ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19

ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19 -                                                                                     - ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19
ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19 - Untitled design - ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19

ສາທາລະນະສຸກນະຄອນຫລວງວຽງຈັນ ​ໄດ້ສົ່ງເຈົ້າໜ້າທີ່​ຂອງ​ຕົນຈໍານວນຫລາຍໄປປະຕິບັດຫນ້າທີ່ໃນງານບຸນອອກພັນສາປະວໍລະນາທີ່ທ່າວັດຈັນ ເມືອງຈັນທະບູລີ ໃນລະຫວ່າງວັນທີ 1-3 ຕຸລານີ້ ​ເພື່ອ​ເລັ່ງ​ໃສ່​ສະກັດ​ກັ້ນການລະບາດ​ຂອງ​ໂຄ​ວິດ-19 ​ແລະ ຊ່ວຍ​ກໍລະນີ​ສຸກ​ເສີນ​ຕ່າງໆ.

ຫົວຫນ້າພະແນກດັ່ງກ່າວ ໃຫ້ຮູ້ວ່າ: ແພດຫມໍທັງສາມເມືອງທີ່ສົ່ງໄປປະຈໍາ ​ແລະ ​ເຮັດ​ໜ້າ​ທີ່ໃນຄັ້ງນີ້ ໄດ້ແບ່ງເປັນຫລາຍທີມງານຄື: ທີມງານກວດກາສຸຂະພາບ, ທີມງານປະຊາສໍາພັນ, ທີມງານກວດກາຄຸນນະພາບຂອງອາຫານ ແລະ ​ແນະນຳ​ໃຫ້​ຜູ້​ມາ​ທ່ຽວ​ງານ​ບຸນ​ເອົາ​ໃຈ​ໃສ່​ປະຕິບັດ​ຫລັກການ​ປ້ອງ​ກັນ​ຕົນ​ເອງ ​ເພື່ອ​ສະກັດ​ກັ້ນພະຍາດ​ໂຄ​ວິດ-19 ​ໃຫ້​ເຂັ້ມງວດ ​ແລະ ຮຽກຮ້ອງໃຫ້ຜູ້ທີ່ຈະມາທ່ຽວງານນໍາຜ້າອັດປາກ-ອັດດັງ ແລະ ພົກພາເຈວລ້າງມືມາພ້ອມ, ພ້ອມນີ້ ຕ້ອງຫລີກລ່ຽງເຂົ້າໄປເຂດທີ່ມີຄົນແອອັດຫລາຍ, ສ່ວນບັນດາຫ້າງຮ້ານຕ້ອງມີເຈວລ້າງມືປະຈໍາຮ້ານ, ເວລາຊື້-ຂາຍຕ້ອງປະຕິບັດມາດຕະການຮັກສາໄລຍະຫ່າງຢ່າງເຄັ່ງຂັດທີ່ສຸດ.

ສະ​ເພາະ​ງານບຸນອອກພັນສາທີ່ນະຄອນຫລວງວຽງຈັນປີນີ້​ແມ່ນບໍ່ມີກິດຈະ​ກໍາປະກວດເຮືອໄຟງາມຄືທຸກປີຜ່ານມາ, ສ່ວນເຮືອທີ່ຈະເຂົ້າຮ່ວມແຂ່ງຂັນມີແຕ່ເຮືອກິລາຈຳນວນ 12 ລໍາເທົ່ານັ້ນ. ດັ່ງທ່ານ ບຸນໜາ ຜາທຸມມະວົງ ເຈົ້າເມືອງຈັນທະບູລີ  ໃຫ້ຮູ້ວ່າ: ທັງ​ນີ້​ກໍເພື່ອສືບຕໍ່ຈັດຕັ້ງປະຕິບັດຕາມມາດຕະການປ້ອງກັນພະຍາດໂຄວິດ-19 ທີ່ລັດຖະບານວາງອອກ​ໃຫ້​ເຂັ້ມງວດ. ດັ່ງນັ້ນ ງານ​ບຸນ​ປີ​ນີ້​ຈະ​ເນັ້ນດ້ານຮີດຄອງປະເພນີ ແລະ ວັດທະນະທໍາອັນດີງາມຕາມທີ່ເຄີຍປະຕິບັດສືບທອດກັນມາເທົ່ານັ້ນ. ສ່ວນບັນດາຫ້າງຮ້ານທີ່ເຂົ້າຮ່ວມວາງສະແດງສິນຄ້າ ແລະ ຜະລິດຕະພັນຕ່າງໆ ກໍ​ມີໜ້ອຍກວ່າທຸກປີຜ່ານມາ.

ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19 - Wave100S AD to Website 2020 0 - ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19

ຂະນະ​ດຽວ​ກັນ, ທ່ານ ພົຕ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ, ຫົວໜ້າຄະນະຊີ້ນໍາກໍ່ສ້າງຮາກຖານການເມືອງປະຈຳນະຄອນຫຼວງວຽງຈັນ ໄດ້ເນັ້ນໃຫ້ຄະນະພັກ-ຄະນະບັນຊາກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ຕ້ອງເພີ່ມທະວີຄວາມຮັບຜິດຊອບໃນການຊີ້ນຳ-ນໍາພາພະນັກງານ-ນັກຮົບໃນຄວາມຮັບຜິດຊອບຂອງຕົນ ປ້ອງກັນຕິດຕາມສະພາບການຕະຫຼອດ 24 ຊົ່ວໂມງ, ເຄື່ອນໄຫວວຽກງານວິຊາສະເພາະຕາມພາລະບົດບາດໃນການສະກັດກັ້ນ ແລະ ແກ້ໄຂບັນຫາປະກົດການຫຍໍ້ທໍ້ຕ່າງໆ ເປັນຕົ້ນແມ່ນ: ປຸ້ນຊັບ, ຊີງຊັບ, ແຫກກະເປົ່າ ແລະ ອື່ນໆ, ເອົາໃຈໃສ່ກວດກາລຽບຕາມຊາຍແດນ ເພື່ອປ້ອງກັນການລັກລອບເຂົ້າປະເທດ ທັງເປັນການປ້ອງກັນການແຜ່ລະບາດຂອງພະຍາດໂຄວິດ-19 ທີ່ກໍາລັງລະບາດໃນທົ່ວໂລກ ແນໃສ່ຮັບປະກັນໃຫ້ປະຊາຊົນລາວ ແລະ ຊາວຕ່າງປະເທດ ທີ່ມາທ່ຽວງານບຸນງານບຸນອອກພັນສາປະວໍລະນາ ແລະ ງານບຸນຊ່ວງເຮືອທ່າວັດຈັນນີ້ມີຄວາມປອດໄພ.

ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19 - WhatsApp Image 2020 05 27 at 5 - ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19
ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19 - WhatsApp Image 2020 05 27 at 5 - ບຸນອອກພັນສາ ແລະ ຊ່ວງເຮືອປີນີ້ ນະຄອນຫລວງເອົາໃຈໃສ່ປ້ອງກັນໂຄວິດ-19
error: Alert: ເນື້ອຫາຂ່າວມີລິຂະສິດ !!