156 ປະເທດ ເຂົ້າຮ່ວມ Covax ໂຄງການແຈກຢາຍວັກຊີນໂຄວິດ-19 ຢ່າງເທົ່າທຽມຂອງ WHO ຍົກເວັ້ນຈີນ-ອາເມລິກາ

156 ປະເທດ ເຂົ້າຮ່ວມ covax ໂຄງການແຈກຢາຍວັກຊີນໂຄວິດ-19 ຢ່າງເທົ່າທຽມຂອງ who ຍົກເວັ້ນຈີນ-ອາເມລິກາ - 156                                            - 156 ປະເທດ ເຂົ້າຮ່ວມ Covax ໂຄງການແຈກຢາຍວັກຊີນໂຄວິດ-19 ຢ່າງເທົ່າທຽມຂອງ WHO ຍົກເວັ້ນຈີນ-ອາເມລິກາ
156 ປະເທດ ເຂົ້າຮ່ວມ covax ໂຄງການແຈກຢາຍວັກຊີນໂຄວິດ-19 ຢ່າງເທົ່າທຽມຂອງ who ຍົກເວັ້ນຈີນ-ອາເມລິກາ - 174233 - 156 ປະເທດ ເຂົ້າຮ່ວມ Covax ໂຄງການແຈກຢາຍວັກຊີນໂຄວິດ-19 ຢ່າງເທົ່າທຽມຂອງ WHO ຍົກເວັ້ນຈີນ-ອາເມລິກາ

ອົງການ​ອະນາ​ໄມ​ໂລກ (WHO) ​ເປີດ​ເຜີຍ​ໃນ​ວັນ​ທີ 21 ກັນຍາ​ວ່າ​ມີ 156 ປະ​ເທດ​ທີ່​ລົງ​ນາມ​ສະໝັກ​ເຂົ້າຮ່ວມ​ໂຄງການ Covax ​ເຊິ່ງ​ເປັນ​ໂຄງການ​ແຈກ​ຢາຍ​ວັກ​ຊີ​ນ​ໂຄ​ວິດ-19 ​ໃນ​ອະນາຄົດ​ຢ່າງ​ເທົ່າ​ທຽມ​ທົ່ວ​ໂລກ ພາຍ​ໃຕ້​ການ​ນຳ​ຂອງ WHO ​ແຕ່ 2 ມະຫາ​ອຳນາດ ຄື​ຈີນ ​ແລະ ອາ​ເມ​ລິ​ກາ ທີ່​ບໍ່​ສົນ​ໃຈ​ຮ່ວມ​ໂຄງການ.

​ໂດຍ​ກ່ອນ​ໜ້າ​ນີ້ ລັດຖະບານ​ອາ​ເມ​ລິ​ກາ ປະກາດ​ວ່າ: ​ໄດ້​ຮັບປະກັນ​ການ​ສົ່ງ​ມອບ​ວັກ​ຊີ​ນ​ໂຄ​ວິດ-19 ​ໃນ​ອະນາຄົດ ຜ່ານ​ການ​ເຮັດ​ຂໍ້​ຕົກລົງ​ທະວີ​ພາຄີ​ຫລາຍ​ສະບັບ​ກັບ​ຜູ້​ພັດທະນາ​ວັກ​ຊີ​ນ ​ເຮັດ​ໃຫ້​ເກີດ​ກະ​ແສ​ວິພາກ​ວິຈານ​ວ່າ​ເປັນ​ພຶດຕິ​ກຳ​ທີ່​ເຫັນ​ແກ່​ຕົວ ​ແລະ ອາດ​ສົ່ງ​ຜົນ​ກະທົບ​ຕໍ່​ປະ​ເທດ​ທຸກ​ຍາກ.

ຂະນະ​ທີ່​ຈີນ ​ເຊິ່ງ​ເປັນຕົ້ນຕໍ​ການລະບາດ​ຂອງ​ໂຄ​ວິດ-19 ກໍ​ບໍ່​ມີ​ຊື່​ຢູ່​ໃນ 64 ປະ​ເທດ​ຮັ່ງມີ​ທີ່​ເຂົ້າຮ່ວມ​ໂຄງການ Covax ​ເຊິ່ງມີ​ເປົ້າໝາຍ​ສົ່ງ​ມອບ​ວັກ​ຊີ​ນ 2 ພັນ​ລ້ານ​ໂດ​ສ ​ໃຫ້​ບັນດາ​ປະ​ເທດ​ທົ່ວ​ໂລກ​ພາຍ​ໃນ​ປີ 2021, ​ແຕ່​ເຈົ້າໜ້າ​ທີ່​ໂຄງການ Covax ​ເຜີຍ​ວ່າ: ການ​ຫາລື​ກັບ​ລັດຖະບານ​ປັກ​ກິ່ງ​ຍັງ​ເດີນ​ໜ້າ​ຕໍ່​ໄປ.

ສຳລັບ​ໂຄງການ Covax ນັ້ນນຳ​ໂດຍ WHO ​ແລະ ອົງການ​ພັນທະ​ມິດ​ເພື່ອ​ວັກ​ຊີ​ນ ກາ​ວີ (GAVI Vaccine Alliance) ​ເຊິ່ງຄາດ​ວ່າ​ຈະ​ຄວບ​ຄຸມ​ການ​ແຈກ​ຢາຍ​ວັກ​ຊີ​ນ​ແກ່​ປະຊາຊົນ​ທົ່ວ​ໂລກ​ຫລາຍ​ກວ່າ 2 ​ໃນ 3. ຂະນະ​ທີ່​ການ​ລົງ​ນາມ​ພັນທະກໍລະນີ ​ເພື່ອ​ເຂົ້າຮ່ວມ​ໂຄງການ​ນັ້ນ ຜ່ານ​ພົ້ນ​ເສັ້ນຕາຍ​ໄປ​ໃນ​ວັນ​ທີ 18 ກັນຍາ​ຜ່ານ​ມາ.

156 ປະເທດ ເຂົ້າຮ່ວມ covax ໂຄງການແຈກຢາຍວັກຊີນໂຄວິດ-19 ຢ່າງເທົ່າທຽມຂອງ who ຍົກເວັ້ນຈີນ-ອາເມລິກາ - Wave100S AD to Website 2020 0 - 156 ປະເທດ ເຂົ້າຮ່ວມ Covax ໂຄງການແຈກຢາຍວັກຊີນໂຄວິດ-19 ຢ່າງເທົ່າທຽມຂອງ WHO ຍົກເວັ້ນຈີນ-ອາເມລິກາ

ປັດຈຸບັນ ມີ​ຜູ້​ພັດທະນາ​ວັກ​ຊີ​ນ​ໂຄ​ວິດ-19 ຫລາຍ​ກຸ່ມ​ວິ​ໄຈ​ທີ່ຢູ່​ລະຫວ່າງ​ການ​ທົດ​ລອງ​ວັກ​ຊີ​ນ​ໃນ​ຄົນ ​ເຊິ່ງທ່ານ ທີ​​ໂດຣສ ອັດ​ຮານ​ອມ ກີບຣີ​ເຢຊຸ​ສ ຜູ້ອຳນວຍການ​ໃຫຍ່ WHO ປະກາດ​ວ່າ: ​ໂຄງການ Covax ຈະ​ເຮັດ​ໃຫ້​ໂລກ​ມີ​ຕົວ​ເລືອກ​ວັກ​ຊີ​ນທີ່​ຫລາກ​ຫລາຍ ​ແລະ ຫລາຍ​ທີ່​ສຸດ, ​ແຕ່​ຢືນຢັນ​ວ່າ: ນີ້​ບໍ່​ແມ່ນ​ໂຄງການ​ເພື່ອ​ການ​ກຸສົນ.

​ເຖິງ​ຢ່າງ​ໃດ​ກໍ​ຕາມ, ​ໂຄງການ Covax ຄາດ​ຫວັງ​ວ່າ​ຈະ​ມີ​ປະ​ເທດ​ຮັ່ງມີ​ອີກ 38 ປະ​ເທດ ​ເຂົ້າຮ່ວມ​ໂຄງການ​ໃນ​ມໍ່ໆ​ນີ້ ​ແລະ ຕອນ​ນີ້​ໄດ້​ຮັບ​ຄຳ​ໝັ້ນສະໜັບສະໜູນ​ງົບປະມານ​ເພື່ອ​ການ​ວິ​ໄຈ ​ແລະ ພັດທະນາ​ວັກ​ຊີ​ນມາ​ແລ້ວ 1,4 ພັນ​ລ້ານ​ໂດ​ລາ​ສະຫະລັດ ​ແຕ່​ຍັງ​ຕ້ອງການ​ອີກ​ປະມານ 700-800 ລ້ານ​ໂດ​ລາ​ສະຫະລັດ.

156 ປະເທດ ເຂົ້າຮ່ວມ covax ໂຄງການແຈກຢາຍວັກຊີນໂຄວິດ-19 ຢ່າງເທົ່າທຽມຂອງ who ຍົກເວັ້ນຈີນ-ອາເມລິກາ - WhatsApp Image 2020 05 27 at 5 - 156 ປະເທດ ເຂົ້າຮ່ວມ Covax ໂຄງການແຈກຢາຍວັກຊີນໂຄວິດ-19 ຢ່າງເທົ່າທຽມຂອງ WHO ຍົກເວັ້ນຈີນ-ອາເມລິກາ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!