ໄຂກອງປະຊຸມໃຫຍ່ຄັ້ງທີ VIII ຂອງອົງຄະນະພັກ ແຂວງຫລວງພະບາງ

ໄຂກອງປະຊຸມໃຫຍ່ຄັ້ງທີ viii ຂອງອົງຄະນະພັກ ແຂວງຫລວງພະບາງ -                                                                       4                                               47 - ໄຂກອງປະຊຸມໃຫຍ່ຄັ້ງທີ VIII ຂອງອົງຄະນະພັກ ແຂວງຫລວງພະບາງ
ໄຂກອງປະຊຸມໃຫຍ່ຄັ້ງທີ viii ຂອງອົງຄະນະພັກ ແຂວງຫລວງພະບາງ - Untitled design - ໄຂກອງປະຊຸມໃຫຍ່ຄັ້ງທີ VIII ຂອງອົງຄະນະພັກ ແຂວງຫລວງພະບາງ

ກອງປະຊຸມໃຫຍ່ຄັ້ງທີ VIII ຂອງຜູ້ແທນອົງຄະນະພັກແຂວງຫລວງພະບາງໄດ້ໄຂຂຶ້ນຢ່າງເປັນທາງການ ໃນວັນທີ 2 ຕຸລານີ້ ທີ່ສະໂມສອນໃຫຍ່ ຫ້ອງວ່າການແຂວງ, ໂດຍມີ ສະຫາຍ ທອງລຸນ ສີສຸລິດ ກໍາມະການກົມການເມືອງສູນກາງພັກ, ນາຍົກລັດຖະມົນຕີ, ພ້ອມດ້ວຍຜູ້ແທນສົມບູນ 264 ສະຫາຍ, ຍິງ 30 ສະຫາຍ ທີ່ເປັນຕົວແທນໃຫ້ສະມາຊິກພັກ ໃນທົ່ວແຂວງ 23.909 ສະຫາຍເຂົ້າຮ່ວມ.

ໄຂກອງປະຊຸມໃຫຍ່ຄັ້ງທີ viii ຂອງອົງຄະນະພັກ ແຂວງຫລວງພະບາງ - 009 300x200 - ໄຂກອງປະຊຸມໃຫຍ່ຄັ້ງທີ VIII ຂອງອົງຄະນະພັກ ແຂວງຫລວງພະບາງ

ສະຫາຍ ຄຳຂັນ ຈັນທະວີສຸກ ກຳມະການສູນການພັກ ເລຂາພັກແຂວງ ເຈົ້າແຂວງຫລວງພະບາງ ໄດ້ກ່າວໄຂກອງປະຊຸມ ພ້ອມທັງຜ່ານຮ່າງລາຍງານການເມືອງ ມີບາງຕອນສຳຄັນວ່າ: ກອງປະຊຸມໃຫຍ່ຄັ້ງນີ້, ດຳເນີນພາຍໃຕ້ຄຳຂັວນ: “ຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າຕໍ່ສູ້ ຂອງທົ່ວອົງຄະນະພັກ, ຂຸດຄົ້ນ ແລະ ເສີມຂະຫຍາຍຄວາມອາດສາມາດບົ່ມຊ້ອນ ແລະ ກຳລັງແຮງສັງລວມ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາ ຕາມແນວທາງປ່ຽນແປງໃໝ່ຂອງພັກ, ເຮັດໃຫ້ແຂວງຫລວງພະບາງ ນັບມື້ນັບໜັກແໜ້ນ, ພັດທະນາຕໍ່ເນື່ອງ, ມີຄວາມຍືນຍົງ, ກ້າວສູ່ທັນສະໄໝ ແລະ ຍຸຕິທຳ”.

ໃນບົດລາຍງານໄດ້ຍົກໃຫ້ເຫັນຜົນສຳເລັດຂອງການສ້າງສາພັດທະນາແຂວງຕະຫລອດໄລຍະ 5 ປີ ແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງ, ພາຍໃຕ້ການນໍາພາ-ຊີ້ນໍາ ຂອງຄະນະບໍລິຫານງານພັກແຂວງ ແລະ ບວກກັບຄວາມສາມັກຄີເປັນເອກະພາບ, ຄວາມຕັ້ງໜ້າບຸກບືນ ແລະ ການເຊີດຊູນໍ້າໃຈເປັນເຈົ້າຂອງສະມາຊິກພັກ, ພະນັກງານ, ທະຫານ, ຕໍາຫລວດ ແລະ ປະ ຊາຊົນບັນດາເຜົ່າ ເຮັດໃຫ້ທົ່ວແຂວງມີສະຖຽນລະພາບທາງດ້ານການເມືອງ  ໜັກແໜ້ນ, ສັງຄົມສືບຕໍ່ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍດີຂຶ້ນກວ່າເກົ່າ, ປະກົດການຫຍໍ້ທໍ້ໃນສັງຄົມຫລຸດລົງເປັນກ້າວໆ, ຍ້ອນ ປະຊາຊົນບັນດາເຜົ່າໄດ້ເຊື່ອມຊຶມ ແລະ ເປັນເຈົ້າການ ເຂົ້າຮ່ວມປະຕິບັດແນວທາງ ປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ ແລະ ສອດຫ້ອຍເຂົ້າໃນທຸກຂົງເຂດວຽກງານ ຕິດພັນກັບການກໍ່ສ້າງຮາກຖານການເມືອງ ແລະພັດທະນາຊົນນະບົດຮອບດ້ານ, ສ້າງພື້ນຖານໃຫ້ເສດຖະກິດຂອງແຂວງ ສືບຕໍ່ຂະຫຍາຍຕົວຢ່າງຕໍ່ເນື່ອງ ຕາມທິດທີ່ກໍານົດໄວ້, ຊີວິດການເປັນຢູ່ຂອງປະຊາຊົນ ໄດ້ຮັບການປົວແປງນັບມື້ນັນດີຂຶ້ນ, ມາເຖິງປັດຈຸ ບັນ ປະຊາຊົນຫລາຍທ້ອງຖີ່ນ ໄດ້ດຳເນີນການປູກຝັງ-ລ້ຽງສັດ ຕາມທ່າແຮງ ແລະ ມູນເຊື້ອຂອງແຕ່ລະຄອບຄົວ, ດ້ວຍການນຳໃຊ້ເຕັກນິກວິຊາການໃໝ່, ເປັນຕົ້ນ ການລ້ຽງສັດແບບເປັນລັອກ, ເປັນຟາມ, ການທອມສັດໃຫຍ່ ຕິດພັນກັບການປູກຫຍ້າລ້ຽງສັດ, ການປູກຜັກປອດສານພິດ, ການປູກພືດ, ຕົ້ນໄມ້ອຸດສາຫະກໍາ ແລະ ຕົ້ນໄມ້ໃຫ້ໝາກປະເພດຕ່າງໆ, ເຮັດໃຫ້ມີຜະລິດຕະພັນສິນຄ້າກະສິກໍາ ເພີ່ມຂຶ້ນເພື່ອບໍລິໂພກພາຍໃນ ແລະ ສົ່ງອອກຫລາຍຂຶ້ນ, ພື້ນຖານໂຄງລ່າງແຕ່ລະດ້ານ ໄດ້ຮັບການປັບປຸງ ແລະສ້າງຂຶ້ນໃໝ່ຈຳນວນໜຶ່ງ, ວຽກງານແຕ່ລະຂົງເຂດໄດ້ມີຜົນສໍາເລັດໃໝ່, ເຮັດໃຫ້ລວມຍອດມູນຄ່າຜະລິດ ຕະພັນພາຍໃນ (GDP) ບັນລຸໄດ້ຫລາຍກວ່າ 35.000 ຕື້ກີບ, ສະເລ່ຍ 7.000 ກວ່າຕື້ກີບຕໍ່ປີ, ອັດຕາການຂະຫຍາຍຕົວຂອງເສດຖະກິດ ເພີ່ມຂຶ້ນສະເລ່ຍ 7,3% ຕໍ່ປີ, ສະເລ່ຍລາຍຮັບເພີ່ມຂຶ້ນ ຈາກ 13,9 ລ້ານກ່ວາກີບ ຫລື 1.746 ໂດລາສະຫະລັດຕໍ່ຄົນ ໃນປີ 2016 ມາເປັນ 16,8 ລ້ານກ່ວາກີບ ຫລື 2.110 ໂດລາສະຫະລັດຕໍ່ຄົນ ໃນປີ 2020, ທຽບໃສ່ແຜນການປະຕິບັດໄດ້ 90,87%. ຖັນແຖວສະມາຊິກພັກ ມີຄວາມເຕີບໃຫຍ່ຂະຫຍາຍຕົວ, ມີຄວາມປອດໃສ, ເຂັ້ມແຂງ ແລະ ໜັກແໜ້ນ, ຈໍານວນໜ່ວຍພັກເພີ່ມຂຶ້ນ 92 ໜ່ວຍ, ສະມາຊິກພັກເພີ່ມຂຶ້ນ 3,592 ສະຫາຍ, ຕີລາຄາປະເພດສະມາຊິກພັກ ໄດ້ປະເພດແຂງ ກວມ 76,90%, ໜ່ວຍພັກປອດໃສ, ເຂັ້ມແຂງ, ໜັກແໜ້ນ ກວມ 82,70%, ສັງລວມແລ້ວການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງ ແມ່ນມີຜົນສໍາເລັດຫລາຍດ້ານ, ມີຫລາຍອັນແມ່ນສາມາດບັນລຸໄດ້ລື່ນຄາດໝາຍທີ່ວາງໄວ້, ເຊິ່ງເປັນພື້ນຖານອັນໜັກແໜ້ນ ໃຫ້ແກ່ການກ້າວຂຶ້ນຂອງແຂວງຫລວງພະບາງໃນອະນາຄົດ.

ໄຂກອງປະຊຸມໃຫຍ່ຄັ້ງທີ viii ຂອງອົງຄະນະພັກ ແຂວງຫລວງພະບາງ - Wave100S AD to Website 2020 0 - ໄຂກອງປະຊຸມໃຫຍ່ຄັ້ງທີ VIII ຂອງອົງຄະນະພັກ ແຂວງຫລວງພະບາງ

 

 

ໄຂກອງປະຊຸມໃຫຍ່ຄັ້ງທີ viii ຂອງອົງຄະນະພັກ ແຂວງຫລວງພະບາງ - WhatsApp Image 2020 05 27 at 5 - ໄຂກອງປະຊຸມໃຫຍ່ຄັ້ງທີ VIII ຂອງອົງຄະນະພັກ ແຂວງຫລວງພະບາງ
ໄຂກອງປະຊຸມໃຫຍ່ຄັ້ງທີ viii ຂອງອົງຄະນະພັກ ແຂວງຫລວງພະບາງ - WhatsApp Image 2020 05 27 at 5 - ໄຂກອງປະຊຸມໃຫຍ່ຄັ້ງທີ VIII ຂອງອົງຄະນະພັກ ແຂວງຫລວງພະບາງ
error: Alert: ເນື້ອຫາຂ່າວມີລິຂະສິດ !!