ກອງປະຊຸມທາງໄກຜູ້ບັນຊາການທະຫານສູງສຸດອາຊຽນ ຄັ້ງທີ 17

ກອງປະຊຸມທາງໄກຜູ້ບັນຊາການທະຫານສູງສຸດອາຊຽນ ຄັ້ງທີ 17 - Add a subheading - ກອງປະຊຸມທາງໄກຜູ້ບັນຊາການທະຫານສູງສຸດອາຊຽນ ຄັ້ງທີ 17
ກອງປະຊຸມທາງໄກຜູ້ບັນຊາການທະຫານສູງສຸດອາຊຽນ ຄັ້ງທີ 17 - 174233 - ກອງປະຊຸມທາງໄກຜູ້ບັນຊາການທະຫານສູງສຸດອາຊຽນ ຄັ້ງທີ 17

ກອງປະຊຸມທາງໄກ ຜູ້ບັນຊາການທະຫານສູງສຸດອາຊຽນ ຄັ້ງທີ 17 (ACDFM-17) ​ໄດ້​ຈັດ​ຂຶ້ນ​ໃນ​ວັນ​ທີ 24 ກັນຍາ​ນີ້ ພາຍໃຕ້ການເປັນປະທານຂອງທ່ານ ພົນໂທ ຟານວັນຢາງ ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ. ຄະນະ​ຜູ້​ແທນ​ລາວ​ນຳ​ໂດຍ​ທ່ານ ພົນ​ໂທ ສຸ​ວອນ ​ເລືອ​ງບຸນ​ມີ ຮອງ​ລັດຖະມົນຕີ​ກະຊວງ​ປ້ອງ​ກັນ​ປະ​ເທດ, ຫົວໜ້າ​ກົມ​ໃຫຍ່​ເສນາ​ທິການ​ກອງທັບ.

ກອງປະຊຸມໄດ້ແລກປ່ຽນທັດສະນະກ່ຽວກັບສິ່ງທ້າທາຍຕໍ່ຄວາມໝັ້ນຄົງໃນພາກພື້ນທີ່ຕ່າງຝ່າຍຕ່າງມີຄວາມສົນໃຈ, ປຶກສາຫາລືກ່ຽວກັບຊ່ອງທາງ ເພື່ອເພີ່ມທະວີການຮ່ວມມືທີ່ເປັນຮູບປະທຳ, ເສີມຂະຫຍາຍຄວາມເປັນໜຶ່ງດຽວພາຍໃນພາກພື້ນ ແລະ ຮັບມືກັບສິ່ງທ້າທາຍຮ່ວມກັນ ​ແລະ ບັນຫາສິ່ງທ້າທາຍຕໍ່ຄວາມໝັ້ນຄົງທີ່ບໍ່ແມ່ນທາງການທະຫານແມ່ນນັບມື້ນັບເພີ່ມທະວີຄວາມສະຫລັບສັບຊ້ອນ ແລະ ຍາກທີ່ຈະຄາດຄະເນໄດ້ ເປັນຕົ້ນອາຊະຍາກຳຂ້າມຊາດ, ການກໍ່ການຮ້າຍ, ຄວາມໝັ້ນຄົງທາງທະເລ, ຄວາມໝັ້ນຄົງທາງລະບົບຄອມພິວເຕີ, ໄພພິບັດທາງທຳມະຊາດ, ຢາເສບຕິດ ແລະ ບັນຫາພະຍາດລະບາດໂຄວິດ-19 ກໍເປັນອີກບັນຫາໜຶ່ງທີ່ບັນດາປະເທດເຂົ້າຮ່ວມໃຫ້ຄວາມສຳຄັນ ເນື່ອງຈາກວ່າການແຜ່ລະບາດຂອງພະຍາດດັ່ງກ່າວໄດ້ສົ່ງຜົນກະທົບຢ່າງໜັກໜ່ວງຕໍ່ການພັດທະນາເສດຖະກິດ-ສັງຄົມ ລວມທັງການສູນເສຍຊີວິດຂອງມວນມະນຸດຢ່າງຫລວງຫລາຍ ປັດຈຸບັນຕົວເລກຂອງຜູ້ຕິດເຊື້ອ ແລະ ເສຍຊີວິດຍັງເພີ່ມຂຶ້ນຢ່າງຕໍ່ເນື່ອງ.

ກອງ​ປະຊຸມ​ຍົກ​ໃຫ້​ເຫັນ​ວ່າ: ​ໃນ​ຜ່ານ​ມາ ກອງທັບຂອງບັນດາປະເທດສະມາຊິກອາຊຽນໄດ້ມີບົດບາດສຳຄັນ ແລະ ໄດ້ປະກອບສ່ວນຢ່າງຕັ້ງໜ້າເຂົ້າໃນວຽກງານປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19. ​ແຕ່​ເຖິງ​ຢ່າງ​ໃດ​ກໍ​ຕາມ, ກອງປະຊຸມໄດ້ຮຽກຮ້ອງໃຫ້ບັນດາກອງທັບປະເທດສະມາຊິກອາຊຽນຕ້ອງໄດ້ເພີ່ມທະວີຮ່ວມມືກັນຢ່າງໃກ້ຊິດ, ສ້າງຄວາມອາດສາມາດ, ຄວາມເຊື່ອໝັ້ນ ແລະ ໄວ້ວາງໃຈເຊິ່ງກັນ ແລະ ກັນ ໂດຍຜ່ານບັນດາກົນໄກທີ່ມີຢູ່ໃນຂອບການຮ່ວມມືຂອງກອງປະຊຸມລັດຖະມົນຕີປ້ອງກັນປະເທດອາຊຽນ, ອາຊຽນ-ບວກ, ກອງປະຊຸມຜູ້ບັນຊາການທະຫານສູງສຸດອາຊຽນ ແລະ ອື່ນໆ ເພື່ອສົ່ງເສີມສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ຄວາມວັດທະນາຖາວອນຂອງພາກພື້ນ ແລະ ສາກົນ.

ກອງປະຊຸມທາງໄກຜູ້ບັນຊາການທະຫານສູງສຸດອາຊຽນ ຄັ້ງທີ 17 - Wave100S AD to Website 2020 0 - ກອງປະຊຸມທາງໄກຜູ້ບັນຊາການທະຫານສູງສຸດອາຊຽນ ຄັ້ງທີ 17

ກອງປະຊຸມຍັງໄດ້ຮັບຟັງການລາຍງານຜົນສຳເລັດຂອງກອງປະຊຸມທາງໄກຫົວໜ້າສູ້ຮົບອາຊຽນ ຄັ້ງທີ 10 ໃນວັນທີ 16 ກັນຍາຜ່ານ​ມາ ແລະ ກອງປະຊຸມທາງໄກຫົວໜ້າສືບຂ່າວທະຫານອາຊຽນ ຄັ້ງ ທີ 17 ໃນວັນທີ 22 ກັນຍາ 2020. ພ້ອມນັ້ນ, ຍັງໄດ້ຮັບຮອງເອົາແຜນວຽກ 2 ປີ ຂອງທະຫານອາຊຽນ (2020-2022) ແລະ ຮັບຮອງເອົາຖະແຫລງການຮ່ວມຂອງກອງປະຊຸມຜູ້ບັນຊາການທະຫານສູງສຸດອາຊຽນ ຄັ້ງທີ 17 ວ່າດ້ວຍການຮ່ວມມືທາງທະຫານ ເພື່ອຄວາມເປັນໜຶ່ງດຽວ ແລະ ການຮັບມືຂອງອາຊຽນ.

ໃນຕອນທ້າຍຂອງກອງປະຊຸມ ໄດ້ມີພິທີມອບໂອນການເປັນປະທານກອງປະຊຸມຜູ້ບັນຊາການທະ ຫານສູງສຸດອາຊຽນ ຈາກ ສສ ຫວຽດນາມ ໃຫ້ແກ່ ບຣູໄນ ດາລູຊະລາມ ເພື່ອຈະເປັນເຈົ້າພາບຈັດກອງປະຊຸມດັ່ງກ່າວໃນປີຕໍ່ໄປໃນຖານະທີ່ຈະເປັນປະທານກອງປະຊຸມລັດຖະມົນຕີປ້ອງກັນປະເທດອາຊຽນ, ອາຊຽນ-ບວກ ແລະ ກອງປະຊຸມຜູ້ບັນຊາການທະຫານສູງສຸດ ໃນປີ 2021.

ກອງປະຊຸມທາງໄກຜູ້ບັນຊາການທະຫານສູງສຸດອາຊຽນ ຄັ້ງທີ 17 - WhatsApp Image 2020 05 27 at 5 - ກອງປະຊຸມທາງໄກຜູ້ບັນຊາການທະຫານສູງສຸດອາຊຽນ ຄັ້ງທີ 17
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!