TIME ເຜີຍ 100 ລາຍຊື່ບຸກຄົນ ຜູ້ມີອິດທິພົນທີ່ສຸດປະຈຳປີ 2020

time ເຜີຍ 100 ລາຍຊື່ບຸກຄົນ ຜູ້ມີອິດທິພົນທີ່ສຸດປະຈຳປີ 2020 - TIME - TIME ເຜີຍ 100 ລາຍຊື່ບຸກຄົນ ຜູ້ມີອິດທິພົນທີ່ສຸດປະຈຳປີ 2020
time ເຜີຍ 100 ລາຍຊື່ບຸກຄົນ ຜູ້ມີອິດທິພົນທີ່ສຸດປະຈຳປີ 2020 - 174233 - TIME ເຜີຍ 100 ລາຍຊື່ບຸກຄົນ ຜູ້ມີອິດທິພົນທີ່ສຸດປະຈຳປີ 2020

ວັນ​ທີ 23 ກັນຍາ, ວາລະສານ TIME ​ເປີດ​ເຜີຍ 100 ລາຍ​ຊື່​ບຸກຄົນ​ຜູ້​ມີ​ອິດ​ທິພົນ​ທີ່​ສຸດ​ປະຈຳ​ປີ 2020 ​ເຊິ່ງ​ແບ່ງ​ອອກ​ເປັນ 5 ໝວດ​ໝູ່ ບໍ່​ວ່າ​ຈະ​ເປັນ​ຜູ້ນຳ (Leaders), ຜູ້​ບຸກ​ເບີກ (Pioneers), ສິລະ​ປິນ (Artists), ບຸກຄົນ​ລະດັບ​ຍັກ​ໃຫຍ່ (Titans) ​ແລະ ບຸກຄົນ​ຜູ້​ເປັນ​ແບບຢ່າງ (Icons) ​ໂດຍ​ສະ​ເພາະ​ໃນ​ໝວດ​ໝູ່​ຜູ້ນຳ ມີ​ຜູ້​ນຳ​ປະ​ເທດ, ຜູ້ນຳ​ອົງ​ກອນ​ສາກົນ ລວມທັງ​ບຸກຄົນ​ສຳຄັນ​ໃນ​ວົງ​ການ​ການ​ເມືອງ​ໂລກ ​​ເຖິງ 22 ຄົນ ຢູ່​ໃນ​ 100 ລາຍ​ຊື່​ຄັ້ງນີ້.

ບໍ່​ວ່າ​ຈະ​ເປັນ​ນາຍົກລັດຖະມົນຕີ ອັງ​ເກ​ລາ ​ແມຣ​ເຄິລ ຜູ້ນຳ​ຍິງ​​ເກັ່ງ​ຂອງ​ເຢຍລະ​ມັນ ທີ່​ໄດ້​ຮັບ​ການຈັດ​ອັນ​ດັບ​ຈາກ​ວາລະສານ Forbes ​ໃຫ້​ເປັນ​ແມ່ຍິງ​ທີ່​ມີ​ອິດ​ທິພົນ​ທີ່​ສຸດ​ໃນ​ໂລກ 9 ປີ​ຕິດ​ຕໍ່​ກັນ, ປະທານາທິບໍດີ ​ໂດ​ນັລ ທຣຳ ຜູ້ນຳ​ອາ​ເມ​ລິ​ກາ, ປະທານ​ປະ​ເທດ ສີ​ຈິ້ນຜິ​ງ ຂອງ​ຈີນ, ປະທານາທິບໍດີ ຢາ​ອີ ​ໂບລ​ໂຊ​ນາຣູ ຂອງ​ເບຣຊິນ, ນາຍົກລັດຖະມົນຕີ ນາ​ເຣນທຣາ ​ໂມ​ດີ ຂອງ​ອິນ​ເດຍ, ປະທານາທິບໍດີ ​ໄຊ່ອິງ​ເຫ​ວິນ ຂອງ​ໄຕ້​ຫວັນ, ທ່ານ ອົວຊູ​ລາ ຟ໊ອນ ​ແດຣ ​ໄລ​ເອິນ ປະທານ​ຄະນະ​ກຳມາ​ທິການ​ເອີຣົບ (EC), ຜູ້​ສະໝັກ​ຊີງ​ຕຳ​ແໜ່​ງປະທານາທິບໍດີ ​ແລະ ຮອງ​ປະທານາທິບໍດີ​ອາ​ເມ​ລິ​ກາ ຈາກ​ພັກ​ເດ​ໂມ​ແຄຣດ ທ່ານ ​ໂຈ ​ໄບ​ເດນ ​ແລະ ທ່ານ ຄາ​ມາລາ ​ແຮຣິສ ລວມທັງ ທ່ານ ດຣ. ທີ​ໂດຣສ ອັດ​ຮານ​ອມ ກີບຣີ​ເຢຊຸ​ສ ຜູ້ອຳນວຍການ​ໃຫຍ່​ອົງການ​ອະນາ​ໄມ​ໂລກ (WHO) ​ແລະ ທ່ານ ​ແອນ​ໂທ​ນີ ​ເຟົາຊີ ຜູ້ອຳນວຍການ​ສະ​ຖາ​ບັນ​ພະຍາດ​ພູມ​ແພ້ ​ແລະ ພະຍາດ​ຕິດ​ເຊື້ອ​ແຫ່ງ​ຊາດ​ອາ​ເມ​ລິກາ (NIAID).

ນອກຈາກ​ນີ້ ຍັງ​ມີ​ທ່ານ ນາ​ທານ ລໍ ນັກ​ເຄື່ອນ​ໄຫວ​ດ້ານ​ປະຊາທິປະ​ໄຕ​ຂອງ​ຮົງ​ກົງ ​ແລະ ທ່ານ ຊິ​ໂອຣິ ອິ​ໂຕະ ໜຶ່ງ​ໃນ​ຜູ້​ສ້າງ​ກະ​ແສ #MeToo​ ​ໃນ​ສັງຄົມ​ຍີ່ປຸ່ນ ​ໄດ້​ຮັບ​ການຈັດ​ໃຫ້​ຢູ່​ໃນ​ກຸ່ມ​ຜູ້​ບຸກ​ເບີກ​ທີ່​ມີ​ອິດ​ທິພົນ​ໃນ​ປີ​ນີ້ ຮ່ວມ​ກັບ​ຄົນ​ອື່ນໆ​ອີກ 19 ລາຍ​ຊື່. ຂະນະ​ທີ່ The Weekndມ ​ເຊ​ເລ​ນາ ​ໂກ​ເມດ, ​ເຈນ​ນິ​ເຟີ ຮັດ​ສັນ, ​ໄມ​ເຄິລ ຈໍ​ແດນ ​ແລະ ຜູ້​ກຳກັບ​ຍອດ​ຢ້ຽມ​ຈາກ​ເວທີ​ອອດ​ສະກາ​ຄື ບົງ​ຈຸນ​ໂຮ ກໍ​ໄດ້​ຮັບ​ການຈັດ​ອັນ​ດັບ​ຈາກ TIME ​ໃຫ້​ຢູ່​ໃນ​ຜູ້​ມີ​ອິດ​ທິພົນ​ກຸ່ມ​ສິລະ​ປິນ.

time ເຜີຍ 100 ລາຍຊື່ບຸກຄົນ ຜູ້ມີອິດທິພົນທີ່ສຸດປະຈຳປີ 2020 - Wave100S AD to Website 2020 0 - TIME ເຜີຍ 100 ລາຍຊື່ບຸກຄົນ ຜູ້ມີອິດທິພົນທີ່ສຸດປະຈຳປີ 2020
time ເຜີຍ 100 ລາຍຊື່ບຸກຄົນ ຜູ້ມີອິດທິພົນທີ່ສຸດປະຈຳປີ 2020 - WhatsApp Image 2020 05 27 at 5 - TIME ເຜີຍ 100 ລາຍຊື່ບຸກຄົນ ຜູ້ມີອິດທິພົນທີ່ສຸດປະຈຳປີ 2020
error: Alert: Content is protected !!