ເພີ່ມຄວາມຮູ້ກ່ຽວກັບວຽກງານກາແດງ ແລະມະນຸດສະທໍາສາກົນໃຫ້ນັກສຶກສາ ມຊ

- advert banner 728 90 728x90 - ເພີ່ມຄວາມຮູ້ກ່ຽວກັບວຽກງານກາແດງ ແລະມະນຸດສະທໍາສາກົນໃຫ້ນັກສຶກສາ ມຊ

ໃນວັນທີ 27 ມິຖຸນານີ້, ອົງການກາແດງລາວໄດ້ຈັດເຜີຍແຜ່ກ່ຽວກັບພາລະບົດບາດຂອງຂະບວນການກາແດງ ແລະ ກົດໝາຍມະນຸດສະທໍາສາກົນໃຫ້ແກ່ຄູອາຈານ ແລ ນັກສືກສາຢູ່ມະຫາວິທະຍາໄລແຫ່ງຊາດ ເພື່ອໃຫ້ເຫັນເຖິງຄວາມສໍາຄັນຂອງອົງການກາແດງສາກົນທີ່ໄດ້ສ້າງຕັ້ງຂຶ້ນໃນວັນທີ 23 ຕຸລາ 1863 ໂດຍທ່ານ ອັງຣີ ດຸນັງ ເປັນຄົນປະເທດສະວິດ, ກາແດງສາກົນ ເປັນອົງການຈັດຕັ້ງທີ່ເປັນເອກະລາດ, ເປັນກາງ ແລະ ເປັນທໍາ, ມີໜ້າທີ່ສະເພາະທາງດ້ານມະນຸດສະທໍາໃນການປົກປ້ອງຊີວິດ ແລະ ສັກສີຂອງຜູ້ໄດ້ຮັບເຄາະຮ້າຍຈາກສົງຄາມ, ມີໜ້າທີ່ປົກປ້ອງໃຫ້ການຊ່ວຍເຫຼືອປະຊາຊົນ, ທະຫານ ແລະ ຜູ້ທີ່ໄດ້ຮັບຜົນກະທົບຈາກສົງຄາມບົນພື້ນຖານຄວາມເອກະລາດເປັນກາງ ແລະ ຊຸກຍູ້ໃຫ້ຄູ່ຂັດແຍ່ງຕ້ອງປະຕິບັດຕາມກົດໝາຍມະນຸດສະທໍາສາກົນ.

- new3 - ເພີ່ມຄວາມຮູ້ກ່ຽວກັບວຽກງານກາແດງ ແລະມະນຸດສະທໍາສາກົນໃຫ້ນັກສຶກສາ ມຊ

ສະເພາະ ສປປ ລາວ ນັບແຕ່ 1975 ສະພາກາຊາດລາວໄດ້ປ່ຽນມາເປັນສະພາກາແດງລາວ 1988-1992 ຂຶ້ນກັບກະຊວງສາທາລະນະສຸກ ແລະ ສະຫວັດດີການສັງຄົມ, ປີ 1992 ປ່ຽນຊື່ມາເປັນອົງການກາແດງລາວ, ປັດຈຸບັນແມ່ນຂຶ້ນກັບກະຊວງແຮງງານ ແລະ ສະຫວັດດີການ ສັງຄົມ, ມີຫ້ອງການກອງຊ່ວຍເຫຼືອບັນເທົາທຸກ ກອງສົ່ງເສີມສຸຂະພາບຊຸມຊົນ ກອງໂຄສະນາ ແລະ ຂົນຂວາຍການກຸສົນ ແລະ ສູນເລືອດແຫ່ງຊາດ, ນອກນີ້ຍັງມີຫ້ອງການກາແດງຢູ່ 17 ແຂວງ ແລະ ນະຄອນຫລວງ ແລະ ກາແດງເມືອງ 95 ແຫ່ງໃນທົ່ວປະເທດ. ສະນັ້ນຈຶ່ງຂໍຮຽກຮ້ອງມາຍັງທຸກພາກສ່ວນສັງຄົມ ຈົ່ງໄດ້ໃຫ້ຄວາມສໍາຄັນຕໍ່ວຽກງານກາແດງ, ໂດຍສະເພາະການປະກອບສ່ວນທາງດ້ານວັດຖຸສິ່ງຂອງ, ທຶນຮອນ ແລະການບໍລິຈາກເລືອດ ເພື່ອຊ່ວຍເຫຼືອຜູ້ທຸກຍາກຂາດເຂີນ ແລະ ຜູ້ເຈັບປ່ວຍໃຫ້ໄດ້ມີຊີວິດການເປັນຢູ່ທີ່ມີຄວາມຫວັງຫລາຍຂື້ນ.

- lattana 1 - ເພີ່ມຄວາມຮູ້ກ່ຽວກັບວຽກງານກາແດງ ແລະມະນຸດສະທໍາສາກົນໃຫ້ນັກສຶກສາ ມຊ
error: Content is protected !!