ການາດາ ພົບເຫັນຈົດໝາຍມີສານພິດ ໄຣຊີນ ສົງໄປຍັງ ສ. ອາເມລິກາ

ການາດາ ພົບເຫັນຈົດໝາຍມີສານພິດ ໄຣຊີນ ສົງໄປຍັງ ສ. ອາເມລິກາ - Time fo an Adventure 2020 09 22T165217 - ການາດາ ພົບເຫັນຈົດໝາຍມີສານພິດ ໄຣຊີນ ສົງໄປຍັງ ສ. ອາເມລິກາ
ການາດາ ພົບເຫັນຈົດໝາຍມີສານພິດ ໄຣຊີນ ສົງໄປຍັງ ສ. ອາເມລິກາ - 174233 - ການາດາ ພົບເຫັນຈົດໝາຍມີສານພິດ ໄຣຊີນ ສົງໄປຍັງ ສ. ອາເມລິກາ

ລາຍງານຈາກສຳນັກຂ່າວ vietnamnet, ວັນທີ 22 ກັນຍານີ້ໃຫ້ຮູ້ວ່າ: ເມື່ອເຈົ້າໜ້າທີ່ກວດກາຫ້ອງພັກຂອງຜູ້ສົງໄສສົ່ງຈົດໝາຍສານພິດ ໄຣຊີນ ໄປຍັງທຳນຽບຂາວພົບວ່າມີຈົດໝາຍສານພິດ ໄຣຊີນ 5 ກ້ານຕື່ມອີກທີ່ຖືກສົ່ງໄປໃນສະຫະລັດ.

Reuters ໂດຍອ້າງອີງຄຳຖະແຫຼງການຂອງໂຄສົກເຈົ້າໜ້າທີ່ຕຳຫຼວດລາດຊະວົງການາດາ Charles Poirier ໃຫ້ຮູ້ວ່າ: “ ພວກເຮົາເຊື່ອວ່າມີຈົດໝາຍສານພິດທັງໝົດ 6 ສະບັບທີ່ສົ່ງໄປແລ້ວ, 1 ສະບັບສົ່ງໄປຍັງທຳນຽບຂາວ ແລະ ອີກ 5 ສະບັບສົ່ງໄປຍັງລັດ Texas. ພວກເຮົາບໍ່ແນ່ໃຈວ່າຜູ້ທີ່ສົງໄສສົ່ງຈົດໝາຍໄປຍັງ ທຳນຽບຂາວນັ້ນຈະພັກເຊົາຢູ່ໃນຫ້ອງນີ້ແທ້ຫຼືບໍ່, ແຕ່ຢ່າງໃດກໍດີມັນມີສ່ວນພົວພັນກັບເຂົາຢ່າງຈະແຈ້ງ”.

ເຖິງແມ່ນທ່ານ Poirier ບໍ່ໃຫ້ຮູ້ທີ່ຢູ່ລາຍລະອຽດຂອງຈົດໝາຍທີ່ຍັງເຫຼືອນັ້ນກໍຕາມ ແຕ່ Reuters ອ້າງອີງຄຳຖະແຫຼງການຂອງໂຄສົກເຈົ້າໜ້າທີ່ຕຳຫຼວດເມືອງ Mission ລັດ Texas, ທ່ານ Art Flores ກ່າວວ່າ: ໃນອາທິດກ່ອນໜ້ານີ້ ອົງການຂອງຕົນກໍໄດ້ຮັບຈົດໝາຍທີ່ສົງໄສເຊັ່ນດຽວກັນ ແລະ ໄດ້ສົ່ງໃຫ້ໜ່ວຍຂ່າວກອງແຫ່ງຊາດຂອງສະຫະລັດ FBI ທັນທີ.

ທ່ານ Flores ໃຫ້ຮູ້ວ່າ: ເປົ້າໝານສົງໄສດັ່ງກ່າວເຄີຍຖືກຈັບກຸມຢູ່ໃນເມືອງ Mission ມາກ່ອນແລ້ວໃນປີ 2019, ແຕ່ທ່ານບໍ່ໄດ້ໃຫ້ຮູ້ລາຍລະອຽດກ່ຽວກັບການຈັບກຸມ ແຕ່ເວົ້າວ່າ ຂໍ້ມູນທັງໝົດແມ່ນໄດ້ສົ່ງໃຫ້ FBI ແລ້ວ.

ການາດາ ພົບເຫັນຈົດໝາຍມີສານພິດ ໄຣຊີນ ສົງໄປຍັງ ສ. ອາເມລິກາ - Wave100S AD to Website 2020 0 - ການາດາ ພົບເຫັນຈົດໝາຍມີສານພິດ ໄຣຊີນ ສົງໄປຍັງ ສ. ອາເມລິກາ

ມື້ວັນທີ່ 19 ກັນຍາ, ກອງປ້ອງກັນຄວາມສະຫງົບຂອງທຳນຽບຂາວລາຍງານໃຫ້ຮູ້ວ່າ: ໄດ້ສະກັດກັ້ນຈົດໝາຍສານພິດ ໄຣຊີນ ສະບັບໜຶ່ງທີ່ສົ່ງເຖິງປະທານາທິບໍດີ ໂດນັລທຣຳ . ເຈົ້າໜ້າທີ່ກວດເບິ່ງຕົ້ນທາງຂອງຈົດໝາຍແມ່ນມາຈາກ ການາດາ. ຫຼັງຈາກນັ້ນ ເປົ້າໝາຍສົງໄສຄົນດັ່ງກ່າວກໍຖືກເຈົ້າໜ້າທີ່ປ້ອງກັນຊາຍແດນ New York ຈັບກຸມໄວ້ໃນວັນທີ 20 ກັນຍາ ໃນຂະນະທີ່ເຂົາພະຍາຍາມເຂົ້າມາໃນສະຫະລັດ.

ການາດາ ພົບເຫັນຈົດໝາຍມີສານພິດ ໄຣຊີນ ສົງໄປຍັງ ສ. ອາເມລິກາ - WhatsApp Image 2020 05 27 at 5 - ການາດາ ພົບເຫັນຈົດໝາຍມີສານພິດ ໄຣຊີນ ສົງໄປຍັງ ສ. ອາເມລິກາ
error: Alert: Content is protected !!