ສານສູງສຸດອາເມລິກາໄຟຂຽວ ຄຳສັ່ງຈຳກັດຄົນເຂົ້າເມືອງ

- advert banner 728 90 728x90 - ສານສູງສຸດອາເມລິກາໄຟຂຽວ ຄຳສັ່ງຈຳກັດຄົນເຂົ້າເມືອງ

 

- new3 - ສານສູງສຸດອາເມລິກາໄຟຂຽວ ຄຳສັ່ງຈຳກັດຄົນເຂົ້າເມືອງ

- EDqMrrnE OE - ສານສູງສຸດອາເມລິກາໄຟຂຽວ ຄຳສັ່ງຈຳກັດຄົນເຂົ້າເມືອງ      ສານ​ປະຊາຊົນ​ສູງ​ສຸດຂອງ​ອາ​ເມ​ລິ​ກາ​ອະນຸມັດ​ໃຫ້​ຄຳ​ສັ່ງ​ຫ້າມ​ພົນລະ​ເມືອງ​ຈາກ 6 ປະ​ເທດ​ທີ່​ສ່ວນ​ຫລາຍ​ເປັນ​ຊາວ​ມຸສລິ​ມ ມີ​ຜົນ​ບັງຄັບ​ໃຊ້​ໃນ​ບາງ​ສ່ວນ ກ່ອນ​ການ​ພິຈາລະນາ​ຢ່າງ​ເຕັມ​ຮູບ​ແບບ​ໃນ​ເດືອນ​ຕຸລາ​ຈະ​ເຖິງ​ນີ້.

 

+ ຜູ້ນຳອາເມລິກາລົງນາມຄຳສ່ັງໃຫມ່ ຫ້າມ 6 ປະເທດມຸດສະລິມເຂົ້າປະເທດ

+ ອາເມລິກາຫ້າມບໍ່ໃຫ້ຜູ້ໂດຍສານ 8 ປະເທດນຳເອົາເຄື່ອງເອເລັກໂຕຣນິກທີ່ໃຫຍ່ກວ່າມືຖືຂຶ້ນເຮືອບິນ

 

ສຳນັກ​ຂ່າວ​ຕ່າ​ງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ອາ​ເມ​ລິ​ກາ ​ໃນ​ວັນ​ທີ 26 ມິຖຸນາ​ນີ້​ວ່າ: ຄະນະ​ຜູ້​ພິພາກສາ​ສານ​ປະຊາຊົນ​ສູງ​ສຸດ​ຂອງ​ອາ​ເມ​ລິ​ກາ ມີ​ມະຕິ​ໃນ​ວັນ​ທີ 26 ມິຖຸນາ ຫລຸດ​ຂອ​ບ​ເຂດ​ຄຳ​ຕັດສິນ​ຂອງ​ສານ​ຊັ້ນຕົ້ນ ​ແລະ ສານ​ອຸທອນ​ໃນ​ລະດັບ​ລັດ ​ເຊິ່ງລະງັບ​ມາດ​ຕະການ​ຈຳກັດ​ການ​ເຂົ້າ​ເມືອງ​ຂອງ​ພົນລະ​ເມືອງ​ຈາກ 6 ປະ​ເທດ​ທີ່​ສ່ວນ​ຫລາຍ​ເປັນ​ຊາວ​ມຸສລິ​ມ ​ແລະ ທຳນຽບຂາວ​ຕ້ອງການ​ໃຫ້​ມີ​ຜົນ​ບັງຄັບ​ໃຊ້​ໃນ​ວັນ​ທີ 6 ມີນາ​ຜ່ານ​ມາ.

- nk5ogh3g - ສານສູງສຸດອາເມລິກາໄຟຂຽວ ຄຳສັ່ງຈຳກັດຄົນເຂົ້າເມືອງ

- lattana 1 - ສານສູງສຸດອາເມລິກາໄຟຂຽວ ຄຳສັ່ງຈຳກັດຄົນເຂົ້າເມືອງ

ທັງ​ນີ້, ຄຳ​ພິພາກສາ​ຂອງ​ສານ​ສູງ​ສຸດ​ອະນຸມັດ​ມາດ​ຕະການ​ຂອງ​ລັດຖະບານ​ກາງ​ອາ​ເມ​ລິ​ກາ​ພຽງ​ບາງ​ສ່ວນ ຄື​ການ​ໃຫ້​ຄຳ​ສັ່ງ​ມີ​ຜົນ​ສະ​ເພາະ​ບຸກຄົນ​ທີ່​ບໍ່​ສາມາດ​ສະ​ແດງ​ຫລັກ​ຖານ​ໜ້າ​​ເຊື່ອ​ຖື ຫລື ຈະ​ແຈ້ງວ່າ: ມີ​ການ​ພົວພັນ ຫລື ການ​ຮ່ວມ​ມື​ກັບ​ບຸກຄົນ ຫລື ກ່ຽວຂ້ອງ​ກັບ​ຊັບ​ສິນ​ໃດ​ກໍ​ຕາມ​ທີ່ຢູ່​ອາ​ເມ​ລິ​ກາ. ​ເຖິງ​ຢ່າງ​ໃດ​ກໍ​ຕາມ, ໜ່ວຍ​ງານ​ທີ່​ກ່ຽວຂ້ອງ​ສາມາດ​ບັງຄັບ​ໃຊ້​ມາດ​ຕະການ​ດັ່ງກ່າວ​ໄດ້ ຈົນ​ກວ່າ​ຈະ​ຮອດ​ກຳນົດ​ການພິຈາລະນາເທື່ອ​ຕໍ່​ໄປ ທີ່​ຈະ​ມີ​ຂຶ້ນຢ່າງ​ເຕັມ​ຮູບ​ແບບ​ໃນ​ເດືອນ​ຕຸລາ​ທີ່​ຈະ​ເຖິງ.

- s080757118 300 - ສານສູງສຸດອາເມລິກາໄຟຂຽວ ຄຳສັ່ງຈຳກັດຄົນເຂົ້າເມືອງ

ທັງ​ນີ້, ປະທານາທິບໍດີ ​ໂດ​ນັນ ທຣຳ ຕ້ອງການ​ລະງັບ​ການ​ເຂົ້າ​ເມືອງ​ຂອງ​ພົນລະ​ເມືອງ​ຈາກ 6 ປະ​ເທດ ​ໄດ້​ແກ່​ຊີຣີ, ຊູ​ດັງ, ອີຣານ, ລີ​ບີ, ​ໂຊ​ມາລີ ​ແລະ ​ເຢ​ເມນ ​ເປັນ​ເວລາ 90 ວັນ ​ແລະ ການ​ຫ້າມ​ຜູ້​ລີ້​ໄພ​ທຸກ​ສັນຊາດ​ເດີນທາງ​ເຂົ້າອາ​ເມ​ລິ​ກາ​ເປັນ​ເວລາ 120 ວັນ ​ໂດຍ​ໃນ​ລະຫວ່າງ​ນີ້, ລັດຖະບານ​ກາງ​ຈະ​ປະຕິ​ຮູບ​ຂະ​ບວນການ​ຄວບ​ຄຸມ​ຊາຍ​ແດນ​ໃຫ້​ມີ​ປະສິດທິພາບ​ຍິ່ງ​ຂຶ້ນ ​ເພື່ອ​ຫລຸດ​ຄວາມ​ສ່ຽງ​ຂອງ​ການ​ເກີດ​ການ​ກໍ່​ການ​ຮ້າຍ​ພາຍ​ໃນ​ປະ​ເທດ ​ເຊິ່ງມາດ​ຕະການ​ສະບັບ​ນີ້​ເປັນ​ການ​ແກ້​ໄຂ​ເນື້ອ​ໃນ​ບາງ​ສ່ວນ​ຈາກ​ຄຳ​ສັ່ງ​ສະ​ລັບ​ທຳ​ອິດ​ທີ່​ທ່ານ ທຣຳ ຕ້ອງການ​ໃຫ້​ມີ​ຜົນ​ບັງຄັບ​ໃຊ້​ໃນ​ວັນ​ທີ 27 ມີນາ ຄື​ການ​ສັ່ງ​ຫ້າມ​ຜູ້​ລີ້​ໄພ​ຊາວ​ຊີຣີ​ເຂົ້າປະ​ເທດ​ຢ່າງ​ບໍ່​ມີ​ກຳນົດ ​ແລະ ຄັ້ງນັ້ນລາຍ​ຊື່​ປະ​ເທດ​ທີ່ຢູ່​ລາຍ​ຊື່​ຫ້າມ​ເຂົ້າ​ເມືອງ​ເປັນ​ເວລາ 90 ວັນ ມີ​ອີຣັກລວມຢູ່​ນຳ.

- 96693755  96692019 protest getty976 - ສານສູງສຸດອາເມລິກາໄຟຂຽວ ຄຳສັ່ງຈຳກັດຄົນເຂົ້າເມືອງ

ສ່ວນ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ອອກ​ຖະ​ແຫລ​ງການ​ຕອບ​ຮັບ​ຄຳ​ພິພາກສາ​ຂອງ​ສານ​ສູງ​ວ່າ: ຈະ​ເລີ່​ມດຳ​ເນີນ​ການ​ຕາມ​ຂອບ​ທີ່​ໄດ້​ຮັບ​ອະນຸຍາດ​ຢ່າງ​ເໝາະ​ສົມ​ພາຍ​ໃນ​ເວລາ 72 ຊົ່ວ​ໂມງ, ສ່ວນ​ສະຫະພາບ​ເສລີພາບ​ພົນລະ​ເມືອງ​ອາ​ເມ​ລິ​ກາ (ACLU) ​ເຊິ່ງ​ເປັນ​ອົງການ​ບໍ່ສະ​ແຫວ​ງຫາ​ຜົນ​ກຳ​ໄລ​ທີ່​ເປັນ​ກຳລັງ​ສຳຄັນ​ໃນ​ການ​ຮ້ອງ​ຟ້ອງ​ຜ່ານ​ສານ​ໃນ​ຫລາຍ​ລັດ ​ເພື່ອ​ໃຫ້​ມີ​ການ​ລະງັບ​ຄຳ​ສັ່ງ​ຫ້າມ​ຄົນ​ເຂົ້າ​ເມືອງ​ຂອງ​ລັດຖະບານ ທຣຳ ​ເຊື່ອ​ວ່າ: ຜົນ​ກະທົບ​ຈາກ​ຄຳ​ພິພາກສາ​ຂອງ​ສານ​ສູງ​ຈະ​ຢູ່​ໃນ​ວົງ​ຈຳກັດ ຈົນ​ກວ່າ​ຈະ​ຮອດ​ການ​ພິຈາລະນາ​ເທື່ອ​ຕໍ່​ໄປ​ໃນ​ເດືອນ​ຕຸລາ.

error: Content is protected !!