5 ວິທີ ແກ້ບັນຫາລູກຕິດໂທລະສັບ

5 ວິທີ ແກ້ບັນຫາລູກຕິດໂທລະສັບ - 555 70 - 5 ວິທີ ແກ້ບັນຫາລູກຕິດໂທລະສັບ
5 ວິທີ ແກ້ບັນຫາລູກຕິດໂທລະສັບ - Untitled design - 5 ວິທີ ແກ້ບັນຫາລູກຕິດໂທລະສັບ

ການລ້ຽງລູກຈະວ່າງ່າຍກໍງ່າຍ ຈະວ່າຍາກກໍຍາກເຊັ່ນກັນ ແລະ ໃນປັດຈຸບັນ ບັນຫາເດັກຕິດໂທລະສັບມີຫລາຍຂຶ້ນ ເຊິ່ງເດັກບາງຄົນກໍເຖິງຂັ້ນຕິດໂທລະສັບຈົນເກືອບບໍ່ສົນໃຈການຮຽນເລີຍກໍມີ ແຕ່ລະມື້ເມົາແຕ່ຫລິ້ນໂທລະສັບ ຈົນໜ້າເປັນຫ່ວງເລື່ອງສຸຂະພາບນຳອີກ. ສະນັ້ນແລ້ວ ພໍ່ແມ່ຄວນຮີບແກ້ບັນຫາໂດຍໄວ ເຊິ່ງພວກເຮົາມີ 5 ວິທີງ່າຍໆເພື່ອຊ່ວຍໃຫ້ລູກເຊົາຕິດໂທລະສັບມາແນະນຳທ່ານດັ່ງນີ້ :

  1. ກຳນົດເວລາໃນການຫລິ້ນ : ການປ່ອຍປະລະເລີຍໃຫ້ລູກຫລິ້ນໂທລະສັບຫລາຍເກີນໄປຈະເຮັດໃຫ້ລູກຕິດຈົນເກືອບຈະບໍ່ວາງໂທລະສັບແມ່ນແຕ່ນາທີດຽວ ເຊິ່ງພໍ່ແມ່ຄວນຈະກຳນົດຂອບເຂດ ແລະ ເວລາໃນການຫລິ້ນໃຫ້ແກ່ລູກ ເພື່ອຈຳກັດໃຫ້ລູກຫລິ້ນໂທລະສັບໜ້ອຍລົງ ແລະ ເອົາເວລາທີ່ເຫລືອໄປເຮັດຢ່າງອື່ນທີ່ສ້າງສັນ ແລະ ມີປະໂຫຍດ ເຊັ່ນ : ການອ່ານໜັງສື, ຫລິ້ນເກມເສີມທັກສະ ຫລື ໄປຫລິ້ນກິລາກັບໝູ່ແດ່ ຢ່າງໜ້ອຍກໍເຮັດໃຫ້ລູກໄດ້ຫ່າງຈາກໜ້າຈໍໂທລະສັບລົງໄດ້.
  2. ຢ່າໃຫ້ລູກເປັນເຈົ້າຂອງໂທລະສັບ : ພໍ່ແມ່ຫລາຍຄົນຄິດວ່າຍຸກນີ້ຄວນໃຫ້ລູກໄດ້ນຳທັນເຕັກໂນໂລຊີ ຈຶ່ງຊື້ໂທລະສັບໃຫ້ພວກເຂົາ ໂດຍລືມຄິດໄປວ່າ ນັ້ນເປັນການທຳຮ້າຍເຂົາໂດຍບໍ່ຮູ້ໂຕ. ສະນັ້ນ, ຫາກທ່ານບໍ່ຢາກໃຫ້ລູກຕິດໂທລະສັບ ຢ່າຊື້ໂທລະສັບໃຫ້ລູກເປັນເດັດຂາດ ຫາກເຂົາຈະຫລິ້ນກໍຄວນໃຫ້ຫລິ້ນຈາກໂທລະສັບຂອງພໍ່ແມ່ແທນ ພ້ອມກັບກຳນົດເວລາໃນການຫລິ້ນຢ່າງເໝາະສົມ ແລ້ວເຂົາກໍຈະບໍ່ຕິດໂທລະສັບແນ່ນອນ.
  3. ເປັນໂຕຢ່າງທີ່ດີກ່ອນ : ການຈະຫ້າມບໍ່ໃຫ້ລູກຫລິ້ນໂທລະສັບນັ້ນ ຈະຕ້ອງເລີ່ມຈາກການທີ່ພໍ່ແມ່ເປັນໂຕຢ່າງທີ່ດີໃຫ້ແກ່ລູກກ່ອນ ເຊິ່ງຫາກທ່ານເມົາແຕ່ກົ້ມໜ້າຫລິ້ນໂທລະສັບຄືກັນ ຂໍບອກເລີຍວ່າຈະໃຫ້ລູກເຊົາຕິດໂທລະສັບນັ້ນຄົງເປັນໄປໄດ້ຍາກ. ເພາະສະນັ້ນ ຫາກທ່ານຢາກຈະແກ້ບັນຫາລູກຕິດໂທລະສັບ ກໍຄວນເລີ່ມຈາກການເປັນໂຕຢ່າງທີ່ດີກ່ອນຈະດີທີ່ສຸດ.
  4. ເຝົ້າຕິດຕາມ ແລະ ດູແລການຫລິ້ນຂອງລູກ : ເຖິງວ່າທ່ານຈະກຳນົດເວລາການຫລິ້ນໃຫ້ແກ່ລູກຢ່າງຈະແຈ້ງແລ້ວ, ແຕ່ກໍຄວນເຝົ້າຕິດຕາມດູແລຢ່າງໃກ້ຊິດຢູ່ດີ ເພື່ອໝັ່ນສັງເກດວ່າລູກຫລິ້ນຫຍັງທີ່ມີເນື້ອໃນຮຸນແຮງ ຫລື ເປັນພວກອະບາຍຍະມຸກຫລືບໍ່ ເຊັ່ນ : ເກມຮຸນແຮງຕ່າງໆ ຫລື ເວັບໄຊ ຫລື ຮູບເງົາກ່ຽວກັບທາງເພດທັງຫລາຍ ເພື່ອປ້ອງກັນບໍ່ໃຫ້ລູກຊຶມຊັບສິ່ງຕົວະຍົວະເຫລົ່ານີ້ຫລາຍເກີນໄປນັ້ນເອງ.
  5. ລູກອາຍຸບໍ່ເຖິງ 2 ປີ ຢ່າໃຫ້ຫລິ້ນໂທລະສັບ :ຈາກການສຳຫລວດພົບວ່າສ່ວນຫລາຍທີ່ລູກຕິດໂທລະສັບຈົນງອມແງມມັກຈະມາຈາກການທີ່ພໍ່ແມ່ໃຫ້ລູກຫລິ້ນໂທລະສັບຕັ້ງແຕ່ອາຍຸບໍ່ເຖິງ 2 ປີ ເພາະໄວນີ້ຍັງບໍ່ຮູ້ຈັກໄຈ້ແຍກຫລາຍປານໃດ ແລະ ບໍ່ແມ່ນໄວທີ່ຄວນໃຊ້ສື່ອີເລັກໂຕຣນິກ ດັ່ງນັ້ນ ເພື່ອແກ້ບັນຫາລູກຕິດໂທລະສັບ ຢ່າໃຫ້ລູກທີ່ອາຍຸຕໍ່າກ່ວາ 2 ປີ ຫລິ້ນໂທລະສັບເປັນເດັດຂາດ.

ເມື່ອລູກຕິດໂທລະສັບ ທ່ານຄວນຮີບແກ້ບັນຫາໂດຍໄວ ກ່ອນທີ່ບັນຫາການລ້ຽງລູກຈະຮຸນແຮງບານປາຍໄປຫລາຍກ່ວານີ້ ເຊິ່ງ 5 ວິທີນີ້ກໍຈະຊ່ວຍໃຫ້ທ່ານຈັກການກັບບັນຫານີ້ໄດ້ຢ່າງງ່າຍດາຍຍິ່ງຂຶ້ນ, ແຕ່ທັງນີ້ກໍຕ້ອງຄ່ອຍເປັນຄ່ອຍໄປ ເພື່ອບໍ່ໃຫ້ກະທົບຕໍ່ຈິດໃຈຂອງລູກຫລາຍເກີນໄປ.

5 ວິທີ ແກ້ບັນຫາລູກຕິດໂທລະສັບ - Wave100S AD to Website 2020 0 - 5 ວິທີ ແກ້ບັນຫາລູກຕິດໂທລະສັບ
5 ວິທີ ແກ້ບັນຫາລູກຕິດໂທລະສັບ - WhatsApp Image 2020 05 27 at 5 - 5 ວິທີ ແກ້ບັນຫາລູກຕິດໂທລະສັບ
5 ວິທີ ແກ້ບັນຫາລູກຕິດໂທລະສັບ - WhatsApp Image 2020 05 27 at 5 - 5 ວິທີ ແກ້ບັນຫາລູກຕິດໂທລະສັບ
error: Alert: ເນື້ອຫາຂ່າວມີລິຂະສິດ !!