ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ

ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ -                                                                                                        - ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ
ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ - Untitled design - ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ

ວັນ​ທີ 30 ກັນຍາ, ຕາມ​ເວລາ​ທ້ອງ​ຖິ່ນ ທາງ​ການສະ​ເປ​ນກຽມ​ປະກາດ​ໃຊ້​ມາດ​ຕະການ​ເຂັ້ມງວດ​ນະຄອນຫລວງ​ມາດຣິດພາຍ​ໃນ 48 ຊົ່​ວ​ໂມງຕໍ່ຈາກ​ນີ້ ຈຶ່ງ​ເຮັດ​ໃຫ້​ພື້ນທີ່​ສ່ວນ​ໃຫຍ່​ຂອງ​ມາດຣິດຕົກ​ຢູ່​ໃນ​ສະພາບ​ລັອກດາວ ​ໂດຍ​ມາດ​ຕະການ​ນີ້​ໄດ້​ຮັບ​ມະຕິ​ເຫັນ​ພ້ອມ​ຈາກ​ກອງ​ປະຊຸມ​ລະຫວ່າງ​ຄະນະ​ລັດຖະບານ ​ແລະ ຜູ້ນຳ​ແຄວ້ນ​ຕ່າງໆ ​ເຊິ່ງຈະ​ເລີ່​ມບັງຄັບ​ໃຊ້​ໃນ​ພື້ນທີ່​ທີ່​ມີ​ຜູ້​ຕິດ​ເຊື້ອ​ໂຄ​ວິດ-19 500 ຄົນ​ຕໍ່​ປະຊາກອນ 1 ​ແສນ​ຄົນ ​ໃນ​ໄລຍະ 10 ມື້ຜ່ານ​ມາ ຫລື ມີ​ຜູ້​ຕິດ​ເຊື້ອສູງ​ເກີນ 10% ຂອງ​ຜູ້​ກວດ​ຫາ​ເຊື້ອທັງ​ໝົດ ລວມທັງ​ພື້ນທີ່​ທີ່​ມີ​ຜູ້​ຕິດ​ເຊື້ອ​ໂຄ​ວິດ-19 ​ໃນ​​ໂຮງໝໍ​ຫລາຍ​ກວ່າ 35%.

​ໂດຍ​ມາດ​ຕະການ​​ເຂັ້ມງວດ​ນີ້​ແນະນຳ​ໃຫ້​ພົນລະ​ເມືອງ​ຢູ່​ແຕ່​​ເຮືອນ ອອກ​ມາ​ທາງ​ນອກ​ໄດ້​ສະ​ເພາະ​ກໍລະນີ​ຕ້ອງ​ໄປ​ເຮັດ​ວຽກ, ​ໄປ​ຮຽນ, ​ໄປ​ຕາມ​ກົດ​ຂໍ້​ບັງຄັບ ຫລື ສະຖານະ​ການ​ສຸກ​ເສີນ​ຕ່າງໆ, ຮ້ານ​ຄ້າ, ​ເທັກ ​ແລະ ຮ້ານ​ອາຫານ​ຕ່າງໆ ຈະ​ຕ້ອງ​ປັບ​ຄວາມ​ຈຸ​ຂອງ​ຮ້ານ​ລົງ 50% ​ແລະ ຕ້ອງ​ຫລຸດ​ໄລຍະ​ເວລາ​ການ​ເປີດ​ຮ້ານ​ລົງ ທັງ​ຍັງ​ຈຳກັດ​ການ​ລວມກຸ່ມ​ກັນ​ເກີນ 6 ຄົນ ທັງ​ໃນ​ພື້ນທີ່​ສາທາລະນະ ​ແລະ ພື້ນທີ່​ສ່ວນ​ຕົວ ​ເຊິ່ງມາດ​ຕະການ​ດັ່ງກ່າວ​ໄດ້​ຮັບ​ສຽງ​ເຫັນ​ພ້ອມ 13 ສຽງ, ງົດ​ອອກສຽງ 1 ສຽງ ​ແລະ ຄັດຄ້ານ 5 ສຽງ ​ໄດ້​ແກ່ ຜູ້ນຳ​​ແຄວ້ນ​ກາ​ຕາ​ລຸນ​ຢາ, ອັນ​ດາ​ລູ​ເຊຍ, ກາ​ລິ​ເຊຍ, ຊິວ​ຕາ ​ແລະ ມາດຣິດ.

ສະ​ເປ​ນມີ​ຜູ້​ຕິດ​ເຊື້ອສະ​ສົມ 769.188 ຄົນ ຫລາຍ​ທີ່​ສຸດ​ເປັນອັນ​ດັບ 7 ຂອງ​ໂລກ, ​ເສຍ​ຊີວິດ​ແລ້ວ 31.791 ຄົນ ​ໂດຍ​ນະຄອນຫລວງ​ມາດຣິດມີ​ຜູ້​ຕິດ​ເຊື້ອສະ​ສົມ​ຫລາຍ​ທີ່​ສຸດ​ໃນ​ປະ​ເທດ (235.196 ຄົນ), ຖັດມາ​ແມ່ນ​ກາ​ຕາ​ລຸນ​ຢາ (140.115 ຄົນ) ​ແລະ ອັນ​ດາ​ລູ​ເຊຍ (62.421 ຄົນ).

ຫລ້າ​ສຸດ ທົ່ວ​ໂລກ​ມີ​ຜູ້​ຕິດ​ເຊື້ອສະ​ສົມ 33,8 ລ້ານ​ຄົນ​ແລ້ວ (33.867.247 ຄົນ), ປິ່ນປົວ​ຫລາຍ 25 ລ້ານ​ກວ່າ​ຄົນ (25.409.703 ຄົນ) ຫລື ຫລາຍ​ກວ່າ 2 ​ໃນ 3 ຂອງ​ຜູ້​ຕິດ​ເຊື້ອທັງ​ໝົດ, ​ເສຍ​ຊີວິດ​ແລ້ວ 1.011.282 ຄົນ, ອັດຕາ​ການ​ເສຍ​ຊີວິດ​ຢູ່​ປະມານ 3%.

ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ - Wave100S AD to Website 2020 0 - ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ

ອາ​ເມ​ລິ​ກາ​ຍັງ​ເປັນ​ປະ​ເທດ​ທີ່​ພົບ​ຜູ້​ຕິດ​ເຊື້ອສະ​ສົມ​ຫລາຍ​ທີ່​ສຸດ​ໃນ​ໂລກ (7.229.319 ຄົນ). ຂະນະ​ທີ່ອິນ​ເດຍຢູ່​ອັນ​ດັບ 2 (6.225.763 ຄົນ), ຖັດມາ​ແມ່ນ​ເບຣຊິນ (4.810.935 ຄົນ), ຣັດ​ເຊຍ (1.170.799 ຄົນ) ​ແລະ ​ໂກ​ລອມ​ເບຍ (829.679 ຄົນ) ພົບ​ຜູ້​ຕິດ​ເຊື້ອ​ແລ້ວ​ຢ່າງ​ໜ້ອຍ 181 ຈາກ 193 ປະ​ເທດ​ທົ່ວ​ໂລກ.

ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ - WhatsApp Image 2020 05 27 at 5 - ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ
ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ - WhatsApp Image 2020 05 27 at 5 - ສະເປນກຽມເຂັ້ມງວດມາດຣິດອີກຮັບມືໂຄວິດ-19 ຕິດເຊື້ອສະສົມ 33,8 ລ້ານຄົນທົ່ວໂລກ
error: Alert: ເນື້ອຫາຂ່າວມີລິຂະສິດ !!