ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້

ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້ - 555 18 - ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້
ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້ - Untitled design - ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້

ການເລືອກຊື້ຢາງລົດບໍ່ແມ່ນແຕ່ເລື່ອງຫຍັງກໍໄດ້ ແຕ່ຕ້ອງເອົາໃຈໃສ່ ແລະ ເລືອກໃຊ້ງານໃຫ້ເໝາະສົມກັບການຂັບຂີ່ ເພາະຢາງລົດມີໜ້າທີ່ໃນການຂັບເຄື່ອນເທິງພື້ນຜິວຖະໜົນ ແລະ ແບກຮັບນຳ້ໜັກຂອງລົດ ລວມໄປເຖິງສິ່ງຂອງຕ່າງໆທີ່ຖືກບັນທຸກເອົາໄວ້ ຫາກເລືອກຢາງທີ່ບໍ່ໄດ້ຄຸນນະພາບມາດຕະຖານ ຫລື ບໍ່ຕອບສະໜອງກັບການໃຊ້ງານຍ່ອມເກີດອຸປະຕິເຫດເລັກໆນ້ອຍໆ ຈົນໄປເຖິງຂັ້ນຮ້າຍແຮງທີ່ບໍ່ຄາດຄິດຕໍ່ເພື່ອນຮ່ວມທາງ ແລະ ໂຕທ່ານເອງໄດ້ຕະຫລອດເວລາ. ສຳລັບມື້ນີ້ພວກເຮົາຈະມາບອກຕໍ່ 3 ເຕັກນິກໃນການເລືອກຊື້ຢາງລົດແນວໃດໃຫ້ໄດ້ຄຸນນະພາບແລະ ກຸ້ມຄ່າຫລາຍທີ່ສຸດ ມາເບິ່ງກັນເລີຍວ່າມີຫຍັງແດ່.

  • ລັກສະນະການໃຊ້ງານໃນຊີວິດປະຈຳວັນ : ຢາງແຕ່ລະລຸ້ນຖືກອອກແບບມາໃຫ້ຕອບໂຈດການໃຊ້ງານກັບລົດແຕ່ລະປະເພດແຕກຕ່າງກັນອອກໄປ ເຮັດໃຫ້ການເລືອກຊື້ຢາງລົດຕ້ອງຄຳນຶງເຖິງການຂັບຂີ່ໃນຊີວິດປະຈຳວັນເປັນຫລັກ ເພື່ອເພີ່ມປະສິດທິພາບແລະ ຕື່ມເຕັມສະມັດຖະນະໃຫ້ລົດຂອງທ່ານນັ້ນສົມບູບແບບຫລາຍຍິ່ງຂຶ້ນ ສິ່ງສຳຄັນຍັງເຮັດໃຫ້ຢາງມີອາຍຸການໃຊ້ງານທີ່ຍາວນານ ແລະ ກຸ້ມຄ່ານຳອີກ.
  • ຂະໜາດຂອງຢາງທີ່ເໝາະສົມກັບການໃຊ້ງານ : ຂະໜາດຂອງຢາງເປັນອີກໜຶ່ງສິ່ງສຳຄັນທີ່ຕ້ອງເລືອກໃຊ້ງານໃຫ້ເໝາະສົມ ຫາກເນັ້ນໃຊ້ງານປົກກະຕິທົ່ວໄປໃຫ້ເລືອກຂະໜາດທຽບເທົ່າ ຫລື ໃກ້ຄຽງກັບຢາງເສັ້ນເກົ່າຫລາຍທີ່ສຸດ, ແຕ່ຖ້າເປັນສາຍລຸຍຂັບເຄື່ອນ 4 ລໍ້ ຫລື 4X4 ຄວນເລືອກຂະໜາດຢາງໃຫ້ຕອບໂຈດກັບສະພາບແວດລ້ອມ ແລະ ພື້ນຜິວຖະໜົນທີ່ຈະນຳໄປໃຊ້ງານ ຫາກເລືອກຂະໜາດຢາງທີ່ເໝາະສົມຍັງຊ່ວຍຕັດບັນຫາຕ່າງໆທີ່ຈະຕາມມາໄດ້ເປັນຢ່າງດີ ເຊັ່ນ : ຢາງຕິດຊຸ້ມລໍ້ທີ່ມາຈາກສາເຫດໃນການເລືອກໃຊ້ຢາງໜ້າກ້ວາງກ່ວາປົກກະຕິ, ຄວາມແຂງກະດ້າງໄຮ້ຄວາມນຸ້ມນວນທີ່ເກີດຈາກການໃຊ້ຢາງແກ້ມເຕ້ຍກ່ວາປົກກະຕິ ລວມໄປເຖິງໃນເລື່ອງຂອງຄວາມໄວທີ່ຜິດດ່ຽງ ເຊິ່ງບັນຫາເຫລົ່ານີ້ຍັງສົ່ງຜົນໃຫ້ຢາງລົດເສື່ອມສະພາບກ່ອນເວລາອັນຄວນໄດ້ນຳ.
  • ເລືອກຮ້ານຂາຍຢາງທີ່ໜ້າເຊື່ອຖືມີຄຸນນະພາບມາດຕະຖານ : ຮ້ານຂາຍຢາງໃນປັດຈຸບັນມີໃຫ້ເລືອກໃຊ້ບໍລິການຢ່າງຫລວງຫລາຍ ທັງຍັງມີໂປຣໂມຊັນຫລຸດລາຄາທີ່ລໍ້ຕາລໍ້ໃຈໃຫ້ເຂົ້າໄປໃຊ້ບໍລິການຢ່າງຍິ່ງ ກ່ອນຕັດສິນໃຈຈົກເງິນໃນກະເປົ໋າເພື່ອປ່ຽນຢາງໃນແຕ່ລະເທື່ອ ຄວນກວດເຊັກສະພາບຢາງໃຫ້ລະອຽດຈະແຈ້ງ ບໍ່ວ່າຈະເປັນວັນເດືອນປີທີ່ຜະລິດ, ສະພາບຂອງຢາງອ້ອມໆ ແລະ ຍີ່ຫໍ້ ວ່າສົມເຫດສົມຜົນກັບລາຄາຫລືບໍ່ ເພາະບາງຮ້ານຈະເອົາຢາງເກົ່າທີ່ໃຫ້ໝົດອາຍຸມາຍ້ອມແມວປ່ຽນໃຫ້ທ່ານໄດ້ເຊັ່ນກັນ ເພື່ອຄວາມກຸ້ມຄ່າ ແລະ ປອດໄພ ຕ້ອງບໍ່ລືມກວດເຊັກໃຫ້ດີກ່ອນທຸກເທື່ອ.
  • ຢາງລົດເປັນສ່ວນປະກອບສຳຄັນທີ່ບໍ່ຄວນຖືເບົາໃນການດູແລ ແລະ ສັງເກດອາການຜິດປົກກະຕິຕ່າງໆຢ່າງສະໝໍ່າສະເໝີ ເພາະຫລາຍເທື່ອຫລາຍທີອຸປະຕິເຫດທີ່ເກີດຈຶ້ນມາຈາກບັນຫາເລື່ອງຢາງລົດເປັນຈຳນວນບໍ່ໜ້ອຍ. ນອກຈາກນີ້ຫາກເລືອກໃຊ້ຢາງທີ່ໄດ້ຄຸນນະພາບມາດຕະຖານຈະເຮັດໃຫ້ການຂັບຂີ່ປອດໄພ ແລະ ມີປະສິດທິພາບແລ້ວ ຍັງຊ່ວຍປະຢັດນຳ້ມັນ, ຍຶດຈັບພື້ນຖະໜົນໄດ້ດີ ແລະ ຍືດອາຍຸການໃຊ້ງານໃຫ້ຢາງໄດ້ດົນຫລາຍຂຶ້ນນຳອີກ.
  • ຫວັງວ່າເຕັກນິກໃນການເລືອກໃຊ້ຢາງຂ້າງເທິງຈະຊ່ວຍໃຫ້ໃຜຫລາຍຄົນເລືອກຢາງໄດ້ຢ່າງກຸ້ມຄ່າ ແລະ ໄດ້ຄຸນນະພາບມາດຕະຖານ ສິ່ງສຳຄັນຕອບໂຈດການໃຊ້ງານໄດ້ສົມບູນແບບຫລາຍຍິ່ງຂຶ້ນ.
ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້ - Wave100S AD to Website 2020 0 - ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້
ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້ - WhatsApp Image 2020 05 27 at 5 - ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້
ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້ - WhatsApp Image 2020 05 27 at 5 - ມືໃໝ່ຕ້ອງຮູ້ ຢາກຊື້ຢາງລົດມີຄຸນນະພາບຕ້ອງເຮັດຕາມນີ້
error: Alert: ເນື້ອຫາຂ່າວມີລິຂະສິດ !!