ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ

ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ - 555 14 - ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ
ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ - Untitled design - ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ

ວັນທີ 27 ກັນຍາແມ່ນວັນທ່ອງທ່ຽວສາກົນທີ່ເປັນໂອກາດໃນການທົບທວນຄືນວ່າການທ່ອງທ່ຽວນັ້ນມີບົດບາດສຳຄັນເທົ່າໃດໃນການຊຸກຍຍູ້ການພັດທະນາເສດຖະກິດ-ສັງຄົມແລະຄຳຂັວນວັນທ່ອງທ່ຽວສາກົນກໍຄື“ການທ່ອງທ່ຽວແລະການພັດທະນາຊົນນະບົດ”.

ເຖິງວ່າການທ່ອງທ່ຽວທົ່ວໂລກຈະໄດ້ຮັບຜົນກະທົບຢ່າງໜັກເນື່ອງຈາກການລະບາດຂອງພະຍາດໂຄວິດ 19 ແຕ່ກໍຍັງເຊື່ອວ່າການທ່ອງທ່ຽວເປັນຂະແໜງການໜຶ່ງທີ່ຈະສາມາດໃນການຊ່ວຍກະຕຸ້ນເສດຖະກິດແລະທັງເປັນເຄື່ອງມືສຳຄັນໃນການພັດທະນາຊົນນະບົດແລະລຶບລ້າງຄວາມທຸກຍາກຂອງປະຊາຊົນສະນັ້ນຄຳຂວັນການທ່ອງທ່ຽວໃນປີນີ້ ຈຶ່ງແມ່ນການທ່ອງທ່ຽວຕິດພັນກັບການພັດທະນາຊົນນະບົດ.

ໃນຫຼາຍທ້ອງຖິ່ນເຂດຊົນນະບົດການທ່ອງທ່ຽວແມ່ນມີບົດບາດສຳຄັນຫຼາຍໃນການປັບປຸງຊີວິດການເປັນຢູ່ຂອງຊາວຊົນນະບົດ, ການທ່ອງທ່ຽວແມ່ນແຫຼ່ງລາຍໄດ້ ສຳຄັນຂອງປະຊາຊົນແຕ່ ເມື່ອເກີດວິກິດການຂອງໂລກເນື່ອງຈາກການລະບາດຂອງພະຍາດໂຄວິດ 19 ນັ້ນເຮັດໃຫ້ ວຽກງານການທ່ອງທ່ຽວທົ່ວໂລກລວມທັງສປປລາວເຮົາເປັນອຳມະພາດຂາດຄວາມຄືກຄື້ນແລະມີຊີວິດຊີວາ.

ອົງການທ່ອງທ່ຽວສາກົນໄດ້ລະບຸວ່າປີ 2020 ການທ່ອງທ່ຽວທົ່ວໂລກຫຼຸດລົງ 60% ເຊິ່ງຕົວເລກນີ້ ກໍຄືກັນກັບສປປລາວທີ່ມີຈຳນວນນັກທ່ອງທ່ຽວຫຼຸດລົງຢ່າງຫຼວງຫຼາຍ. ໃນຄວາມເປັນຈິງແລ້ວການທ່ອງທ່ຽວເປັນແຫຼ່ງລາຍຮັບທີ່ສຳຄັນຂອງສປປລາວ(ອັນດັບ 3 ຮອງຈາກບໍ່ແຮ່ ແລະໄຟຟ້າ) ເຊິ່ງໃນປີ 2019 ຜ່ານມາການທ່ອງທ່ຽວສາມາດສ້າງລາຍຮັບເຂົ້າປະເທດເກືອບ 1 ຕື້ໂດລາແຕ່ມາຮອດ 2020 ພວກເຮົາກໍສູນເສຍລາຍຮັບຈາກການທ່ອງທ່ຽວໄປຢ່າງຫຼວງຫຼາຍ.

ການທ່ອງທ່ຽວແລະພັດທະນາຊົນນະບົດຍິ່ງມີຄວາມສຳຄັນແລະຈຳເປັນຍິ່ງກວ່າເວລາໃດໃນທ່າມກາງທີ່ໄພວ່າງງານເກີດຂຶ້ນທົ່ວທຸກຫົນແຫ່ງ, ການທ່ອງທ່ຽວອາດເປັນຊ່ອງທາງໜຶ່ງທີ່ຈະສາມາດກະຕຸ້ນການພັດທະນາແລະສ້າງວຽກເຮັດງານທຳໃນເຂດຊົນນະບົດ.

ວິກິດມັກນຳໂອກາດມາສະເໝີ! ເນື່ອງຈາກການທ່ອງທ່ຽວລະຫວ່າງປະເທດໄດ້ຢຸດສະຫງັກລົງຈຶ່ງເກີດມີຂະບວນການຊຸກຍູ້ການສົ່ງເສີມການທ່ອງທ່ຽວພາຍໃນປະເທດໃຫ້ຫຼາຍຂຶ້ນ, ຫຼາຍຄົນຍັງບໍ່ຮູ້ຊໍ້າວ່າສປປລາວເຮົາມີບ່ອນທ່ຽວຊົມທີ່ງົດງາມບໍ່ນ້ອຍໜ້າປະເທດອື່ນ.

ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ - Wave100S AD to Website 2020 0 - ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ

ໂຄງການສົ່ງເສີມ“ລາວທ່ຽວລາວ”ໄດ້ເກີດຂຶ້ນໃນຊ່ວງວິກິດໂດຍໄດ້ເຜີຍແຜ່ ຂໍ້ມູນ-ຂ່າວສານກ່ຽວກັບບັນດາແຫຼ່ງທ່ອງທ່ຽວຕ່າງໆ ໃນລາວຮວມທັງແຫຼ່ງທ່ອງທ່ຽວທາງທຳມະຊາດແລະວັດທະນະທຳທີ່ສວຍສົດງົດງາມທີ່ສຸດຜ່ານສື່ສັງຄົມເຊິ່ງກຳລັງໄດ້ຮັບຄວາມສົນໃຈຫຼາຍທີ່ສຸດ.

ການສົ່ງເສີມການທ່ອງທ່ຽວພາຍໃນປະເທດຫຼືລາວທ່ຽວລາວນີ້ ແມ່ນແທດເໝາະກັບຄຳຂັວນວັນທ່ອງທ່ຽວໂລກປີນີ້ ຢູ່ບ່ອນວ່າແຫຼ່ງທ່ອງທ່ຽວສ່ວນຫຼາຍຂອງພວກເຮົາແມ່ນນອນຢູ່ໃນເຂດຊົນນະບົດ, ຖ້າພວກເຮົາສົ່ງເສີມການມີສ່ວນຮ່ວມຂອງປະຊາຊົນຜູ້ທີ່ມີຄວາມຮູ້ ກ່ຽວກັບແຫຼ່ງທ່ອງທ່ຽວທຳມະຊາດແລະວັດທະນະທຳເຫຼົ່ານັ້ນຫຼາຍຂຶ້ນເທົ່າໃດກໍຈະສາມາດປະກອບສ່ວນໃນການພັດທະນາຊົນນະບົດຫຼາຍຂຶ້ນເທົ່ານັ້ນ.

ເພາະສະນັ້ນການຫັນທິດເອົາການພັດທະນາຊົນນະບົດຕິດພັນກັບການສົ່ງເສີມການທ່ອງທ່ຽວນັ້ນແມ່ນສອດຄ່ອງກັບສະພາບປັດຈຸບັນຫັນເອົາທ່າແຮງຂອງລາວກ້າວສູ່ຄວາມເຂັ້ມແຂງຍູ້ແຮງການທ່ອງທ່ຽວພາຍໃນ.

ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ - WhatsApp Image 2020 05 27 at 5 - ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ
ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ - WhatsApp Image 2020 05 27 at 5 - ວັນທ່ອງທ່ຽວສາກົນ: ການທ່ອງທ່ຽວແລະການພັດທະນາຊົນນະບົດ
error: Alert: ເນື້ອຫາຂ່າວມີລິຂະສິດ !!