ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ ເປັນຜູ້ພິພາກສາສານສູງສຸດຄົນໃໝ່

ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ  ເປັນຜູ້ພິພາກສາສານສູງສຸດຄົນໃໝ່ -                                                                                                    - ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ  ເປັນຜູ້ພິພາກສາສານສູງສຸດຄົນໃໝ່
ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ  ເປັນຜູ້ພິພາກສາສານສູງສຸດຄົນໃໝ່ - Untitled design - ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ  ເປັນຜູ້ພິພາກສາສານສູງສຸດຄົນໃໝ່

ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ໄດ້​ສະ​ເໜີ​ຊື່ນາງ ​ເອມີ ​ໂຄ​ນີ ບ​າ​ເຣດ ຜູ້​ພິພາກສາ​ອຸທອນ​ຝ່າຍ​ອະນຸລັກ​ນິຍົມ ດຳລົງ​ຕຳ​ແໜ່​ງຜູ້​ພິພາກສາ​ສານ​ສູງ​ສຸດ​ຄົນ​ໃໝ່​ແທນ​ນາງ ຣູ ​ເບ​ເດີ ກິນ​ສ​ເບິ​ກ ຜູ້​ພິພາກສາ​ຝ່າຍ​ເສລີ​ນິຍົມ ​ເຊິ່ງ​ເສຍ​ຊີວິດ​ດ້ວຍ​ພະຍາດ​ມະ​ເຣັງ.

ທ່ານ ທຣຳ ກ່າວ​ວ່າ: ນາງ ບາ​ເຣດ ​ເປັນ​ແມ່ຍິງ​ທີ່​ມີ​ສະຕິ​ປັນຍາ​ສູງ, ມີ​ຄວາມ​ຈົງ​ຮັກ​ພັກດີ​ຕໍ່​ລັດຖະທຳ​ມະນູນ​ຢ່າງ​ເດັດດ່ຽວ ​ແລະ ພິພາກສາ​ໂດຍ​ການ​ພິຈາລະນາ​ກົດໝາຍ​ຢ່າງ​ຍຸຕິ​ທຳ​ເທົ່າ​ນັ້ນ.

ທ່ານ ທຣຳ ຍັງ​ເລົ່າ​ເຖິງ​ປະຫວັດ​ການ​ສຶກສາ ​ແລະ ການ​ເຮັດ​ວຽກ​ຂອງ​ນາງ ບາ​ເຣດ ພ້ອມ​ກ່າວ​ເຖິງ​ລູກ​ຂອງ​ນາງ​ທັງ 7 ຄົນ ​ແລະ ຍັງ​ໄດ້​ຍ້ອງຍໍ​ການ​ພົວພັນ​ຂອງ​ນາງ​ກັບ​ອະດີດ​ຜູ້​ພິພາກສາ​ສານ​ສູງ​ສຸດ ​ແອນ​ໂທ​ນິນ ສະກາ​ເລີຍ ​ເຊິ່ງນາງ ບາ​ເຣດ ​ເຄີຍ​ເປັນ​ນິຕິກອນ​ປະຈຳ​ຕົວ.

ທ່ານ ທຣຳ ສະ​ເໜີ​ຊື່​ນາງ ບາ​ເຣດ ຕໍ່ໜ້າ​ຜູ້​ເຂົ້າຮ່ວມ​ພິທີ ​ເຊິ່ງລວມທັງ​ພັນ​ລະ​ຍາ​ໝ້າຍ​ຂອງ​ອະດີດ​ຜູ້​ພິພາກສາ​ ສະກາ​ເລຍ, ວຸດ​ທິສະມາຊິກ​ພັກຣີພັບ​ບລິ​ກັນ​ຫລາຍ​ຄົນ ​ແລະ ສື່​ຝ່າຍ​ອະນຸລັກ​ນິຍົມ.

ສ່ວນ​ນາງ ບາ​ເຣດ ກ່າວ​ໃນ​ລະຫວ່າງ​ຮັບ​ການສະ​ເໜີ​ຊື່ວ່າ: ຜູ້​ພິພາກສາ​ແບບ​ໃດ​ທີ່​ນາງ​ຈະ​ເປັນ,​ ​ແຕ່​ບໍ່​ໄດ້​ໃຫ້​ລາຍ​ລະອຽດ​ສະ​ເພາະ​​ເຈາະ​ຈົງ.

ທັງ​ນີ້, ຖ້າ​ວຸດ​ທິສະພາ​ລົງມະຕິ​ຮັບຮອງ​ນາງ ບາ​ເຣດ ອາຍຸ 48 ປີ ​ໃຫ້​ດຳລົງ​ຕຳ​ແໜ່​ງຜູ້​ພິພາກສາ​ສານ​ສູງ​ສຸດ ກໍ​ມີ​ຄວາມ​ເປັນ​ໄປ​ໄດ້​ວ່າ ນາງ​ຈະ​ໄດ້​ຢູ່​ໃນ​ຕຳ​ແໜ່​ງນີ້​ໄປ​ອີກ​ຫລາຍ​ສິບ​ປີ ​ເນື່ອງ​ຈາກ​ຜູ້​ພິພາກສາ​ເປັນ​ຕຳ​ແໜ່​ງຕະຫລອດ​ຊີບ ​ຍົກ​ເວັ້ນ​ແຕ່​ຜູ້​ພິພາກສາ​ຄົນ​ນັ້ນໆ ຈະ​ຕັດສິນ​​ໃຈ​ເຂົາ​ຮັບ​ບຳນານ.

ການສະ​ເໜີ​ຊື່​ນາງ ບາ​ເຣດ ​ເປັນ​ຜູ້​ພິພາກສາ​ສານ​ສູງ​ສຸດ​ຄົນ​ໃໝ່​ເກີດ​ຂຶ້ນ​ໃນ​ໄລຍະ​ເວລາ​ທີ່​ສຳຄັນ ​ເນື່ອງ​ຈາກ​ເຫລືອ​ເວລາ​ອີກ​ພຽງ​ເດືອນ​ດຽວ​ກໍ​ຈະ​ຮອດ​ມື້​ເລືອກ​ຕັ້ງປະທານາທິບໍດີ ​ໃນ​ວັນ​ທີ 3 ພະຈິກ​ນີ້. ຂະນະ​ທີ່​ທ່ານ ທຣຳ ​ໄດ້​ອອກ​ມາຕັ້ງຄຳ​ຖາມ​ກ່ຽວ​ກັບ​ຄວາມ​ໂປ່​ງ​ໃສ​ຂອງ​ການ​ເລືອກ​ຕັ້ງ​ເລື້ອຍໆ ອີກ​ທັງ​ຍັງ​ບໍ່​ຮັບປາກ​ວ່າ​ຈະ​ປ່ຽນ​ຖ່າຍ​ອຳນາດ​ຢ່າງ​ສັນຕິ ຖ້າ​ທ່ານ​ເສຍ​ໄຊ​ການ​ເລືອກ​ຕັ້ງ.

ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ  ເປັນຜູ້ພິພາກສາສານສູງສຸດຄົນໃໝ່ - Wave100S AD to Website 2020 0 - ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ  ເປັນຜູ້ພິພາກສາສານສູງສຸດຄົນໃໝ່

ທ່ານ​ເວົ້າຫລາຍ​ເທື່ອ​ວ່າ: ສານ​ສູງ​ສຸດ​ຈຳ​ເປັນ​ຕ້ອງ​ມີ​ຜູ້​ພິພາກສາ​ຄົບ 9 ຄົນ​ກ່ອນ​ມື້​ເລືອກ​ຕັ້ງ ​ເພາະ​ສານ​ອາດ​ຕ້ອງ​ເຮັດ​ໜ້າ​ທີ່​ພິຈາລະນາ​ຕັດສິນ​ກ່ຽວ​ກັບ​ຄວາມ​ຖືກຕ້ອງ​ຕາມ​ກົດໝາຍ​ຂອງ​ບັດ​ລົງ​ຄະ​ແນນ​ເລືອກ​ຕັ້ງທາງ​ໄປສະນີ​ທ່າມກາງ​ການລະບາດ​ຂອງ​ໂຄ​ວິດ-19.

ການ​ທີ່​ປະທານາທິບໍດີ ທຣຳ ປະກາດ​ສະ​ເໜີ​ຊື່​ຜູ້​ພິພາກສາ​ສານ​ສູງ​ສຸດ​ຄົນ​ໃໝ່​ກ່ອນ​ມື້​ເລືອກ​ຕັ້ງ ສ້າງ​ຄວາມ​ບໍ່ພໍ​ໃຈ​ໃຫ້​ແກ່​ຝ່າຍ​ເດ​ໂມ​ແຄຣດ ​ເນື່ອງ​ຈາກ​ຢ້ານ​ວ່າ​ດຸນ​ອຳນາດ​ໃນ​ສານ​ດີກາ​ອາ​ເມ​ລິ​ກາ ​ເຊິ່ງຜູ້​ພິພາກສາ​ທີ່​ມີ​ແນວ​ຄິດ​ອະນຸລັກ​ນິຍົມ​ຄອງ​ສຽງ​ສ່ວນ​ຫລາຍ​ມາຍາ​ວນານ​ນັ້ນຈະ​ຍິ່ງ​​ໂອນ​​ເອນ​ໄປ​ທາງພັກຣີພັບ​ບລິ​ກັນ ​ເຊິ່ງມີ​ແນວ​ຄິດ​ອະນຸລັກ​ນິຍົມ​ເຊັ່ນ​ກັນ.

ທັງ​ນີ້ ການ​ຖ່ວງ​ດຸນ​ອຳນາດ​ໃນານ​ດີກາ ​ເຊິ່ງ​ປະກອບ​ມີ​ສະມາຊິກ 9 ຄົນ ມີ​ຄວາມ​ສຳຄັນ​ຢ່າງ​ຍິ່ງ​ຕໍ່​ການ​ຕັດສິນ​ຊີ້​ຂາດ​ກ່ຽວ​ກັບ​ບັນຫາ​ຕ່າງໆ​ທີ່​ມີ​ຄວາມ​ສຳຄັນ​ທີ່ສຸດ​ໃນ​ກົດໝາຍ​ອາ​ເມ​ລິ​ກາ ​ໂດ​ຍນາງ ບາ​ເຣດ ຖື​ເປັນ​ຜູ້​ພິພາກສາ​ສານ​ສູງ​ສຸດ​ຄົນທີ 3 ທີ່​ທ່ານ ທຣຳ ສະ​ເໜີ​ຊື່ ​ແລະ ຖ້າ​ນາງ​ໄດ້​ຮັບ​ການ​ລົງມະຕິ​ຮັບຮອງ​ໂດຍ​ວຸດ​ທິສະພາ ຈະ​ເຮັດ​ໃຫ້​ຝ່າຍ​ອະນຸລັກ​ນິຍົມ​ຄອງ​ອຳນາດ​ໃນ​ການ​ຕັດສິນ​ໃຈ​ທີ່​ສຳຄັນ​ໃນ​ສານ​ສູງ​ສຸດ​ຕໍ່​ໄປ​ອີກ​ຫລາຍ​ສິບ​ປີ.

ໜຶ່ງ​ໃນ​ກົດໝາຍ​ສຳຄັນ​ທີ່​ສານ​ສູງ​ສຸດ​ຕ້ອງ​ພິຈາລະນາ​ຄື Affordable Care Act ຫລື ​ໂອ​ບາ​ມາ​ແຄຣ ​ໂດຍ​ກ່ອນ​ໜ້າ​ນີ້​ມີ​ຄວາມ​ພະຍາຍາມ 2 ​ເທື່ອ​ຈາກ​ຝ່າຍ​ຄັດຄ້ານ​ກົດໝາຍ​ສະບັບ​ນີ້ ​ເຊິ່ງຍື່ນ​ເລື່ອງ​ໃຫ້​ສານ​ສູງ​ສຸດ​ພິຈາລະນາ​ຄວາມ​ຖືກຕ້ອງ​ທາງ​ກົດໝາຍ ​ແລະ ​ໃນ​ວັນ​ທີ 10 ພະ​ນິກນີ້ ຫລື ພຽງ 1 ອາທິດ​ຫລັງ​ການ​ເລືອກ​ຕັ້ງປະທານາທິບໍດີ ສານ​ສູງ​ສຸດ​ມີ​ກຳນົດ​ຮັບ​ຟັງ​ຂໍ້​ມູນ​ຈາກ​ຝ່າຍ​ຄັດຄ້ານ​ກົດໝາຍ ​ເຊິ່ງຖື​ເປັນ​ການ​ທ້າ​ທາຍ​ກົດໝາຍ​ໂອ​ບາ​ມາ​ແຄຣ​ເປັນຄັ້ງທີ 3 ​ແລະ ກຳລັງ​ກາຍ​ເປັນ​ຈຸດ​ສົນ​ໃຈ​ອີກ ​ເພາະ​ເກີດ​ຂຶ້ນຫລັງ​ການ​ເສຍ​ຊີວິດ​ຂອງ​ນາງ ຣູ ​ເບ​ເດີ ກິນ​ສ​ເບິ​ກ ​ເຊິ່ງ​ເປັນ​ຜູ້​ພິພາກສາ​ຝ່າຍ​ເສລີ​ນິຍົມ.

ສຳລັບ​ນາງ ບາ​ເຣດ ​ເປັນ​ສະມາຊິກ​ຂອງ​ສານ​ອຸທອນ 7th Circuit Court of Appeals ​ເຊິ່ງຕັ້ງຢູ່​ໃນ​ຊິ​ກາ​ໂກ ​ແລະ ຮັບຜິດຊອບ​ຄະດີ​ການ​ຄວບ​ຄຸມ​ລັດ​ອິລລິນ​ອຍ, ອິນ​ດີ​ແອນ​າ ​ແລະ ວິສຄອນ​ຊິນ ​ໂດຍ​ນາງ​ເປັນ​ນັກ​ອະນຸລັກ​ນິຍົມ​ຜູ້​ເຄັ່ງ​ສາສະໜາ ​ແລະ ​ເປັນ​ທີ່ຮູ້ຈັກ​ຈາກ​ການສະ​ແດງ​ຄວາມ​ເຫັນ​ເລື່ອງ​ການ​ຕໍ່ຕ້ານ​ການ​ເອົາ​ລູກ​ອອກ.

ນາງ ບາ​ເຣດ ຈົບ​ການ​ສຶກສາ​ຈາກ Notre Dame Law School ​ໃນ​ລັດ​ອິນ​ດີ​ແອ​ນາ ​ແລະ ບາງ​ຄັ້ງນາງ​ຍັງ​ຮັບ​ໜ້າ​ທີ່​ເປັນ​ອາຈານ​ພິ​ເສດ​ຢູ່​ບ່ອນ​ນີ້​ນຳ, ນາງ​ເກີດ​ຢູ່​ເມືອງ​ນິວອໍ​ລີ​ນ ລັດ​ລຸຍ​ເຊຍ​ນາ ​ແລະ ປັດຈຸບັນ​ອາ​ໄສ​ຢູ່​ລັດ​ອິນ​ດີ​ແອນ​າກັບ​ຜົວ ​ເຈ​ສຊີ ​ເອັມ. ບາ​ເຣດ.

ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ  ເປັນຜູ້ພິພາກສາສານສູງສຸດຄົນໃໝ່ - WhatsApp Image 2020 05 27 at 5 - ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ  ເປັນຜູ້ພິພາກສາສານສູງສຸດຄົນໃໝ່
ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ  ເປັນຜູ້ພິພາກສາສານສູງສຸດຄົນໃໝ່ - WhatsApp Image 2020 05 27 at 5 - ທ່ານ ທຣຳ ສະເໜີຊື່ນາງ ເອມີ ໂຄນີ ບາເຣດ  ເປັນຜູ້ພິພາກສາສານສູງສຸດຄົນໃໝ່
error: Alert: ເນື້ອຫາຂ່າວມີລິຂະສິດ !!