ສານຕັດສິນຊົດໃຊ້ໃຫ້ 3 ແມ່ລູກທີ່ຖືກສານຕັດສິນຜິດພາດ 5,7 ຕື້ດົງ (ປະມານ 2ຕື້ ກີບ )

ສານຕັດສິນຊົດໃຊ້ໃຫ້ 3 ແມ່ລູກທີ່ຖືກສານຕັດສິນຜິດພາດ 5,7 ຕື້ດົງ (ປະມານ 2ຕື້ ກີບ ) - Time fo an Adventure 7 - ສານຕັດສິນຊົດໃຊ້ໃຫ້ 3 ແມ່ລູກທີ່ຖືກສານຕັດສິນຜິດພາດ 5,7 ຕື້ດົງ (ປະມານ 2ຕື້ ກີບ )
ສານຕັດສິນຊົດໃຊ້ໃຫ້ 3 ແມ່ລູກທີ່ຖືກສານຕັດສິນຜິດພາດ 5,7 ຕື້ດົງ (ປະມານ 2ຕື້ ກີບ ) - 174233 - ສານຕັດສິນຊົດໃຊ້ໃຫ້ 3 ແມ່ລູກທີ່ຖືກສານຕັດສິນຜິດພາດ 5,7 ຕື້ດົງ (ປະມານ 2ຕື້ ກີບ )

ສານພ້ອມທີ່ຈະຊົດໃຊ້ໃຫ້ 3 ແມ່ລູກໃນຄອບຄົວຂອງນາງ ດັງຖິງາ ທີ່ຖືກສານຕັດສິນຜິດພາດ 5,7 ຕື້ດົງ ພາຍຫຼັງ 28 ປີຖືກລົງໂທດ.

ວັນທີ 20 ກັນຍານີ້, ສານປະຊາຊົນແຂວງ ດຽນບຽນ ຂອງຫວຽດນາມ ດຳເນີນຕັດສິນຄະດີຜິດພາດຕາມຄຳຮ້ອງຟ້ອງຂອງນາງ ດັງຖິງາ ອາຍຸ 84 ປີ ຢູ່ທີ່ເມືອງ ຕວນຢາວ. ສານໃຫ້ຄູ່ກໍລະນີເດີມໄກ່ເກ່ຍກັນເປັນຄັ້ງສຸດທ້າຍ. ພາຍຫຼັງໄກ່ເກ່ຍ, ສານປະຊາຊົນແຂວງ ດຽນບຽນ ຍອມຮັບຊົດໃຊ້ໃຫ້ 3 ແມ່ລູກທີ່ຖືກສານຕັດສິນຜິດພາດ ຈຳນວນເງິນ 5,7 ຕື້ດົງ. ໃນນີ້ ນາງງາ ໄດ້ໄດ້ຮັບ 2,5 ຕື້ດົງ, ລູກຊາຍອີກ 2 ຄົນຄື ທ້າວ ຮຽນ(ເສຍຊີວິດແລ້ວ) ໄດ້ຮັບ 939 ລ້ານດົງ ແລະ ທ້າວເຢືອງໄດ້ຮັບ 2,2 ຕື້ດົງ. ໂດຍເປັນຜູ້ທີ່ມີສິດ ແລະ ມີພັນທະຕໍ່ຄະດີຄວາມ, ລູກ 3 ຄົນທີ່ຍັງເຫຼືອຂອງນາງ ດັງຖິງາ ກໍໄດ້ຮັບການຊົດໃຊ້ 44 ລ້ານດົງ.

ວັນທີ 21 ກັນຍານີ້, ທ່ານ ເຢືອງ ໃຫ້ຮູ້ວ່າ: “ຍັງບໍ່ທັນພໍໃຈ” ກັບຈຳນວນເງິນທີ່ໄດ້ຮັບ ເພາະສຸຂະພາບຂອງແມ່ອ່ອນເພຍຫຼາຍແລ້ວ ຍ້ອນຄະດີຄວາມແກ່ຍາວເກີນໄປ, ຄອບຄົວຈຶ່ງປິດຄະດີໄວ້ພຽງເທົ່ນນີ້.

ອີງຕາມກົດໝາຍວ່າ ດ້ວຍການໃຊ້ແທນຂອງລັດຖະບານ, ສານຂັ້ນຕົ້ນຕ້ອງໃຊ້ແທນພາຍຫຼັງປະກາດລຶບລ້າງຜູ້ຕ້ອງຫາບໍ່ມີຄວາມຜິດ ແລະ ໄດ້ຮັບການສືບສວນສອບສວນຄືນໃໝ່. ໃນຄະດີນີ້, ສານປະຊາຊົນແຂວງ ດຽນບຽນ ຍອມຮັບຊົດໃຊ້ຄືນໃຫ້ພາຍຫຼັງສ້າງຄວາມເສຍຫາຍຈາກການດຳເນີນຄະດີສອງຄັ້ງຢູ່ໃນສານອຸທອນ.

ເງິນຈຳນວນດັ່ງກ່າວແມ່ນກະຊວງການເງິນເປັນຜູ້ສົ່ງມອບ ຕາມມາດຕາ 60 ໃນຂໍ້ກຳນົດຂອງລັດຖະບານ ໃນຄວາມຮັບຜິດຊອບງົບປະມານ. ກະຊວງການເງິນ, ພະແນກການເງິນມີໜ້າທີ່ໃຊ້ແທນໃຫ້ຢ່າງຄົບຖ້ວນພຽງພໍ.

3 ປີກ່ອນໜ້ານີ້, ພາຍຫຼັງສົ່ງໜັງສືຮ້ອງທຸກໄປຫາທຸກພາກສ່ວນກ່ຽວຂ້ອງ ຕໍ່ກັບຄະດີທີ່ວ່າ 3 ແມ່ລູກມີສ່ວນກ່ຽວຂ້ອງພົວພັນກັບການຕາຍຂອງຜູ້ເປັນຜົວ.

ສານຕັດສິນຊົດໃຊ້ໃຫ້ 3 ແມ່ລູກທີ່ຖືກສານຕັດສິນຜິດພາດ 5,7 ຕື້ດົງ (ປະມານ 2ຕື້ ກີບ ) - Wave100S AD to Website 2020 0 - ສານຕັດສິນຊົດໃຊ້ໃຫ້ 3 ແມ່ລູກທີ່ຖືກສານຕັດສິນຜິດພາດ 5,7 ຕື້ດົງ (ປະມານ 2ຕື້ ກີບ )

ຄອບຄົວນາງ ງາ ໄດ້ໄກ່ເກ່ຍກັບຄູ່ກໍລະນີເຖິງ 5 ຄັ້ງ ແຕ່ບໍ່ເປັນຜົນການໄກ່ເກ່ຍຄັ້ງທີ 2 ຫຼ້າສຸດໃນເດືອນກໍລະກົດ 2018 ສານປະຊາຊົນ ດຽນບຽນ ຮັບປາກວ່າຈະຊົດໃຊ້ໃຫ້ 13 ຕື້ ດົງ, ແຕ່ຄອບຄົວນາງ ງາ ຮຽກຮ້ອງ 18 ຕື້ດົງ ແຕ່ກໍຖືກຫຼຸດລົງເລື້ອຍໆ ແລະ ເທື່ອສຸດທ້າຍໄດ້ມີການຕັດສິນຊົດໃຊ້ໃຫ້ 3,6 ຕື້ດົງ ແຕ່ນາງ ງາ ບໍ່ພໍໃຈຈຶ່ງໄດ້ຮ້ອງຟ້ອງຄືນໃໝ່.

ອິງຕາມຫຼັກຖານຢັ້ງຢືນ, ນາງ ງາ ໄດ້ພົບເຫັນຊາກສົບຂອງຜູ້ເປັນຜົວຕົກຢູ່ໃນນໍ້າສ້າງ ຈຶ່ງໄດ້ໄປລາຍງານເຈົ້າໜ້າທີ່ຕຳຫຼວດ. ຕຳຫຼວດເມືອງ ຕວນຢາວ ໃນເວລານັ້ນຂຶ້ນກັບແຂວງ ລາຍເຈົາ ໄດ້ຮ້ອງຟ້ອງກ່າວໂທດວ່າ ນາງ ງາ ເປັນຜູ້ຂ້າຜົວ. ເດືອນ ຕຸລາ 1989 ເຈົ້າໜ້າທີ່ຕຳຫຼວດແຂວງ ລາຍເຈົາ ດຳເນີນຄະດີລູກຊາຍຂອງເຂົາອີກ 2 ຄົນ ໃນຂໍ້ຫາຮ່ວມກັນຂ້າພໍ່.

ເດືອນມັງກອນ 1990, ເມື່ອຂຶ້ນສານດຳເນີນຄະດີ, ອົງການຍຸຕິທຳແຂວງລາຍເຈົາກ່າວໂທດນາງ ງາ ວ່າເປັນຜູ້ປົກປິດອາດຊະຍາກຳ. ສີ່ເດືອນຕໍ່ມາ, ທ້ານຮຽນຖືກສານລາຍເຈົາຕັດສິນຈຳຄຸກ 18 ປີ ແລະ ທ້າວເຢືອງ 12 ປີ ໃນຂໍ້ຫາຂ້າຄົນ, ນາງ ງາ 3 ປີ ແຕ່ປ່ອຍພາງໃນຂໍ້ຫາປົກປິດ ຕົວອາດຊະຍາກຳ.

ທ້າວຮຽນ ແລະ ທ້າວເຢືອງ ຈຶ່ງຮ້ອງທຸກ, ເດືອນທັນວາ 1990 ສານສູງໄດ້ປະກາດລົບລ້າງຄະດີສານອຸທອນ ເພາະມີບາງອັນເຫັນວ່າຍັງບໍ່ພຽງພໍສົມເຫດສົມຜົນໃນການສືບສວນສອບສວນ. ລູກຊາຍຂອງນາງ ງາ ຫຼັງຈາກນັ້ນກໍໄດ້ອອກຈາກຄຸກ ພາຍຫຼັງ 28 ເດືອນຕິດຄຸກ. ນັບແຕ່ນັ້ນເປັນຕົ້ນມາ ຄະດີຄວາມຈຶ່ງບໍ່ໄປບໍ່ມາ ແລະ ບໍ່ມີຄວາມຄືບໜ້າເລີຍ. ໃນທີ່ສຸດ 3 ແມ່ລູກກໍຖືກຢຸດຕິການສືບສວນສອບສວນ.

ສານຕັດສິນຊົດໃຊ້ໃຫ້ 3 ແມ່ລູກທີ່ຖືກສານຕັດສິນຜິດພາດ 5,7 ຕື້ດົງ (ປະມານ 2ຕື້ ກີບ ) - WhatsApp Image 2020 05 27 at 5 - ສານຕັດສິນຊົດໃຊ້ໃຫ້ 3 ແມ່ລູກທີ່ຖືກສານຕັດສິນຜິດພາດ 5,7 ຕື້ດົງ (ປະມານ 2ຕື້ ກີບ )
error: Alert: Content is protected !!