ກອງປະຊຸມດ້ານວິຊາການຮ່ວມ ຄັ້ງທີ 4 ລະຫວ່າງ ສປປ ລາວ ແລະ ສະຫະພາບເອີຣົບ

ກອງປະຊຸມດ້ານວິຊາການຮ່ວມ ຄັ້ງທີ 4 ລະຫວ່າງ ສປປ ລາວ ແລະ ສະຫະພາບເອີຣົບ -                                                                                          4 - ກອງປະຊຸມດ້ານວິຊາການຮ່ວມ ຄັ້ງທີ 4 ລະຫວ່າງ ສປປ ລາວ ແລະ ສະຫະພາບເອີຣົບ
ກອງປະຊຸມດ້ານວິຊາການຮ່ວມ ຄັ້ງທີ 4 ລະຫວ່າງ ສປປ ລາວ ແລະ ສະຫະພາບເອີຣົບ - 174233 - ກອງປະຊຸມດ້ານວິຊາການຮ່ວມ ຄັ້ງທີ 4 ລະຫວ່າງ ສປປ ລາວ ແລະ ສະຫະພາບເອີຣົບ

ເມື່ອບໍ່ດົນມານີ້, ສະຫະພາບເອີຣົບ (EU) ແລະ ສປປ ລາວ ໄດ້ຈັດກອງປະຊຸມທາງໄກ ດ້ານວິຊາການຮ່ວມ (JEM) ຄັ້ງທີ 4 ກ່ຽວກັບຂໍ້ຕົກລົງການເຂົ້າເປັນຄູ່ຮ່ວມການຄ້າໄມ້ແບບສະໝັກໃຈ (VPA) ໃນແຜນງານການຈັດຕັ້ງປະຕິບັດກົດໝາຍປ່າໄມ້, ການຄຸ້ມຄອງ ແລະ ການຄ້າໄມ້ (FLEGT) ໂດຍມີບັນດາກະຊວງທີ່ກ່ຽວຂ້ອງ ແລະ ພາກເອກະຊົນເຂົ້າຮ່ວມ ເພື່ອສ້າງລະບົບກວດກາຢັ້ງຢືນຄວາມຖືກຕ້ອງຂອງໄມ້ ແລະ ຜະລິດຕະພັນໄມ້ທີ່ຖືກຕ້ອງຕາມກົດໝາຍທີ່ຂຸດຄົ້ນ ແລະ ສົ່ງອອກໂດຍ ສປປ ລາວ. ສິ່ງເຫລົ່ານີ້ຈະຊ່ວຍສົ່ງເສີມການຄ້າຜະລິດຕະພັນໄມ້ທີ່ຖືກຕ້ອງຕາມກົດໝາຍ, ປັບປຸງການຄຸ້ມຄອງປ່າໄມ້ ແລະ ປະກອບສ່ວນເຂົ້າໃນການສະກັດກັ້ນການຂຸດຄົ້ນໄມ້ທີ່ຜິດກົດໝາຍ.

ຫົວໜ້າກົມປ່າໄມ້ ກະຊວງກະສິກຳ ແລະ ປ່າໄມ້ ​ໃນ​ນາມປະທານຮ່ວມກອງປະຊຸມ ໄດ້ກ່າວວ່າ: ສປປ ລາວ ໄດ້ສະແດງຄວາມຂອບໃຈຕໍ່ການສະໜັບສະໜູນຂອງສະຫະພາບເອີຣົບ ແລະ ລັດຖະບານເຢຍລະມັນຜ່ານອົງການ GIZ  “ໂຄງການປົກປັກຮັກສາ ແລະ ນຳໃຊ້ລະບົບນິເວດປ່າໄມ້ ແລະ ຊີວະນາໆພັນແບບຍືນຍົງ (ProFEB) ເຊິ່ງການສ້າງ ແລະ ປັບປຸງນິຍາມໄມ້ທີ່ຖືກຕ້ອງຕາມກົດໝາຍ ແລະ ບັນດາອົງປະກອບຂອງລະບົບການຄ້ຳປະກັນໄມ້ທີ່ຖືກຕ້ອງຕາມກົດໝາຍທີ່ຍັງຄົງຄ້າງ, ເປັນສ່ວນໜຶ່ງທີ່ສຳຄັນທີ່ສຸດຂອງຂໍ້ຕົກລົງ VPA; ການມີສ່ວນຮ່ວມຂອງຫລາຍພາກສ່ວນກ່ຽວຂ້ອງຈາກລັດຖະບານ, ພາກເອກະຊົນ ແລະ ອົງການຈັດຕັ້ງທາງສັງຄົມເປັນສິ່ງທີ່ສຳຄັນຂອງຂໍ້ຕົກລົງ VPA ລະຫວ່າງ ສປປ ລາວ ແລະ ສະຫະພາບເອີຣົບ, ໃນວຽກງານການເຈລະຈາທີ່ພວມດໍາເນີນການຢ່າງຕໍ່ເນື່ອງ. ນັບແຕ່ກອງປະຊຸມດ້ານວິຊາການຮ່ວມ ຄັ້ງທີ 3 ໃນ ເດືອນມິຖຸນາ 2019, ສປປ ລາວ ໄດ້ປະກາດໃຊ້ກົດໝາຍ ວ່າດ້ວຍທີ່ດິນ ສະບັບປັບປຸງ, ກົດໝາຍວ່າດ້ວຍປ່າໄມ້ ສະບັບປັບປຸງ, ດຳລັດວ່າດ້ວຍການສົ່ງເສີມການປູກໄມ້ເປັນສິນຄ້າ, ດຳລັດວ່າດ້ວຍການປະເມີນຜົນກະທົບຕໍ່ສິ່ງແວດລ້ອມ ລວມທັງບັນດາລະບຽບການທີ່ສຳຄັນອື່ນໆ.

ທ່ານ ນາງ ກໍດານາ ໂທປີກ (Gordana Topic) ພະນັກງານດ້ານນະໂຍບາຍ ຈາກກົມສິ່ງ ແວດລ້ອມ ຂອງສະຫະພາບເອີຣົບ ກ່າວວ່າ:  ພວກເຮົາມີຄວາມຍິນດີຕໍ່ຄວາມຄືບໜ້າໃນການສ້າງ 5 ນິຍາມໄມ້ທີ່ຖືກຕ້ອງຕາມກົດໝາຍຂອງ ສປປ ລາວ ແລະ ຕໍ່ການກະກຽມທີ່ກຳລັງດຳເນີນການທົດລອງ ລະບົບການຄຸ້ມຄອງຕ່ອງໂສ້ການສະໜອງໄມ້ໃນພາກສະໜາມ ແລະ ລະບົບການກວດກາຢັ້ງຢືນຄວາມຖືກຕ້ອງ. ພວກເຮົາຫວັງວ່າ ຜົນໄດ້ຮັບຈາກການເຮັດວຽກໃນຕໍ່ໜ້າກ່ຽວກັບການສ້າງລະບົບຄໍ້າປະກັນໄມ້ທີ່ຖືກຕ້ອງຕາມກົດໝາຍ ​ເຊິ່ງຈະເປັນອົງປະກອບທີ່ສຳຄັນຂອງຂໍ້ຕົກລົງໃນການເຂົ້າເປັນຄູ່ຮ່ວມການຄ້າແບບສະໝັກໃຈ ແລະ ຈະເປັນບາດກ້າວທີ່ສຳຄັນ ເພື່ອກ້າວໄປສູ່ການຄຸ້ມຄອງປ່າໄມ້ທີ່ດີ ແລະ ການຄ້າໄມ້ທີ່ຖືກຕ້ອງຕາມກົດໝາຍທີ່ຈະກໍ່ໃຫ້ເກີດຜົນກະທົບທາງດ້ານບວກຕໍ່ຂະແໜງການປ່າໄມ້ຂອງ ສປປ ລາວ.

ກອງປະຊຸມດ້ານວິຊາການຮ່ວມ ຄັ້ງທີ 4 ລະຫວ່າງ ສປປ ລາວ ແລະ ສະຫະພາບເອີຣົບ - Wave100S AD to Website 2020 0 - ກອງປະຊຸມດ້ານວິຊາການຮ່ວມ ຄັ້ງທີ 4 ລະຫວ່າງ ສປປ ລາວ ແລະ ສະຫະພາບເອີຣົບ
ກອງປະຊຸມດ້ານວິຊາການຮ່ວມ ຄັ້ງທີ 4 ລະຫວ່າງ ສປປ ລາວ ແລະ ສະຫະພາບເອີຣົບ - WhatsApp Image 2020 05 27 at 5 - ກອງປະຊຸມດ້ານວິຊາການຮ່ວມ ຄັ້ງທີ 4 ລະຫວ່າງ ສປປ ລາວ ແລະ ສະຫະພາບເອີຣົບ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!