ສະຫລຸບບັນຫາໜ້າສົນໃຈທົ່ວໂລກ ວັນທີ 24 ກັນຍາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 24 ກັນຍາ 2020 -                                                                                                 24                 2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 24 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 24 ກັນຍາ 2020 - 174233 - ສະຫລຸບບັນຫາໜ້າສົນໃຈທົ່ວໂລກ ວັນທີ 24 ກັນຍາ 2020
  1. ຢ່າງ​ໜ້ອຍ 22 ລັດ​​ໃນ​ອາ​ເມ​ລິ​ກາ ມີ​ການ​ລາຍ​ງານ​ຜູ້​ຕິດ​ເຊື້ອ COVID-19 ​ໃໝ່​ເພີ່ມ​ຂຶ້ນຫລາຍ​ກວ່າ 2 ​ເທົ່າ​ຂອງ​ຈຳນວນ​ທີ່​ລາຍ​ງານ​ວ່າ​ເພີ່ມ​ຂຶ້ນ​ໃນ​ອາທິດ​ຜ່ານ​ມາ.

ຂະນະ​ດຽວ​ກັນ​ ຫລາຍ​ປະ​ເທດ​ຢູ່​ເອີຣົບ​ເບິ່ງ​ຄື​ວ່າ​ຈະ​ເຂົ້າສູ່ “ຄື້ນ​ເທື່ອ​ທີ 2” ຂອງ​ການລະບາດ​ຮຽບຮ້ອຍ​ແລ້ວ, ສ່ວນ​ອົງການ​ແຮງ​ງານ​ສາກົນ (The International Labour Organisation) ກ່າວ​ວ່າ ລາຍ​ໄດ້​ຂອງ​ຄົນ​ຈາກ​ການ​ເຮັດ​ວຽກ​ຫລຸດ​ລົງ​ປະມານ 10,7% ​ໃນ​ໄລຍະ 9 ​ເດືອນ​ທຳ​ອິດ​ຂອງ​ປີ 2020 ​ເຊິ່ງ​ຄິດ​ເປັນ​ມູນ​ຄ່າ​ຄວາມ​ເສຍ​ຫາຍ​ທົ່ວ​ໂລກ​ປະມານ 3,5 ຕື້​ໂດ​ລາ.

  1. ຫລາຍ​ກວ່າ 1.000 ຄົນ​ລວມຕົວ​ກັນ​ຢູ່ Washington D.C ​ເພື່ອ​ສະ​ແດງ​ຄວາມ​ເຄົາລົບ​ຕໍ່ Ruth Bader Ginsburg ອະດີດ​ຜູ້​ພິພາກສາ​ຍິງ​ຄົນທີ 2 ​ໃນ​ສານ​ດີ​ກາ​ອາ​ເມ​ລິ​ກາ ທີ່​ເສຍ​ຊີວິດ​ໃນ​ອາທິດ​ຜ່ານ​ມາ.

ຫລັງ​ຈາກ​ພິທີ​ລະນຶກ​ແລ້ວ ​ໂລງ​ສົບ​ຂອງ​ນາງ​ຈະ​ຖືກ​ວາງ​ໄວ້​ຢູ່​ຂັ້ນ​ໄດ​ທາງ​ນອກ​ສານ. ຂະນະ​ທີ່ ປະທານາທິບໍດີ ​ໂດ​ນັລ ທຣຳ ຈະ​ປະກາດ​ການ​ສະ​ເໜີ​ຊື່​ໃຫ້​ບຸກຄົນ​ຕໍ່​ໄປ​ທີ່​ຈະ​ເຂົ້າດຳລົງ​ຕຳ​ແໜ່​ງຂອງ​ນາງ​ໃນ​ທ້າຍ​ອາທິດ​ນີ້​, ສ່ວນ​ພັກ Republican ລະບຸ​ວ່າ: ພວກ​ເຂົາ​ຈະ​ສະໜັບສະໜູນ​ການ​ລົງ​ຄະ​ແນນ​ຢ່າງ​ວ່ອງ​ໄວ ​ເພື່ອ​ຫາ​ຄົນ​ມາ​ແທນ​ນາງ.

  1. ຄະນະ​ສານ​ຢູ່​ເມືອງ Louisville ລັດ Kentucky ​ໄດ້​ຕັ້ງຂໍ້​ຫາ​ອະດີດ​ເຈົ້າໜ້າ​ທີ່​ຕຳຫລວດ​ວ່າ “ທຳຮ້າຍ​ເພື່ອນ​ບ້ານ​ຂອງ Breonna Taylor ​ແມ່ຍິງ​ຜິວ​ສີດຳ​ດ້ວຍ​ການ​ຍິງ​ປືນ​ໂດຍ​ປະໝາດ” ​ໃນ​ລະຫວ່າງ​ການ​ບຸກຄົ້ນອາພາດ​ເມັນ​ຂອງ​ນາງ​​ໃນ​ເດືອນ​ມີນາ​ຜ່ານ​ມາ ​ແຕ່​ບໍ່​ແມ່ນ​ຂໍ້​ຫາ​ຂອງ “ການ​ສັງຫານ​ນາງ”.
  2. Anwar Ibrahim ຜູ້ນຳ​ຝ່າຍ​ຄ້ານ​ຂອງ​ມາ​ເລ​ເຊຍ ອ້າງ​ວ່າ​ທ່ານ​ໄດ້​ຮັບ​ສຽງ​ສ່ວນ​ຫລາຍ​ຈາກ​ຝ່າຍ​ນິຕິບັນຍັດ​ເພື່ອ​ຈັດຕັ້ງລັດຖະບານ​ໃໝ່, ​ແຕ່ Muhyiddin Yassin ນາຍົກລັດຖະມົນຕີ ຜູ້​ກຸມ​ອຳນາດ​ຫລັງ​ຈາກ Mahathir Mohamad ລາ​ອອກ​ເມື່ອ 7 ​ເດືອນ​ກ່ອນ ​ໄດ້​ທຳລາຍ​ຂໍ້​ຮຽກຮ້ອງ​ເຫລົ່າ​ນີ້ ​ໂດຍ Yassin ຢືນຢັນ​ວ່າ​ທ່ານ​ໄດ້​ຮັບ​ການ​ສະໜັບສະໜູນ​ທີ່​ຈຳ​ເປັນ​ຈາກ​ລັດຖະສະພາ​ໃນ​ການ​ດຳລົງ​ຕຳ​ແໜ່​ງຜູ້ນຳ​ຕໍ່​ໄປ. ຂະນະ​ທີ່​ບໍ່​ມີ​ພັກ​ການ​ເມືອງ​ໃຫຍ່ໆ​ພັກ​ໃດ​ທີ່​ອອກ​ມາສະ​ໜັບສະ​ໜູນ Ibrahim.
  3. Ursula von der Leye ປະທານ​ຄະນະ​ກຳມາ​ທິການ​ແຫ່ງ​ສະຫະພາບ​ເອີຣົບ (President of the European Commission) ​ໄດ້​ປະກາດ​ແຜນການ​ທີ່​ຈະ​ຍົກ​ເຄື່ອງ​ຂັ້ນຕອນ​ການ​ຂໍ​ລີ້​ໄພ​ຂອງ​ສະຫະພາບ​ເອີຣົບອອກ​ມາ​ແລ້ວ.

ຂໍ້​ສະ​ເໜີດັ່ງກ່າວ ​ໄດ້​ຮັບ​ການ​ສະໜັບສະໜູນ​ຈາກ Angela Merkel ນາຍົກລັດຖະມົນຕີຂອງ​ເຢຍລະ​ມັນ ​ເຊິ່ງຮຽກຮ້ອງ​ໃຫ້​ມີ “ການ​ມີ​ສ່ວນ​ຮ່ວມ​ທີ່​ຍືດຍຸ່ນ” ຈາກ​ປະ​ເທດ​ສະມາຊິກ ​ເພື່ອ​ແບ່ງປັນ​ຄວາມ​ຮັບຜິດຊອບ​ຕໍ່​ຜູ້​ອົບ​ພະຍົບຢ່າງ​ເທົ່າ​ທຽມ​ກັນ​ຫລາຍ​ຂຶ້ນ, ຄຽງ​ຄູ່​ກັບ​ຂະ​ບວນການ​ທີ່​ເຂັ້ມງວດ​ໃນ​ການ​ສົ່ງ​ກັບ​ຜູ້​ທີ່​ຖືກ​ປະຕິ​ເສດ​ໃນ​ການ​ລີ້​ໄພ. ​ເຖິງ​ຢ່າງ​ໃດ​ກໍ​ຕາມ, ​ເພື່ອ​ໃຫ້​ແຜນ​ດັ່ງກ່າວ​ປະສົບ​ຜົນສຳ​ເລັດ ຈະ​ຕ້ອງ​ໄດ້​ຮັບ​ການ​ສະໜັບສະໜູນ​ຈາກ​ລັດ​ສະມາຊິກ​ທັງ 27 ປະ​ເທດ.

  1. Alexander Lukashenko ປະທານາທິບໍດີ​ຂອງ​ເບ​ລາຣຸສ ​ໄດ້​​ຈັດ​ພິທີ​ສາບານ​ຕົນ​ເພື່ອ​ເຂົ້າຮັບ​ຕຳ​ແໜ່​ງ​ໃນ​ສະ​ໄໝ​ທີ 6 ​ເຊິ່ງ​ເປັນ​ພິທີ​ທີ່​ດຳ​ເນີນ​ໂດຍ​ບໍ່​ມີ​ການ​ແຈ້ງ​ລ່ວງ​ໜ້າ.

ຂະນະ​ດຽວ​ກັນ ຜູ້​ປະ​ທ້ວງ​ພາຍ​ໃນ​ປະ​ເທດ​ຍັງ​ຮຽກຮ້ອງ​ການ​ລາ​ອອກ​ຂອງ Lukashenko ​ເນື່ອງ​ຈາກ​ທ່ານ​ຖືກ​ປະຊາຊົນ​ຕັດສິນ​ວ່າ​ສໍ້​ໂກງ​ການ​ເລືອກ​ຕັ້ງ​ໃນ​ເດືອນ​ສິງຫາ​ຜ່ານ​ມາ, ສ່ວນ Lukashenko ​ໃຊ້​ວິທີ​ຕອບ​ໂຕ້​ຕໍ່​ຜູ້​ປະ​ທ້ວງ​ດ້ວຍ​ຄວາມ​ຮຸນ​ແຮງ ​ເຮັດ​ໃຫ້​ປັດຈຸບັນ ​ເບ​ລາຣຸສຜະ​ເຊີນ​ການ​ຂວ້ຳບາດ​ຈາກ​ອາ​ເມ​ລິ​ກາ ​ແລະ ສະຫະພາບ​ເອີຣົບ.

ສະຫລຸບບັນຫາໜ້າສົນໃຈທົ່ວໂລກ ວັນທີ 24 ກັນຍາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 24 ກັນຍາ 2020

​7. ​ໂຮງໝໍ​ແຫ່ງ​ໜຶ່ງ​ໃນ​ນະຄອນຫລວງ​ເບີ​ລິນ ຂອ​ງ​ເຢຍລະ​ມັນ ​ໄດ້​ປ່ອຍ​ຕົວ Alexei Navalny ນັກ​ວິຈານ​ຊັ້ນນຳ​ກ່ຽວ​ກັບ Valdimir Putin ປະທານາທິບໍດີ​ຂອງຣັດ​ເຊຍ ​ໃຫ້​ສາມາດ​ປິ່ນປົວ​ຕົນ​ເອງ​ໃນ​ພື້ນທີ່​ສ່ວນ​ຕົວ​ໄດ້.

Navalny ກຳລັງ​ໄດ້​ຮັບ​ການ​ປິ່ນປົວ ຫລັງ​ຈາກ​ບໍ່​ສະບາຍ​ກະທັນ​ໃນ​ຖ້ຽວ​ບິນ​ຈາກ​ພາກພື້ນ​ໄຊ​ບີ​ເຣຍຂອງຣັດ​ເຊຍ ​ໃນ​ເດືອນ​ສິງຫາ ຫລັງ​ຈາກ​ນັ້ນລາວ​ຖືກ​ສົ່ງ​ຕົວ​ໄປ​ປະ​ເທດ​ເຢຍລະ​ມັນ ​ເຊິ່ງລັດຖະບານ​ຂອງ​ປະ​ເທດ​ລະບຸ​ວ່າ ພວກ​ເຂົາ​ໄດ້​ມີ​ການກວດ​ສອບ​ຢູ່​ບ່ອນ​ນັ້ນ ​ແລະ ພົບ​ວ່າ Navalny ຖືກ​ວາງຢາ​ພິດ​ດ້ວຍ​ຊະນິດ​ຢາ Novichok ​ເຊິ່ງ​ສົ່ງ​ຜົນ​ຕໍ່​ລະບົບ​ປະສາດ (​ເຊັ່ນ​ດຽວ​ກັບ​ທີ່​ສະ​ວີ​ເດັນ ​ແລະ ຝຣັ່ງກ່າວ). ຂະນະ​ທີ່ ລັດຖະບານຣັດ​ເຊຍ​ປະຕິ​ເສດ​ການ​ມີ​ສ່ວນ​ຮ່ວມ​ໃດ​ຕໍ່​ເລື່ອງ​ນີ້.

ສະຫລຸບບັນຫາໜ້າສົນໃຈທົ່ວໂລກ ວັນທີ 24 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 24 ກັນຍາ 2020
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!