ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່

ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່ -                                                                             - ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່
ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່ - Untitled design - ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່

​ໃນ​ວັນ​ທີ 27 ກັນຍາ​ນີ້, ປະຊາຊົນ​ຫລາຍ​ພັນ​ຄົນ​ມາ​ຊຸມນຸມ​ກັນ​ຢູ່​ບໍລິ​ເວນສະໜາມ​ທຣາຟັລກາ ກາງ​ນະຄອນຫລວງ​ລອນ​ດອນ ຂອງ​ອັງກິດ ​ໃນ​ວັນ​ທີ 26 ກັນຍາ ​ເພື່ອ​ປະ​ທ້ວງ​ຕໍ່ຕ້ານ​ມາດ​ຕະການ​ເຂັ້ມງວດ​ຄວບ​ຄຸມ​ການລະບາດ​ຂອງ​ໂຄ​ວິດ-19 ຄັ້ງ​ໃໝ່ຂອງ​ລັດຖະບານ​ອັງກິດ ​ໂດຍ​ຫລາຍ​ຄົນຈັບ​ແຜ່ນ​ປ້າຍ​ຕັ້ງຄຳ​ຖາມ​ເຖິງ​ຄວາມ​ໄຮ້​ປະ​ໂຫຍ​ດຂອງ​ມາດ​ຕະການ​ລັອກດາວ ​ເຊິ່ງກຸ່ມ​ຜູ້​ປະ​ທ້ວງ​ບໍ່​ໄດ້​ປະຕິບັດ​ຕາມ​ຄຳ​ແນະນຳ​ຂອງ​ລັດຖະບານ​ກ່ຽວ​ກັບ​ມາດ​ຕະການ​ເວັ້ນ​ໄລຍະ​ຫ່າງ​ທາງ​ສັງຄົມ ຫລື social distancing ​ແລະ ​ເລືອກ​ຈະ​ບໍ່​ໃສ່​ຜ້າ​ປິດ​ປາກ​ນຳ​ອີກ.

ກຸ່ມ​ຜູ້​ປະ​ທ້ວງ ຍັງ​ໄດ້​ປະ​ທະ​ກັບ​ຕຳຫລວດ​ທີ່​ພະຍາຍາມ​ສະຫລາຍ​ການ​ປະ​ທ້ວງ ​ເພາະ​ຜູ້​ປະ​ທ້ວງ​ຝ່າຝືນ​ບໍ່​ໄດ້​ປະຕິບັດ​ຕາມ​ມາດ​ຕະການ​ເວັ້ນ​ໄລຍະ​ຫ່າງ​ທາງ​ສັງຄົມ ​ແລະ ບໍ່​ໃສ່​ຜ້າ​ປິດ​ປາກ-ດັງ. ຕຳຫລວດ​ບອກ​ວ່າ: ມີ​ເຈົ້າໜ້າ​ທີ່ 9 ຄົນ​ໄດ້​ຮັບ​ບາດ​ເຈັບ ​ແລະ ປະຊາຊົນ 16 ຄົນ​ຖືກ​ຈັບ ​ໃນ​ຂໍ້​ຫາ​ຄວາມ​ຜິດ​ທຳຮ້າຍ​ເຈົ້າໜ້າ​ທີ່ ​ແລະ ກໍ່​ໃຫ້​ເກີດ​ຄວາມ​ບໍ່​ສະຫງົບ​ຮຽບຮ້ອຍ ຈົນ​ເຮັດ​ໃຫ້​ເກີດ​ຄວາມ​ຮຸນ​ແຮງ ຖື​ເປັນ​ການ​ປະ​ທ້ວງ​ໃນ​ທ້າຍ​ອາທິດ​ຄັ້ງນີ້ 2 ຕໍ່ຕ້ານ​ມາດ​ຕະການ​​ເຂັ້ມງວດ​ການລະບາດ​ຂອງ​​ໄວຣັສ.

ນາຍົກລັດຖະມົນຕີ ບໍຣິສ ຈອນ​ສັນ ຜູ້ນຳ​ອັງກິດ ປະກາດ​ໃຊ້​ມາດ​ຕະການ​ເຂັ້ມງວດ ​ເພື່ອ​ຄວບ​ຄຸມ​ການລະບາດ​ຂອງ​ໄວຣັສ​ໂຄ​ວິດ-19 ​ໃນ​ອາທິດ​ນີ້ ​ໂດຍ​ບອກ​ປະຊາຊົນ​ໃຫ້​ເຮັດ​ວຽກ​ຢູ່​ເຮືອນຖ້າ​ເປັນ​ໄປ​ໄດ້ ​ແລະ ສັ່ງ​ໃຫ້​ຮ້ານ​ບັນ​ເທີ​ງຕ່າງໆ​ປິດ​ກ່ອນ​ເວລາ ຫລັງ​ສະຖິຕິ​ການ​ຕິດ​ເຊື້ອ​ໄວຣັສກັບ​ມາ​ເພີ່ມ​ສູງ​ຂຶ້ນອີກ.

ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່ - Wave100S AD to Website 2020 0 - ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່

ສະຫະຣາຊະ​ອານາຈັກ ມີ​ຜູ້​ຕິດ​ເຊື້ອ​ໃໝ່ 6.042 ຄົນ​ໃນ​ວັນ​ທີ 26 ກັນຍາ ​ເຊິ່ງ​ເປັນ​ການ​ຕິດ​ເຊື້ອ​ໃໝ່​ຫລາຍ​ກວ່າ 6.000 ຄົນ ຕິດ​ຕໍ່​ກັນ​ເປັນ​ມື້ທີ 4 ​ແລະ ​ເສຍ​ຊີວິດ​ເພີ່ມ​ອີກ 34 ຄົນ ພາຍ​ໃນ​ 28 ມື້.

ທັງ​ນີ້ ອັງກິດ​ເປັນ​ປະ​ເທດ​ທີ່​ມີ​ຜູ້​ເສຍ​ຊີວິດ​ຈາກ​ໂຄ​ວິດ-19 ສູງ​ສຸດ​ຢູ່​ເອີຣົບ ມີ 41.936 ຄົນ ​ໂດຍ​ມີ​ຜູ້​ເສຍ​ຊີວິດ​ປະມານ 900 ຄົນ​ຕໍ່​ມື້ ​ໃນ​ໄລຍະ​ທີ່​ມີ​ການລະບາດ​ສູງ​ສຸດ​ເດືອນ​ເມສາ​ຜ່ານ​ມາ, ​ແຕ່​ປັດຈຸບັນ​ນີ້ ອັດຕາ​ການ​ເສຍ​ຊີວິດ​ມີ​ປະມານ 30 ຄົນ. ສຳ​ນັກ​ງານ​ສະຖິຕິ​ແຫ່ງ​ຊາດ​ຂອງ​ອັງກິດ ຖະ​ແຫລ​ງ​ໃນ​ວັນ​ທີ 25 ກັນຍາ​ຜ່ານ​ມາ ​ແລະ ສູງ​ກວ່າ 6.000 ຄົນ​ໃນ​ອາທິດ​ກ່ອນ.

ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່ - WhatsApp Image 2020 05 27 at 5 - ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່
ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່ - WhatsApp Image 2020 05 27 at 5 - ຊາວອັງກິດລຸກຮື້ຂຶ້ນປະທ້ວງ ມາດຕະການລັອກດາວເທື່ອໃໝ່
error: Alert: ເນື້ອຫາຂ່າວມີລິຂະສິດ !!