ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020 -                                                                                                 23                 2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020
  1. Boris Johnson ນາຍົກລັດຖະມົນຕີຂອງ​ອັງກິດ ​ໄດ້​ປະກາດ​ຂໍ້​ຈຳກັດ​ຄັ້ງ​ໃໝ່ ​ເຊິ່ງ​ເກີດ​ຈາກ​ການ​ເພີ່ມ​ຂຶ້ນຂອງ​ຜູ້​ຕິດ​ເຊື້ອ COVID-19 ພາຍ​ໃນ​ປະ​ເທດ ​ໂດຍ​ມີ​ຄຳ​ສັ່ງ​ໃຫ້​ປະຊາຊົນ​ຄວນ​ເຮັດ​ວຽກ​ຢູ່​ເຮືອນ​ຖ້າ​ເປັນ​ໄປ​ໄດ້. ຂະນະ​ທີ່​ຮ້ານ​ບັນ​ເທີ​ງ ​ແລະ ຮ້ານ​ອາຫານ​ຈະ​ປິດ​ເວລາ 22:00 ​ໂມງ.

Johnson ກ່າວ​ວ່າ: ມາດ​ຕະການ​ດັ່ງກ່າວ​ອາດ​ມີ​ຜົນ​ບັງຄັບ​ໃຊ້​ເປັນ​ເວລາ​ເຖິງ 6 ​ເດືອນ ​ເຊິ່ງຄຳ​ສັ່ງ​ນີ້​ເກີດ​ຂຶ້ນຫລັງ​ຈາກ​ວັນ​ທີ 21 ກັນຍາ​ຜ່ານ​ມາ ທີ່​ປຶກສາ​ດ້ານ​ວິທະຍາສາດ​ຊັ້ນນຳ​ຂອງ​ລັດຖະບານ​ເຕືອນ​ວ່າ ຖ້າ​ບໍ່​ມີ​ການ​ດຳ​ເນີນ​ການ​ຄວບ​ຄຸມ​ໃດໆ​ເພີ່ມ​ຕື່ມ​ຢູ່​ອັງກິດ ພວກ​ເຂົາ​ອາດ​ໄດ້​ເຫັນ​ຜູ້​ຕິດ​ເຊື້ອ​ໃໝ່​ສູງ​ເຖິງ 50.000 ຄົນ​ຕໍ່​ມື້ພາຍ​ໃນ​ກາງ​ເດືອນ​ຕຸລາ​ນີ້.

ຂະນະ​ດຽວ​ກັນ Goldman Sachs ​ເຊິ່ງ​ເປັນ​ທະນາຄານ​ຍັກ​ໃຫຍ່​ໄດ້​ປະກາດ​​ໂຈະ​ການ​ກັບ​ມາ​ເຮັດ​ວຽກ​ຢູ່​ສຳນັກງານ​​ໃນ​ນະຄອນຫລວງ​ລອນ​ດອນ.

  1. Mitt Romney ວຸດ​ທິສະມາຊິກ​ຂອງ​ອາ​ເມ​ລິ​ກາ ກ່າວ​ວ່າ: ທ່ານ​ຈະ​ສະໜັບສະໜູນ​ການ​ລົງ​ຄະ​ແນນ​ສຽງ​ເພື່ອ​ເລືອກ​ຜູ້​ທ້າ​ຊີງ​ໃນ​ຕຳ​ແໜ່​ງສານ​ດີກາ​ຂອງ​ປະທານາທິບໍດີ ​ໂດ​ນັລ ທຣຳ ​ໂດຍ​ເລື່ອງ​ນີ້​ຄາດ​ວ່າ​ຈະ​ໄດ້​ຮັບ​ການ​ສະໜັບສະໜູນ​ຈາກ​ພັກ Republican ຢ່າງ​ພຽງພໍ​ເພື່ອ​ເລີ່​ມຂະ​ບວນການ​ແຕ່ງຕັ້ງຜູ້​ແທນ​ຂອງ Ruth Bader Ginsburg ທີ່​ເສຍ​ຊີວິດ​ໃນ​ໄວ 87 ປີ​ເມື່ອ​ວັນ​ທີ 18 ກັນຍາ​ຜ່ານ​ມາ.

ປັດຈຸບັນ Republican ມີ​ສຽງ​ສ່ວນ​ຫລາຍ 53-47 ​ແລະ ມີ​ວຸດ​ທິສະມາຊິກ​ພຽງ 2 ຄົນ​ເທົ່າ​ນັ້ນທີ່​ບໍ່​ເຫັນ​ພ້ອມ​ຕໍ່​ການ​ລົງ​ຄະ​ແນນ. ຂະນະ​ທີ່​ທ່ານ ທຣຳ ກ່າວ​ວ່າ: ທ່ານ​ຈະ​ປະກາດ​ທາງ​ເລືອກ​ໃນ​ວັນ​ທີ 26 ກັນຍາ​ນີ້.

  1. Andrew Bailey ຜູ້​ວ່າການ​ທະນາຄານ​ແຫ່ງ​ອັງກິດ ກ່າວ​ວ່າ: ທະນາຄານ​ກາງ​ຈະ​ສາມາດ​ໃຊ້​ອັດຕາ​ດອກ​ເບ້ຍ​ຕິດ​ລົບ​ໄດ້ ​ແຕ່​ໄດ້​ຫລຸດ​ຄວາມ​ຄາດ​ຫວັງວ່າ​ຈະ​ເປັນ​ແບບ​ນັ້ນ​ໄດ້​ຢ່າງ​ວ່ອງ​ໄວ.

ນັບ​ແຕ່​ທະນາຄານ​ເລີ່​ມຕົ້ນ​ແນວ​ຄິດ​ນີ້​ໃນ​ເດືອນ​ສິງຫາ​ຜ່ານ​ມາ ຜູ້​ຄົນ​ໃນ​ຕະຫລາດ​ການ​ເງິນ​ໄດ້​ຄາດ​ຄະ​ເນ​ວ່າ ພວກ​ເຂົາ​ຈະ​ປ່ຽນ​ໃຊ້​ອັດຕາ​ດອກ​ເບ້ຍ​ຕິດ​ລົບ​ພາຍ​ໃນຕົ້ນປີ 2021. ຂະນະ​ທີ່​​ເງິນ​ປອນ​ເພີ່ມ​ຂຶ້ນ​ເລັກ​ໜ້ອຍ​ເມື່ອ​ທຽບ​ໃສ່​ໂດ​ລາ ຫລັງ​ຈາກ​ການສະ​ແດງ​ຄວາມ​ເຫັນ​ຂອງ Bailey.

  1. ສານ​ໃນ​ນະຄອນຫລວງ​ປັກ​ກິ່ງ​ໄດ້​ມີ​ຄຳ​ຕັດສິນ​ໃຫ້ Ren Ahiqiang ນັກ​ວິຈານ​ປະທານ​ປະ​ເທດ ສີ​ຈິ້ນຜິ​ງ ຕິດ​ຄຸກ 18 ປີ ​ໃນ​ຂໍ້​ຫາ​ສໍ້​ລາດ​ບັງ​ຫລວງ ​ໂດຍ​ລາວ​ເປັນ​ນັກທຸລະກິດ​ທາງ​ດ້ານ​ອະສັງຫາລິມະ​ຊັບ​ທີ່​ຫາຍ​ຕົວ​ໄປ​ໃນ​ເດືອນ​ມີນາ ຫລັງ​ຈາກ​ເອີ້ນ​ທ່ານ ສີ​ຈິ້ນຜິ​ງ ວ່າ: “a bare naked clown (ຕົວ​ຕະຫລົກ​ທີ່​ໂປ້​ເປືອຍ)” ​ໃນ​ບົດ​ຄວາມ​ທີ່​ທ່ານ​ວິຈານ​ຕໍ່​ການ​ຕອບ​ສະໜອງ​ຕໍ່ COVID-19 ຂອງ​ລັດຖະບານ.
  2. ​ເຈົ້າ​ເມືອງ Louisville ລັດ Kentucky ສະຫະລັດ​ອາ​ເມ​ລິ​ກາ ​ໄດ້​ປະກາດ​ພາວະ​ສຸກ​ເສີນ​ພາຍ​ໃນ​ພື້ນທີ່ ກ່ອນ​ຈະ​ມີ​ການ​ຕັດສິນ​ໃຈ​ວ່າ​ຈະຕັ້ງຂໍ້​ຫາ​ເຈົ້າໜ້າ​ທີ່ຕຳຫລວດ 3 ຄົນ​ໃນ​ການ​ສັງຫານ​​ແມ່ຍິງ​ຜິວ​ສີດຳ​ຊື່ Breonna Taylor ​ໃນ​ເດືອນ​ມີນາ​ຜ່ານ​ມາ.

Taylor ຖືກ​ສັງຫານ​ເມື່ອ​ເຈົ້າໜ້າ​ທີ່ 3 ຄົນ​ບຸກ​ເຂົ້າ​ໄປ​ໃນ​ອາພາດ​ເມັນ​ຂອງ​ນາງ​ກາງ​ເດິກ ​ແລະ ​ແຟນຂອງ​ນາງ​ຢ້ານ​ວ່າ​ຈະ​ເປັນ​ໂຈນ​ເລີຍ​ຍິງ​ປືນ​ຂູ່. ຂະນະ​ທີ່​ຕຳຫລວດ​ເປີດ​ສາກ​ຍິງ​ໃສ່ Taylor ​ເຖິງ 5 ນັດ.

  1. ​ເກື​ອບ 70% ຂອງ​ຜູ້​ລົງ​ຄະ​ແນນ​ສຽງ​ເລືອກ​ຕັ້ງສຳລັບ​ການ​ລົງ​ປະຊາ​ມະຕິ​ຢູ່​ອິຕາ​ລີ​ຕ້ອງການ​ໃຫ້​ປະ​ເທດ​ຫລຸດ​ຂະໜາດ​ຂອງ​ລັດຖະບານ ​ໂດຍ​ທັງ​ຈຳນວນ ສສ ​ໃນ​ສະພາ​ຕໍ່າ ​ແລະ ສະມາຊິກ​ວຸດ​ທິສະພາ​ຈະ​ຖືກ​ຕັດ​ອອກ​ຈາກ 945 ຄົນ​ເປັນ 600 ຄົນ​ພາຍ​ໃນ​ປີ 2023.

ພັກ​ການ​ເມືອງ​ຊື່ວ່າ “The Five Star Movement” ​ເຊິ່ງ​ເປັນ​ສ່ວນ​ໜຶ່ງ​ຂອງ​ແນວ​ຮ່ວມ​ໃນ​ການ​ປົກຄອງ​ຂອງ​ລັດຖະບານ ​ໄດ້​ຄາດ​ວ່າການ​ຫລຸດ​ລົງ​ນີ້​ຈະ​ຊ່ວຍ​ປະຢັດ​ເງິນ​ໄດ້ 1 ພັນ​ລ້ານ​ເອີ​ໂຣ (1,2 ພັນ​ລ້ານ​ໂດ​ລາ) ​ໃນ​ຊ່ວງ​ທົດ​ສະ​ວັດ​ຕໍ່​ໄປ.

ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020
  1. ຜູ້​ຊາຍ 2 ຄົນ​ທີ່​ກ່ຽວຂ້ອງ​ກັບ “Muttahida Qaumi Movement : MQM” ​ເຊິ່ງ​ເປັນ​ພັກ​ການ​ເມືອງ​ຂອງ​ປາ​ກິດ​ສະຖານ ​ໄດ້​ຖືກ​ຕັດສິນ​ປະຫານ​ຊີວິດ ​ເນື່ອງ​ຈາກ​ການ​ກໍ່​ເຫດ​ຈູດ​ໄຟ​ເຜົາ​ໂຮງງານ ​ເຊິ່​ງ​ເຮັດ​ໃຫ້​ກຳມະກອນ​​ໂຮງງານ​ຕັດຫຍິບ​ເສື້ອຜ້າ​ເສຍ​ຊີວິດ 260 ຄົນ ​ໃນ​ປີ 2012.

ຜູ້​ຊາຍ​ທັງ 2 ຄົນ​ໄດ້​ຈູດ​ໂຮງງານ​ໃນ​ເມືອງ​ກາຣາຈີ ຫລັງ​ຈາກ​ເຈົ້າຂອງ​ປະຕິ​ເສດ​ຈະ​ຕອບ​ຮັບ​ຕາມ​ຂໍ້​ຮຽກຮ້ອງ​ໃນ​ການ​ຂູ່​ເອົາ​ເງິນ​ຂອງ​ພວກ​ເຂົາ. ຂະນະ​ທີ່​ຜູ້ນຳ​ຂອງ MQM ​ເຊິ່ງ​ເປັນ​ສ່ວນ​ໜຶ່ງ​ຂອງ​ແນວ​ຮ່ວມ​ໃນ​ການ​ປົກຄອງ​ປະ​ເທດ ​ໄດ້​ປະຕິ​ເສດ​ການ​ມີ​ສ່ວນ​ຮ່ວມ​ໃດ​ໆ​ກ່ຽວ​ກັບ​ເລື່ອງ​ນີ້.

  1. ​ເມື່ອ​ຕັດສິນ​ຈາກ​ຕາຕະລາງ​ການ​ເດີນທາງ​ຂອງ​ການ​ປຸກລະດົມ​ຫາ​ສຽງ​ເພື່ອ​ຊີງ​ຕຳ​ແໜ່​ງປະທານາທິບໍດີ​ຂອງ​ອາ​ເມ​ລິ​ກາ ພາກພື້ນ Midwest ຂອງ​ປະ​ເທດ​ຖືກ​ເບິ່ງ​ວ່າ​ມີ​ຄວາມ​ສຳຄັນ​ຕໍ່​ໄຊຊະນະ ​ໂດຍ​ທ່ານ ​ໂດ​ນັລ ທຣຳ ​ໄດ້​ໄປ​ຢ້ຽມຢາມ​ລັດ Ohio ​ໃນຕົ້ນອາທິດ​ນີ້ ຫລັງ​ຈາກ​ເດີນທາງ​ໄປ Minnesota ​ແລະ Wisconsin.
  2. Apple ​ເປີດ​ໃຫ້​ບໍລິການ​ໃນ​ອິນ​ເດຍມາ​ແຕ່​ປີ 2008 ​ແຕ່​ພວກ​ເຂົາ​ຍັງ​ສາມາດ​ຄອງ​ຕະຫລາດ​ສະມາດ​ໂຟນພາຍ​ໃນ​ປະ​ເທດ​ໄດ້​ບໍ່​ຮອດ 1% ​ໃນ​ປັດຈຸບັນ. ຂະນະ​ທີ່​ບໍລິສັດ​ມີ​ແຜນ​ຈະ​ເປີດ​ຕົວ​ຮ້ານ​ຄ້າ​ອອນ​ລາຍ​ແຫ່ງ​ທຳ​ອິດ​ໃນ​ປະ​ເທດ​ທີ່​ມີ​ຂະໜາດ​ຂອງ​ຕະຫລາດ Smart Phone ​ໃຫຍ່​ເປັນອັນ​ດັບ 2 ຂອງ​ໂລກ. ຂະນະ​ທີ່​ປັດຈຸບັນ​ມີ​ຜູ້​ຫລິ້ນຊາວ​ຈີນ​ຄອງ​ສ່ວນ​ແບ່ງ​ທາງ​ການ​ຕະຫລາດ​ຢູ່.

ກ່ອນ​ໜ້າ​ນີ້ ຜູ້​ຊື້ຊາວ​ອິນ​ເດຍຈຳ​ເປັນ​ຕ້ອງ​ຊື້ຜະລິດ​ຕະພັນ​ຂອງ Apple ຈາກ​ຮ້ານ​ຄ້າ​ຍ່ອຍ​ບຸກຄົນ​ທີ 3 ຫລື ຮ້ານ​ຄ້າ​ອອນ​ລາຍ​ຂອງ​ຕ່າງປະ​ເທດ ​ເນື່ອງ​ຈາກ​ບໍ່​ມີ​ຮ້ານ​ຄ້າ​ຂອງ Apple ​ໃນ​ປະ​ເທດ​ໂດຍ​ກົງ ​ເຮັດ​ໃຫ້​ໂທລະສັບ​ຂອງ Apple ພາຍ​ໃນ​ອິນ​ເດຍມີ​ລາຄາ​ແພງ​ກວ່າ​ທີ່​ຄວນ​ຈະ​ເປັນ.

  1. 7 ອາທິດ​ຫລັງ​ຈາກ​ເຫດການ​ລະ​ເບີດ​ຢູ່​ເມືອງ​ຫລວງ​ຂອງ​ປະ​ເທດ​ເລ​ບາ​ນອນ ​ໃນ​ກອງ​ປະຊຸມ​ໃຫຍ່​ແຫ່ງ​ສະຫະ​ປະຊາ​ຊາດ ​ເຈົ້າໜ້າ​ທີ່​ຈະ​ປະຊຸມ​ກັນ​ເພື່ອ​ຮຽກຮ້ອງ​ໃຫ້​ມີ​ການ “ຈັດຕັ້ງລັດຖະບານ​ໃໝ່”.

ນາຍົກລັດຖະມົນຕີຂອງປະ​ເທດ ລາ​ອອກ​ຫລັງ​ເຫດ​ລະ​ເບີດ​ຢູ່​ທ່າ​ເຮືອ​ເບຣຸດ ​ເມື່ອ​ວັນ​ທີ 4 ສິງຫາ ​ເຊິ່ງມີ​ຜູ້​ເສຍ​ຊີວິດ​ເກືອບ 200 ຄົນ. ຂະນະ​ທີ່ Mustapha Adib ຜູ້​ສືບ​ທອດ​ທີ່​ໄດ້​ຮັບ​ມອບ​ໝາຍ​ຂອງ​ທ່ານ ຕ້ອງການ​ຈັດຕັ້ງຄະນະ​ລັດຖະບານ​ທີ່​ເປັນ​ອິດສະຫລະ​ທາງ​ການ​ເມືອງ​ຂະໜາດນ້ອຍ ​​ແຕ່​ພັກ​ຊີ​ອະ​ຫລັກ 2 ພັກ​ຄື Amal ​ແລະ Hizbullah ກຳລັງ​ປິດ​ກັ້ນທ່ານ ​ໂດຍ​ຢືນຢັນ​ຈະ​ຄວບ​ຄຸມ​ກະຊວງ​ການ​ເງິນ​ຂອງ​ປະ​ເທດ.

  1. ຄະນະ​ກຳມາ​ທິການ​ແຫ່ງ​ສະຫະ​ພາບ​ເອີຣົບ ຄາດ​ວ່າ​ຈະ​ຊະນະ​ສຽງ​ສ່ວນ​ຫລາຍ​ໃນ​ການ​ອອກ​ຂໍ້​ສະ​ເໜີ​ເພື່ອ​ປ່ຽນ​ກົດ​ການ​ຂໍ​ລີ້​ໄພ​ຂອງ​ສະຫະພາບ​ເອີຣົບ ​ໂດຍ​ປະ​ເທດ​​ໃນ​ສະຫະພາບ​ເອີຣົບຈະ​ຖືກ​ແບ່ງ​​ແຍກ​ອອກ​ຈາກ​ກັນ​​ແບບ​ໄຮ້​ຄວາມ​ຫວັງ​ພາຍ​ໃຕ້​ກົດໝາຍ​ໃໝ່​ນີ້.

​ໃນ​ອະດີດ​ນັບ​ແຕ່​ປີ 2015 ທີ່​ວິ​ກິດ​ການ​ຍ້າຍ​ຖິ່ນ​ຖານ​ຢູ່​ໃນ​ລະດັບ​ສູງ​ສຸດ ບາງ​ປະ​ເທດ​ຕ້ອງການ​ແບ່ງປັນ​ຜູ້​ຂໍ​ລີ້​ໄພ​ ​ໃນ​ຂະນະ​ທີ່​ປະ​ເທດ​ອື່ນໆ​ປະຕິ​ເສດ​ຈະ​ຮັບ.

ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 23 ກັນຍາ 2020
error: Alert: ເນື້ອຫາຂ່າວມີລິຂະສິດ !!