ສ້າງກ້າມ ບໍ່ຈຳເປັນຕ້ອງກິນແຕ່ອົ້ງໄກ່

ສ້າງກ້າມ ບໍ່ຈຳເປັນຕ້ອງກິນແຕ່ອົ້ງໄກ່ - 555 57 - ສ້າງກ້າມ ບໍ່ຈຳເປັນຕ້ອງກິນແຕ່ອົ້ງໄກ່
ສ້າງກ້າມ ບໍ່ຈຳເປັນຕ້ອງກິນແຕ່ອົ້ງໄກ່ - 174233 - ສ້າງກ້າມ ບໍ່ຈຳເປັນຕ້ອງກິນແຕ່ອົ້ງໄກ່

ຜູ້ບ່າວນັກກ້າມ ຫລື ຜູ້ທີ່ອອກກຳລັງກາຍເປັນປະຈຳ ອາດຈະຕ້ອງເຄີຍຈົ່ມ ແລະ ມີຄຳຖາມກັບຕົນເອງວ່າ ຈະສ້າງກ້າມຊີ້ນເປັນຫຍັງຈຶ່ງຕ້ອງກິນແຕ່ອົ້ງໄກ່ ? ແມ່ນຢູ່ວ່າອົ້ງໄກ່ເປັນແຫ່ລງໂປຣຕິນທີ່ຫາງ່າຍ ແລະ ມີລາຄາບໍ່ແພງຫລາຍ, ແຕ່ຈະໃຫ້ກິນທຸກໆຄາບ ເຊົ້າ – ສວາຍ – ແລງ ທຸກມື້ ມັນກໍໜ້າເບື່ອ ຈະມີອາຫານຢ່າງອື່ນບໍ່ທີ່ຈະຊ່ວຍໃນການສ້າງກ້າມຊີ້ນ ແລະ ມີໂປຣຕິນທຽບເທົ່າກັບອົ້ງໄກ່ ? ສິ່ງສຳຄັນລາຄາຕ້ອງບໍ່ແພງຫລາຍ ຄຳຕອບກໍຄື ມີ ແຕ່ຈະມີຫຍັງແດ່ນັ້ນ ມາເບິ່ງນຳກັນເລີຍ.

ສ້າງກ້າມ ບໍ່ຈຳເປັນຕ້ອງກິນແຕ່ອົ້ງໄກ່ - Wave100S AD to Website 2020 0 - ສ້າງກ້າມ ບໍ່ຈຳເປັນຕ້ອງກິນແຕ່ອົ້ງໄກ່
  • ຜັກຫົມ : ແຫ່ລງໂປຣຕິນທີ່ສຳຄັນອີກທາງເລືອກໜຶ່ງ ກິນຜັກຫົມເປັນປະຈຳຈະຊ່ວຍໃຫ້ກ້າມຊີ້ນໃຫຍ່ຂຶ້ນ ເພາະຜັກຫົມເປັນແຫ່ລງໂປຣຕິນທີ່ສຳຄັນ ໂດຍໃນຜັກຫົມ 1 ຖ້ວຍ ຈະໃຫ້ໂປຣຕິນ 6 ກຣາມ ແລະ ລາຄາຜັກຫົມກໍບໍ່ແພງຈົນເກີນໄປ.
  • ໜໍ່ໄມ້ຝຣັ່ງ : ໃນໜໍ່ໄມ້ຝຣັ່ງ 1 ຖ້ວຍ ໃຫ້ພະລັງງານ 40 ກາລໍຣີ ແລະ ໃຫ້ໂປຣຕິນ 4,5 ກຣາມ. ນອກຈາກນີ້, ໃນໜໍ່ໄມ້ຝຣັ່ງຍັງເປັນແຫ່ລງອຸດົມຂອງວິຕາມິນ A, C, K ແລະ ໂຟເລດ, ລາຄາກໍບໍ່ແພງຫລາຍປານໃດ.
  • ຫົວບີທຣູດ : ມີການວິໄຈຈາກສະຖາບັນສຸຂະພາບຂອງເຄລບແລນ ກ່າວວ່າ ໃນຫົວບີທຣູດມີສານອາຫານທີ່ຊ່ວຍໃຫ້ກ້າມຊີ້ນພາກສ່ວນຕ່າງໆໃນຮ່າງກາຍເຮັດວຽກໄດ້ຢ່າງມີປະສິດທິພາບຫລາຍຂຶ້ນ ແລະ ນອກຈາກສານດັ່ງກ່າວແລ້ວ ຫົວບີທຣູດຍັງອຸດົມໄປດ້ວຍສານອາຫານທີ່ມີຄຸນຄ່າອີກຫລາຍຊະນິດ ທັງລາຄາກໍບໍ່ແພງຫລາຍ.
  • ຖົ່ວ : ໃນຖົ່ວ 1 ຖ້ວຍ ຈະໃຫ້ໂປຣຕິນ 15 ກຣາມ ຖືວ່າເປັນອາຫານທີ່ໃຫ້ໂປຣຕູນຫລາຍ ແລະ ຈະຍິ່ງມີຄຸນຄ່າທາງສານອາຫານເມື່ອກິນຄຽງຄູ່ກັບທັນຍາພືດ ແລະ ຜັກຊະນິດອື່ນໆ ເພາະເປັນການເສີມກົດອະມິໂນສຳລັບການເພີ່ມກ້າມຊີ້ນນຳອີກ. ນອກຈາກນີ້ຍັງຊ່ວຍໃຫ້ຮ່າງກາຍຂອງທ່ານໄດ້ຮັບກົດອະມິໂນທີ່ຈຳເປັນເພື່ອເພີ່ມປະສິດທິພາບການເຕີບໃຫຍ່ຂອງກ້າມຊີ້ນໄດ້ນຳ ແລະ ເລື່ອງລາຄາກໍບໍ່ແພງຈົນເກີນໄປ.
  • ໄຂ່ໄກ່ : ຜູ້ຊ່ຽວຊານທາງດ້ານໂພຊະນາການລ້ວນແຕ່ແນະນຳວ່າ ໄຂ່ໄກ່ເປັນແຫ່ລງໂປຣຕິນທີ່ຫາກິນໄດ້ງ່າຍ ແລະ ລາຄາຖືກທີ່ສຸດແລ້ວ ໂດຍໄຂ່ໄກ່ 1 ໜ່ວຍ ນຳ້ໜັກສະເລ່ຍປະມານ 50 ກຣາມ ໃຫ້ພະລັງງານ 80 ກາລໍຣີ, ມີໂປຣຕິນ 6 – 7 ກຣາມ ລວມເຖິງມີໂຄລີນ ເຊິ່ງເປັນສານສຳຄັນທີ່ຈຳເປັນສຳລັບການສ້າງແຊນກ້າມຊີ້ນນຳອີກ.
  • ປາທູນ່າ : ເປັນຊີ້ນສັດທີ່ຍ່ອຍງ່າຍທີ່ສຸດ ແລະ ໃຫ້ໂປຣຕິນຫລາຍ ເໝາະສົມຢ່າງຍິ່ງສຳລັບຜູ້ທີ່ຢາກສ້າງກ້າມຊີ້ນ ຫລື ຄວບຄຸມນຳ້ໜັກ ເພາະໂປຣຕິນໃນຊີ້ນປາທູນ່າຈະຊ່ວຍເສີມສ້າງກ້າມຊີ້ນ ແລະ ຟື້ນຟູພາກສ່ວນເສື່ອມສະພາບຂອງຮ່າງກາຍ ແລະ ຍັງມີສານອາຫານທີ່ຈຳເປັນຕໍ່ການເຕີບໃຫຍ່ຂອງຮ່າງກາຍຫລາຍຊະນິດ. ໃນປາທູນ່າ 100 ກຣາມ ມີປະລິມານໂປຣຕິນ 30 ກຣາມ ທັງຍັງຫາຊື້ງ່າຍ ໂດຍສະເພາະໃນຮູບແບບກະປ໋ອງສຳເລັດຮູບ ແລະ ລາຄາກໍບໍ່ແພງຫລາຍ.
ສ້າງກ້າມ ບໍ່ຈຳເປັນຕ້ອງກິນແຕ່ອົ້ງໄກ່ - WhatsApp Image 2020 05 27 at 5 - ສ້າງກ້າມ ບໍ່ຈຳເປັນຕ້ອງກິນແຕ່ອົ້ງໄກ່
error: Alert: Content is protected !!