ນາຍົກລັດຖະມົນຕີ ແຫ່ງ ສປປ ລາວກ່າວໃນກອງປະຊຸມທາງໄກ ສະເຫຼີມສະຫຼອງວັນຄົບຮອບການສ້າງຕັ້ງອົງການ ສປຊ ຄົບຮອບ 75 ປີ

ນາຍົກລັດຖະມົນຕີ ແຫ່ງ ສປປ ລາວກ່າວໃນກອງປະຊຸມທາງໄກ ສະເຫຼີມສະຫຼອງວັນຄົບຮອບການສ້າງຕັ້ງອົງການ ສປຊ ຄົບຮອບ 75 ປີ - 555 62 - ນາຍົກລັດຖະມົນຕີ ແຫ່ງ ສປປ ລາວກ່າວໃນກອງປະຊຸມທາງໄກ ສະເຫຼີມສະຫຼອງວັນຄົບຮອບການສ້າງຕັ້ງອົງການ ສປຊ ຄົບຮອບ 75 ປີ
ນາຍົກລັດຖະມົນຕີ ແຫ່ງ ສປປ ລາວກ່າວໃນກອງປະຊຸມທາງໄກ ສະເຫຼີມສະຫຼອງວັນຄົບຮອບການສ້າງຕັ້ງອົງການ ສປຊ ຄົບຮອບ 75 ປີ - 174233 - ນາຍົກລັດຖະມົນຕີ ແຫ່ງ ສປປ ລາວກ່າວໃນກອງປະຊຸມທາງໄກ ສະເຫຼີມສະຫຼອງວັນຄົບຮອບການສ້າງຕັ້ງອົງການ ສປຊ ຄົບຮອບ 75 ປີ

ທ່ານ ນາຍົກລັດຖະມົນຕີ ທອງລຸນ ສີສຸລິດ, ໄດ້ສົ່ງສານສະແດງຄວາມຊົມເຊີຍເນື່ອງໃນໂອກາດສະເຫຼີມສະຫຼອງວັນຄົບຮອບການສ້າງຕັ້ງອົງການສະຫະປະຊາຊາດ(ສປຊ) ຄົບຮອບ 75 ປີຜ່ານການບັນທຶກວິດີໂອ, ຊຶ່ງພິທີດັ່ງກ່າວໄດ້ຈັດຂຶ້ນໃນວັນທີ 21 ກັນຍາ 2020, ທີ່ອົງການ ສປຊ ທີ່ ນິວຢອກ, ສ.ອາເມລິກາໂດຍມີເນື້ອໃນລະບຸວ່າ:

“ຂ້າພະເຈົ້າ ໃນນາມຕາງໜ້າລັດຖະບານ ແລະ ປະຊາຊົນລາວບັນດາເຜົ່າຂໍສະແດງຄວາມຊົມເຊີຍອັນອົບອຸ່ນ ມາຍັງອົງການ ສປຊ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງອົງການ ສປຊ ຄົບຮອບ 75 ປີ ທີ່ມີຄວາມໝາຍສຳຄັນໃນມື້ນີ້. ອົງການ ສປຊ ໄດ້ຮັບການສ້າງຕັ້ງຂຶ້ນ ບົນພື້ນຖານຄວາມມຸ່ງມາດປາຖະໜາຂອງມວນມະນຸດ ທີ່ຢາກຢູ່ຮ່ວມກັນຢ່າງສັນຕິ, ມີການຮ່ວມມືກັນ ແລະ ຊ່ວຍເຫຼືອຊຶ່ງກັນ ແລະ ກັນ ເພື່ອພ້ອມກັນເຮັດໃຫ້ໂລກນີ້ມີ ສັນຕິພາບ, ສະຖຽນລະພາບ ແລະ ຄວາມຈະເລີນຮຸ່ງເຮືອງສີວິໄລ.  ຕະຫຼອດໄລຍະ 75 ປີ ຜ່ານມາ, ພວກເຮົາໄດ້ເຫັນຜົນງານ ແລະ ຜົນສຳເລັດທີ່ສຳຄັນຫຼາຍດ້ານຂອງອົງການ ສປຊ. ຫຼາຍປະເທດໄດ້ຮັບຄວາມເປັນເອກະລາດແຫ່ງຊາດ ແລະ ເປັນເຈົ້າຕົນເອງ ໃນການຕັດສິນຊາຕາກຳຂອງຊາດຕົນ; ການເຈລະຈາ ແລະ ປຶກສາຫາລືບັນຫາໂດຍສັນຕິວິທີ ໄດ້ກາຍເປັນຫຼັກການ ແລະ ທ່າອ່ຽງໃນການແກ້ໄຂຂໍ້ຂັດແຍ້ງຕ່າງໆ; ການຮ່ວມມືເພື່ອການພັດທະນາ ໄດ້ຮັບການເຊີດຊູ ອັນໄດ້ເຮັດໃຫ້ຫຼາຍລ້ານຄົນໃນທົ່ວໂລກໄດ້ຫຼຸດພົ້ນອອກຈາກຄວາມທຸກຍາກ; ບັນຫາການຈຳແນກເຊື້ອຊາດ-ຜິວພັນ, ຄວາມບໍ່ສະເໝີພາບຍິງ-ຊາຍ ໄດ້ຮັບການແກ້ໄຂເປັນກ້າວໆມາ ອັນເປັນການປະກອບສ່ວນທີ່ສຳຄັນ ໃນການປົກປັກຮັກສາສັນຕິພາບ ແລະ ຄວາມໝັ້ນຄົງສາກົນ ແລະ ການພັດທະນາໄດ້ເຕີບໃຫຍ່ຂະຫຍາຍຕົວ.

ເຖິງວ່າ ສະພາບແວດລ້ອມໃນ 7 ທົດສະຫວັດກວ່າຜ່ານມາ ຈະແຕກຕ່າງຈາກສະພາບໃນປັດຈຸບັນ, ແຕ່ຂ້າພະເຈົ້າເຫັນວ່າ ຈຸດປະສົງເປົ້າໝາຍ ແລະ ຫຼັກການ ທີ່ໄດ້ກຳນົດໄວ້ໃນກົດບັດ ສປຊ ແມ່ນຍັງມີຄຸນຄ່າສູງ ແລະ ແທດເໝາະກັບສະພາບປັດຈຸບັນ. ສະນັ້ນ, ມັນຮຽກຮ້ອງໃຫ້ບັນດາປະເທດສະມາຊິກ ຈົ່ງພ້ອມໃຈກັນ ສືບຕໍ່ສົ່ງເສີມຈຸດປະສົງເປົ້າໝາຍຂອງອົງການ ສປຊ ແລະ ຊ່ວຍກັນປັບປຸງກົນໄກການປະຕິບັດໜ້າທີ່ຂອງອົງການ ສປຊ ໃຫ້ແທດເໝາະກັບສະພາບແວດລ້ອມໃນປັດຈຸບັນ ແນ່ໃສ່ຮັບປະກັນການປະຕິບັດພາລະບົດບາດ ແລະ ໜ້າທີ່ຂອງຕົນ ໃຫ້ໄດ້ຮັບສຳເລັດຜົນຢ່າງມີປະສິດທິພາບສູງ ແລະ ສືບຕໍ່ແກ້ໄຂສິ່ງທ້າທາຍຕ່າງໆຂອງວົງຄະນາຍາດສາກົນ.

ສປປ ລາວ ພວກຂ້າພະເຈົ້າ ພ້ອມແລ້ວ ທີ່ຈະຮ່ວມກັບບັນດາປະເທດສະມາຊິກ ປະກອບສ່ວນຢ່າງຕັ້ງໜ້າ ເພື່ອເຮັດໃຫ້ ອົງການ ສປຊ ມີຄວາມເຂັ້ມແຂງ, ສາມາດປະຕິບັດໜ້າທີ່ຂອງຕົນ ໃຫ້ມີປະສິດທິພາບສູງ ແນໃສ່ເຮັດໃຫ້ ສັນຕິພາບມີຄວາມຍືນຍົງ, ເສດຖະກິດ-ສັງຄົມ ຂອງບັນດາປະຊາຊາດ ໄດ້ຮັບການພັດທະນາ ແລະ ສີວິໄລຮຸ່ງເຮືອງ.”

ນາຍົກລັດຖະມົນຕີ ແຫ່ງ ສປປ ລາວກ່າວໃນກອງປະຊຸມທາງໄກ ສະເຫຼີມສະຫຼອງວັນຄົບຮອບການສ້າງຕັ້ງອົງການ ສປຊ ຄົບຮອບ 75 ປີ - Wave100S AD to Website 2020 0 - ນາຍົກລັດຖະມົນຕີ ແຫ່ງ ສປປ ລາວກ່າວໃນກອງປະຊຸມທາງໄກ ສະເຫຼີມສະຫຼອງວັນຄົບຮອບການສ້າງຕັ້ງອົງການ ສປຊ ຄົບຮອບ 75 ປີ

ອົງການສປຊ ໄດ້ສ້າງຕັ້ງຂຶ້ນໃນວັນທີ 24 ຕຸລາ 1945 ຈຸດປະສົງແມ່ນເພື່ອປົກປັກຮັກສາສັນຕິພາບ ແລະ ຄວາມໝັ້ນຄົງຂອງໂລກ, ພັດທະນາສາຍພົວພັນມິດຕະພາບ ບົນພື້ນຖານຫຼັກການເຄົາລົບອະທິປະໄຕຊຶ່ງກັນແລະກັນ, ສິດສະເໝີພາບ ແລະ ການຮ່ວມມືສາກົນໃນການແກ້ໄຂບັນຫາຕ່າງໆຂອງສາກົນໃນດ້ານເສດຖະກິດ, ສັງຄົມ ແລະ ວັດທະນະທຳ. ປັດຈຸບັນອົງການສປຊມີສະມາຊິກທັງໝົດຈຳນວນ193ປະເທດ ແລະ 2 ລັດສັງເກດການ (ລັດວາຕີກັງ ແລະ ລັດປາເລສຕີນ), ມີສຳນັກງານໃຫຍ່ຕັ້ງຢູ່ນິວຢອກສ. ອາເມລິກາແລະມີພາສາທີ່ໃຊ້ເປັນທາງການ 6 ພາສາຄື: ອັງກິດ, ຝຣັ່ງ, ຈີນ, ລັດເຊຍ, ອາຣັບແລະແອດສະປາຍໂຍນ. ສຳລັບສປປລາວໄດ້ເຂົ້າເປັນສະມາຊິກອົງການດັ່ງກ່າວໃນວັນທີ 14ທັນວາ1955.

******

ນາຍົກລັດຖະມົນຕີ ແຫ່ງ ສປປ ລາວກ່າວໃນກອງປະຊຸມທາງໄກ ສະເຫຼີມສະຫຼອງວັນຄົບຮອບການສ້າງຕັ້ງອົງການ ສປຊ ຄົບຮອບ 75 ປີ - WhatsApp Image 2020 05 27 at 5 - ນາຍົກລັດຖະມົນຕີ ແຫ່ງ ສປປ ລາວກ່າວໃນກອງປະຊຸມທາງໄກ ສະເຫຼີມສະຫຼອງວັນຄົບຮອບການສ້າງຕັ້ງອົງການ ສປຊ ຄົບຮອບ 75 ປີ
error: Alert: Content is protected !!