ກ້າວຕໍ່ໄປຂອງຫວຽດນາມ ເອກະຊົນຍັກໃຫຍ່ທຸ້ມທຶນຜະລິດລົດຈັກໄຟຟ້າ

ກ້າວຕໍ່ໄປຂອງຫວຽດນາມ ເອກະຊົນຍັກໃຫຍ່ທຸ້ມທຶນຜະລິດລົດຈັກໄຟຟ້າ -                                                           - ກ້າວຕໍ່ໄປຂອງຫວຽດນາມ ເອກະຊົນຍັກໃຫຍ່ທຸ້ມທຶນຜະລິດລົດຈັກໄຟຟ້າ
ກ້າວຕໍ່ໄປຂອງຫວຽດນາມ ເອກະຊົນຍັກໃຫຍ່ທຸ້ມທຶນຜະລິດລົດຈັກໄຟຟ້າ - 174233 - ກ້າວຕໍ່ໄປຂອງຫວຽດນາມ ເອກະຊົນຍັກໃຫຍ່ທຸ້ມທຶນຜະລິດລົດຈັກໄຟຟ້າ

​ເອກະ​ຊົນ​ລາຍ​ໃຫຍ່ຂອງ​ຫວຽດນາມ​ລົງທຶນ​ພັດທະນາ​ລົດຈັກ​ໄຟຟ້າ ຫວັງ​ປ່ຽນ​ພຶດຕິ​ກຳ​ຊາວ​ຫວຽດນາມ​ໃຫ້​ມາ​ໃຊ້​ແທນ​ລົດຈັກ​ແບບ​ໃສ່​ນ້ຳມັນ ຊ່ວຍ​ຫລຸດ​ມົນ​ລະ​ພິດ​ໃນ​ອາກາດ.

ທ່ານ Pham Nhat Vuong ຜູ້​ສ້າງຕັ້ງບໍລິສັດ​ Vingroup ບໍລິສັດ​ເອກະ​ຊົນ​ຍັກ​ໃຫຍ່ ​ເຮັດ​ທຸລະ​ກິດ​ຫລາກ​ຫລາຍ ນັບ​ແຕ່​ອະສັງຫາລິມະ​ຊັບ ລວມທັງ​ຜະລິດ​ສະມາດ​ໂຟນ ​ແລະ ລົດຍົນ​ຢູ່​ຫວຽດນາມ ປະກາດ​ເດີນ​ໜ້າ​ແຜນ​ທຸລະ​ກິດ​ລົດຈັກ​ໄຟຟ້າ ​ໂດຍ​ຫວັງ​ຫລຸດ​ການ​ປ່ອຍມົນ​ລະ​ພິດ​ຕາມ​ທ້ອງ​ຖະໜົນ​ໃນ​ຫວຽດນາມ​ລົງ.

ຜູ້​ສ້າງຕັ້ງ Vingroup ​ເປີດ​ເຜີຍ​ວ່າ: ປັດຈຸບັນ ບໍລິສັດ​ເລີ່​ມພັດທະນາ​ລົດຈັກ​ໄຟຟ້າ​ຈຳໜ່າຍ​ໃນ​ຊື່ Vinfast ຂາຍ​ໄດ້​ແລ້ວ 50.000 ຄັນ ​ແລະ ຕັ້ງ​ເປົ້າຈະ​ຂາຍ​ລົດຈັກ​ໄຟຟ້າ​ໃຫ້​ໄດ້ 112.000 ຄັນ​ໃນ​ປີ​ນີ້ ​ເຊິ່ງ Vinfast ມີ​ລົດຈັກ​ໄຟຟ້າ​ຂາຍ​ແລ້ວ 3 ລຸ້ນ ​ແລະ ກຳລັງ​ຈະ​ວາງ​ຈຳໜ່າຍ​ລຸ້ນທີ 4 ​ໃນ​ມໍ່ໆ​ນີ້.

ປັດຈຸບັນ Vingroup ​ໄດ້​ສ້າງ​ໂຮ​ງງານ​ແຫ່ງ​ໃໝ່ ມູນ​ຄ່າ 3.500 ລ້ານ​ໂດ​ລາ​ສະຫະລັດ ​ເພື່ອ​ຜະລິດ​ລົດຈັກ​ໄຟຟ້າ ລວມທັງ​ລົດຍົນ​ໄຟຟ້າ ​ແລະ ລົດ​ໂດຍສານ​ພະລັງງານ​ໄຟຟ້າ​ໂດຍ​ສະ​ເພາະ ພ້ອມ​ລົງທຶນ​ຕິດຕັ້ງຈຸດ​ສາກ, ກະຈາຍ​ໄປ​ຕາມ​ຫ້າງ​ສັບພະ​ສິນຄ້າ ​ແລະ ອາພາດ​ເມັນ​ຕ່າງໆ​.

ກ້າວຕໍ່ໄປຂອງຫວຽດນາມ ເອກະຊົນຍັກໃຫຍ່ທຸ້ມທຶນຜະລິດລົດຈັກໄຟຟ້າ - Wave100S AD to Website 2020 0 - ກ້າວຕໍ່ໄປຂອງຫວຽດນາມ ເອກະຊົນຍັກໃຫຍ່ທຸ້ມທຶນຜະລິດລົດຈັກໄຟຟ້າ

Vingroup ຄາດ​ການ​ວ່າ: ອາດ​ຈະ​ສ້າງ​ກຳ​ໄລ​ຈາກ​ການ​ຂາຍ​ລົດຈັກ​ໄຟຟ້າ​ໄດ້​ພາຍ​ໃນ 5 ປີ ​ແລະ ພາຍ​ໃນ​ປີ 2040 ຫລື ອີກ 20 ປີ​ຕໍ່ໜ້າ ລົດຈັກ​ທີ່​ຈຳໜ່າຍ​ໄດ້​ປະມານ 80% ຈະ​ເປັນ​ລົດຈັກ​ພະລັງງານ​ໄຟຟ້າ ​ເຊິ່ງຄວາມ​ທ້າ​ທາຍ​ໃນ​ຕອນ​ນີ້​ຄື​ຄວາມ​ພະຍາຍາມ​ປ່ຽນ​ແປງ​ພຶດຕິ​ກຳ​ຜູ້​ບໍລິ​ໂພ​ກ​ໃຫ້​ກ້າ​ລອງ​ຊື້ລົດຈັກ​ໄຟຟ້າ​ໄປ​ໃຊ້.

ຫວຽດນາມ​ເປັນ​ປະ​ເທດ​ທີ່​ນິຍົມ​ການ​ໃຊ້​ລົດຈັກ. ສະຖິຕິ​ຊີ້​ວ່າ: ມີ​ລົດຈັກ​ຕາມ​ທ້ອງ​ຖະໜົນ​ຫວຽດນາມ​ເຖິງ 96 ລ້ານ​ຄັນ ​ເຊິ່ງການ​ໃຊ້​ລົດຈັກ​ແບບ​ໃຊ້​ນ້ຳມັນ​ໃນ​ປັດຈຸບັນ​ເຮັດ​ໃຫ້​ເກີດ​ສຽງ​ດັງ ​ແລະ ມົນ​ລະ​ພິດ​ທາງ​ອາກາດ. ຂໍ້​ມູນ​ຈາກ IQAir ລະບຸ​ວ່າ: ຫວຽດນາມ​ເປັນ​ປະ​ເທດ​ທີ່​ມີ​ມົນ​ລະ​ພິດ​ທາງ​ອາກາດ​ຮຸນ​ແຮງ​ທີ່​ສຸດ​ເປັນອັນ​ດັບ​ທີ 15 ຂອງ​ໂລກ.

ກ້າວຕໍ່ໄປຂອງຫວຽດນາມ ເອກະຊົນຍັກໃຫຍ່ທຸ້ມທຶນຜະລິດລົດຈັກໄຟຟ້າ - WhatsApp Image 2020 05 27 at 5 - ກ້າວຕໍ່ໄປຂອງຫວຽດນາມ ເອກະຊົນຍັກໃຫຍ່ທຸ້ມທຶນຜະລິດລົດຈັກໄຟຟ້າ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!