ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020 -                                                                                                 1              2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020
  1. ຜູ້ນຳ​ຂອງ​ພັກ Republican ​ໄດ້​​ເຮັດ​ເຫີ​ນຫ່າງ​ຈາກ​ປະທານາທິບໍດີ ​ໂດ​ນັລ ທຣຳ ຜູ້​ເຊິ່ງລັງ​ເລ​ທີ່​ຈະ​ກ່າວ​ໂທດ​ຕໍ່​ກຸ່ມ​ຄົນ​ຜິວ​ຂາວ ​ແລະ ກຸ່ມ​ຂວາ​ຈັດ​ໃນ​ລະຫວ່າງ​ການ​ໂຕ້ວາທີ​​ແບບ​ບໍ່​ເປັນ​ທຳ​ກັບ​ທ່ານ ​ໂຈ ​ໄບ​ເດັນ ຜູ້​ທ້າ​ຊີງ​ຂອງ​ທ່ານ​ໃນ​ວັນ​ທີ 30 ກັນຍາ​ຜ່ານ​ມາ. ຂະນະ​ທີ່ ວຸດ​ທິສະມາຊິກ Mitch McConnell ​ແລະ Lindsey Graham ກ່າວ​ວ່າ​ທ່ານ​ຄວນ​ເຮັດ​​ແບບ​ນັ້ນ.

​ໃນສັງຄົມ​ອອນ​ລາຍ Proud Boys ​ເຊິ່ງ​ເປັນ​ກຸ່ມ​ຝ່າຍ​ຂວາ​ຈັດ ​ໄດ້​ສະ​ແດງ​ຄວາມ​ດີ​ໃຈ​ຕໍ່​ຄຳ​ແນະນຳ​ຂອງ​ທ່ານ ທຣຳ ທີ່​ບອກ​ໃຫ້​ພວກ​ທ່ານ​ກຽມພ້ອມ​ສຳລັບ​ບາງ​ຢ່າງ. ຂະນະ​ທີ່ ຄະນະ​ກຳມາ​ທິການ​ທີ່​ຈັດການ​ໂຕ້​ວາທີ​ຄັ້ງນີ້​ກ່າວ​ວ່າ: ຈະ​ມີ​ການ​ປ່ຽນ​ຮູບ​ແບບ​ເພື່ອ​ໃຫ້​ແນ່​ໃຈ​ວ່າການ Debate ​ໃນ​ອະນາຄົດ​ຈະ “​ເປັນ​ລະບຽບ​ຫລາຍ​ຂຶ້ນ” ຫລັງ​ຈາກ​ຄວາມ​ວຸ້ນວາຍ​ໃນ​ວັນ​ທີ 30 ກັນຍາ.

  1. ສຳນັກ​ວາ​ຕິ​ກັນ ​ໄດ້​ປະຕິ​ເສດ​ຄຳ​ຂໍ​ຈາກ Mike Pompeo ລັດຖະມົນຕີ​ຕ່າງປະ​ເທດ​ຂອງ​ອາ​ເມ​ລິ​ກາ ​ເພື່ອ​ເຂົ້າ​ເຝົ້າສົມ​ເດັດ​ສະ​ພັນ​ຕະປາປາ Francis ​ແລະ ​ໄດ້​ກ່າວ​ຫາ​ວ່າ: Pompeo ພະຍາຍາມ​ຈະດຶງ​ເອົາຄຣິສຕະຈັກ​ຄາ​ທໍ​ລິກ​ເຂົ້າ​ໄປ​ມີ​ສ່ວນ​ກ່ຽວ​ຂ້ອງ​ກັບ​ການ​ເລືອກ​ຕັ້ງປະທານາທິບໍດີ​ຂອງ​ປະ​ເທດ ​ໂດຍ​ການ​ວິພາກ​ວິຈານ​ການ​ພົວພັນ​ລະຫວ່າງ​ວາ​ຕິ​ກັນ ​ແລະ ຈີນ.

Pompeo ​ເຊິ່ງ​ໄປ​ຢ້ຽມຢາມ​ວາ​ຕິ​ກັນ​ໃນ​ວັນ​ທີ 30 ກັນຍາ ​ໄດ້​ຮຽກຮ້ອງ​​ໃຫ້​ສັນຕະສຳນັກ (Holy See) ​ເຂັ້ມງວດ​ຫລາຍ​ຂຶ້ນກ່ຽວ​ກັບ​ການ​ຢັບຢັ້ງ​ເສລີພາບ​ທາງ​ສາສະໜາ​ຂອງ​ຈີນ.

  1. ສານ​ໃນ​ອິນ​ເດຍ​ໄດ້​ຍົກ​ຟ້ອງ​ທັງ 32 ຄົນ ລວມທັງ​ຜູ້ນຳ​ລະດັບ​ສູງ​ຂອງ​ພັກ​ຊາດ​ນິຍົມ​ຮິນ​ດູ​ທີ່​ຖືກ​ກ່າວ​ຫາ​ວ່າ​ກໍ່​ອາດຊະຍາ​ກຳ​ກ່ຽວ​ກັບ​ການ​ທຳລາຍ​ມັດ​ສະ​ຢິດ Babri ​ໃນ​ປີ 1992 ​ເຊິ່ງ​ເປັນ​ມັດສະ​ຢິດທີ່​ສ້າງ​ຂຶ້ນນັບ​ແຕ່​ສະ​ໄໝ​ສະຕະວັດ​ທີ 16 ​​ໃນ​ເມືອງ Ayodhya.

ການ​ຮື້ຖອນ​ດັ່ງກ່າວ​ໃນ​ປີ 2000 ​ໄດ້​ເຮັດ​ໃຫ້​ເກີດ​ຄວາມ​ຮຸນ​ແຮງ​ຂຶ້ນ​ໃນ​ກຸ່ມ​ຊາວ​ຮິນ​ດູ-ມຸດສະ​ລິ​ມ ​ແລະ ​ເຮັດ​ໃຫ້​ມີ​ຜູ້​ເສຍ​ຊີວິດ​ເຖິງ 2.000 ຄົນ​. ຂະນະ​ທີ່​ຄຳ​ຕັດສິນ​ຂອງ​ສານ​ດີກາ​ຂອງ​ອິນ​ເດຍ​ໃນ​ປີຜ່ານມາ ​ໄດ້​ປູ​ທາງ​ໃຫ້​ມີ​ການ​ສ້າງ​ວັດ​ຮິນ​ດູ​ໃນ​ພື້ນທີ່​ເກົ່າ​ຂອງ​ມັດ​ນະ​ຢິດດັ່ງກ່າວ.

  1. ການ​ຊື້ຂາຍ​ໃນ​ຕະຫລາດ​ຫລັກ​ຊັບ​ໂຕ​ກຽວ (Tokyo Stock Exchange: TSE) ​ໄດ້​ຢຸດ​ສະ​ງັກລົງ​ໃນ​ວັນ​ທີ 1 ຕຸລາ ຫລັງ​ຈາກ​ເກີດ​ຂໍ້​ຜິດພາດ​ທາງ​ເຕັກນິກ​ຄັ້ງ​ໃຫຍ່​ທີ່​ສຸດ​ໃນ​ປະຫວັດສາດ​ທີ່​ບໍ່​ສາມາດ​ອະທິບາຍ​ໄດ້.

TSE ມີ​ມູນ​ຄ່າ​ປະມານ 6 ລ້ານ​ໂດ​ລາ​ສະຫະລັດ ​ເຊິ່ງມີ​ຂະໜາດ​ໃຫຍ່​ເປັນອັນ​ດັບ 3 ຂອງ​ໂລກ​ຮອງ​ຈາກ New York ​ແລະ Shanghai. ຂະນະ​ທີ່ ການ​ຄ້າຂາຍ​ໃນ Osaka ອາດ​ບໍ່​ໄດ້​ຮັບ​ຜົນ​ກະທົບ​ໃດໆ, ສ່ວນ​ດັດຊະນີ Nikkei ​ເພີ່ມ​ຂຶ້ນ​ເລັກ​ໜ້ອຍ​ຫລັງ​ຈາກ​ວັນ​ທີ 30 ກັນຍາ​ຜ່ານ​ມາ.

  1. ການ​ດຳ​ເນີນ​ງານ​ຂອງ South African Airways ​ເຊິ່ງ​ເປັນ​ຜູ້​ໃຫ້​ບໍລິການ​ຫລັກ​ຂອງ​ພາກພື້ນ​ໄດ້​ຖືກ​ໂຈະ ຫລັງ​ຈາກ​ເງິນສົດ​ຂອງ​ພວກ​ເຂົາ​ໝົດ​ລົງ​. ຂະນະ​ດຽວ​ກັນ AirAsia ​ໄດ້​ປິດ​ກິດຈະການ​ຮ່ວມ​ຄ້າ​ພາຍ​ໃນ​ຍີ່ປຸ່ນ ລວມທັງ​ສາຍ​ການບິນ American ​Airlines ​ແລະ United Airlines ​ເລີ່​ມປົດ​ພະນັກງານ​ຫລາຍ​ກວ່າ 32.000 ຄົນ.

ລາຍ​ງານ​ສະບັບ​ໃໝ່​ຂອງ​ກຸ່ມ​ປະຕິບັດ​ການ​ຂົນ​ສົ່ງ​ທາງ​ອາກາດ (Air Transport Action Group) ​ເຊິ່ງ​ເປັນ​ໜ່ວຍ​ງານການ​ຄ້າ​ກ່າວ​ວ່າ: ວຽກ​ປະມານ 46 ລ້ານ​ຕຳ​ແໜ່​ງ ຈາກ 88 ລ້ານ​ຕຳ​ແໜ່​ງທີ່​ໄດ້​ຮັບ​ການ​ສະໜັບສະໜູນ​ຈາກ​ອຸດສາຫະກຳ​ການບິນ​ທົ່ວ​ໂລກ ອາດ​ຕ້ອງ​ສູນຫາຍ​ໄປ​ເນື່ອງ​ຈາກ​ການລະບາດ​ຂອງ COVID-19.

ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020
  1. ​ເສດຖະກິດ​ຂອງ​ສະຫະຣາຊະ​ອານາຈັກ​ຫລຸດ​ລົງ​ໜ້ອຍ​ກວ່າ​ການ​ຄາດກະ​ໄວ້​ໃນ​ໄຕ​ມາດ​ທີ 2 ຂອງ​ປີ​ນີ້ ຢູ່ 19,8%. ​ເຖິງ​ຢ່າງ​ໃດ​ກໍ​ຕາມ, ການ​ຫລຸດ​ລົງ​ເມື່ອ​ທຽບ​ເປັນ​ໄຕ​ມາດ​ຕໍ່​ໄຕ​ມາດ​ຍັງ​ເປັນ​ສະຖິຕິ​ສູງ​ທີ່ສຸດ​ເປັນ​ປະຫວັດສາດ ​ແລະ ຮຸນ​ແຮງ​ກວ່າ​ປະ​​ເທດ​ເສດຖະກິດ​ຂະໜາດ​ໃຫຍ່​ອື່ນໆ.

​ແລະ ຈາກ​ໂອກາດ​ໃນ​ການ​ໃຊ້​ຈ່າຍ​ທີ່​ໜ້ອຍ​ລົງ ​ເຮັດ​ໃຫ້​ສ່ວນ​ແບ່ງ​ລາຍ​ໄດ້​ທີ່​ຫັກ​ພາສີ​ສ່ວນ​ບຸກຄົນ​ແລ້ວ​ຂອງ​ຄອບຄົວ (Disposable income) ມີ​ການ​ອອກ​ເພີ່ມ​ຂຶ້ນ​ເຖິງ 29,1% ຈາກ 9,6% ​ໃນ​ໄລຍະ​ສາມ​ເດືອນ​ກ່ອນ.

  1. ການ​ປະ​ທ້ວງ​ຫລາຍ​ກວ່າ 100 ຄັ້ງ​ໄດ້​ເກີດ​ຂຶ້ນທົ່ວ Venezuela ນັບ​ແຕ່​ວັນ​ທີ 27 ກັນຍາ​ຜ່ານ​ມາ ​ເຊິ່ງສະ​ແດງ​ໃຫ້​ເຫັນ​ເຖິງ​ການ​ຂາດ​ເຂີນ​ນ້ຳ, ພະລັງງານ ​ແລະ ​ເຊື້ອ​ໄຟ​ພາຍ​ໃນ​ປະ​ເທດ.

​ເຖິງ​ວ່າການ​ຂາດ​ເຂີນ​ດັ່ງກ່າວ​ຈະ​ເປັນ​ເລື່ອງ​ທຳ​ມະ​ດາ​ຂອງ Venezuela ​ແຕ່​ບັນຫາ​ຄື​ມັນ​ໄດ້​ທະວີ​ຄວາມ​ຮຸນ​ແຮງ​ຂຶ້ນຈາກ​ການ​ຢຸດ​ສະ​ງັກ ​ເຊິ່ງ​ເປັນ​ຜົນ​ມາ​ຈາກ COVID-19 ການລົ້ມສະຫລາຍ​ຂອງ​ຂະ​ແໜງ​ນ້ຳມັນ​ຂອງ​ປະ​ເທດ.

ລັດຖະບານ​ບໍ່​ໄດ້​ໃຫ້​ຄວາມ​ເຫັນ​ຢ່າງ​ເປັນ​ທາງ​ການ​ໃນ​ເລື່ອງ​ນີ້ ​ແຕ່​ມີ​ລາຍ​ງານ​ວ່າ​ກອງ​ກຳລັງ​ຮັກສາ​ຄວາມ​ໝັ້ນຄົງ​ໄດ້ຍິງ​ລູກປືນ​ຢາງ ​ແລະ ​ໃຊ້​ແກັສນ້ຳຕາ​ກັບ​ຜູ້​ປະ​ທ້ວງ.

  1. ຣັດ​ເຊຍ​ໄດ້​ສະ​ເໜີ​ຈະ​ຈັດການ​ເຈລະຈາ​ສັນຕິພາບ​ລະຫວ່າງ Azerbaijan​ ​ແລະ Armenia ​ເພື່ອ​ຢຸດ​ການ​ຕໍ່ສູ້​ທີ່​ເຂົ້າ​ໃກ້​ພາວະ​ສົງຄາມ​ເຕັມ​ຮູບ​ແບບ​ໃນ​ພື້ນທີ່​ທີ່​ມີ​ຂໍ້​ຂັດ​ແຍ່ງ​ຄື Nagorno-Karabakh.
ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 1 ຕຸລາ 2020
error: Alert: ເນື້ອຫາຂ່າວມີລິຂະສິດ !!