ລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມລະດັບສູງທາງໄກ ກ່ຽວກັບການລືບລ້າງຄວາມທຸກຍາກ ແລະ ການຮ່ວມມືແບບໃຕ້-ໃຕ້

ລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມລະດັບສູງທາງໄກ ກ່ຽວກັບການລືບລ້າງຄວາມທຸກຍາກ ແລະ ການຮ່ວມມືແບບໃຕ້-ໃຕ້ -                                                                                                              - ລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມລະດັບສູງທາງໄກ ກ່ຽວກັບການລືບລ້າງຄວາມທຸກຍາກ ແລະ ການຮ່ວມມືແບບໃຕ້-ໃຕ້
ລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມລະດັບສູງທາງໄກ ກ່ຽວກັບການລືບລ້າງຄວາມທຸກຍາກ ແລະ ການຮ່ວມມືແບບໃຕ້-ໃຕ້ - 174233 - ລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມລະດັບສູງທາງໄກ ກ່ຽວກັບການລືບລ້າງຄວາມທຸກຍາກ ແລະ ການຮ່ວມມືແບບໃຕ້-ໃຕ້

ແລງຂອງວັນທີ 26 ກັນຍານີ້, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ພ້ອມຄະນະ ໄດ້ເຂົ້າຮ່ວມກອງປະຊຸມລະດັບສູງທາງໄກກ່ຽວກັບການລຶບລ້າງຄວາມທຸກຍາກ ແລະ ການຮ່ວມມືຂອບໃຕ້-ໃຕ້ ຫລື ຂອບການຮ່ວມມືລະຫວ່າງປະເທດກຳລັງພັດທະນາ, ໃນຫົວຂໍ້: “ການກ້າວໄປສູ່ອະນາຄົດຮ່ວມກັນຂອງບັນດາປະເທດກຳລັງພັດທະນາ: ສົ່ງເສີມການລຶບລ້າງຄວາມທຸກຍາກ ແລະ ການພັດທະນາແບບຍືນຍົງ ໂດຍຜ່ານການຮ່ວມມືໃນຂອບໃຕ້-ໃຕ້  (Toward a Shared Future for Developing Countries: Promoting Poverty Eradication and Sustainable Development through Deepened South-South Cooperation)”.

ກອງປະຊຸມໄດ້ຮ່ວມກັນປຶກສາຫາລືບາງບັນຫາສໍາຄັນຕ່າງໆ ຄື: 1) ການຮ່ວມຕ້ານໂຄວິດ-19 ແລະ ແກ້ໄຂບັນດາສິ່ງທ້າທາຍຮ່ວມກັນໃນການພັດທະນາເສດຖະກິດ-ສັງຄົມ; 2) ການລຶບລ້າງຄວາມທຸກຍາກ ໂດຍຜ່ານການແລກປ່ຽນປະສົບການ ແລະ ລົງເລິກການຮ່ວມມືໃນຂອບໃຕ້-ໃຕ້; ແລະ 3) ການສ້າງຄວາມເຂັ້ມແຂງໃຫ້ແກ່ການເຊື່ອມໂຍງລະຫວ່າງຂໍ້ລິເລີ່ມໜຶ່ງແລວທາງໜຶ່ງເສັ້ນທາງ ແລະ ວາລະ 2030  ເພື່ອບັນລຸການຫລຸດຜ່ອນຄວາມທຸກຍາກ ແລະ ເປົ້າໝາຍການພັດທະນາອື່ນໆ.

ກອງປະຊຸມທາງໄກຜ່ານວີດີໂອຄັ້ງນີ້ ຈັດໂດຍ ສປ ຈີນ, ມີຜູ້ແທນຂັ້ນລັດຖະມົນຕີຕ່າງປະເທດຈາກປະເທດສະມາຊິກຫລາຍກວ່າ 10 ປະເທດ, ຮອງເລຂາທິການໃຫຍ່ອົງການ ສປຊ ຜູ້ຊີ້ນຳວຽກງານເສດຖະກິດ-ສັງຄົມ ແລະ ອົງການຈັດຕັ້ງສາກົນອື່ນໆເຂົ້າຮ່ວມ.

ທ່ານ ສະເຫລີມໄຊ ກົມມະສິດ ໄດ້ມີຄຳເຫັນຕໍ່ກອງປະຊຸມ ໂດຍໄດ້ເນັ້ນ​ເຖິງຄວາມສຳຄັນຂອງການລຶບລ້າງຄວາມທຸກຍາກ ຊຶ່ງເປັນໜຶ່ງໃນບູລິມະສິດຕົ້ນຕໍຂອງວົງຄະນາຍາດສາກົນເພື່ອບັນລຸວາລະ 2030 ເພື່ອການພັດທະນາ. ການຮ່ວມມືແບບໃຕ້-ໃຕ້ ຖືເປັນແບບຢ່າງແຫ່ງຄວາມສາມັກຄີ ແລະ ເປັນກົນໄກຂອງການຮ່ວມມືລະຫວ່າງບັນດາປະເທດກຳລັງພັດທະນາ ອັນໄດ້ເປັນການປະກອບສ່ວນສຳຄັນເຂົ້າໃນການຫລຸດຜ່ອນຄວາມທຸກຍາກ ແລະ ນຳເອົາຄວາມຮຸ່ງເຮືອງສີວິໄລມາສູ່ປະຊາຊົນຂອງວົງຄະນະຍາດສາກົນ ບົນພື້ນຖານຫລັກການການຮ່ວມມືແບບຫລາຍຝ່າຍ ພາຍໃຕ້ກົດບັດຂອງອົງການສະຫະປະຊາຊາດ ກໍຄືຫລັກການແຫ່ງຄວາມສາມັກຄີ, ການເຄົາລົບອະທິປະໄຕ ແລະ ບໍ່ແຊກແຊງເຂົ້າໃນກິດຈະການພາຍໃນຂອງກັນ ແລະ ກັນ ແລະ ການຮ່ວມມືທີ່ຕ່າງງຝ່າຍຕ່າງໄດ້ຮັບຜົນປະໂຫຍດ.

ລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມລະດັບສູງທາງໄກ ກ່ຽວກັບການລືບລ້າງຄວາມທຸກຍາກ ແລະ ການຮ່ວມມືແບບໃຕ້-ໃຕ້ - Wave100S AD to Website 2020 0 - ລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມລະດັບສູງທາງໄກ ກ່ຽວກັບການລືບລ້າງຄວາມທຸກຍາກ ແລະ ການຮ່ວມມືແບບໃຕ້-ໃຕ້

ດັ່ງນັ້ນ, ສປປ ລາວ ຈຶ່ງຖືສຳຄັນຢ່າງຍິ່ງໃນການສົ່ງເສີມການເປັນຄູ່ຮ່ວມພັດທະນາໃນຂົງເຂດຕ່າງໆກັບ ສປ ຈີນ ແລະ ປະເທດຕ່າງໆໃນພາກພື້ນ ເພື່ອບັນລຸຍຸດທະສາດຂອງລັດຖະບານ ເພື່ອປ່ຽນສະຖານະພາບເປັນປະເທດທີ່ບໍ່ມີຊາຍແດນຕິດຈອດທະເລໃຫ້ກາຍເປັນສູນກາງຂອງການເຊື່ອມຈອດພາກພື້ນ ດ້ວຍການຍົກລະດັບພື້ນຖານໂຄງລ່າງດ້ານການຂົນສົ່ງພາຍໃນປະເທດ ໂດຍສະເພາະໂຄງການທາງລົດໄຟຄວາມໄວສູງ ລາວ-ຈີນ ຊຶ່ງຄາດວ່າຈະສຳເລັດສົມບູນໃນປີ 2021.

ຕໍ່ກັບສະພາບການລະບາດຂອງພະຍາດ COVID-19, ທ່ານລັດຖະມົນຕີ ໄດ້ຮຽກຮ້ອງໃຫ້ປະເທດຕ່າງໆ ພ້ອມກັນຍົກສູງບົດບາດການຮ່ວມມືແບບຫລາຍຝ່າຍ ແລະ ສືບຕໍ່ເຮັດວຽກຮ່ວມກັນຢ່າງໃກ້ຊິດ ເພື່ອຊອກຫາຊ່ອງທາງແກ້ໄຂບັນຫາ ແລະ ສິ່ງທ້າທາຍຮ້າຍແຮງນີ້ຢ່າງຮີບດ່ວນ ແນໃສ່ຫລຸດຜ່ອນຜົນກະທົບຕໍ່ຄວາມພະຍາຍາມໃນການບັນລຸເປົ້າໝາຍລຶບລ້າງຄວາມທຸກຍາກ ແລະ ວາລະ 2030 ເພື່ອການພັດທະນາແບບຍືນຍົງຂອງສາກົນ.

ລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມລະດັບສູງທາງໄກ ກ່ຽວກັບການລືບລ້າງຄວາມທຸກຍາກ ແລະ ການຮ່ວມມືແບບໃຕ້-ໃຕ້ - WhatsApp Image 2020 05 27 at 5 - ລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມລະດັບສູງທາງໄກ ກ່ຽວກັບການລືບລ້າງຄວາມທຸກຍາກ ແລະ ການຮ່ວມມືແບບໃຕ້-ໃຕ້
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!