ຜູ້ນຳອາເມລິກາ ແລະ ອິນເດຍ ພົບປະ ຫາລືເນັ້ນການພົວພັນທີ່ໃກ້ຊິດ

- advert banner 728 90 728x90 - ຜູ້ນຳອາເມລິກາ ແລະ ອິນເດຍ ພົບປະ ຫາລືເນັ້ນການພົວພັນທີ່ໃກ້ຊິດ

- 26modi trump meet3 - ຜູ້ນຳອາເມລິກາ ແລະ ອິນເດຍ ພົບປະ ຫາລືເນັ້ນການພົວພັນທີ່ໃກ້ຊິດ

- new3 - ຜູ້ນຳອາເມລິກາ ແລະ ອິນເດຍ ພົບປະ ຫາລືເນັ້ນການພົວພັນທີ່ໃກ້ຊິດ

ວໍ​ຊິງ​ຕັນ 27 ມິຖຸນາ: ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ປະກາດ​ໃນ​ວັນ​ທີ 26 ມິຖຸນາ​ນີ້​ວ່າ: ການ​ພົວພັນ​ລະຫວ່າງ​ອາ​ເມ​ລິ​ກາ​ກັບ​ອິນ​ເດຍມີ​ຄວາມ​ໃກ້ຊິດ​ກັນ​ຢ່າງ​ຍິ່ງ, ພາຍຫລັງ​ທີ່​ທ່ານ​ໄດ້​ພົບ​ປະ​ຫາລື​ເປັນ​ເທື່ອ​ທຳ​ອິດ​ກັບ​ນາຍົກລັດຖະມົນຕີ ນາ​ເຣນທາ ​ໂມ​ດີ ຂອງ​ອິນ​ເດຍ ຢູ່​ທຳນຽບຂາວ ​ໃນ​ວັນ​ທີ 26 ມິຖຸນາ.

- aa Cover 57eem1aqk9tf0id6rf9a12rma4 20170627020737 - ຜູ້ນຳອາເມລິກາ ແລະ ອິນເດຍ ພົບປະ ຫາລືເນັ້ນການພົວພັນທີ່ໃກ້ຊິດ

ນາຍົກລັດຖະມົນຕີ ​ໂມ​ດີ ກ່າວ​ໃນ​ລະຫວ່າງ​ການ​ຖະ​ແຫລ​ງຂ່າວ​ຮ່ວມ​ກັບ​ຜູ້ນຳ​ອາ​ເມ​ລິ​ກາ ຢູ່​ທຳນຽບຂາວ ພາຍຫລັງ​ການ​ພົບ​ປະ​ຫາລື​ກັນ ​ໂດຍ​ຍົກຍ້ອງ​ອາ​ເມ​ລິ​ກາ​ວ່າ​ເປັນ​ຫຸ້ນ​ສ່ວນ​ສຳຄັນ​ຂອງ​ອິນ​ເດຍ ​ໃນ​ການ​ປ່ຽນ​ຜ່ານ​ສະພາບ​ສັງຄົມ ​ແລະ ​ເສດຖະກິດ​ຂອງ​ອິນ​ເດຍ. ທ່ານ​ກ່າວ​ວ່າ: ​ໃນ​ການ​ພົບ​ປະ​ຫາລື​ກັບ​ຜູ້ນຳ​ອາ​ເມ​ລິ​ກາ​ໃນ​ເທື່ອ​ນີ້, ທັງ​ສອງ​ຝ່າຍ​ໄດ້​ຫາລື​ກັນ​ໃນ​ທຸກ​ມິ​ຕິ​ຂອງ​ການ​ພົວພັນ​ລະຫວ່າງ​ອາ​ເມ​ລິ​ກາ ​ແລະ ອິນ​ເດຍ ​ແລະ ທ່ານ​ຕ້ອງການ​ໃຫ້ການ​ເປັນ​ຫຸ້ນ​ສ່ວນ​ທາງ​ຍຸດ​ທະ​ສາດ​ລະຫວ່າງ​ທັງ​ສອງ​ຝ່າຍ​ມີ​ຄວາມ​ໃກ້ຊິດ​ກັນ​ຫລາຍ​ຂຶ້ນ​ໄປ​ອີກ. ທ່ານ ​ໂມ​ດີ ກ່າວ​ອີກ​ວ່າ: ບໍ່​ມີ​ເຫດຜົນ​ທີ່​ອາ​ເມ​ລິ​ກາ ​ແລະ ອິນ​ເດຍຈະ​ເປັນ​ຄູ່​ແຂ່ງ​ກັນ ​ໂດຍ​ທັງ​ສອງ​ຝ່າຍ​ມີ​ຄວາມ​ເຫັນ​ກົງກັນ​ທີ່​ຈ​ະ​ເພີ່ມ​ການ​ເຕີບ​ໃຫຍ່​ທາງ​ການ​ຄ້າ, ​ເພີ່ມ​ຜົນ​ຜະລິດ ​ແລະ ສ້າງ​ວຽກ, ສ່ວນ​ປະທານາທິບໍດີ ທຣຳ ​ໄດ້​ກ່າວ​ສະ​ແດງ​ຄວາມ​ຊື່ນ​ຊົມ​ຜູ້ນຳ​ອິນ​ເດຍທີ່​ເປັນ​ຜູ້​ເບິ່ງ​ແຍງ​ໃຫ້​ເສດຖະກິດຂອງ​ອິນ​ເດຍຂະຫຍາຍຕົວ​ໄດ້​ຢ່າງ​ວ່ອງ​ໄວ. ທ່ານ ທຣຳ ກ່າວ​ຕໍ່​ສື່​ມວນ​ຊົນ​ຢູ່​ທຳນຽບຂາວ ພາຍຫລັງ​ການ​ຫາລື​ກັບ​ທ່ານ ​ໂມ​ດີ ວ່າ: ການ​ພົວພັນ​ລະຫວ່າງ​ອາ​ເມ​ລິ​ກາ​ກັບ​ອິນ​ເດຍ ມີ​ຄວາມ​ໃກ້ຊິດ​ແໜ້ນ​ແຟ້ນ​ແບບ​ບໍ່​ເຄີຍ​ມີ​ມາ​ກ່ອນ ​ແລະ ທ່ານ​ຂໍ​ຊື່ນ​ຊົມ​ຜູ້ນຳ​ອິນ​ເດຍ ​ແລະ ຊາວ​ອິນ​ເດຍທີ່​ຮ່ວມ​ມື​ເຮັດ​ໃຫ້​ອິນ​ເດຍ​ເປັນ​ປະ​ເທດ​ທີ່​ມີ​ການ​ຂະຫຍາຍຕົວ​ທາງ​ເສດຖະກິດ​ວ່ອງ​ໄວ​ທີ່​ສຸດ​ໃນ​ໂລກ ​ແລະ ອາ​ເມ​ລິ​ກາ​ຄາດ​ຫວັງ​ຈະ​ປະສົບ​ຜົນສຳ​ເລັດ​ແບບ​ດຽວ​ກັບ​ອິນ​ເດຍ.

- lattana 1 - ຜູ້ນຳອາເມລິກາ ແລະ ອິນເດຍ ພົບປະ ຫາລືເນັ້ນການພົວພັນທີ່ໃກ້ຊິດ

- JOINT - ຜູ້ນຳອາເມລິກາ ແລະ ອິນເດຍ ພົບປະ ຫາລືເນັ້ນການພົວພັນທີ່ໃກ້ຊິດ

- 730x420 0e9620cf0128c21a01ec310d105a2484 - ຜູ້ນຳອາເມລິກາ ແລະ ອິນເດຍ ພົບປະ ຫາລືເນັ້ນການພົວພັນທີ່ໃກ້ຊິດ

error: Content is protected !!