“ສໍ້ລາດບັງຫຼວງ” ກັບ “ສໍ້ຫຼວງບັງລາດ” ອັນໃດໜັກກວ່າກັນ ?

“ສໍ້ລາດບັງຫຼວງ” ກັບ “ສໍ້ຫຼວງບັງລາດ” ອັນໃດໜັກກວ່າກັນ ? - 555 3 - “ສໍ້ລາດບັງຫຼວງ” ກັບ “ສໍ້ຫຼວງບັງລາດ” ອັນໃດໜັກກວ່າກັນ ?
“ສໍ້ລາດບັງຫຼວງ” ກັບ “ສໍ້ຫຼວງບັງລາດ” ອັນໃດໜັກກວ່າກັນ ? - 174233 - “ສໍ້ລາດບັງຫຼວງ” ກັບ “ສໍ້ຫຼວງບັງລາດ” ອັນໃດໜັກກວ່າກັນ ?

 ໂດຍ: ລູກເມືອງພວນ.

ສັງຄົມເຮົາທຸກມື້ນີ້ ໄດ້ຍິນຢ່າງໜາຫູຄຳວ່າ “ສໍ້ລາດບັງຫຼວງ” ແລະ  “ສໍ້ຫຼວງບັງລາດ” ແຕ່ຫຼາຍຄົນອາດຈະຍັງບໍ່ທັນເຂົ້າໃຈຄວາມໝາຍທີ່ເລິກເຊິ່ງຂອງສອງຄຳເວົ້ານີ້.

ຄຳວ່າ “ສໍ້ລາດບັງຫຼວງ”: ກໍມີຄວາມໝາຍວ່າ ແມ່ນການສວຍໃຊ້ສິດອຳນາດ ໜ້າທີ່ຕຳແໜ່ງ ສໍ້ໂກງເອົາ, ຍັກຍອກເອົາ, ໂລບເອົາ, ຕົວະຕົ້ມເອົາ, ຂົ່ມຂູ່ເອົາ, ປິດບັງ, ເຊື່ອງອຳເອົາ ຊັບສິນ, ເງິນທອງຂອງລາສະດອນ  ມາເປັນຂອງຕົນເອງ. ລາສະດອນກໍຄື ປະຊາຊົນ ນັ້ນເອງ, ໂດຍປິດບັງບໍ່ໃຫ້ລັດ, ໃຫ້ຫຼວງຮູ້ນຳ  ຫຼື ເວົ້າຢ່າງໜຶ່ງແມ່ນປິດບັງບໍ່ໃຫ້ການຈັດຕັ້ງ, ອຳນາດການປົກຄອງຮູ້ຈັກ.

ຄຳວ່າ “ສໍ້ຫຼວງບັງລາດ” ກໍມີຄວາມໝາຍດຽວກັນກັບຂ້າງເທິງ, ໝາຍຄວາມວ່າ ຜູ້ທີ່ມີສິດອຳນາດ, ມີໜ້າທີ່ຕຳແໜ່ງ ສວຍໃຊ້ອຳນາດນັ້ນ, ຕຳແໜ່ງນັ້ນ ບັງຄັບເອົາ, ຂົ່ມຂູ່ເອົາ, ປິດບັງ, ເຊື່ອງອຳເອົາ, ຍັກຍອກ, ສໍ້ໂກງ, ໂລບເອົາຊັບສິນ, ເງິນທອງຂອງລັດຂອງຫຼວງ, ຂອງການຈັດຕັ້ງພັກ-ລັດ, ຂອງສ່ວນລວມ ມາເປັນຂອງຕົນເອງ, ໂດຍປິດບັງບໍ່ໃຫ້ປະຊາຊົນຮູ້ຈັກນຳ.

“ສໍ້ລາດບັງຫຼວງ”ຫຼື “ສໍ້ຫຼວງບັງລາດ” ກໍລ້ວນແຕ່ແມ່ນພຶດຕິກຳ ສ້າງຄວາມເສຍຫາຍໃຫ້ແກ່ປະເທດຊາດບ້ານເມືອງ, ໃຫ້ແກ່ປະຊາຊົນບັນດາເຜົ່າ. ແມ່ນພຶດຕິກຳຂອງນັກສວຍໂອກາດ.

“ສໍ້ລາດບັງຫຼວງ” ກັບ “ສໍ້ຫຼວງບັງລາດ” ອັນໃດໜັກກວ່າກັນ ? - Wave100S AD to Website 2020 0 - “ສໍ້ລາດບັງຫຼວງ” ກັບ “ສໍ້ຫຼວງບັງລາດ” ອັນໃດໜັກກວ່າກັນ ?

ບັນຫາແນວນີ້, ບໍ່ແມ່ນເກີດຂຶ້ນສະເພາະຢູ່ບ້ານເຮົາ ເມືອງເຮົາເທົ່ານັ້ນ, ທຸກປະເທດລ້ວນແຕ່ມີຄືກັນ ຕ່າງແຕ່ວ່າ ລະດັບຂອງມັນແຕກຕ່າງກັນອອກໄປ. ປະເທດຈະເລີນເທົ່າໃດ ວິທີການໂກງກິນກໍຍິ່ງເລິກແລບແນບນຽນເທົ່ານັ້ນ, ບໍ່ໜ້າຕາເສີຍຄືກັນກັບປະເທດດ້ອຍພັດທະນາ.

ຖ້າຖາມວ່າ“ສໍ້ລາດບັງຫຼວງ”ແລະ “ສໍ້ຫຼວງບັງລາດ” ອັນໃດໜັກກ່ວາກັນ. ຄຳຕອບກໍຄືເທົ່າໆກັນຫັ້ນແຫຼະ. ສໍ້ເອົາຂອງລັດຂອງຫຼວງກໍແມ່ນຂອງປະຊາຊົນຫັ້ນແຫຼະ, ເຊັນວ່າ: ໂລບເອົາ, ຫັກເອົາ, ສໍ້ໂກງເອົາ, ຍັກຍອກເອົາເງິນງົບປະມານຂອງລັດ ກໍແມ່ນເງິນພາສີຂອງປະຊາຊົນນັ້ນເອງ…

ເພື່ອເປັນການປ້ອງກັນ ແລະ ປາບປາມບັນຫາດັ່ງກ່າວໃຫ້ນັບມື້ຫຼຸດໜ້ອຍຖອຍລົງ ແລະ ກ້າວໄປເຖິງບ່ອນຢຸດຕິໄດ້ກໍຕ້ອງປະຕິບັດດັ່ງນີ້:

  1. ເພີ່ມທະວີການກວດກາ ໃຫ້ເຂັ້ມແຂງ ມີປະສິດທິພາບ, ບໍ່ເຮັດແບບຜີບ້ານພ້ອມຜີປ່າ.
  2. ສຶກສາອົບຮົມການເມືອງ-ແນວຄິດ, ທິດສະດີປະຕິວັດ, ມູນເຊື້ອຂອງນັກປະຕິວັດຮຸ່ນອາວຸໂສ ສະໄໝປົດປ່ອຍຊາດໃຫ້ພະນັກງານລັດຖະກອນເຫັນໄດ້ຄວາມຈົງຮັກພັກດີ, ຄວາມບໍລິສຸດສັດຊື່ ແລະ ຄວາມເສຍສະຫຼະຂອງພວກເພິ່ນໃຫ້ພະນັກງານຮຸ່ນໜຸ່ມນ້ອຍເຂົ້າໃຈ.
  3. ບັງຄັບໃຊ້ມາດຕະການທາງກົດໝາຍຢ່າງເຂັ້ມງວດ ບໍ່ວັກເວັ້ນແມ່ນແຕ່ຜູ້ໃດທີ່ກະທຳຜິດ.
  4. ໂດຍສະເພາະໄລຍະກອງປະຊຸມໃຫ່ຍ 3 ຂັ້ນຄືແນວນີ້, ຕ້ອງມີການເລືອກເຟັ້ນບຸກຄະລາກອນເຂົ້າໃນຕຳແໜ່ງການນຳຕ້ອງມີຄວາມເຂັ້ມງວດ, ເຄັ່ງຄັດ ເພື່ອເລືອກໃຫ້ໄດ້ຜູ້ທີ່ມີຜົນງານ, ມີຄວາມຮູ້ຄວາມສາມາດ, ບໍລິສຸດຜຸດຜ່ອງຕໍ່ປະເທດຊາດບ້ານເມືອງ. ຫຼີກເວັ້ນການດຶງກັນເຂົ້າມາແບບເປັນພວງທະນັງຄືທີ່ຜ່ານມາ.
“ສໍ້ລາດບັງຫຼວງ” ກັບ “ສໍ້ຫຼວງບັງລາດ” ອັນໃດໜັກກວ່າກັນ ? - WhatsApp Image 2020 05 27 at 5 - “ສໍ້ລາດບັງຫຼວງ” ກັບ “ສໍ້ຫຼວງບັງລາດ” ອັນໃດໜັກກວ່າກັນ ?
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!