ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້

ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້ - 555 13 - ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້
ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້ - Untitled design - ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້

ຫລາຍເທື່ອເວລາເຮົາຫວີຜົມ ຫລື ສາງຜົມດ້ວຍມືກໍມັກຈະເຫັນຜົມຫລຸດຫລົ່ນອອກມາຫລາຍເສັ້ນ ຫາກໃຜບໍ່ຢາກໃຫ້ມີບັນຫາຜົມຫລົ່ນຈົນອາດເຮັດໃຫ້ຫົວລ້ານ ຫລື ຜົມບາງ ມື້ນີ້ຄວນຫັນມາກິນອາຫານບຳລຸງຜົມເພື່ອຫລຸດການຂາດຫລົ່ນຂອງເສັ້ນຜົມຈະດີກ່ວາ.

  • ແກ້ບັນຫາຜົມຫລົ່ນ : ເສັ້ນຜົມຂອງຄົນເຮົາຈະປະກອບໄປດ້ວຍໂປຣຕິນເຄີຣາຕິນເປັນຫລັກ ດັ່ງນັ້ນ ຈຳເປັນຢ່າງຍິ່ງທີ່ເຮົາຈະຕ້ອງກິນອາຫານເພື່ອຊ່ວຍເສີມສ້າງໂປຣຕິນໃຫ້ແກ່ຮ່າງກາຍ ທັງນີ້ ໃນພາກສ່ວນຂອງເສັ້ນຜົມກໍຈະໄດ້ຮັບການບຳລຸງໃຫ້ແຂງແຮງ, ຫລຸດບັນຫາຜົມຂາດຫລົ່ນໄດ້ເຊັ່ນດຽວກັນ ໂດຍອາຫານບຳລຸງຜົມ, ຫລຸດການຂາດຫລົ່ນຂອງເສັ້ນຜົມນັ້ນມີດັ່ງນີ້ :
  1. ເຂົ້າ ແລະ ອາຫານທັນຍາພືດ : ໂດຍຫາກິນໄດ້ຈາກເຂົ້າເໝົ້າ, ເຂົ້າກໍ່າ, ເຂົ້າເບລ, ແປ້ງສາລີ, ຖົ່ວຊະນິດຕ່າງໆ, ງາດຳ, ໝາກອຶ, ແກ່ນດອກຕາເວັນ ແລະ ແກ່ນໝາກອຶ.
  2. ຜັກສົດ : ຫາກິນໄດ້ຈາກຜັກກະລໍ່າ, ຜັກບົ່ວໃບ, ໜໍ່ໄມ້ຝຣັ່ງ, ໝາກເດື່ອ, ຜັກສະຫລັດ, ຜັກຫົມ, ໝາກເລັ່ນ, ຫົວຜັກບົ່ວໃຫຍ່ ແລະ ໝາກສະຕໍເບີຣີ.
  3. ວິຕາມິນ A : ແນະນຳປາ (ໄດ້ທັງນຳ້ມັນປາ ແລະ ນຳ້ມັນຕັບປາ), ຫົວກະຫລົດ, ຜັກສີຂຽວເຂັ້ມ ແລະ ເຫລືອງ ລວມເຖິງໝາກໄມ້ຊະນິດຕ່າງໆ ອາຫານເຫລົ່ານີ້ນອກຈາກຈະຊ່ວຍບຳລຸງເສັ້ນຜົມໃຫ້ງາມສຸຂະພາບດີແລ້ວ ຍັງມີສ່ວນຊ່ວຍເສີມສ້າງຜິວໜັງ, ກະດູກ ແລະ ແຂ້ວໃຫ້ແຂງແຮງໄດ້ນຳ.
  4. ໂປຣຕິນ :ແນະນຳໂປຣຕິນຈາກປາ, ເຕົ້າຫູ້, ເຫັດ, ຖົ່ວຊະນິດຕ່າງໆ, ຊີ້ນສັດ, ນົມ, ໂຢເກິດ, ໄຂ່, ຜັກ ແລະ ໝາກໄມ້ ຫາກຮ່າງກາຍໄດ້ຮັບໂປຣຕິນຢ່າງພຽງພໍກໍຍ່ອມຊ່ວຍເສີມສ້າງໂປຣຕິນເຄີຣາຕິນ ເຊິ່ງເປັນໂປຣຕິນສຳຄັນຂອງເສັ້ນຜົມໄດ້ຢ່າງແນ່ນອນ.
  5. ນຳ້ເອັນໄຊ : ອາດຈະເປັນຫົວບີທຣູດຄັ້ນສົດທີ່ປະສົມກັບຫົວຜັກບົ່ວໜ້ອຍໜຶ່ງ ດື່ມອາທິດລະ 2 – 3 ຈອກກາເຟ ຫລື ນຳ້ໝາກກ້ຽງສົດປະສົມນຳ້ຕົ້ມເຂົ້າເໝົ້າ, ເຂົ້າກໍ່າ, ເຂົ້າເບລ ເອົາມາເຮັດເປັນນຳ້ເອັນໄຊເພື່ອສຸຂະພາບດື່ມເປັນປະຈຳມື້ລະ 1 ຈອກກໍໄດ້.
  6. ງາດຳ : ອາຫານຊັ້ນດີຈາກທຳມະຊາດ ບຳລຸງຜົມໃຫ້ງາມສຸຂະພາບດີ ເຊິ່ງງາເມັດນ້ອຍໆແຕ່ເຕັມໄປດ້ວຍທາດຊີລີນຽມ ແລະ ທາດການຊຽມປະລິມານຫລາຍ ໂດຍສະເພາະງາດຳທີ່ເປັນແຫ່ລງຂອງທາດການຊຽມ. ນອກຈາກນີ້, ມັນມີນຳ້ມັນດີໆທີ່ຈະຊ່ວຍໃນເລື່ອງຂອງການບຳລຸງຜົມໄດ້ ເຊິ່ງນຳ້ມັນຊະນິດນີ້ຈະຢູ່ໃນກຸ່ມຂອງເຊຊາໂມລິນ ຫາກກິນງາດຳມື້ລະ 4 ບ່ວງແກງກໍຈະເຮັດໃຫ້ຮ່າງກາຍໄດ້ຮັບປະລິມານທາດການຊຽມ 1.000 ມິນລີກຣາມ ຖືວ່າພຽງພໍຕໍ່ການຊ່ວຍບຳລຸງສຸຂະພາບເສັ້ນຜົມໄດ້ເປັນຢ່າງດີ ແລະ ເມື່ອກິນາດຳແລ້ວ ແນະນຳໃຫ້ກິນງາຂົ້ວແທນງາດິບຈະດີທີ່ສຸດ ເພາະຫາກກິນງາດຳກໍອາດເຮັດໃຫ້ເກີດພິດຕໍ່ຮ່າງກາຍໄດ້ນັ້ນເອງ.
ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້ - WhatsApp Image 2020 05 27 at 5 - ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້
ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້ - WhatsApp Image 2020 05 27 at 5 - ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້
ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້ - Wave100S AD to Website 2020 0 - ອາຫານບຳລຸງຜົມ ແກ້ບັນຫາຜົມຫລົ່ນ ຢາກຜົມງາມສຸຂະພາບດີຕ້ອງກິນທຸກມື້
error: Alert: ເນື້ອຫາຂ່າວມີລິຂະສິດ !!