ນາຍົກລັດຖະມົນຕີຂອງເລບານອນປະກາດລາອອກ ທ່າມກາງສະພາບແວດລ້ອມທາງເສດຖະກິດ ແລະ ການເມືອງ

ນາຍົກລັດຖະມົນຕີຂອງເລບານອນປະກາດລາອອກ ທ່າມກາງສະພາບແວດລ້ອມທາງເສດຖະກິດ ແລະ ການເມືອງ -                                                                                                           - ນາຍົກລັດຖະມົນຕີຂອງເລບານອນປະກາດລາອອກ ທ່າມກາງສະພາບແວດລ້ອມທາງເສດຖະກິດ ແລະ ການເມືອງ
ນາຍົກລັດຖະມົນຕີຂອງເລບານອນປະກາດລາອອກ ທ່າມກາງສະພາບແວດລ້ອມທາງເສດຖະກິດ ແລະ ການເມືອງ - 174233 - ນາຍົກລັດຖະມົນຕີຂອງເລບານອນປະກາດລາອອກ ທ່າມກາງສະພາບແວດລ້ອມທາງເສດຖະກິດ ແລະ ການເມືອງ

ທ່ານ Moustapha Adib ນາຍົກລັດຖະມົນຕີຂອງ​ປະ​ເທດ​ເລ​ບາ​ນອນ ປະກາດ​ອອກ​ລາ​ໃນ​ວັນ​ທີ 26 ກັນຍາ​ນີ້ ທ່າມກາງ​ຄວາມ​ອັບ​ຈົນ​ທາງ​ການ​ເມືອງ​ໃນ​ຂໍ້​ຂັດ​ແຍ່ງ​ຂອງ​ການຈັດຕັ້ງລັດຖະບານ ​ເຊິ່ງສົ່ງ​ຜົນ​ກະທົບ​ຕໍ່​ຄວາມ​ພະຍາຍາມ​ຂອງ​ປະທານາທິບໍດີ Emmanuel Macron ​ແຫ່ງ​ຝຣັ່ງ ​ໃນ​ການ​ທຳລາຍ​ທາງ​ຕັນ​ທີ່​ອັນຕະລາຍ​ໃນ​ປະ​ເທດ​ກຳລັງ​ປະສົບ​ວິ​ກິດ. ​ການ​ລາ​ອອກ​ຄັ້ງນີ້ ​ເກີດ​ຂຶ້ນຫລັງ​ຈາກ​ເກືອບ 1 ​ເດືອນ​ທີ່​ທ່ານ Adib ​ໄດ້​ຮັບ​ແຕ່ງຕັ້ງ​ໃຫ້​ເຂົ້າມາ​ເຮັດ​ວຽກ ​ແລະ ​ເກີດ​ຂຶ້ນ​​ເກືອບ​ຈະ​ທັນທີ​ຫລັງ​ຈາກ​ກອງ​ປະຊຸມ​ຄັ້ງຫລ້າ​ສຸດ​ຕໍ່​ປະທານາທິບໍດີ Michel Aoun.

ຜູ້ນຳ​ຂອງຝຣັ່ງ ​ໄດ້​ກົດ​ດັນ​ໃຫ້​ນັກ​ການ​ເມືອງ​ຂອງ​ເລ​ບາ​ນອນ ​ເພື່ອ​ໃຫ້​ຈັດຕັ້ງຄະນະ​ລັດຖະບານ​ໃໝ່ ​ເຊິ່ງປະກອບ​ດ້ວຍ​ຜູ້​ຊ່ຽວຊານ​ອິດສະຫລະ​ທີ່​ມີ​ອຳນາດ​ໃນ​ການ​ອອກ​ກົດໝາຍ​ປະຕິ​ຮູບ​ສະບັບ​ຮີບ​ດ່ວນ ​ເພື່ອ​ປ້ອງ​ກັນ​ເລ​ບາ​ນອນ​ຈາກ​ວິ​ກິດ​ເສດຖະກິດ ​ແລະ ການ​ເງິນ​ທີ່​ຮຸນ​ແຮງ​ກວ່າ​ເກົ່າ ຫລັງ​ຈາກ​ເຫດ​ລະ​ເບີດ​ຄັ້ງ​ໃຫຍ່​ເມື່ອ​ວັນ​ທີ 4 ສິງຫາຜ່ານ​ມາ ຢູ່​ທ່າ​ເຮືອ​ຂອງ​ເມືອງ​ເບຣຸດ.

​ແຕ່​ຄວາມ​ພະຍາຍາມ​ຂອງ​ທ່ານ Adib ທີ່​ໄດ້​ຮັບ​ການ​ສະ​ໜັບສະ​ໜູນ​ຈາກ​ຝຣັ່ງ ຕ້ອງ​ປະສົບ​ອຸປະສັກ​ຫລາຍ​ປະການ ຫລັງ​ຈາກ​ກຸ່ມ​ມຸດ​ສະ​ລິ​ມຊີ​ອະ 2 ກຸ່ມ​ຫລັກ​ຂອງ​ປະ​ເທດ​ຄື Hezbollah ​ແລະ Amal ຢືນຢັນ​ຈະ​ຍຶດອຳນາດ​ຂອງ​ກະຊວງ​ການ​ເງິນ​ທີ່​ສຳຄັນ​ໄວ້ ​ໂດຍ​ການ​ຢືນຢັນ​ຂອງ​ພວກ​ເຂົາ​ເກີດ​ຂຶ້ນຫລັງ​ຈາກ​ລັດຖະບານ​ອາ​ເມ​ລິ​ກາ ປະກາດ​ຂວ້ຳບາດ​ນັກ​ການ​ເມືອງ​ອາວຸ​ໂສ 2 ຄົນ​ທີ່​ໃກ້ຊິດ​ກັບ​ກຸ່ມ Hezbollah ​ເຊິ່ງ 1 ​ໃນ​ນັ້ນປະກອບ​ດ້ວຍ​ອະດີດ​ລັດຖະມົນຕີ​ຂອງ​ກະຊວງ​ການ​ເງິນ.

ທັງ 2 ກຸ່ມ​ຢືນຢັນ​ຈະ​ໃຊ້​ອຳນາດ​ເພື່ອ​ສະ​ເໜີ​ຊື່​ລັດຖະມົນຕີ​ທີ່​ເປັນ​ຊາວ​ຊີ​ອະ​ໃຫ້​ດຳລົງ​ຕຳ​ແໜ່​ງ​ໃນ​ຄະນະ​ລັດຖະບານ​ຊຸດ​ໃໝ່ ​ແລະ ຄັດຄ້ານ​ແນວທາງ​ຂອງ​ທ່ານ Adib ທີ່​ກຳລັງ​ຈັດຕັ້ງລັດຖະບານ​ ​ໂດຍ​ບໍ່​ໄດ້​ປຶ​ກສາ​ຫາລື​ກັບ​ພວກ​ເຂົາ.

ນາຍົກລັດຖະມົນຕີຂອງເລບານອນປະກາດລາອອກ ທ່າມກາງສະພາບແວດລ້ອມທາງເສດຖະກິດ ແລະ ການເມືອງ - Wave100S AD to Website 2020 0 - ນາຍົກລັດຖະມົນຕີຂອງເລບານອນປະກາດລາອອກ ທ່າມກາງສະພາບແວດລ້ອມທາງເສດຖະກິດ ແລະ ການເມືອງ

ຫລັງ​ຈາກ​ກອງ​ປະຊຸມ​ສັ້ນໆ​ກັບ​ທ່ານ Aoun ​ໃນ​ວັນ​ທີ 26 ກັນຍາ, ທ່ານ Adib ກ່າວ​ວ່າ ທ່ານ​ກຳລັງ​ກ້າວ​ລົງ​ຈາກ​ຕຳ​ແໜ່​ງ ​ເນື່ອງ​ຈາກ​ຮູບ​ແບບ​ຂອງ​ຄະນະ​ລັດຖະບານ​ທີ່​ທ່ານ​ຕ້ອງການ​ຈະ​ຈັດຕັ້ງຂຶ້ນນັ້ນຖືກ​ຜູກ​ມັດ​ໄວ້​ໃຫ້​ກັບ​ຄວາມ​ລົ້ມ​ເຫ​ລວ ​ເຖິງ​ວ່າ​ທ່ານ​ຈະ​ກະຕືລືລົ້ນສຳລັບ​ການ​ປົກ​ປ້ອງ​ເອກະ​ພາບ​ຂອງ​ປະ​ເທດ.

​ເລ​ບາ​ນອນ ​ເຊິ່ງ​ໃນ​ອະດີດ​ເປັນ​ລັດ​ໃນ​ອາລັກຂາ​ຂອງ​ປະ​ເທດ​ຝຣັ່ງ ກຳລັງ​ຕິດ​ຢູ່​ໃນ​ວິ​ກິດ​ເສດຖະກິດ ​ແລະ ການ​ເງິນ​ຮຸ​ນ​ແຮງ​ທີ່​ສຸດ​ໃນ​ປະຫວັດສາດ​ສະ​ໄໝ​ໃໝ່​ຂອງ​ປະ​ເທດ ​ໂດຍ​ມີ​ການ​ຜິດ​ນັດ​ຊຳລະ​ໜີ້​ເປັນຄັ້ງທຳ​ອິດ​ໃນ​ປະຫວັດສາດ​ເມື່ອ​ເດືອນ​ມີນາ​ຜ່ານ​ມາ ​ແລະ ສະກຸນ​ເງິນ​ຂອງ​ປະ​ເທດ​ໄດ້​ພັງ​ທະລາ​ຍລົງ ​ເຊິ່ງນຳ​ໄປ​ສູ່​ສະພາບ​ເງິນ​ເຟີ້​ທີ່​ສູງ​ເກີນ​ໄປ ລວມທັງ​ຄວາມທຸກ​ຍາກ ​ແລະ ການ​ວ່າງ​ງານ​ທີ່​ເພີ່ມ​ສູງ​ຂຶ້ນ.

ວິ​ກິດ​ຍິ່ງ​ຮຸນ​ແຮງ​ຂຶ້ນ ຫລັງ​ຈາກ​ການລະ​ເບີດ​ເມື່ອ​ວັນ​ທີ 4 ສິງຫາ​ຜ່ານ​ມາ ຢູ່​ທ່າ​ເຮືອ​ເບຣຸດ ​ເນື່ອງ​ຈາກ​ການລະບາດ​ຂອງ​ສານ​ແອ​ມ​ໂມ​ເນຍ​ໄນ​ເຕຣດຫລາຍ​ພັນ​ໂຕນ ​ເຊິ່ງມີ​ຜູ້​ເສຍ​ຊີວິດ​ເກືອບ 200 ຄົນ ລວມທັງ​ບາດ​ເຈັບ​ອີກ​ຫລາຍ​ພັນ​ຄົນ ​ແລະ ສ້າງ​ຄວາມ​ສູນ​ເສຍ​ມູນ​ຄ່າ​ຫລາຍ​ພັນ​ລ້ານ​ໂດ​ລາ.

ນາຍົກລັດຖະມົນຕີຂອງເລບານອນປະກາດລາອອກ ທ່າມກາງສະພາບແວດລ້ອມທາງເສດຖະກິດ ແລະ ການເມືອງ - WhatsApp Image 2020 05 27 at 5 - ນາຍົກລັດຖະມົນຕີຂອງເລບານອນປະກາດລາອອກ ທ່າມກາງສະພາບແວດລ້ອມທາງເສດຖະກິດ ແລະ ການເມືອງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!