ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020 -                                                                                                 30                 2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020
  1. ປະທານາທິບໍດີ ​ໂດ​ນັລ ທຣຳ ​ແລະ ທ່ານ ​ໂຈ ​​ໄບ​ເດັນ ຄູ່​ແຂ່ງ​ຂອງ​ທ່ານ ​ໄດ້​ພົບ​ກັນ​ໃນ​ການ​​ໂຕ້​ວາທີ​ທາງ​ໂທລະພາບ ຢູ່​ເມືອງ Cleveland ລັດ Ohio.

ຖື​ເປັນ​ການ​ປະ​ທະ​ກັນ​ທາງ​ວາຈາ​ທີ່​ໄຮ້​ມາລະຍາດ​ທັງ​ສອງ ​ໂດຍ​ພວກ​ທ່ານ​ຂັດ​ແຍ່ງ​ກັນ​ໃນ​ເລື່ອງ​ຂອງ COVID-19, ​ເສດຖະກິດ, ສິ່ງ​ແວດ​ລ້ອມ, ກົດໝາຍ ​ແລະ ລະບຽບ​ຕ່າງໆ.

​ແຕ່​ມີ​ພຽງ​ບໍ່​​ເທົ່າ​ໃດໝັດ​ເທົ່າ​ນັ້ນທີ່​ພວກ​ທ່ານ​ປ່ອຍ​​ໃສ່​ກັນ ​ໂດຍ​ທ່ານ ທຣຳ ​ໄດ້​ທຳ​ການ​ໂຈມ​ຕີ​ຢ່າງ​ຮຸນ​ແຮງ​ທີ່​ສຸດ​ກ່ຽວ​ກັບ​ຂະ​ບວນການ​ລົງ​ຄະ​ແນນ​ສຽງ​ໃນ​ປີ​ນີ້. ຂະນະ​ທີ່​ການ​​ໂຕ້​ວາທີ​ຄັ້ງຕໍ່​ໄປຂອງ​ພວກ​ທ່ານ​ຈະ​ຈັດ​ຂຶ້ນຢູ່​ເມືອງ Miami ລັດ Florida ​ໃນ​ອີກ 2 ອາທິດ​ຕໍ່ໜ້າ.

  1. Armania ​ແລະ Azerbaijan ກຳລັງ​ກ້າວ​ເຂົ້າ​ໃກ້​ສົງຄາມ​ເຕັມ​ຮູບ​ແບບ ​ໂດຍ​ທັງ 2 ຝ່າຍ​ລາຍ​ງານ​ການ​ຍິງ​ປະ​ທະ​ກັນ​ຂ້າມ​ຊາຍ​ແດນ​ຂອງ​ພວກ​ເຂົາ.

Armenia ກ່າວ​ວ່າ: ​ເຮືອບິນ​ຂັບ​ໄລ່ F-16 ຂອງ​ຕວກກີ ​ເຊິ່ງ​ເປັນ​ພັນທະ​ມິດ​ຂອງ Azerbaijan ​ໄດ້​ຍິງ​ເຮືອບິນ​ຮົບ​ລຳ​ໜຶ່ງ​ຂອງ​ພວກ​ເຂົາ​ຕົກ​ເໜືອ​ນ່ານຟ້າ Armenia. ຂະນະ​ທີ່ ຕວກກີ ​ແລະ Azerbaijan ປະຕິ​ເສດ.

ການ​ປະ​ທະ​ກັນ​ເກີດ​ຂຶ້ນຢູ່​ບໍລິ​ເວນ​ພື້ນທີ່​ທີ່​ເປັນ​ຂໍ້​ຂັດ​ແຍ່ງ Nagorno-Karabakh ​ເຊິ່ງຫລ້າ​ສຸດ​ຂ້າ​ຊີວິດ​ຜູ້​ຄົນ​ໄປ​ເກືອບ 100 ຄົນ​ໃນ​ໄລຍະ​ບໍ່​ເທົ່າ​ໃດ​ວັນ​ຜ່ານ​ມາ, ສ່ວນຣັດ​ເຊຍ ​ເຊິ່ງ​ເປັນ​ພັນທະ​ມິດ​ກັບ Armenia ຍັງ​ອອກ​ມາ​ຮຽກຮ້ອງ​ຢ່າງ​ຕໍ່​ເນື່ອງ​ໃຫ້​ພວກ​ເຂົາ​ຢຸດ​ຍິງ.

  1. ອັງກິດ ​ແລະ ກາ​ນາ​ດາ ​ໄດ້​ອອກ​ມາດ​ຕະການ​ຫ້າມ​ເດີນທາງ ​ແລະ ອາ​ຢັດ​ຊັບ​ສິນ​ຂອງ Alexander Lukashenko ປະທານາທິບໍດີ​ຂອງ​ປະ​ເທດ​ເບ​ລາຣຸສ ລວມທັງ​ສະມາຊິກ​ໃນ​ລັດຖະບານ​ຂອງ​ທ່ານ ​ໂດຍ​ທັງ 2 ປະ​ເທດ​ເປັນ​ລັດຖະບານ​ຕາ​ເວັນ​ຕົກ​ກຸ່ມ​ທຳ​ອິດ​ທີ່​ກຳນົດ​ມາດ​ຕະການ​ຂວ້ຳບາດ​ຫລັງ​ຈາກ Lukashenko ສໍ້​ໂກງ​ການ​ເລືອກ​ຕັ້ງ​​ໃນ​ເດືອນ​ຜ່ານ​ມາ ​ແລະ ຈັບ​ກຸມ​ນັກ​ການ​ເມືອງ​ຝ່າຍ​ຄ້ານ.

ຫລ້າ​ສຸດ Emmanuel Macron ປະທານາທິບໍດີ​ຂອງຝຣັ່ງ ​ໄດ້​ພົບ​ກັບ Svetlana Tikhanovakaya ຜູ້ນຳ​ຝ່າຍ​ຄ້ານ​ຂອງ​ເບ​ລາຣຸສ​ໃນ​ປະ​ເທດ​ລິ​ທົວ​ເນຍ ​ແລະ ​ໄດ້​ຮຽກຮ້ອງ​ໃຫ້ Lukashenko ລົງ​ຈາກ​ຕຳ​ແໜ່​ງຂອງ​ທ່ານ.

  1. Sheikh Sabah al-Ahmad al-Jaber al-Sabah ຈັກກະ​ພັດຂອງ​ປະ​ເທດ​ຄູ​ເວດ ​ໄດ້​ເສຍ​ຊີວິດ​ລົງ​ດ້ວຍ​ອາຍຸ 91 ປີ ​ໂດຍ​ທ່ານ​ດຳລົງ​ຕຳ​ແໜ່​ງລັດຖະມົນຕີ​ຕ່າງປະ​ເທດ​ເປັນ​ເວລາ​ເກືອບ 40 ປີຜ່ານມາ ​ແລະ ມັກ​ຈະ​ເປັນ​ຜູ້​ໄກ່​ເກ່ຍຂໍ້​ຂັດ​ແຍ່ງ​ຕ່າງໆ​ໃນ​ພາກພື້ນ ກ່ອນ​ຈະ​ກາຍ​ມາ​ເປັນ​ຈັກກະພັດ​ໃນ​ປີ 2006. ຂະນະ​ທີ່ Sheikh Nawaf al-Ahmed ​ເຊິ່ງ​ເປັນ​ນ້ອງ​ຊາຍ​ເຄິ່ງສາຍ​ເລືອດ​ອາຍຸ 83 ປີ ຄາດ​ວ່າ​ຈະ​ໄດ້​ຮັບ​ຕຳ​ແໜ່​ງຂອງ​ທ່ານ​ຕໍ່​ໄປ.
  2. ອົງການ​ນິລະ​ໂທດ​ກຳ​ສາກົນ (Amnesty International) ປະກາດ​ວ່າ ພວກ​ເຂົາ​ໄດ້​ຮັບ​ການ​ບັງຄັບ​ໃຫ້​ຢຸດ​ການ​ດຳ​ເນີນ​ງານ​ຢູ່​ອິນ​ເດຍ ​ໂດຍ​ບໍລິສັດ​ດ້ານ​ການ​ປຸກລະດົມ​ນີ້ ກ່າວ​ຫາ​ລັດຖະບານ​ອິນ​ເດ​ຍວ່າ​ດຳ​ເນີນ​ການ​ເພື່ອ​ລ່າ​ແມ່ມົດ​ສຳລັບ​ອົງການ​ສິດທິ​ມະນຸດ (human-rights organizations).

Amnesty ກ່າວ​ວ່າ ມີ​ບັນຊີ​ທະນາຄານ​ຂອງ​ພວກ​ເຂົາ​ທີ່​ຖືກ​ອາ​ຢັດ ​ແລະ ຕ້ອງ​ປົດ​ພະນັກງານ​ອອກ ​ໂດຍ​ກ່ອນ​ໜ້າ​ນີ້ ພວກ​ເຂົາ​ຫາ​ກໍ​ກ່າວ​ຫາ​ຕຳຫລວດ​ຂອງ​ອິນ​ເດ​ຍວ່າ​ມີ​ສ່ວນ​ຮ່ວມ​ໃນ​ການ​ຕໍ່ຕ້ານ​ຊາວ​ມຸດ​ສະ​ລິ​ມຢ່າງ​ໂຫດຮ້າຍ.

ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020
  1. Rodrigo Rato ອະດີດ​ປະທານ​ຂອງ Bankia ​ໄດ້​ຖືກ​ຕັດສິນ​ໃຫ້​ພົ້ນຜິດ​ໃນ​ຄະດີ​ສໍ້​ໂກງ​ລາຍ​ຊື່​ທະນາຄານ​ສະ​ເປ​ນ.

Rato ​ເຊິ່ງ​ເຄີຍ​ດຳລົງ​ຕຳ​ແໜ່​ງລັດຖະມົນຕີ​ດ້ານ​ເສດຖະກິດ​ຂອງ​ສະ​ເປ​ນ ​ແລະ ກຳມະການ​ຜູ້​ຈັດການ​ຂອງ​ກອງ​ທຶນ​ການ​ເງິນ​ສາກົນ ​ໄດ້​ປະຕິ​ເສດ​ການ​ກະທຳ​ຜິດ​ໃດໆ​ມ​າ​ໂດຍ​ຕະຫລອດ.

​ເຖິງ​ຢ່າງ​ໃດ​ກໍ​ຕາມ, ທ່ານ​ຕ້ອງ​ຮັບ​ໂທດ​ຕິດ​ຄຸກ 4 ປີ​ໃນ​ຂໍ້​ຫາ​ຢັກ​ຢອກ​ຊັບ​ໃນ​ອີກ​ຄະດີ​ໜຶ່ງ​ຈາກ​ການ​ໃຊ້​ບັດ​ເຄຣດິດຂອງ Bankia ​ໃນ​ທາງ​ທີ່​ຜິດ.

  1. Gavin Newsom ​ເຈົ້າຄອງ​ລັດ California ​ໄດ້​ປະກາດ​ພາວະ​ສຸກ​ເສີນ​ໃນ 3 ​ເມືອງ​ຂອງ​ລັດ ຫລັງ​ຈາກ​ເກີດ​ເຫດ​ໄຟ​ໄໝ້ 2 ຄັ້ງ ​ເຊິ່ງ​ເຜົາ​ຜານ​ພື້ນທີ່​ຫລາຍ​ສິບ​ຕາ​ກິ​ໂລ​ແມັດ ​ແລະ ​ເພີ່ມ​ຄວາມ​ເສຍ​ຫາຍ​ຈາກ​ໄຟ​ໄໝ້​ປ່າ​ທີ່​ເກີດ​ຂຶ້ນກ່ອນ​ໜ້າ​ນີ້ ​ເຊິ່ງ​ໄດ້​ທຳລາຍ​ລັດ​ໃນ​ໄລຍະ​ບໍ່​ເທົ່າ​ໃດ​ອາທິດ​ຜ່ານ​ມາ.

ນອກຈາກ​ນີ້ Newsom ຍັງ​ຂໍ​ການ​ຊ່ວຍ​ເຫ​ລື​ອຈາກ​ລັດຖະບານ​ກາງ ​ໂດຍ​ປະກາດ​ວ່າການ​ຕອບ​ສະໜອງ​ທີ່​ມີ​ປະສິດທິພາບ​ນັ້ນ “​ເກີນ​ຄວາມ​ສາມາດ​ຂອງ​ລັດ ​ແລະ ທ້ອງ​ຖິ່ນ”.

  1. Walt Disney Co. ປະກາດ​ປົດ​ພະນັກງານ 28.000 ຄົນ​ຢູ່​ອາ​ເມ​ລິ​ກາ ​ເຊິ່ງ​ເປັນ​ສັນຍານ​ຫລ້າ​ສຸດ​ທີ່​ບົ່ງ​ບອກ​ວ່າ ການ​ເດີ​ນທາງ ​ແລະ ກິດຈະກຳ​ອື່ນໆ​ໃນ​ສັງຄົມ​ຈະ​ຟື້ນຕົວ​ຊ້າ​ຈາກ​ການ​ແຜ່​ລະບາດ.

ການ​ຫລຸດ​ພະນັກງານ​ຄັ້ງນີ້ ຄວບ​ຄຸມ​ເຖິງ​ສະໜາມ​ເຄື່ອງ​ຫລິ້ນ, ​ເຮືອ​ສຳລານ ​ແລະ ທຸລະ​ກິດ​ຂາຍຍ່ອຍ​ຂອງ​ບໍລິສັດ ລວມທັງ​ການ​ປົດ​ຜູ້​ບໍລິຫານ​ເຖິງ​ວ່າ 67% ຂອງ​ຜູ້​ທີ່​ຖືກ​ເລີກ​ຈ້າງ​ຈະ​ເປັນ​ພະນັກງານ Part-Time.

ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 30 ກັນຍາ 2020
error: Alert: ເນື້ອຫາຂ່າວມີລິຂະສິດ !!