ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້

ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້ - 555 12 - ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້
ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້ - Untitled design - ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້

ທ່ານຮູ້ຫລືບໍ່ວ່າພະຍາດບາງຊະນິດກໍບໍ່ຈຳເປັນຕ້ອງກິນວິຕາມິນ ຫລື ອາຫານເສີມເພື່ອປ້ອງກັນພະຍາດເຫລົ່ານັ້ນສະເໝີ້ໄປ, ພຽງແຕ່ດື່ມນຳ້ບໍລິສຸດໃຫ້ຫລາຍຂຶ້ນ ກໍຈະເຮັດໃຫ້ທ່ານຫ່າງໄກຈາກພະຍາດຮ້າຍເຫລົ່ານັ້ນໄດ້ແລ້ວ ມາເບິ່ງກັນເລີຍວ່າມີຫຍັງແດ່ :

  1. ຕຸ້ຍ : ຄວາມຕຸ້ຍສາມາດເອີ້ນເປັນພະຍາດຊະນິດໜຶ່ງໄດ້ ເປັນອີກພະຍາດທີ່ສາມາດດື່ມນຳ້ປ້ອງກັນໄດ້ ເພາະເມື່ອເຮົາດື່ມນຳ້ຫລາຍຂຶ້ນ ຈະເຮັດໃຫ້ເຮົາກິນອາຫານໄດ້ໜ້ອຍລົງ ທັງຍັງຊ່ວຍໃຫ້ລະບົບເຜົາຜານເຮັດວຽກໄດ້ຢ່າງມີປະສິດທິພາບຍິ່ງຂຶ້ນນຳອີກ ສະນັ້ນ ຫາກໃຜທີ່ບໍ່ຢາກໃຫ້ຄວາມຕຸ້ຍມາກວນໃຈ ຫລື ມີນຳ້ໜັກເພີ່ມຂຶ້ນຢ່າງໄວວາຈົນໜ້າຕົກໃຈ ລອງດື່ມນຳ້ໃຫ້ຫລາຍຂຶ້ນ ຮັບຮອງວ່າຫ່າງໄກຈາກຄວາມຕຸ້ຍໄດ້ແນ່ນອນ.
  2. ພະຍາດມະເຮັງ : ມະເຮັງເປັນພະຍາດທີ່ສາມາດປ້ອງກັນໄດ້ດ້ວຍການດື່ມນຳ້ໃຫ້ຫລາຍຂຶ້ນ ເພາະນຳ້ຈະຊ່ວຍຊຳລະລ້າງສານກໍ່ມະເຮັງໃຫ້ເຈືອຈາງລົງ ແລະ ໄລ່ອອກມາທາງນຳ້ຍ່ຽວ ແລະ ເຫື່ອ ເຊິ່ງເຖິງວ່າຈະບໍ່ສາມາດປ້ອງກັນພະຍາດມະເຮັງໄດ້ທຸກຊະນິດ, ແຕ່ຢ່າງໜ້ອຍກໍປ້ອງກັນພະຍາດມະເຮັງໄດ້ຫລາຍຄືກັນ ໂດຍສະເພາະມະເຮັງເຕົ້ານົມ ແລະ ມະເຮັງປາກມົດລູກ ເປັນຕົ້ນ.
  3. ພະຍາດຜິວໜັງ : ພະຍາດຜິວໜັງບາງພະຍາດເກີດຈາກການທີ່ຜິວຂອງເຮົາແຫ້ງ ຂາດຄວາມຊຸ່ມຊື່ນ ຈຶ່ງເຮັດໃຫ້ເຊື້ອພະຍາດບາງຊະນິດແຊກເຂົ້າສູ່ຜິວໜັງ ແລະ ທຳຮ້າຍສຸຂະພາບຂອງເຮົາໄດ້ ເຊັ່ນ : ພະຍາດສະເກັດເງິນ ແລະ ພະຍາດຜິວໜັງອັກເສບ ເປັນຕົ້ນ. ດັ່ງນັ້ນ, ຫາກທ່ານບໍ່ຢາກເປັນພະຍາດຜິວໜັງເຫລົ່ານີ້ກໍຄວນດື່ມນຳ້ໃຫ້ຫລາຍຂຶ້ນ ເພື່ອໃຫ້ຜິວມີຄວາມຊຸ່ມຊື່ນຢູ່ຕະຫລອດເວລາ ຈະໄດ້ຫ່າງໄກຈາກພະຍາດຜິວໜັງຫລາຍຂຶ້ນນັ້ນເອງ.
  4. ພະຍາດເບົາຫວານ : ດື່ມນຳ້ຫລາຍໆກໍຊ່ວຍປ້ອງກັນພະຍາດເບົາຫວານໄດ້ຄືກັນ ກໍຍ້ອນນຳ້ຈະຊ່ວຍເຈືອຈາງໃຫ້ລະດັບນຳ້ຕານໃນເລືອດຫລຸດລົງ ແລະ ຮັກສາລະດັບອິນຊູລິນໃຫ້ຄົງທີ່. ດັ່ງນັ້ນ, ເພື່ອປ້ອງກັນຄວາມສ່ຽງພະຍາດເບົາຫວານ ຄວນດື່ມນຳ້ໃຫ້ຫລາຍຂຶ້ນ ແລະ ຕ້ອງເປັນນຳ້ດື່ມບໍລິສຸດເທົ່ານັ້ນ ໂດຍສະເພາະກ່ອນ ແລະ ຫລັງກິນເຂົ້າ ພຽງເທົ່ານີ້ເບົາຫວານນກໍຈະຫ່າງໄກຈາກໂຕທ່ານແລ້ວ.
  5. ອາການປວດຂໍ້ : ເມື່ອຮ່າງກາຍໄດ້ຮັບນຳ້ໜ້ອຍເກີນໄປຈະເຮັດໃຫ້ເນື້ອເຍື່ອບໍລິເວນຂໍ້ຕໍ່ເກີດການອັກເສບ ແລະ ມີອາການປວດຕາມຂໍ້ໄດ້. ດັ່ງນັ້ນ, ເພື່ອສຸຂະພາບທີ່ດີຂຶ້ນ ຄວນດື່ມນຳ້ໃຫ້ຫລາຍໆເພື່ອໃຫ້ນຳ້ໄປຫລໍ່ລ້ຽງເນື້ອເຍື່ອຕ່າງໆໄດ້ຢ່າງເຕັມທີ່ ແລ້ວອາການປວດຕາມຂໍ້ຈະບໍ່ເກີດຂຶ້ນແນ່ນອນ ທັງຍັງຊ່ວຍໃຫ້ເຄື່ອນໄຫວຮ່າງກາຍໄດ້ຢ່າງຄ່ອງແຄ້ວຍິ່ງຂຶ້ນ.
ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້ - Wave100S AD to Website 2020 0 - ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້
ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້ - WhatsApp Image 2020 05 27 at 5 - ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້
ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້ - WhatsApp Image 2020 05 27 at 5 - ພຽງແຕ່ທ່ານດື່ມນຳ້ຫລາຍຂຶ້ນ ກໍປ້ອງກັນ 5 ພະຍາດນີ້ໄດ້
error: Alert: ເນື້ອຫາຂ່າວມີລິຂະສິດ !!