​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ

​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ - 555 69 - ​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ
​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ - Untitled design - ​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ

ໂດຍ: ທິດ​ກໍ່າ

ອີງ​ຕາມ​ແຫ​ລ່ງຂ່າວຈາກ​ຫລາຍ​ສື່​​ໄດ້​ໃຫ້​ຂໍ້​ມູນ​ໃນ​ວັນ​ທີ 22 ກັນຍາຜ່ານ​ມາ​ນີ້​ວ່າ: ​ເມືອງ​ຊຽງ​ຮ່ອນ ​ແຂວງ​ໄຊ​ຍະ​ບູລີ ​ໄດ້​ເກີດ​ມີ​ພະຍາດ​ອະຫິວາ​ໝູ​ອາ​ຟຣິກາລະ​ບາດ​ຢູ່​ເຂດ​ບ້ານນ້ຳກອກ, ບ້ານ​ສາມັກຄີ​ໄຊ, ບ້ານ​ຫົວ​ນາ, ບ້ານ​ນາ​ອອນ, ບ້ານ​ລາວ​ສະ​ໂນ, ດອນ​ເຟືອງ, ບ້ານ​ແກ່ນ, ບ້ານ​ຂີ່ງ, ບ້ານ​ດົງ, ບ້ານນ້ຳຄ່ອມ ​ແລະ ບ້ານ​ຮາກ. ການລະບາດ​ຂອງ​ເຊື້ອພະຍາດ​ນີ້​ແມ່ນ​ເລີ່​ມປາກົດ​ມີ​ມາ​ແຕ່​ທ້າຍ​ເດືອນ​ສິງຫາ​ເປັນຕົ້ນມາ​ຮອດ​ປັດຈຸບັນ.

ຈາ​ກສະພາບ​ດັ່ງກ່າວ, ທາງ​ຫ້ອງການ​ປົກຄອງ​ເມືອງ​ຊຽງ​ຮ່ອນ​ກໍ​ໄດ້​ອອກ​ແຈ້ງ​ການ​ດ່ວນ ສະບັບ​ເລກທີ 1074/ຈມ.ຊຮ ​ເພື່ອ​ແຈ້ງ​ເຕືອນ​ປະຊາຊົນ​ໃນ​ທ້ອງ​ຖິ່ນ ກໍ​ຄື​ບັນດາ​ເຂດ​ແຂວງ​ທີ່​ໃກ້​ຄຽງ ຫລື ​ໃນ​ທົ່ວ​ປະ​ເທດ ​ໂດຍ​ສະ​ເພາະ​ແມ່ນ​ໃນ​ເຂດ​ທີ່​ມີ​ການລະບາດ​ຈົ່ງ​ພ້ອມ​ກັນຫາ​ວິທີ​ຫລີກ​ລ່ຽງ ​ແລະ ຕອບ​ຕ້ານ ​ເພື່ອ​ບໍ່​ໃຫ້​ເຊື້ອ​ໂຣກຊະນິດ​ນີ້​ແຜ່​ລາມ​ໄປ​ທ້ອງ​ຖິ່ນ​ອື່ນ​ຢ່າງ​ກວ້າງຂວາງ ​ແລະ ​ເດັດຂາດ.

ດັ່ງ​ທີ່​ຮູ້​ກັນ​ມາ​ແລ້ວ​ວ່າ, ພະຍາດ​ອະຫິວາ​ໝູ​ອາ​ຟຣິກາ​ ມັນ​ເປັນ​ພະຍາດ​ທີ່​ຮ້າ​ຍ​ແຮງ ​ແລະ ​ແຜ່​ລາມ​ໄດ້​ໄວ​ສຳລັບ​ໝູ​ທຸກໆ​ຊະນິດ ​ແລະ ທຸກ​ປະ​ເພດ ​ເຊິ່ງມາ​ຮອດ​ປັດຈຸບັນ​ນີ້​ແມ່ນ​ຍັງ​ບໍ່​ທັນ​ມີ​ຢາ​ປິ່ນປົວ ​ແລະ ບໍ່​ທັນ​ມີ​ວັກ​ຊີ​ນຊະນິດ​ໃດ​ມາ​ປ້ອງ​ກັນ​ພະຍາດ​ນີ້​ໄດ້​ເທື່ອ.

​ແນວ​​ໃດ​ກໍ​ຕາມ, ດ້ວຍ​ຄວາມ​ເປັນ​ຫ່ວງ​ເປັນ​ໄຍຈາກ​ຂັ້ນ​ເທິງ ກໍ​ຄື​ທາງ​ເມືອງ, ທາງ​ແຂວງ ຈຶ່ງ​ໄດ້​ມີ​ຄຳ​ສັ່ງ​ແນະນຳ​ໃຫ້​ປະຊາຊົນ​ໃນ​ທ້ອງ​ຖິ່ນ​ພ້ອມ​ກັນຊອກ​ຫາ​ທາງ​ອອກ​ທີ່​ເຂັ້ມງວດ ​ແລະ ​ເດັດຂາດ​ດັ່ງ​ຕໍ່​ໄປ​ນີ້: ບ້ານ​ໃດ​ມີ​ໝູ​ເຈັບ​ເປັນ ຫລື ຕາຍ​ໃຫ້​ລາຍ​ງານ​ຫ້ອງການ​ກະສິກຳ ​ແລະ ປ່າ​ໄມ້​ເມືອງ​ໂດຍ​ດ່ວນ​ເພື່ອ​ລົງ​ໄປ​ຕິດຕາມ​ກວດກາ ​ແລະ ກຳຈັດ​ທຳລາຍ​ຢ່າງ​ຖືກ​ວິທີ, ​ໃຫ້​ພ້ອມ​ກັນ​ອະນາ​ໄມ​ຄອກ​ໝູ, ມີ​ວິທີ​ການ​ຂ້າ​ເຊື້ອດ້ວຍ​ນ້ຳຢາຂ້າ​ເຊື້ອ ຫລື ​ໂຮຍ​ປູນ​ຂາວ​ໃນ​ສະຖານ​ທີ່ຢູ່​ຂອງ​ສັດ. ຫ້າມ​ເຄື່ອນ​ຍ້າຍ​ໝູ ນັບ​ທັງ​ຊິ້ນສ່ວນ​ໝູ, ຜະລິດ​ຕະພັນ​ໝູ​ທຸກ​ຊະນິດ​ເຂົ້າ-ອອກ​ຈົນ​ກວ່າ​ຈະ​ໄດ້​ຮັບ​ການ​ຢັ້ງຢືນ​ວ່າ​ເປັນ​ເຂດ​ປອດ​ພະຍາດ. ຫ້າມ​ນຳ​ເອົາ​ໝູ​ໄປ​ຂ້າ, ​ໄປ​ຄົວກິນ​ເດັດຂາດ. ຫ້າມ​ຜູ້​ທີ່​ລ້ຽງ​ໝູ​ນຳ​ເອົາ​ໝູ​ທີ່​ຕາຍ​ແລ້ວ​ໄປ​ຖິ້ມລົງ​ໜອງ​ນ້ຳ, ຫ້ວຍຮ່ອງ​ຄອງ​ບຶງ​ຢ່າງ​ເດັດຂາດ. ຕ້ອງ​ຂຸດ​ຂຸມ​ຝັງ​ໃຫ້​ເລິກ ​ແລະ ຂ້າ​ເຊື້ອຢ່າງ​ຖືກ​ວິທີ. ​ໃຫ້​ທຸກ​ພາກສ່ວນ​ໃນ​ທ້ອງ​ຖິ່ນ​ຮ່ວມ​ມື​ກັນ​ຕ້ານ ​ແລະ ຈຳກັດ​ເປັນ​ຢ່າງ​ດີ ​ແລະ ທັນ​ເວລາ. ມອບ​ໃຫ້​ຂະ​ແໜງ​ກະສິກຳ ​ແລະ ປ່າ​ໄມ້​ເມືອງ​ໄປ​ສົມທົບ​ກັບ​ໜ່ວຍ​ງານ​ທີ່​ກ່ຽວຂ້ອງ​ລົງ​ກວດກາ​ຢ່າງ​ໃກ້ຊິດ ທັງ​ໂຄສະນາ​ໃຫ້​ປະຊາຊົນ​ຮັບ​ຮູ້​ຢ່າງ​ທົ່ວ​ເຖິງ.

ນີ້​ຄື​ພະຍາດ ຫລື​ວ່າ ​ໂຣກລະບາດ​ຊະນິດ​ໜຶ່ງ​ທີ່​ໄດ້​ທຳລາຍ​ຊີວິດ​ອິນ​ຊີ​ຂອງ​ສັດລ້ຽງ ​ເປັນຕົ້ນ​ແມ່ນ​ໝູ​ທຸກ​ຊະນິດ​ທີ່​ພວກ​ເຮົາ​ໄດ້​ຜະລິດ ຫລື ລ້ຽງ ​ເພື່ອ​ເປັນ​ທ່າ​ແຮງ​ທາງ​ດ້ານ​ເສດຖະກິດ​ໃຫ້​ທ້ອງ​ຖິ່ນ ກໍ​ຄື​ໃນ​ເຂດ​ແຂວງ​ຂອງ​ຕົນ​ໃຫ້​ສາມາດ​​ເພິ່ງ​ຕົນ​ເອງ, ກຸ້ມ​ຕົນ​ເອງ ​ແລະ ສ້າງ​ຄວາມ​ເຂັ້ມ​ແຂງ​ຂຶ້ນ​ເທື່ອ​ລະ​ກ້າວ, ​ແຕ່​ອຸປະສັກ​ທີ່​ມາ​ກີດຂວາງ​ທຳລາຍ​ຜ່ານ​ຜ່າ​ພັດ​ແມ່ນ​ພະຍາດ​ອະຫິວາ​ໝູ​ອາ​ຟຣິກາ ອັນ​ເປັນ​ຊື່​ປະ​ເທດ​ຂອງ​ຄົນ​ດຳ​ຂຳ​ຢູ່​ໄກ​ກັນ​ຕັ້ງ​ແສນໆ​ໂຍດ.

​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ - Wave100S AD to Website 2020 0 - ​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ

ສ່ວນວ່າ​ພະຍາດ ຫລື​ວ່າ ​ໂຣກລະບາດ​ທີ່​ອັນຕະລາຍ​ຮ້າຍ​ກາດ​ທີ່​ພວມ​ສັງຫານ​ຄົນ​ໃນ​ໂລກ​ປັດຈຸບັນ​ນີ້ ກໍ​ຄື​ເຊື້ອພະຍາດ​ສາຍ​ພັນ​ໃໝ່​ໂຄ​ວິດ-19 ຫລ້າ​ສຸດ​ມາ​ຮອດ​ວັນ​ທີ 22 ກັນຍາ 2020 ​ໄດ້​ມີ​ຄົນ​ເສຍ​ຊີວິດ​ໄປ​ແລ້ວ 970.238 ຄົນ ​ໃນ​ນີ້​ຍັງ​ມີ​ຜູ້​ຕິດ​ເຊື້ອທັງ​ໝົດ 31.530.342 ຄົນ, ສາມາດ​ປິ່ນປົວ​ໃຫ້ຫາ​ຍດີ 23.146.402 ຄົນ ປະ​ເທດ​ທີ່​ຕິດ​ອັນ​ດັບ​ມີ​ຜູ້​ຕິດ​ເຊື້ອຫລາຍ​ກວ່າ​ໝູ່​ແມ່ນ​ສະຫະລັດ​ອາ​ເມ​ລິ​ກາ. ສ່ວນ ສປປ ລາວ​ ຂອງ​ພວກ​ເຮົາ​ແມ່ນ​ຍັງ​ມີ​ຜູ້​ຕິດ​ເຊື້ອພຽງ 23 ຄົນ ​ແລະ ຍັງ​ປິ່ນປົວ​ຢູ່​ໂຮງໝໍ 1 ຄົນ ​ແລະ ຍັງ​ບໍ່​ທັນ​ມີ​ຜູ້​ໃດ​ເສຍ​ຊີວິດ​ຍ້ອນ.

​ເຖິງ​ຢ່າງ​ໃດ​ກໍ​ດີ, ມາ​ຮອດ​ປັດຈຸບັນ​ນີ້ ຢູ່ ສປປ ລາວ​ ຂອງ​ພວກ​ເຮົາ ​ເຊື້ອພະຍາດ​ທີ່​ມາ​ຂົ່ມຂູ່​ຊີວິດ​ອິນ​ຊີ​ຂອງ​ສັດລ້ຽງ ​ເປັນຕົ້ນ​ແມ່ນ​ໝູ ກໍ​ຄື​ພະຍາດ​ອະຫິວາ​ໝູ​ອາ​ຟຣິກາ. ສ່ວນ​ເຊື້ອພະຍາດ​ທີ່​ພວມ​ນາບ​ຂູ່​ທຳລາຍ​ຄົນ​ບໍ່​ເລີກ​ບໍ່​ແລ້ວ​ກໍ​ແມ່ນ​ເຊື້ອ​ໄວຣັສ​ໂຄ​ວິດ-19 ​ແລະ ພະຍາດ​ທີ່​ເຝົ້າທຳລາຍ​ຄົນ​ໃນ​ແຕ່​ລະ​ວັນນັ້ນກໍ​ແມ່ນ​ພະຍາດ​ໄຂ້ຍຸງ ​ເຊິ່ງມາ​ຮອດ​ປັດຈຸບັນ​ໄດ້​ຂ້າ​ຄົນ​ລາວ​ໄປ​ແລ້ວ 13 ຄົນ ​ແລະ ຍັງ​ມີ​ຜູ້​ຕິດ​ເຊື້ອ​ເຖິງ 3.000 ກວ່າ​ຄົນ.

ນີ້​ລະ​ເຂົາ​ວ່າ ພະຍາດ​ໄຂ້ຍຸງ​ຮ້າຍ​ກວ່າ​​ເສືອ, ​ເໜືອກ​ວ່າ​ໂຄ​ວິດ-19 ຈຶ່ງ​ຂໍ​ໃຫ້​ພວກ​ເຮົາ​ທັງຫລາຍ​ຈົ່ງ​ພ້ອມ​ກັນ​ມີ​ສະຕິ​ຕ້ານ ​ແລະ ສະກັດ​ກັ້ນການ​ແຜ່​ລະບາດ​ຂອງ​ພະຍາດ​ຕ່າງໆ​ທີ່​ມັນ​ມາ​ທຳລາຍ​ຊີວິດ​ອິນ​ຊີ​ຂອງ​ຄົນ​ລາວ ກໍ​ຄື​ເສດຖະກິດ​-ສັງຄົມ​ຂອງ​ປະ​ເທດ. ສິ່ງ​ທີ່​ເຮົາ​ຈະ​ພາກັນ​ຢູ່​ລອດ​ປອດ​ໄພ​ໃນ​ເງື່ອນ​ໄຂ​ຂອງ​ໂລກ​ທີ່​ມີ​ການ​ປ່ຽນ​ແປງ​ໃນ​ຍຸກ​ປັດຈຸບັນ ກໍ​ຄື​ອານາ​ຄົດ​ຍາວ​ນານ​ກໍ​ແມ່ນ​ການ​ປັບ​ປ່ຽນ​ແບບ​ແຜນການ​ດຳ​ລົງ​ຊີວິດ​ແບບ​ໃໝ່ (NEW NORMAL) ​ເວົ້າ​ແຈ້ງ​ກໍ​ຄື​ໃຫ້​ຕິດ​ພັນ​ເຊື່ອມ​ໂຍງ​ກັບ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ທີ່​ສົດ​ໃສ​ໃຫ້​ລົງ​ຕົວ, ສະອາດ, ປອດ​ໄພ, ​ໄຮ້​ມົນ​ລະ​ພິດ ​ແລະ ສານພິດ ທັງ​ລະ​ຫ່າງ​ຈາກ​ອະບາຍ​ຍະ​ມຸກ​ທັງ​ປວງ, ມີ​ສິນ​ທຳ​ປະຈຳ​ໃຈ ພວ​ກ​ເຮົາ​ຈຶ່ງ​ຈະ​ຍືນ​ຍົງ​ຄົງ​ກະ​ພັນ​ໃນ​ໂລກ​ໃບ​ນີ້​ໄປ​ຢ່າງ​ຍາວ​ນານ.

​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ - WhatsApp Image 2020 05 27 at 5 - ​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ
​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ - WhatsApp Image 2020 05 27 at 5 - ​ໂຄ​ວິດ​ຍັງ​ບໍ່ສິ້ນ ອະຫິວາ​ໝູ​ອາ​ຟຣິກາ​ພັດ​ມາ​ຕື່ມ
error: Alert: ເນື້ອຫາຂ່າວມີລິຂະສິດ !!