ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ

ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ - 555 11 - ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ
ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ - Untitled design - ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ

ເມື່ອເວົ້າເຖິງພະຍາດມະເຮັງ ຫລາຍຍຄົນລ້ວນມີຄວາມຢ້ານ ແລະ ເມື່ອເປັນພະຍາດນີ້ແລ້ວ ການປິ່ນປົວກໍມັກມີຫລາກຫລາຍຂະບວນການ ກ່ວາຈະປິ່ນປົວເຊົາໄດ້ ທັງຍັງມີຄ່າໃຊ້ຈ່າຍຫລາຍ, ຜົນຂ້າງຄຽງຈາກການປິ່ນປົວກໍບໍ່ໜ້ອຍ ແລະ ມະເຮັງບາງຊະນິດກໍບໍ່ສາມາດປິ່ນປົວໃຫ້ເຊົາຂາດໄດ້. ດັ່ງນັ້ນ, ຈະດີກ່ວາບໍ່ຫາກມື້ນີ້ເຮົາຈະຫັນມາເອົາໃຈໃສ່ກິນອາຫານຕ້ານມະເຮັງໃຫ້ຫລາຍຂຶ້ນ ໂດຍອາຫານຕ້ານມະເຮັງທີ່ຢາກແນະນຳກໍແມ່ນ ຖົ່ວດຳ ເຊິ່ງປະໂຫຍດຂອງຖົ່ວດຳແມ່ນດີຕໍ່ການຕ້ານມະເຮັງໄດ້ຫລາຍຊະນິດ ດັ່ງນີ້ :

  • ຫລຸດຄວາມສ່ຽງຂອງພະຍາດມະເຮັງເຕົ້ານົມ : ຜົນຈາກການສຶກສາພົບວ່າ ໂຟເລດທີ່ມີໃນຖົ່ວດຳໃນປະລິມານຫລາຍນັ້ນ ມີສ່ວນຊ່ວຍໃນການປົກປ້ອງແຊນໃນລະດັບ DNA ແລະ ຍັງມີບົດບາດຊ່ວຍຟື້ນຟູເນື້ອເຍື່ອໃນພາກສ່ວນທີ່ເສື່ອມສະພາບ ທັງຍັງເປັນເກາະປ້ອງກັນແຊນບໍ່ໃຫ້ປ່ຽນໄປເປັນແຊນມະເຮັງໄດ້ນຳ ໂດຍສະເພາະພະຍາດມະເຮັງເຕົ້ານົມ.
  • ຕ້ານມະເຮັງຮັງໄຂ່ : ຖົ່ວດຳມີສັບພະຄຸນໃນການບຳລຸງມ້າມ, ຊ່ວຍໄລ່ຄວາມຊຸ່ມອອກຈາກຮ່າງກາຍ, ບຳລຸງກຳລັງພາກສ່ວນກາງ ຊ່ວຍໃຫ້ລະບົບການເຮັດວຽກໃນຮ່າງກາຍ ໂດຍສະເພາະໃນພາກສ່ວນຂອງລະບົບພູມຕ້ານທານເຮັດວຽກໄດ້ຢ່າງມີປະສິດທິພາບຫລາຍຂຶ້ນ ເຊິ່ງຖືເປັນເກາະປ້ອງກັນການເກີດແຊນຮ້າຍໄດ້. ນອກຈາກນີ້, ຖົ່ວດຳຍັງຊ່ວຍປັບຄວາມດຸ່ນດ່ຽງຮໍໂມນໃນຮ່າງກາຍໄດ້ ຈຶ່ງຊ່ວຍຫລຸດຄວາມສ່ຽງຂອງການເກີດພະຍາດມະເຮັງຮັງໄຂ່ທີ່ມີສາເຫດມາຈາກຄວາມຜິດປົກກະຕິຂອງຮໍໂມນພາຍໃນຮ່າງກາຍໄດ້ເປັນຢ່າງດີ.
  • ປ້ອງກັນມະເຮັງຕັບ :ຖົ່ວດຳຍັງອຸດົມໄປດ້ວຍສານເຊລີນຽມໃນປະລິມານຫລາຍ ສານນີ້ຖືເປັນໄຟໂຕນິວທຣຽນຊະນິດໜຶ່ງທີ່ພົບໄດ້ຫລາຍຈາກຜັກ ແລະ ໝາກໄມ້ທົ່ວໄປ, ແຕ່ສາມາດພົບໄດ້ຈາກຖົ່ວດຳ ໂດຍສານຊະນິດດັ່ງກ່າວຍັງມີຄຸນສົມບັດໃນການປັບຄວາມດຸ່ນດ່ຽງເອັນໄຊໃນຕັບ ແລະ ຍັງຊ່ວຍລ້າງສານພິດຈາກຕັບທີ່ອາດເຮັດໃຫ້ກາຍມາເປັນແຊນມະເຮັງຮ້າຍໄດ້ນຳອີກ ເພາະສະນັ້ນ ການກິນຖົ່ວດຳເປັນປະຈຳຍ່ອມຊ່ວຍປ້ອງກັນການເກີດພະຍາດມະເຮັງຕັບໄດ້ເປັນຢ່າງດີ.
  • ປ້ອງກັນມະເຮັງລຳໄສ້ : ຖົ່ວດຳເປັນທັນຍາພືດທີ່ມີປະໂຫຍດຫລາຍ ເຊິ່ງເປືອກຖົ່ວດຳນັ້ນຍັງຖືເປັນແຫ່ລງສະສົມຂອງສານຟລາໂວນອຍ ສານຕ້ານອະນຸມູນອິດສະລະຈາກທຳມະຊາດ ທີ່ຈະຊ່ວຍຕໍ່ຕ້ານແຊນຮ້າຍໄດ້ ໂດຍມີການວິໄຈໄດ້ຄົ້ນພົບວ່າ ສານຟລາໂວນອຍທີ່ພົບຈາກເປືອກຂອງຖົ່ວດຳຈະມີນຳກັນ 8 ຊະນິດ ສານເຫລົ່ານີ້ລ້ວນແຕ່ມີຄຸນສົມບັດຊ່ວຍປົກປ້ອງແຊນບໍ່ໃຫ້ກາຍພັນໄປເປັນແຊນມະເຮັງຮ້າຍໄດ້ນຳ. ບໍ່ພຽງເທົ່ານັ້ນ ວຽກງານວິໄຈຈາກ Michigan State University ກໍໄດ້ທົດລອງໂດຍໃຫ້ໜູທົດລອງກິນຖົ່ວດຳ ແລະ ກໍພົບວ່າ ຮ່າງກາຍຂອງໜູທົດລອງມີໂອກາດສ່ຽງເປັນມະເຮັງລຳໄສ້ຫລຸດລົງປະມານ 44 – 47% ໂດຍຂຶ້ນຢູ່ກັບປະລິມານຂອງຖົ່ວດຳທີ່ກິນເຂົ້າໄປ ທັງຍັງຄົ້ນພົບວ່າໜູທົດລອງທີ່ໄດ້ກິນຖົ່ວດຳຢ່າງສະໝໍ່າສະເໝີ ໄຂມັນໃນຮ່າງກາຍຍັງມີປະລິມານໜ້ອຍລົງ ໂດຍສະເພາະໄຂມັນຈາກປາຍລຳໄສ້ໃຫຍ່.
  • ຈະເຫັນໄດ້ວ່າປະໂຫຍດຂອງຖົ່ວດຳນັ້ນຫລວງຫລາຍ ໂດຍສະເພາະສັບພະຄຸນໃນການປ້ອງກັນພະຍາດມະເຮັງ ພະຍາດຮ້າຍທີ່ຫລາຍຄົນຢ້ານ, ແຕ່ຈາກນີ້ໄປ ພຽງແຕ່ທ່ານຫັນມາກິນຖົ່ວດຳເປັນປະຈຳ ຮັບຮອງວ່າພະຍາດມະເຮັງຮ້າຍຈະບໍ່ມາໃກ້ຮ່າງກາຍຂອງທ່ານແນ່ນອນ.
ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ - WhatsApp Image 2020 05 27 at 5 - ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ
ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ - WhatsApp Image 2020 05 27 at 5 - ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ
ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ - Wave100S AD to Website 2020 0 - ຖົ່ວດຳ ທີ່ສຸດຂອງອາຫານຕ້ານມະເຮັງໄດ້ຫລາຍຊະນິດ
error: Alert: ເນື້ອຫາຂ່າວມີລິຂະສິດ !!