ຈະປົກປ້ອງແມ່ຍິງລາວແນວໃດ?

ຈະປົກປ້ອງແມ່ຍິງລາວແນວໃດ? - 555 67 - ຈະປົກປ້ອງແມ່ຍິງລາວແນວໃດ?
ຈະປົກປ້ອງແມ່ຍິງລາວແນວໃດ? - Untitled design - ຈະປົກປ້ອງແມ່ຍິງລາວແນວໃດ?

ໂດຍ: ມຶກບໍ່ແຫ້ງ

ເຖິງວ່າໃນໄລຍະຜ່ານມາຈະມີການຊຸກຍູ້ສົ່ງເສີມຄວາມເຂັ້ມແຂງຕໍ່ແມ່ຍິງລາວໃນຫຼາຍດ້ານແຕ່ຍັງມີແມ່ຍິງລາວຈຳນວນຫຼາຍທີ່ຖືກລ່ວງລະເມີດສິດ, ລ່ວງລະເມີດທາງເພດແລະຖືກທຳຮ້າຍຮ່າງກາຍ, ພວກເຮົາຈະຊ່ວຍເຂົາເຈົ້າໄດ້ແນວໃດ?

ໃນຍຸກພວກເຮົາທີ່ມີຫູທິບຕາທິບຜ່ານທາງສື່ສັງຄົມອອນລາຍນັ້ນເຮັດໃຫ້ ການລາຍງານເຜີຍແຜ່ ບັນຫາຕ່າງໆ ໃນສັງຄົມຢ່າງທົ່ວເຖິງແລະວ່ອງໄວທີ່ສຸດ, ເມື່ອບໍ່ດົນຜ່ານມາທົ່ວສັງຄົມຕ່າງກໍມີຄຳເຫັນຕ່າງໆນາໆ ກ່ຽວກັບວິດີໂອໃຊ້ຄວາມຮຸນແຮງ, ບັງຄັບຕໍ່ແມ່ຍິງ.

ເຊິ່ງໃນເບື້ອງຕົ້ນກໍເຊື່ອວ່າແມ່ນພໍ່ແມ່ ບັງຄັບໃຫ້ ຍິງສາວແຕ່ງງານແຕ່ຕໍ່ມາກໍຖືກເປີດເຜີຍວ່າແມ່ຍິງ ທີ່ແຕ່ງງານແລ້ວໄປຢູ່ນຳຄອບຄົວຂອງຜົວແຕ່ຖືກເອົາລັດເອົາປຽບຫຼາຍປະການຮວມທັງການນຳໃຊ້ ຄວາມຮຸນແຮງຕ່າງໆ ເຮັດໃຫ້ຍິງດັ່ງກ່າວບໍ່ຕ້ອງການຢູ່ນຳແຕ່ກໍຕ້ອງຖືກບັງຄັບດ້ວຍຄວາມຝືນໃຈ.

ພວກເຮົາຮູ້ກັນດີວ່າການນຳໃຊ້ຄວາມຮຸນແຮງແລະລ່ວງລະເມີດສິດຂອງແມ່ນັ້ນຍັງແມ່ນບັນຫາຢູ່ຫຼາຍທ້ອງຖິ່ນທີ່ຈະຕ້ອງໄດ້ຮັບການປ້ອງກັນແລະແກ້ໄຂ, ບາງເຂດແມ່ນມີຄວາມທ້າທາຍຍ້ອນຄວາມເຊື່ອຖືທີ່ອ້າງໃສ່ ຮີດເກົ່າຄອງເດີມເຊິ່ງຄວາມຈິງແລ້ວພວກເຮົາເຖິງເວລາທີ່ຈະຕ້ອງເລືອກເຟັ້ນອັນໃດທີ່ມີຄວາມເໝາະສົມໃນການສ້າງສະພາບແວດລ້ອມໃຫ້ທຸກຄົນທຸກເພດບໍ່ວ່າຍິງກໍຄືຊາຍມີຄວາມເທົ່າທຽມກັນຮອບດ້ານ.

ລັດຖະບານພວກເຮົາກໍມີຄວາມໝັ້ນໝາຍໃນການສ້າງສະພາບແວດລ້ອມເພື່ອສ້າງຄວາມເຂັ້ມແຂງແລະປົກປ້ອງແມ່ຍິງໂດຍມີສະຫະພັນແມ່ຍິງເປັນສູນກາງໃນການຂັບເຄື່ອນວຽກງານດັ່ງກ່າວເພື່ອສົ່ງເສີມໃຫ້ ພາກສ່ວນຕ່າງໆ ໃນສັງຄົມມີສ່ວນຮ່ວມໃນການປະຕິບັດພັນທະຂອງຕົນໃນການປົກປ້ອງແມ່ຍິງ, ເອົາວຽກງານບົດບາດຍິງ-ຊາຍເຊື່ອມສານເຂົ້າກັບທຸກວຽກງານແລະພ້ອມນັ້ນພວກເຮົາກໍໄດ້ມີນະໂຍບາຍແລະນິຕິກຳທີ່ເປັນບ່ອນອີງ.

ຈະປົກປ້ອງແມ່ຍິງລາວແນວໃດ? - Wave100S AD to Website 2020 0 - ຈະປົກປ້ອງແມ່ຍິງລາວແນວໃດ?

ໃນນາມປະຊາຊົນພົນລະເມືອງລາວພວກເຮົາຈົ່ງພ້ອມກັນສົ່ງເສີມສິດທິຂອງແມ່ຍິງໃຫ້ເທົ່າທຽມກັບເພດຊາຍໂດຍສະເພາະເຂດຊົນນະບົດຍັງມີປະຊາຊົນບັນດາເຜົ່າທີ່ຍັງຈຳກັດສິດຂອງແມ່ຍິງໃນຫຼາຍດ້ານເຊັ່ນແມ່ຍິງຄວນອອກໂຮງຮຽນເພື່ອເອົາຜົວເຮັດວຽກຊ່ວຍພໍ່ແມ່ຢູ່ເຮືອນ, ແມ່ຍິງຕ້ອງຟັງຄວາມຜົວແລະອື່ນໆ ເຊິ່ງເຮັດໃຫ້ ແມ່ຍິງຖືກລະເມີດສິດຕັ້ງແຕ່ເຂົາເຈົ້າຍັງຢູ່ໃນທ້ອງແມ່ ເຊິ່ງເປັນສິ່ງທີ່ບໍ່ຄວນຢ່າງຍິງ.

ໃນໄລຍະຫຼາຍປີທີ່ຜ່ານມາລັດຖະບານເຮົາຮ່ວມກັບຄູ່ຮ່ວມພັດທະນາຕ່າງໆ ເພື່ອຊຸກຍູ້ສົ່ງເສີມສິດທິທີ່ເທົ່າທຽມກັນລະຫວ່າງຍິງແລະຊາຍເຊິ່ງເຮັດໃຫ້ຄວາມຄືບໜ້າໃນຫຼາຍດ້ານບໍ່ວ່າຈະເປັນການຮັບຮອງເອົາກົດໝາຍວ່າດ້ວຍການຕ້ານການໃຊ້ຄວາມຮຸນແຮງຕໍ່ແມ່ຍິງແລະເດັກນ້ອຍ, ການປູກຝັງຈິດສຳນຶກທົ່ວສັງຄົມຕໍ່ກັບຄວາມສຳຄັນວ່າເປັນຫຍັງຈຶ່ງຕ້ອງເຊື່ອມສານບົດບາດຍິງ-ຊາຍເຂົາໃນແຕ່ລະທຸກລະແໜງການ.

ແຕ່ຢ່າງໃດກໍຕາມການເຜີຍແຜ່ ເຫດການທາງສື່ສັງຄົມກ່ຽວກັບການໃຊ້ຄວາມຮຸນແຮງຕໍ່ແມ່ຍິງນັ້ນ ເປັນສັນຍານບອກເຮົາວ່າຍັງມີຫຼາຍສິ່ງທີ່ຈະຕ້ອງໄດ້ສືບຕໍ່ເອົາໃຈໃສ່ ແລະຊຸກຍູ້ສົ່ງເສີມຕື່ມອີກເພື່ອ ຮັບປະກັນໄດ້ວ່າແມ່ຍິງລາວທຸກຊົນເຜົ່າມີສິດທິເທົ່າທຽມກັນກັບເພດຊາຍ, ໄດ້ຮັບການເຄົາລົບນັບຖືເຊັ່ນດຽວກັບເພດຊາຍ.

ຈະປົກປ້ອງແມ່ຍິງລາວແນວໃດ? - WhatsApp Image 2020 05 27 at 5 - ຈະປົກປ້ອງແມ່ຍິງລາວແນວໃດ?
ຈະປົກປ້ອງແມ່ຍິງລາວແນວໃດ? - WhatsApp Image 2020 05 27 at 5 - ຈະປົກປ້ອງແມ່ຍິງລາວແນວໃດ?
error: Alert: ເນື້ອຫາຂ່າວມີລິຂະສິດ !!