ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ

ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ -                                                              - ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ
ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ - Untitled design - ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ

ພິທີມອບໃບຢັ້ງຢືນ ຖິ່ນກໍາເນີດຜ້າໄໝຫລວງພະບາງ ໃຫ້ສະມາຄົມສົ່ງເສີມ ຜ້າໄໝ​ຢ່າງເປັນທາງການແຂວງ​ດັ່ງກ່າວ ​ໄດ້​ຈັດ​ຂຶ້ນ​ໃນ​ວັນ​ທີ 23 ກັນຍາ​ນີ້ ທີ່​ນະຄອນຫລວງ​ພະ​ບາງ ໂດຍທ່ານ ນາງ ຂັນລາສີ ແກ້ວບຸນພັນ ຫົວໜ້າກົມຊັບສິນທາງປັນຍາ ກະຊວງວິທະຍາສາດ ແລະ ເຕັກໂນໂລຊີ, ໂດຍການ​ເຂົ້າຮ່ວມຂອງທ່ານ ບໍ່ວຽງຄໍາ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ​ແລະ ທ່ານ ສຸກັນ ບຸນຍົງ ຮອງເຈົ້າແຂວງຫລວງພະບາງ.

ທ່ານ ນາງ ຂັນລາສີ ແກ້ວບຸນພັນ ​ໄດ້​ກ່າວ​ໃນ​ພິທີວ່າ: ການຈົດທະບຽນຖິ່ນກໍາເນີດຜ້າໄໝຫລວງພະບາງ ກໍເພື່ອປົກປ້ອງຊື່ສຽງ ​ແລະ ພູມປັນຍາຊຸມຊົນໃນທ້ອງຖິ່ນທີ່​ເປັນມໍລະດົກສືບທອດກັນ​ມາ​ນັບຫລາຍເຊັ່ນຄົນ. ພ້ອມຊ່ວຍໃຫ້ມີການຮັກສາເອກະລັກຂອງຜ້າໄໝຫລວງພະບາງໄວ້. ດັ່ງນັ້ນ ນັບ​ແຕ່​ນີ້​ເປັນຕົ້ນ​ໄປ ທຸກຂັ້ນຕອນການຜະລິດຜ້າໄໝຫລວງພະບາງ​ແມ່ນ​ຈະ​ໄດ້​ຮັບ​ການ​ກວດກາຢ່າງເປັນລະບົບຄົບຊຸດຕາມຄຸນລັກສະນະສະເພາະຂອງຜ້າໄໝຫລວງພະບາງຈາກໜ່ວຍງານຢັ້ງຢືນພາຍໃນປະເທດ ຫລື ສາກົນ ​ເພື່ອເຮັດໃຫ້ຜ້າໄໝຫລວງພະບາງມີມູນຄ່າເພີ່ມສູງຂຶ້ນຕາມມາດຕະຖານສາກົນທີ່ຄຸ້ມຄອງໂດຍກົມຊັບສິນທາງປັນຍາ ກະຊວງວິທະຍາສາດ ແລະ ເຕັກໂນໂລຊີ.

ຜະລິດຕະພັນຜ້າໄໝຫລວງພະບາງ ເປັນອີກຜະລິດຕະພັນໜຶ່ງທີ່ມີລາຍຜ້າໄໝດັ້ງເດີມ ​ແລະ ມີຄຸນນະພາບພິເສດ, ມີຄວາມອ່ອນນຸ້ມ ແລະ ເງົາງາມ ຍ້ອນການຍ້ອມສີທໍາມະຊາດ ແລະ ມີປະຫວັດຄວາມເປັນມາທີ່ຕິດພັນກັບວັດທະນະທໍາ ແລະ ວິຖີການດໍາລົງຊີວິດຂອງຊາວຫລວງພະບາງມາແຕ່ດົນນານ.

ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ - Wave100S AD to Website 2020 0 - ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ
ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ - WhatsApp Image 2020 05 27 at 5 - ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ
ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ - WhatsApp Image 2020 05 27 at 5 - ຜ້າໄໝຫລວງພະບາງໄດ້ຮັບການຢັ້ງຢືນຖິ່ນກໍາເນີດແລ້ວ
error: Alert: ເນື້ອຫາຂ່າວມີລິຂະສິດ !!