4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ

4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ. -                       - 4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ
4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ. - Untitled design - 4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ

ລົມໜາວໃກ້ເຂົ້າມາແລ້ວ ສາວໆຫລາຍຄົນຄົງຈະເລີ່ມກັງວົນກັບສຸຂະພາບຜິວຂອງຕົນເອງກັນຫລາຍຂຶ້ນ ບໍ່ວ່າຈະເປັນບັນຫາຜິວແຫ້ງ, ຜິວລອກເປັນເກັດ ຫລື ບັນຫາຮອຍຫ່ຽວຍານທີ່ມັກຈະມາພ້ອມກັບຜິວແຫ້ງຂາດຄວາມຊຸ່ມຊື່ນສະເໝີ. ສະນັ້ນ, ບໍ່ແມ່ນເລື່ອງໜ້າກັງວົນອີກຕໍ່ໄປ ພຽງແຕ່ທ່ານກຽມພ້ອມກັບການດູແລຜິວເພື່ອຕ້ອນຮັບຍາມໜາວທີ່ຈະມາເຖິງນີ້ ບັນຫາເຫລົ່ານັ້ນກໍຈະບໍ່ເກີດຂຶ້ນແນ່ນອນ ມາເບິ່ງກັນເລີຍວ່າມີວິທີໃດແດ່.

4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ. - Wave100S AD to Website 2020 0 - 4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ
  1. ໝັ່ນທາຄຣີມບຳລຸງຜິວຢູ່ສະເໝີ : ເພາະຍາມໜາວຜິວຈະຂາດຄວາມຊຸ່ມຊື່ນໄດ້ງ່າຍ ເຮັດໃຫ້ຜິວແຫ້ງ ແລະ ລອກເປັນເກັດໄດ້ໃນທີ່ສຸດ. ດັ່ງນັ້ນ, ການບຳລຸງຜິວດ້ວຍການທາຄຣີມບຳລຸງຜິວຢູ່ສະເໝີຈຶ່ງມີຄວາມສຳຄັນເປັນຢ່າງຍິ່ງ ເພາະຈະຊ່ວຍຕື່ມຄວາມຊຸ່ມຊື່ນໃຫ້ແກ່ຜິວໄດ້ດີນັ້ນເອງ ໂດຍໃຫ້ເລືອກຄຣີມບຳລຸງຜິວທີ່ມີສ່ວນປະສົມຂອງມອຍເຈີໄຣເຊີ ແລະ ວິຕາມິນເຊ ທາເລື້ອຍໆ ໂດຍສະເພາະຫລັງຈາກອາບນຳ້ແລ້ວ ເນື້ອຄຣີມຈະຊຶມເຂົ້າສູ່ຜິວງ່າຍຂຶ້ນ ພ້ອມການບຳລຸງຢ່າງເລິກເຊິ່ງກ່ວາການທາໃນເວລາອື່ນ.
  2. ບໍ່ຂັດຜິວຫລາຍເກີນໄປ : ການຂັດຜິວຈະຊ່ວຍຜັດປ່ຽນແຊນຜິວເກົ່າທີ່ຕາຍແລ້ວໃຫ້ຫລຸດອອກ ແລະ ເຜີຍຜິວໃໝ່ທີ່ຂາວສົດໃສກ່ວາເກົ່າກໍແມ່ນ, ແຕ່ໃນຂະນະດຽວກັນກໍເຮັດໃຫ້ຜິວແຫ້ງ, ຂາດຄວາມຊຸ່ມຊື່ນນຳ ໂດຍສະເພາະໃນຍາມໜາວທີ່ມັກຈະເຮັດໃຫ້ຜິວແຫ້ງໄດ້ງ່າຍຢູ່ແລ້ວ. ດັ່ງນັ້ນເພື່ອຜິວງາມ ທ່ານຄວນຫລີກເວັ້ນການຂັດຜິວຫລາຍເທື່ອເກີນໄປ, ແຕ່ໃຫ້ຂັດພຽງແຕ່ອາທິດລະເທື່ອກໍພໍ.
  3. ເນັ້ນກິນຜັກ ແລະ ໝາກໄມ້ທີ່ໃຫ້ວິຕາມິນເຊຫລາຍໆ : ເພື່ອຜິວງາມສົດໃສ ອົມບົວ ເຖິງຈະຕ້ອງສຳຜັດກັບອາກາດໜາວເຢັນປານໃດ ຄວນກິນຜັກ ແລະ ໝາກໄມ້ທີ່ມີວິຕາມິນເຊຫລາຍໆ ເຊັ່ນ : ໝາກກ້ຽງ, ໝາກຫຸ່ງ, ຫົວກະຫລົດ, ໝາກນາວ, ໝາກຍົມ, ໝາກຂາມ ເປັນຕົ້ນ ທັງນີ້ກໍຍ້ອນວິຕາມິນເຊຈະຊ່ວຍກະຕຸ້ນຄໍລາເຈັນໃນຊັ້ນຜິວໃຫ້ເພີ່ມຫລາຍຂຶ້ນ ແລະ ບຳລຸງຜິວໃຫ້ນຸ້ມ ທັງຍັງຊ່ວຍໃຫ້ຜິວມີຄວາມແຂງແຮງ ປົກປ້ອງຜິວຈາກສະພາບອາກາດທີ່ເຢັນໆນຳອີກ.
  4. ອາບນຳ້ເຢັນເທົ່ານັ້ນ : ຫລາຍຄົນອາດຈະເກີດຄວາມຮູ້ສຶກຂັດໃຈ ເພາະອາກາດມັນໜາວເຢັນຈະໃຫ້ອາບນຳ້ເຢັນໄດ້ແນວໃດ. ແມ່ນແລ້ວ ຖ້າທ່ານຍັງຢາກມີຜິວທີ່ງາມສົດໃສ ແລະ ນຸ້ມຕະຫລອດຍາວໜາວ ກໍຕ້ອງຝືນໃຈອົດອາບນຳ້ເຢັນໄປກ່ອນ ເພາະນຳ້ອຸ່ນຈະເຮັດໃຫ້ຜິວຍິ່ງແຫ້ງ ແລະ ລອກ, ຂາດຄວາມຊຸ່ມຊື່ນຫລາຍກ່ວາເກົ່າ. ທາງທີ່ດີອາບນຳ້ເຢັນເພື່ອຖະໜອມຜິວຈະດີກ່ວາ.
4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ. - WhatsApp Image 2020 05 27 at 5 - 4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ
4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ. - WhatsApp Image 2020 05 27 at 5 - 4 ຂໍ້ຄວນເຮັດ ເພື່ອຜິວງາມຕ້ອນຮັບລົມໜາວ
error: Alert: ເນື້ອຫາຂ່າວມີລິຂະສິດ !!