7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ

7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ - 555 16 - 7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ
7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ - Untitled design - 7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ
  • ໃຊ້ແປງປັດຂົນຕາເປັນປະຈຳ : ແປງປັດຂົນຕາ ສາວໆສາມາດໃຊ້ແປງມາສຄາຣາເກົ່າ ເອົາມາລ້າງໃຫ້ສະອາດແລ້ວໃຊ້ແປງປັດຂົນຕາ ໂດຍໃນຕອນເຊົ້າຈະປັດກ່ອນປັດມາສຄາຣາໃສ່ 1 ນາທີ ແລະ ໃນຕອນແລງ ຫລັງຈາກລ້າງເຄື່ອງສຳອາງອອກແລ້ວກໍປັດອີກເທື່ອໜຶ່ງ (ຄ້າຍຄືກັບການຫວີຜົມ) ວິທີນີ້ຈະຊ່ວຍກະຕຸ້ນການໄຫລວຽນຂອງເລືອດບໍລິເວນກົກຂົນຕາ ເຮັດໃຫ້ຂົນຕາຍາວຂຶ້ນໄດ້.
  • ນວດເປືອກຕາ ແລະ ຂົນຕາດ້ວຍນໍ້າມັນໝາກພ້າວ : ໃຜທີ່ໃຊ້ນຳ້ມັນໝາກພ້າວ ກ່ອນນອນໃຫ້ເທນຳ້ມັນໝາກພ້າວປະມານ 1 – 2 ຢອດ ແລ້ວໃຊ້ປາຍນິ້ວນວດຖູບໍລິເວນເປືອກຕາ ກະຕຸ້ນການໄຫລວຽນຂອງເລືອດ ແລະ ຂົນຕາເບົາໆ ເປັນເວລາ 1 ນາທີທັງສອງເບື້ອງ. ນຳ້ມັນໝາກພ້າວມີວິຕາມິນ E ຊ່ວຍໃຫ້ຂົນຕາຍາວຂຶ້ນ ແລະ ແຂງແຮງຂຶ້ນໄດ້.
  • ປັດຂົນຕາດ້ວຍໂລຊັ່ນທີ່ມີວິຕາມິນ E : ລອງແນມຫາໂລຊັ່ນທີ່ມີສ່ວນປະສົມສຳຄັນເປັນວິຕາມິນ E ຫລື ຈະຫານຳ້ມັນທີ່ມີວິຕາມິນ E ຫລາຍໆ ເຊັ່ນ : ນຳ້ມັນດອກຕາເວັນ, ນຳ້ມັນໝາກພ້າວກໍໄດ້ຄືກັນ ມາໃຊ້ ໂດຍຈະໃຊ້ແປງມາສຄາຣາເກົ່າຈຸ່ມກັບນຳ້ມັນກ່ອນເອົາມາປັດຂົນຕາ ເຮັດເປັນປະຈຳເຊົ້າ ແລະ ກ່ອນນອນ ກໍຊ່ວຍໃຫ້ຂົນຕາຍາວແບບເປັນທຳມະຊາດ.
  • ທາວາສລີນລົງເທິງຂົນຕາກ່ອນນອນ :ອີກທາງເລືອກຂອງຄົນທີ່ຢາກຂົນຕາຍາວງາມ ລອງໃຊ້ສຳລີກ້ານ ຫລື ຈະໃຊ້ນິ້ວມືເລີຍກໍໄດ້ ແຕະວາສລີນກ່ອນ ແລ້ວເອົາມາທາລົງເທິງຂົນຕາ ໂດຍຈະບໍ່ໃຫ້ຖືກກົກຂົນຕາຫລາຍເກີນໄປ ເພາະຈະເຮັດໃຫ້ໜັກຕາ ເຮັດທຸກຄືນກ່ອນນອນ ກໍຈະຊ່ວຍໃຫ້ຂົນຕາຍາວ ແລະ ໜາງາມໄດ້.
  • ໃຊ້ເຊລໍ່າບຳລຸງຂົນຕາເຊົ້າ – ແລງ :ຫລື ຈະເລືອກໃຊ້ເຊລໍ່າບຳລຸງຂົນຕາເລີຍກໍໄດ້ ເຊິ່ງຕອນນີ້ສາມາດຫາຊື້ໄດ້ຕາມຮ້ານຂາຍເຄື່ອງສຳອາງຊັ້ນນຳ ຫລື ຮ້ານອອນລາຍໄດ້ງ່າຍແລ້ວ ໂດຍຈະໃຊ້ເຊລໍ່າບຳລຸງຂົນຕາເປັນປະຈຳ ເຊົ້າ ແລະ ກ່ອນນອນ ເຊລໍ່າທີ່ມີສ່ວນປະສົມຂອງວິຕາມິນ E ຈະຊ່ວຍເລັ່ງໃຫ້ຂົນຕາຍາວງາມໄດ້ງ່າຍຂຶ້ນ.
  • ເຊັດຂົນຕາດ້ວຍ Remover ເພື່ອເຮັດຄວາມສະອາດ :ຫລັງຈາກກັບຮອດເຮືອນໃນຕອນແລງແລ້ວ ຢ່າລືມໃຊ້ Remover ເຊັດເຄື່ອງສຳອາງບໍລິເວນດວງຕາອອກໃຫ້ໝົດ ເພື່ອປ້ອງກັນສິ່ງເປິເປື້ອນຕົກຄ້າງ ແລະ ຍັງເປັນການຊ່ວຍໃຫ້ຂົນຕາສາມາດປົ່ງໄດ້ງ່າຍຂຶ້ນ ແລະ ແຂງແຮງໂດຍບໍ່ຕ້ອງພົບສິ່ງເປິເປື້ອນອັດຕັນ ຂົນຕາກໍຈະຍາວ ແລະ ໜາຂຶ້ນແບບເປັນທຳມະຊາດໄດ້.
  • ກິນອາຫານທີ່ມີໂປຣຕິນຫລາຍ : ນອກຈາກນີ້ ອາຫານການກິນກໍເປັນການບຳລຸງຮ່າງກາຍ ເຮັດໃຫ້ພາກສ່ວນຕ່າງໆຂອງຮ່າງກາຍຈະເລີນເຕີບໃຫຍ່ໄດ້ດີ ໂດຍຫາກຢາກໃຫ້ຂົນຕາຍາວ ແລະ ໜາ ລອງກິນອາຫານທີ່ມີໂປຣຕິນຫລາຍ ເຊັ່ນ : ໄຂ່, ຖົ່ວ ຫລື ຊີ້ນ ແລະ ປາໃນປະລິມານທີ່ພໍດີ ຈະເຮັດໃຫ້ຂົນຕາຍາວຂຶ້ນໄດ້. ນອກຈາກຂົນຕາແລ້ວ ເສັ້ນຜົມ ແລະ ເລັບກໍຈະແຂງແຮງຂຶ້ນນຳ.
7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ - Wave100S AD to Website 2020 0 - 7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ
7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ - WhatsApp Image 2020 05 27 at 5 - 7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ
7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ - WhatsApp Image 2020 05 27 at 5 - 7 ເຕັກນິກເລັ່ງຂົນຕາຍາວ ໃຫ້ຕາຫວານທຳມະຊາດ
error: Alert: ເນື້ອຫາຂ່າວມີລິຂະສິດ !!