ຮູບຮ່າງງາມໄດ້ງ່າຍໆພຽງແຕ່ຮູ້ຈັກຮໍໂມນ

- advert banner 728 90 728x90 -  ຮູບຮ່າງງາມໄດ້ງ່າຍໆພຽງແຕ່ຮູ້ຈັກຮໍໂມນ

ຮໍໂມນ ບໍ່ແມ່ນແຕ່ສານເຄມີຈາກຕ່ອມບໍ່ມີທໍ່ທີ່ເຝົ້າຄວບຄຸມການເຮັດວຽກຂອງຮ່າງກາຍໃຫ້ດຸ່ນດ່ຽງເທົ່ານັ້ນ, ແຕ່ມັນຍັງກ່ຽວ ຂ້ອງກັບນ້ຳໜັກໂຕຂອງເຮົາ ນັບແຕ່ຄວາມຮູ້ສຶກຫິວໄປຈົນເຖິງຂະບວນການສະສົມໄຂມັນນຳອີກ.

- new3 -  ຮູບຮ່າງງາມໄດ້ງ່າຍໆພຽງແຕ່ຮູ້ຈັກຮໍໂມນ

– ຮໍໂມນເລບຕິນ : ເປັນໜຶ່ງໃນຮໍໂມນທີ່ຜະລິດຈາກແຊນໄຂມັນ ເຊິ່ງເຮັດໜ້າທີ່ຄວບຄຸມຄວາມຢາກອາຫານ ເຊິ່ງນັກວິໄຈພົບວ່າ ຄົນທີ່ມີໄຂມັນສ່ວນເກີນໃນຮ່າງກາຍມີສິດພະເຊີນອາການຕ້ານຮໍໂມນເລບຕິນ ເຊິ່ງສະໝອງຈະບໍ່ຕອບສະໜອງຕໍ່ເລບຕິນ ເຖິງວ່າມັນຈະຫລັ່ງອອກມາຫລາຍກໍຕາມ ຈົນປະຈຸບັນຍັງຄົງບໍ່ຮູ້ສາເຫດທີ່ແທ້ຈິງ, ແຕ່ທິດສະດີໜຶ່ງບົ່ງບອກວ່າ : ແຊນໄຂມັນຜະລິດສານທີ່ກໍ່ໃຫ້ເກີດການອັກເສບ ແລ້ວໄປຂັດຂວາງການເຮັດວຽກຂອງເລບຕິນ ຮ່າງກາຍກໍຄິດວ່າມັນກຳລັງຫິວ, ລະບົບເຜົາຜານເຮັດວຽກຊ້າລົງ ຕະຫລອດຮອດສະໝອງຈະສົ່ງສັນຍານໄປກະຕຸ້ນໃຫ້ທ່ານຫິວ ແລະ ກິນຫລາຍໂດຍບໍ່ຫ້າມປາກ ໂດຍສະເພາະແມ່ນອາຫານທີ່ມີກາລໍຣີຫລາຍ.

– ວິທີສ້າງຄວາມດຸ່ນດ່ຽງຮໍໂມນ : ຂ່າວດີຄື ອາການຕ້ານຮໍໂມນເລບຕິນສາມາດປິ່ນປົວໄດ້ໂດຍອາຫານທະເລ ແລະ ການ ອອກກຳລັງກາຍ, ລອງກິນຜັກ 1 ຖ້ວຍນ້ອຍກ່ອນ 10:00 ໂມງເຊົ້າທຸກມື້ ເຊິ່ງ ທ່ານ ສະກັອດ ໄອແຊກ (Scott Isaacs) ແພດດ້ານລະບົບຕ່ອມບໍ່ມີທໍ່ໃນແອດແລນຕ້າ ຄົ້ນພົບວ່າ : ຄົນທີ່ກິນຕາມຄຳແນະນຳມີທ່າອ່ຽງກິນໜ້ອຍລົງ ລວມເຖິງໄຟເບີ ແລະ ສານແອນຕີອັອກຊິແດນທີ່ຊ່ວຍຫລຸດອາການອັກເສບທີ່ລົບກວນການເຮັດວຽກຂອງເລບຕິນ ນັ້ນຊ່ວຍເພີ່ມອັດຕາການເຜົາຜານໄຂມັນ ແລະ ຫລຸດຄວາມຮູ້ສຶກຢາກອາຫານ.

– ຮໍໂມນຄໍຕິໂຊນ ແລະ ເຊໂຣໂທນິນ : ເຄີຍສັງເກດຫລືບໍ່ວ່າໃນມື້ທີ່ເຄັ່ງຄຽດ, ຫຍຸ້ງຍາກວຸ້ນວາຍ ເປັນຫຍັງຈຶ່ງຮູ້ສຶກຢາກກິນ ອາຫານຫວານໆເປັນພິເສດ ນັ້ນເປັນຍ້ອນຕ່ອມໝາກໄຂ່ຫລັງຫລັ່ງຮໍໂມນຄວາມເຄັ່ງຄຽດອອກມາເພື່ອກຽມພະລັງງານໃຫ້ຢູ່ໃນລະບົບພ້ອມສູ້ ຫລື ຖອຍໜີ ຮ່າງກາຍຈຶ່ງຕ້ອງການແປ້ງກັບນ້ຳຕານຫລາຍຂຶ້ນ. ນອກຈາກນີ້, ຍັງມີວຽກງານວິໄຈອີກຫລາຍຢັ້ງຢືນວ່າຄໍຕິໂຊນເປັນຕົ້ນເຫດຂອງໄຂມັນ 3 ຊັ້ນ.​ ສ່ວນເຊໂຣໂທນິນ ກໍໃຫ້ຜົນກົງກັນຂ້າມ ຮໍໂມນຊະນິດນີ້ເຮັດໃຫ້ທ່ານຮູ້ສຶກສະຫງົບລົງ ຍ້ອນ Belviq ຢາໂຕໃໝ່ທີ່ໄດ້ຮັບການຮັບຮອງຈາກ FDA ຂອງອາເມລິກາໃຫ້ເປັນຢາຄຸມນ້ຳໜັກດ້ວຍການກະຕຸ້ນສ້າງເຊໂຣໂທນິນໃນສະໝອງເພີ່ມຂຶ້ນ.

- lattana 1 -  ຮູບຮ່າງງາມໄດ້ງ່າຍໆພຽງແຕ່ຮູ້ຈັກຮໍໂມນ

– ວິທີສ້າງຄວາມດຸ່ນດ່ຽງຮໍໂມນ : ຫາກບໍ່ຢາກເພິ່ງຢາ, ແຕ່ຢາກຄວບຄຸມໂຕເອງໃຫ້ຢຸດກິນແຕ່ແປ້ງ ແລະ ນ້ຳຕານ ການນອນຫລັບຢ່າງພຽງພໍຊ່ວຍທ່ານໄດ້, ແຕ່ຄວນຫັນໄປກິນອາຫານໂຟເລດຫລາຍ ເຊັ່ນ : ໜໍ່ໄມ້ຝຣັ່ງ, ຖົ່ວຊະນິດຕ່າງໆ ທັງຖົ່ວເຫລືອງ, ຖົ່ວດິນ, ຖົ່ວຂຽວ ແລະອື່ນໆ ແລະ ຜັກຫົມ ວິຕາມິນເບໃນອາຫານເຫລົ່ານີ້ຊ່ວຍສ້າງເຊໂຣໂທນິນ.

error: Content is protected !!