10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ

10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ - 555 55 - 10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ
10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ - Untitled design - 10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ

ເຊື່ອຫລືບໍ່ວ່າບາງເທື່ອຄົນເຮົາກໍບໍ່ມີຄວາມສຸກຍ້ອນນິໄສຂອງຕົນເອງ, ການປັບປ່ຽນນິໄສ ແລະ ທັດສະນະຄະຕິພຽງບໍ່ເທົ່າໃດຂໍ້ກໍສາມາດເຮັດໃຫ້ທ່ານພົບກັບຄວາມສຸກ ແລະ ຄວາມເພິງພໍໃຈໃນຊີວິດໄດ້ ຖ້າເຊັ່ນນັ້ນ ມາເບິ່ງກັນວ່າ ນິໄສຫຍັງແດ່ທີ່ເຮົາຄວນຢຸດປະພຶດ ເພື່ອໃຫ້ຕົນເອງມີຄວາມສຸກຢ່າງທີ່ຄວນຈະເປັນ.

  1. ປຽບທຽບຕົນເອງກັບຄົນອື່ນ : ທຸກມື້ນີ້ໂລກອອນລາຍເຮັດໃຫ້ຄົນທົ່ວໄປຮູ້ສຶກວ່າຕົນເອງດ້ອຍກ່ວາຄົນອື່ນໄດ້ຕະຫລອດເວລາ ເພາະໃນໂລກອອນລາຍສ່ວນຫລາຍຜູ້ຄົນມັກຈະອວດຊີວິດດີໆຜ່ານຮູບຖ່າຍ ຫລື ຄລິບວີດີໂອ, ແຕ່ຄວາມຈິງແລ້ວທ່ານບໍ່ຮູ້ເລີຍວ່າຊີວິດຈິງຂອງພວກເຂົາມີຄວາມສຸກດັ່ງທີ່ເຫັນໃນຮູບຖ່າຍຫລືບໍ່. ດັ່ງນັ້ນ, ຄວນຢຸດເຊົາປຽບທຽບຕົນເອງກັບຄົນອື່ນ ແລະ ຫັນມາສົນໃຈກັບເປົ້າໝາຍໃນຊີວິດຂອງຕົນເອງ ກົ້ມໜ້າກົ້ມຕາເຮັດໄປ ເພື່ອໄປໃຫ້ເຖິງຈຸດໝາຍ ເຖິງເວລານັ້ນທ່ານຈະຮູ້ສຶກວ່າຊີວິດຂອງທ່ານດີຂຶ້ນເອງ.
  2. ລໍຖ້າເວລາທີ່ຄິດວ່າພ້ອມ : ຄວາມເຂົ້າໃຈຜິດຢ່າງໜຶ່ງຂອງຄົນທົ່ວໄປ ເວລາຈະລົງມືເຮັດຫຍັງຈັກຢ່າງ ມັກຈະລໍຖ້າເວລາທີ່ຄິດວ່າແມ່ນ, ລໍຖ້າເວລາທີ່ຄິດວ່າພ້ອມ ໂດຍທີ່ຄວາມຈິງແລ້ວນັ້ນ ຖ້າທ່ານຄິດຈະເຮັດຫຍັງກໍຄວນລົງມືເຮັດເລີຍ ເພາະໂຕເຮົາເອງນັ້ນຮູ້ສັກກະຍະພາບຂອງຕົນເອງດີ, ບໍ່ມີໄລຍະເວລາທີ່ເໝາະສົມ ຫລື ໄລຍະເວລາທີ່ດີທີ່ສຸດຢູ່ຈິງ, ມີແຕ່ໄລຍະເວລາທີ່ລົງມືເຮັດແທ້ ເມື່ອເຮັດໄປແລ້ວຜົນທີ່ໄດ້ຈະບອກທ່ານເອງວ່າຕ້ອງເຮັດແນວໃດຕໍ່ໄປ. ເມົາແຕ່ລໍຖ້າ, ເມົາແຕ່ຄິດວ່າຈະເຮັດ, ແຕ່ບໍ່ລົງມືເຮັດ ທ່ານຈະບໍ່ມີມື້ໄດ້ເຮັດ.
  3. ເລືອກວຽກໂດຍເບິ່ງທີ່ລາຍຮັບເປັນຫລັກ : ສິ່ງສຳຄັນໃນການເລືອກວຽກທີ່ຈະເຮັດບໍ່ແມ່ນໂຕເລກເງິນດືອນ ຫລື ຄ່າຕອບແທນ, ແຕ່ຕ້ອງເບິ່ງນຳວ່າວຽກທີ່ຈະເຮັດນັ້ນເຮັດໃຫ້ທ່ານກ່າວໜ້າພຽງໃດ ແລະ ເມື່ອທ່ານໄດ້ເຂົ້າໄປເປັນພະນັກງານແລ້ວຈະເຮັດວຽກໂດຍທີ່ບໍ່ຮູ້ສຶກວ່າຖືກບັງຄັບໃຫ້ລຸກຂຶ້ນຈາກຕຽງເພື່ອໄປເຮັດວຽກ, ແຕ່ຮູ້ວ່າຢາກໄປເຮັດວຽກທຸກມື້. ດັ່ງນັ້ນ, ການເລືອກວຽກໂດຍເອົາເງິນເປັນໂຕຕັ້ງອາດບໍ່ແມ່ນຄຳຕອບສຸດທ້າຍຂອງການເຮັດວຽກຢ່າງແທ້ຈິງ.
  4. ເກັບເອົາຄວາມຮູ້ສຶກດ້ານລົບໄວ້ຫລາຍເກີນໄປ : ຊີວິດບໍ່ໄດ້ມີແຕ່ຄວາມໝົ່ນໝອງຕະຫລອດໄປ, ຊີວິດນັ້ນມີທັງດ້ານບວກ ແລະ ດ້ານລົບ, ຜິດຫວັງ ແລະ ສົມຫວັງ, ເສຍໃຈ ແລະ ດີໃຈ, ໄດ້ມາ ແລະ ເສຍໄປ ຈົ່ງຊື່ນຊົມກັບທຸກລົດຊາດຈະດີກ່ວາປ່ອຍໃຫ້ຊີວິດຂອງທ່ານຕົກຢູ່ແຕ່ໃນດ້ານໝົ່ນໝອງ, ຄວາມຮູ້ສຶກດ້ານລົບ ບໍ່ວ່າຈະແມ່ນຄວາມອິດສາ, ຄວາມຄຽດຊັງ ຫລື ຄວາມບໍ່ພໍໃຈ, ອາລົມແບບນີ້ເມື່ອສະສົມໂຮມກັນຫລາຍຂຶ້ນ ຈະເຮັດໃຫ້ທ່ານຮູ້ສຶກວ່າທຸກສິ່ງອ້ອມຂ້າງບໍ່ໜ້າຊື່ນຊົມເລີຍ ທັງຍັງເຮັດໃຫ້ທ່ານກາຍເປັນຄົນຄິດຫລາຍ, ອຸກໃຈໄດ້ແມ່ນແຕ່ເລື່ອງນ້ອຍໆ. ດັ່ງນັ້ນ, ຢ່າໄປເສບຕິດຄວາມຄິດດ້ານລົບພຽງດ້ານດຽວ, ເອົາຄວາມຫວານເຂົ້າຊີວິດໃຫ້ມີຄວາມສຸກແດ່ກໍຈະເປັນການດີບໍ່ໜ້ອຍ.
  5. ວິຕົກກັງວົນ ຫລື ເຄັ່ງຄຽດຫລາຍຈົນເກີນໄປ : ມີຄົນຈຳນວນບໍ່ໜ້ອຍທີ່ຕົກເປັນເຫຍື່ອຄວາມຄິດຫລາຍຂອງຕົນເອງ, ຄິດໄປໂດຍທີ່ຍັງບໍ່ມີມູນເຫດໃຫ້ເລື່ອງທີ່ຄິດນັ້ນເປັນຈິງໄດ້ໃນຮູບເງົາເລື່ອງນັ້ນເລື່ອງນີ້ ເຊິ່ງຄວາມຢ້ານ ນຳໄປສູ່ຄວາມຄຽດ, ຄວາມຄຽດນຳໄປສູ່ຄວາມຊັງ ແລະ ຄວາມຊັງນຳໄປສູ່ຄວາມສູນເສຍ. ດັ່ງນັ້ນ, ການເກັບເອົາຄວາມວິຕົກກັງວົນໄວ້ກັບຕົນເອງຫລາຍເກີນໄປຈະເຮັດໃຫ້ທ່ານບໍ່ກ້າທີ່ຈະຕັດສິນໃຈ ຫລື ກ້າວໄປສູ່ເລື່ອງທີ່ຍິ່ງໃຫຍ່ກ່ວາໃນຊີວິດ.
  6. ຕິດຢູ່ກັບອະດີດ : ການຕິດຢູ່ກັບອະດີດທີ່ຜິດພາດ ແລະ ໂທດຕົນເອງຊຳ້ໆ ເປັນການກະທຳທີ່ຈະເຮັດໃຫ້ທ່ານຕົກຢູ່ໃນຄວາມທຸກຕະຫລອດເວລາ. ຂະນະດຽວກັນ ຄວາມທຸກດັ່ງກ່າວຈະສົ່ງຜົນກັບຊີວິດໃນປັດຈຸບັນຂອງທ່ານນຳ.
  7. ລືມທີ່ຈະສ້າງຄວາມສຸກຈາກຄວາມເຕີບໃຫຍ່ທາງດ້ານຈິດໃຈ ແລະ ສັກກະຍະພາບຂອງຕົນເອງ : ໃນຊີວິດຄົນເຮົາສາມາດມີຄວາມສຸກໄດ້ງ່າຍໆ,​ ແຕ່ຫລາຍຄົນມັກຈະລືມໄປຄື ການສ້າງຄວາມສຸກຈາກສິ່ງເລັກໆນ້ອຍໆອ້ອມໂຕ ບໍ່ວ່າຈະເປັນການໄດ້ສິ່ງຂອງ ຫລື ການໄດ້ຮັບນຳ້ໃຈຈາກເລື່ອງທີ່ບໍ່ໄດ້ຍິ່ງໃຫຍ່ຫຍັງຫລາຍ ລວມໄປເຖິງການປະສົບຄວາມສຳເລັດຕາມເປົ້າໝາຍນ້ອຍໆໃນຊີວິດປະຈຳວັນ. ຂະນະທີ່ຄວາມສຸກເລັກໆນ້ອຍໆອີກຮູບແບບໜຶ່ງແມ່ນຄວາມສຸກແບບໝັ້ນຍືນ ເປັນຄວາມສຸກທີ່ເກີດຈາກການທີ່ທ່ານໄດ້ພັດທະນາຈິດໃຈ ແລະ ໂຕທ່ານເອງໃຫ້ດີຂຶ້ນກ່ວາໃນອະດີດ, ຄວາມສຸກໃນລັກສະນະນີ້ຈະສົ່ງຜົນຕໍ່ການເບິ່ງໂລກທີ່ດີຫລາຍຂຶ້ນ ເຊິ່ງຄົນສ່ວນຫລາຍມັກຈະຫລົງລືມໄປ.
  8. ພະຍາຍາມສ້າງຄວາມປ່ຽນແປງແບບທັນທີທັນໃດ : ຄວາມປ່ຽນແປງເກີດຂຶ້ນໄດ້ຕະຫລອດເວລາດ້ວຍການເລີ່ມຕົ້ນຈາກໂຕທ່ານ ແລະ ຄວາມປ່ຽນແປງນັ້ນຕ້ອງເປັນແບບຄ່ອຍເປັນຄ່ອຍໄປ, ແຕ່ຫລາຍຄົນບໍ່ຢາກອົດທົນລໍຖ້າ, ຢາກໃຫ້ປ່ຽນໄປເລີຍແບບປີ້ນຝາມື ເຊິ່ງມີຄວາມເປັນໄປໄດ້ຍາກ ຫລື ເປັນໄປບໍ່ໄດ້ເລີຍ ເພາະແມ່ນແຕ່ທ່ານເອງກໍຍັງບໍ່ສາມາດປ່ຽນຕົນເອງໄດ້ທັນທີ ເພາະຄວາມປ່ຽນແປງນັ້ນຕ້ອງໃຊ້ເວລາ ແລະ ເລີ່ມຕົ້ນຈາກໂຕທ່ານເອງກ່ອນ ເພາະຖ້າທ່ານຢາກປ່ຽນແລ້ວລໍຖ້າຄົນອື່ນມາເລີ່ມ ຄວາມປ່ຽນແປງນັ້ນບໍ່ມີທາງເກີດຂຶ້ນໄດ້.
  9. ໃຊ້ເວລາຢູ່ກັບຄົນທີ່ມີຄວາມຄິດດ້ານລົບຫລາຍເກີນໄປ : ຈະມີຄົນບາງຈຳນວນທີ່ຈອບດູດເອົາພະລັງບວກຈາກທ່ານໄປໂດຍທີ່ທ່ານບໍ່ຮູ້ໂຕ, ຄົນເຫລົ່ານັ້ນແມ່ນຄົນທີ່ເຕັມໄປດ້ວຍພະລັງທາງດ້ານລົບ ພວກເຂົາບໍ່ເຄີຍເຫັນວ່າໃຜຈະດີໄປກ່ວາຕົນເອງ, ບໍ່ເຄີຍຄິດວ່າຄົນອື່ນດີພໍສຳລັບຕົນເອງ ແລະ ມັກຈະນຳເອົາພະລັງດ້ານລົບມາສູ່ທ່ານໂດຍທີ່ທ່ານເອງບໍ່ຮູ້ໂຕ ເມື່ອທ່ານຢູ່ກັບຄົນປະເພດນີ້ດົນໆ ທ່ານຈະຮູ້ສຶກວ່າໄດ້ຮັບມົນລະພິດທາງອາລົມຫລາຍຈົນເກີນໄປ.
  10. ໃຫ້ຄວາມສຳຄັນກັບຮູບຮ່າງພາຍນອກຫລາຍເກີນໄປ : ຢ່າຕັດສິນໜັງສືຢູ່ໜ້າປົກ ແມ່ນຄຳນິຍາມຂອງພຶດຕິກຳທີ່ເຮັດໃຫ້ທ່ານບໍ່ມີຄວາມສຸກ. ໃນຂໍ້ສຸດທ້າຍຫລາຍຄົນເບິ່ງຄົນອື່ນຈາກຮູບຮ່າງພາຍນອກ ຫລື ຜ່ານໂລກອອນລາຍ. ຈາກນັ້ນກໍອົດບໍ່ໄດ້ທີ່ຈະປຽບທຽບກັບຕົນເອງ ໃຫ້ຄວາມສຳຄັນກັບເປືອກທີ່ເຫັນຫລາຍກ່ວາທັດສະນະຄະຕິ ຫລື ວິຖີການໃຊ້ຊີວິດຂອງຄົນຜູ້ນັ້ນ ໂດຍທີ່ໃນຄວາມເປັນຈິງແລ້ວການໃຫ້ຄວາມສຳຄັນກັບຄວວາມງາມທີ່ຢູ່ພາຍໃນ ສຳຄັນຫລາຍກ່ວາຮູບກາຍພາຍນອກຫລາຍ.
10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ - WhatsApp Image 2020 05 27 at 5 - 10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ
10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ - WhatsApp Image 2020 05 27 at 5 - 10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ
10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ - Wave100S AD to Website 2020 0 - 10 ນິດໄສທີ່ຄວນຢຸດ ເພາະຈະເຮັດໃຫ້ທ່ານບໍ່ມີຄວາມສຸກ
error: Alert: ເນື້ອຫາຂ່າວມີລິຂະສິດ !!