຕໍ່ສະໜັບສະໜູນຊ່ວຍເຫຼືອກຸ່ມປະເທດດ້ອຍພັດທະນາ
error: Alert: Content is protected !!