5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ

5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ - 555 72 - 5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ
5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ - Untitled design - 5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ

ການນັ່ງເຮັດວຽກຢູ່ແຕ່ໃນຫ້ອງການ ຫລາຍຄົນອາດເບິ່ງວ່າເປັນວຽກທີ່ສະບາຍຫລາຍ ແລະ ເກືອບຈະບໍ່ຕ້ອງອອກແຮງຫຍັງເລີຍ, ແຕ່ຮູ້ຫລືບໍ່ວ່າຄວາມຈິງແລ້ວ ການເຮັດວຽກແບບນີ້ກໍສົ່ງຜົນເສຍຕໍ່ສຸຂະພາບຂອງພວກເຂົາໄດ້ຄືກັນ ເພາະການນັ່ງຢູ່ເທິງຕັ່ງເປັນເວລາດົນໂດຍເກືອບບໍ່ໄດ້ເຄື່ອນໄຫວຮ່າງກາຍເລີຍນັ້ນ ອາດນຳມາເຊິ່ງອາການປວດຫລັງ, ປວດແອວ, ປວດບ່າໄຫລ່ ແລະ ພະຍາດຮ້າຍຕ່າງໆໄດ້. ສະນັ້ນແລ້ວ ເຮົາມາປັບປ່ຽນການເຮັດວຽກໃໝ່ ເພື່ອສຸຂະພາບທີ່ດີຂອງຄົນເຮັດວຽກຫ້ອງການກັນດີກ່ວາ ດ້ວຍເຄັດລັບດັ່ງຕໍ່ໄປນີ້ :

5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ - Wave100S AD to Website 2020 0 - 5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ
  • ປັບທ່ານັ່ງໃຫ້ຖືກຕ້ອງ : ອາການປວດຫລັງ-ປວດແອວຈາກການນັ່ງຕັ່ງເຮັດວຽກດົນໆ ສ່ວນຫລາຍແລ້ວກໍເກີດຈາກການທີ່ເຮົານັ່ງບໍ່ຖືກທ່ານັ້ນເອງ ໂດຍທ່ານັ່ງທີ່ຖືກຕ້ອງນັ້ນກໍຄື ນັ່ງເທິງນັ່ງທີ່ມີລະດັບເໝາະສົມສັບໂຕະເຮັດວຽກ ຄື ນັ່ງແລ້ວ ລະດັບຂອງໂຕະເຮັດວຽກບໍ່ຢູ່ສູງ ຫລື ຕໍ່າຈົນເກີນໄປ. ສ່ວນຕີນວາງແຕະພື້ນພໍດີ ໂດຍທີ່ຫົວເຂົ່າຕັ້ງສາກ 90 ອົງສາ ແລະ ຫລັງອີງຕັ່ງພໍດີ ພ້ອມກັບຈໍຄອມພິວເຕີຕ້ອງຢູ່ໃນລະດັບສາຍຕາ ເທົ່ານີ້ກໍຫລຸດອາການປວດຫລັງໄປໄດ້ແດ່ແລ້ວ.
  • ລຸກຂຶ້ນຍ່າງເພື່ອເຄື່ອນໄຫວຮ່າງກາຍຢູ່ຕະຫລອດ : ຢ່າໃຫ້ການນັ່ງເຮັດວຽກໃນຫ້ອງການກາຍເປັນໂຕການທຳລາຍສຸຂະພາບຂອງທ່ານຫລາຍເກີນໄປ ໃຫ້ທ່ານລຸກຂຶ້ນຍ່າງ ເພື່ອເຄື່ອນໄຫວຮ່າງກາຍເລື້ອຍໆ ບໍ່ວ່າຈະເປັນການຍ່າງໄປໂຕະເຮັດວຽກຂອງເພື່ອນຮ່ວມງານ, ຍ່າງໄປຊົງກາເຟ ຫລື ດື່ມນຳ້, ແຕ່ຫາກວຽກຮັດໂຕຫລາຍຈົນບໍ່ມີເວລາໃຫ້ທ່ານລຸກຍ່າງ ແນະນຳໃຫ້ນັ່ງຫຸບທ້ອງ ພ້ອມກັບໄຂວ່ຂາສະຫລັບກັນໄປມາ ກໍຈະຊ່ວຍບໍລິຫານກ້າມຊີ້ນໄດ້ໃນລະດັບໜຶ່ງ ແລະ ຍັງບໍ່ເຮັດໃຫ້ຕຸ້ຍງ່າຍນຳອີກ.
  • ດື່ມນຳ້ຫລາຍໆ :ນຳ້ເປັນໂຕຊ່ວຍໜຶ່ງທີ່ຈະເຮັດໃຫ້ຮ່າງກາຍຂອງເຮົາມີຄວາມສົດຊື່ນ, ຫ້າວຫັນ ແລະ ພ້ອມທີ່ຈະເຮັດວຽກຫລາຍຂຶ້ນ. ດັ່ງນັ້ນ, ໃນແຕ່ລະມື້ທ່ານຈະຕ້ອງດື່ມນຳ້ໃຫ້ຫລາຍໆ ຢ່າງໜ້ອຍມື້ລະ 8 – 10 ຈອກ ແລ້ວທ່ານຈະຫ່າງໄກຈາກພະຍາດຮ້າຍຕ່າງໆ ພ້ອມກັບມີຄວາມສົດຊື່ນຫລາຍຂຶ້ນແນ່ນອນ. ນອກຈາກນີ້, ກໍຍັງຊ່ວຍເພີ່ມຄວາມຊຸ່ມຊື່ນໃຫ້ຜິວມີສຸຂະພາບດີນຳອີກ.
  • ຂຶ້ນ ແລະ ລົງຂັ້ນໄດແທນການໃຊ້ລິບ ຫລື ຂັ້ນໄດເລື່ອນ : ແມ່ນຢູ່ທີ່ການໃຊ້ລິບຈະຊ່ວຍເພີ່ມຄວາມສະດວກສະບາຍໃຫ້ແກ່ທ່ານໄດ້ຫລາຍ, ແຕ່ໃນຂະນະດຽວກັນກໍນຳມາເຊິ່ງພະຍາດຕ່າງໆຫລວງຫລາຍ ເພາະສະນັ້ນ ປ່ຽນຈາກຂຶ້ນລິບມາເປັນການໃຊ້ຂັ້ນໄດແທນດີກ່ວາ ແລ້ວຮັບຮອງວ່າທ່ານຈະຮູ້ສຶກສົດຊື່ນ ແລະ ຫ້າວຫັນຍິ່ງຂຶ້ນແນ່ນອນ.
  • ການນັ່ງເຮັດວຽກຢູ່ກັບບ່ອນເປັນເວລາດົນໆ ມັກຈະນຳມາເຊິ່ງພະຍາດຮ້າຍຕ່າງໆຫລວງຫລາຍ ສະນັ້ນ ເຮົາມາປ່ຽນພຶດຕິກຳການເຮັດວຽກກັນໃໝ່ດີກ່ວາ ເຊິ່ງນີ້ກໍເປັນເຄັດລັບການເຮັດວຽກທີ່ຈະຊ່ວຍໃຫ້ທ່ານມີສຸຂະພາບທີ່ແຂງແຮງຍິ່ງຂຶ້ນ ແລະ ປາສະຈາກພະຍາດ ທັງຍັງຊ່ວຍຄວບຄຸມນຳ້ໜັກ ບໍ່ເຮັດໃຫ້ຕຸ້ຍຈາກການນັ່ງຢູ່ກັບບ່ອນດົນໆນຳອີກ.
5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ - WhatsApp Image 2020 05 27 at 5 - 5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ
5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ - WhatsApp Image 2020 05 27 at 5 - 5 ເຄັດລັບຕື່ມຄວາມສົດຊື່ນ ເຮັດວຽກຢ່າງສົດໃສ
error: Alert: ເນື້ອຫາຂ່າວມີລິຂະສິດ !!